Yoˇhaˬ 6:24 - Akha

²⁴ Yeˬsuˇ maˬ ehˇ, aˬ yawꞈ-euˬ zaˬ lahˇ deuˬ maˬ ehˇ, kʼoeˇ gaˇ maˬ paˇ jawˇ-euˬ gaˇ tsawˇ haˬ aˇ maꞈ kʼoeˇ maꞈ ya mawˇ ngeh, Yeˬsuˇ-ahˇ poˆ-iˇ-eu gʼaˇ duˬ, lawˬ kʼoeˇ deuˬ-ahˇ dziˬ-awˇ Gaˬbeˬneˬoˬ meuˬ-ahˇ iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Khoerngae, Yeqsur hawr-eu aqyawf-euq zaqlanr deuq heugar maqpar jawr-eu ngar-a laer tsawrhaq armaf mafma khoermaf yasiq-awr, lawq khoerdeuq-anr urler-awr, Yeqsur-anr povle-eu laer Gaqbeqneqoq-anr oe-euq mae.

Yoˇhaˬ 6:24 ပူးပေါင်းရင်းမြစ်များ

Maꞈtehˬ 14:34

Aˬ yawꞈ maꞈ lah tsehˆ doˆ-awˇ, Geˬneˬsaˬlehˇ miˇ kʼahˬ-ahˇ le-euˬ meh.

Maˬkuˆ 1:37

Aˬ yawꞈ maꞈ aˬ yawꞈ-ahˇ mawˇ ngeh, “Tsawˇ haˬ yawˬ gʼaˬ na luꞈ nawˬ-ahˇ poˆ luꞈ meh” lehˇ ehˇ nehˬ-euˬ meh.

Maˬkuˆ 6:53

Aˬ yawꞈ maꞈ lah tsehˆ doˆ-awˇ, Geˬneˬsaˬlehˇ miˇ kʼahˬ-ahˇ iˇ keuˆ ngeh, lawˬ paꞈ tawꞈ yaꞈ-euˬ meh.

Luˇkaꞈ 8:40

Yeˬsuˇ lah nui baˬ-ahˇ gʼoꞈ keuˆ-iˇ ngeh, tsawˇ haˬ aˇ maꞈ aˬ yawꞈ-ahˇ laˬ kʼaˬ tiˬ cehˇ ha-euˬ meh. Aˬ jeˬ miˇ neh ehˇ naˇ, aˬ yawꞈ maꞈ aˬ yawꞈ-ahˇ dawˬ luꞈ gaˇ tsaˬ leˇ-euˬ meh.

Yoˇhaˬ 20:15

Yeˬsuˇ aˬ yawꞈ-ahˇ ehˇ nehˬ-eu, “Zaˬ miˬ aˬ buˇ-oˇ, aˬ jeˬ miˇ neh ngoeˇ te. Nawˇ aˬ suˇ gʼaˬ-ahˇ poˆ luꞈ te.” Yeˬsuˇ-ahˇ yaˇ kmˇ laˆ saˆ-eu tsawˇ haˬ nga lehˇ duˇ-awˇ ehˇ-eu, “Aˬ yuiꞈ-oˇ, nawˬ neh aˬ yawꞈ-ahˇ baꞈ doˆ gʼeh-euˬ ngeuˇ naˇ, aˬ gaˇ baꞈ taˬ teˬ lehˇ ngaˬ-ahˇ tiˬ poˆ ehˇ nehˬ laꞈ-awˬ. Aˬ yawꞈ-ahˇ ngaˇ baꞈ kʼoꞈ laˬ-iˇ ma.”

Yoˇhaˬ 6:17

Aˬ yawꞈ maꞈ lawˬ-ahˇ dziˬ leˇ-awˇ, lah nui baˬ paw jaˆ-eu Gaˬbeˬneˬoˬ meuˬ-ahˇ gʼoꞈ tsehˆ-iˇ-euˬ meh. Uˬ ciꞈ zahˇ le-euˬ kʼawꞈ, aˬ yawꞈ maꞈ jawˇ gaˇ Yeˬsuˇ maˬ gʼoꞈ doˆ le-a.

Yoˇhaˬ 6:23

Ehˇ kʼawꞈ, Sahˬpaˬ Yeˬsuˇ neh Miˬyehˇ-euˬ guiˬ lahˬ-ahˇ ja ceuˬ-awˇ aˬ yawꞈ maꞈ kaˬ muˇ dzaˬ-euˬ jawˇ duˬ kʼoeˇ tsahˇ-euˬ dawˬ peh, Deˬbeˬliˇ meuˬ-ahˇ neh lawˬ tiˬ deuˬ oe-euˬ meh.

Yoˇhaˬ 6:26

Yeˬ suˇ aˬ yawꞈ maꞈ-ahˇ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ kaˬ muˇ tiˬ dehˆ ya dzaˬ-euˬ miˇ neh ngaˬ-ahˇ poˆ-eu meh. Ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-euˬ dawˬ tsuiꞈ gʼoˆ shaw-euˬ miˇ neh poˆ-eu maˬ ngeuˇ-a.

Yoˇhaˬ 6:59

Gaˬbeˬneˬoˬ meuˬ-ahˇ jaˆ-eu Yuˇdaˆ tsawˇ haˬ-euˬ uˬ duˬ tahˬ nymˇ laꞈ kʼoeˇ Yeˬsuˇ mehˬ nehˬ tsoˆ nehˬ ngeh, kʼoeˇ loꞈ-ehˇ ehˇ-euˬ meh.

Yoˇhaˬ 7:11

Yuˇdaˆ tsawˇ haˬ aˬ yuiꞈ aˬ tsu deuˬ, “Aˬ yawꞈ aˬ gaˇ jawˇ ta” lehˇ naˇ haˬ naˇ haˬ-ehˇ, Bawˬ-iˬ laꞈ kʼoeˇ Yeˬsuˇ-ahˇ poˆ luꞈ-eu meh.