Yoˇhaˬ 6:20 - Akha

²⁰ “Taˬ guˆ. Ngaˇ ma.” lehˇ aˬ yawꞈ maꞈ-ahˇ Yeˬsuˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Aerkhawf, Yeqsur, aqyawf maf-anr aernaeq-eu, “Taqguv, ngar le.”

Yoˇhaˬ 6:20 ပူးပေါင်းရင်းမြစ်များ

Jaceuq 35:3

Nawˬ-euˬgahˬgʼeu doˆ-awˇoe-awˇ, ngaˬ-ahˇteh-eu deuˬ-ahˇjoeˬ-awˬ. “Nawˬ-ahˇka kʼoꞈle-euˬma” lehˇ, ngaˬ-euˬsaꞈlaˇ-ahˇehˇle-awˬ.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

Iˇsaˬyaˇ 44:8

Ngaˬ-euˬ tsawˇ haˬ-oˇ, nawˇ taˬ guˆ. Aˇ hu ba neh iˬ nah keuˆ ni kʼaˇ pyeuꞈ laˇ-euˬ jeˬ-ahˇ, ngaˬ neh ehˇ tsehˆ taˬ-euˬ nawˇ siˬ nya-awˇ, nawˇ saˇ kiˇ pyeuꞈ-eu meh. Miˬ yehˇ nui gʼaˬ jawˇ ta siˬ loˇ. Ngaˇ maˬ gaˬ haw-euˬ baoˬ huiˬ-eu miˬ yehˇ nui gʼaˬ paˇ jawˇ ta loˇ.”

Maˬkuˆ 16:6

Zaˬ guˬ kʼoeˇ gʼaˬ aˬ yawꞈ maꞈ-ahˇ ehˇ-eu, “Taˬ guˆ. Laꞈ yaꞈ kʼoeˇ taˆ bi taꞈ sehꞈ-euˬ Naˬzaˬlehˇ tsawˇ haˬ Yeˬsuˇ-ahˇ naw maꞈ haw le-euˬ meh lehˇ ngaˇ siˬ nya ma. Aˬ yawꞈ heu gaˇ maˬ paˇ jawˇ meh. Miˬyehˇ neh aˬ yawꞈ-ahˇ bi gʼoꞈ dehꞈ laˇ gʼaˬ-euˬ meh. Haw sheˇ. Aˬ yawꞈ-ahˇ heu gaˇ baꞈ taˬ-awˇ bi jaˆ-euˬ meh tawˇ.

Maˬkuˆ 6:50

Aˬ yawꞈ maꞈ yawˬ gʼaˬ na luꞈ aˬ yawꞈ-ahˇ mawˇ-awˇ, guˆ dui dui-iˇ-euˬ meh. “Taˬ guˆ. Nui ma taˬ baˬ. Ngaˇ ma” lehˇ, aˬ yawꞈ maꞈ-ahˇ Yeˬsuˇ ehˇ nehˬ-euˬ meh.

Yoˇhaˬ 6:19

Aˬ yawꞈ maꞈ lawˬ heu gʼeh leꞈ-euˬ smˬ laˇ oeˬ laˇ ehˇ gʼaˬ ni byah laˇ ngeh, Yeˬsuˇ iˇ cuꞈ kʼoeˇ taˆ gaˇ ma cah cah-ehˇ aˬ yawꞈ maꞈ jawˇ gaˇ oe luꞈ-eu ya mawˇ-awˇ, guˆ dui dui-iˇ-euˬ meh.

Yoˇhaˬ 6:21

Kʼoeˇ naˇ, aˬ yawꞈ maꞈ laˬ kʼaˬ tiˬ cehˇ aˬ yawꞈ-ahˇ lawˬ laꞈ kʼoeˇ bi uˇ laˇ-euˬ meh. Tiˬ kʼehˇ laˇ kʼehˬ laꞈ kʼoeˇ, aˬ yawꞈ maꞈ iˇ luꞈ-eu lawˇ deh kʼoeˇ tsahˇ-ahˇ iˇ keuˆ-euˬ meh.