Yoˇhaˬ 5:40 - Akha

⁴⁰ Ehˇ kʼawꞈ, maˇ maˇ ni gʼeh-eu dehꞈ-eu jeˬ-ahˇ za ni, ngaˇ jawˇ gaˇ naw maꞈ maˬ laˇ mawꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ Aerkhawf, nawmaf saflar daef-eu jeq za’ni, ngar jawr-eu gar maq larmawf-a.

Yoˇhaˬ 5:40 ပူးပေါင်းရင်းမြစ်များ

Jaceuq 81:11

Ehˇ kʼawꞈ, ngaˬ-euˬ ehˇ dawˬ-ahˇ ngaˬ-euˬ tsawˇ haˬ deuˬ maˬ naˇ haˬ-a. Ngaˬ-euˬ ehˇ dawˬ Iˇsaˬleˬlaˆ maˬ geuꞈ-a.

Iˇsaˬyaˇ 49:7

Aˬ cawˬ noeˬ teˬ gaˇ ya daˬ-awˇ, miˇ kʼahˬ tsawˇ jeuˬ deuˬ bye dui dui-eu gʼaˬ pyeuꞈ-eu, sahˬ paˬ sahˬ ma deuˬ-euˬ zaˬ kʼaˆ pyeuꞈ-eu gʼaˬ-ahˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu ka kʼoꞈ-eu gʼaˬ heu loꞈ-ehˇ ehˇ nehˬ-euˬ meh. “Nawˇ buˬ-iˇ gaˇ sahˬ paˬ deuˬ ya mawˇ-awˇ, tuˇ-awˇ nawˬ-ahˇ yaw zeu ya baw tehꞈ-a. Sahˬ paˬ zaˬ yo deuˬ kʼawꞈ nawˬ-ahˇ mawˇ ngeh, awˆ byaˆ-awˇ taˬ huiˬ tehꞈ-a.” Sahˬpaˬ Miˬyehˇ aˬ yawꞈ-euˬ zaˬ kʼaˆ-ahˇ tseˇ doˆ nehˬ-euˬ miˇ neh, kʼoeˇ loꞈ-ehˇ ya pyeuꞈ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ-aˬ, aˬ yawꞈ-euˬ saˇ jaˇ dawˬ-ahˇ ziꞈ-eu meh.

Iˇsaˬyaˇ 50:2

“Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu lehˇ ngaˇ iˇ ngeh, aˬ jeˬ miˇ neh aˬ yawꞈ maꞈ maˬ haw cawˬ laˇ ta. Aˬ jeˬ miˇ neh ngaˇ kuˇ ngeh aˬ yawꞈ maꞈ oˬ maˬ toˬ ta. Ngaˬ-euˬ aˬ laꞈ yaw nymˇ miˇ neh maˬ ka kʼoꞈ nya ta loˇ. Naw maꞈ-ahˇ ka kʼoꞈ nehˬ nya ni ngaˇ gʼaˬ maˬ loꞈ ta loˇ. Ngaˇ dawˬ biꞈ-awˇ iˬ ma laˆ shaˆ-ahˇ bi gui-iˇ nya ma. Iˇ cuꞈ lawˇ baˬ kʼaˇ shuiꞈ deh ga bi pyeuꞈ-iˇ-awˇ, iˇ cuꞈ maˬ dahˬ-eu miˇ neh ngaˬ shaˬ shiˇ jiˇ ni ngaˇ jahˇ nya ma.

Maꞈtehˬ 22:3

Aˬ yawꞈ-euˬ zaˬ kʼaˆ deuˬ-ahˇ pyehˬ gʼeh-awˇ, oeˇ mˇ baˇ-eu bawˬ-iˬ-ahˇ bi laˇ-eu gʼaˇ duˬ kuˇ taˬ-euˬ tsawˇ haˬ deuˬ-ahˇ bi kuˇ laˬ-iˇ-euˬ meh. Ehˇ kʼawꞈ, aˬ yawꞈ maꞈ maˬ laˇ-a.

Maꞈtehˬ 23:37

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ nawˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ uˬ moˆ ya ciˆ ya zaˬ deuˬ-ahˇ uˆ kaˬ nehˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-eu nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-a.

Yoˇhaˬ 1:11

Aˬ yawꞈ-euˬ miˇ kʼahˬ-ahˇ aˬ yawꞈ oe-euˬ kʼawꞈ, aˬ yawꞈ-euˬ tsawˇ haˬ deuˬ aˬ yawꞈ-ahˇ maˬ ha geuꞈ-a.

Yoˇhaˬ 10:10

Smˇ kʼoeˬ tahˇ joe-aˬ, kʼoeˬ-eu, sehꞈ-eu, laˆ cawˆ-eu gʼaˇ duˬ oe-eu tehꞈ meh. Ngaˇ-aˬ, naw maꞈ dehꞈ-eu saꞈ laˇ za nya ni oe-euˬ ma. Dehꞈ-eu saꞈ laˇ kʼoeˇ-ahˇ naw maꞈ tiˬ byah tiˬ loꞈ za ni oe-euˬ ma.

Yoˇhaˬ 3:19

Yaˇ kʼaˬ daˇ-eu kʼoeˇ-aˬ, heu loꞈ-ehˇ meh. Yaw shehꞈ kʼoeˇ miˇ tsaˬ kʼoeˇ taˆ oe-euˬ kʼawꞈ, tsawˇ haˬ zaˬ deuˬ yaw shehꞈ-ahˇ naˆ maˬ tseˇ yaw zahˇ-ahˇ gaˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ yaw haiˬ jeˬ mˇ-eu meh.

Yoˇhaˬ 5:39

Jaˇ liꞈ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ poˆ mawˇ nya tehꞈ-a lehˇ naw maꞈ noeˬ-awˇ, Jaˇ liꞈ gui-eu meh. Naw maꞈ gui-eu Jaˇ liꞈ kʼoeˇ-euˬ laꞈ kʼoeˇ, ngaˬ-euˬ gaˇ kawˆ ehˇ taˬ-euˬ meh.

Yoˇhaˬ 5:41

Tsawˇ haˬ zaˬ neh bi ja ceuˬ-eu jeˬ-ahˇ ngaˇ poˆ luꞈ-eu maˬ ngeuˇ.

Yoˇhaˬ 5:44

Naw maꞈ tiˬ gʼaˬ tiˇ gʼaˬ ja ceuˬ nehˬ laꞈ-eu jeˬ-ahˇ geuꞈ mawꞈ-eu meh. Ehˇ kʼawꞈ, aˬ yawꞈ tiˬ gʼaˬ tehꞈ-ehˇ Miˬyehˇ pyeuꞈ-eu gʼaˬ neh bi ja ceuˬ ni naw maꞈ maˬ dehꞈ-a. Kʼoeˇ miˇ neh, naw maꞈ ngaˬ-ahˇ aˬ joˆ-ehˇ jah nya nmˇ.

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Yoˇhaˬ 6:37

Ngaˬ Da neh ngaˬ-ahˇ kʼaˇ biꞈ laꞈ-euˬ tsawˇ haˬ yawˬ gʼaˬ yawˬ na luꞈ ngaˇ jawˇ gaˇ laˇ tehꞈ-a. Ngaˇ jawˇ gaˇ laˇ-eu tsawˇ haˬ aˬ geu gʼaˬ-ahˇ maˬ kaˬ, ngaˇ maˬ ha geuꞈ nehˬ ni maˬ byehˇ.

Yoˇhaˬ 6:40

Ngaˬ Da-euˬ nui kʼahˇ-aˬ, Zaˬmaˇ-ahˇ mawˇ-awˇ kʼaˇ jah-eu tsawˇ haˬ dawˬ tawˆ luꞈ, mˬ maˬ maˬ byaˆ zaˇ ziˇ dehꞈ-eu jeˬ bi za-eu gʼaˇ duˬ meh. Aˇ saˬ saˬ ngeh nah, aˬ yawꞈ maꞈ-ahˇ ngaˇ bi gʼoꞈ dehꞈ laˇ ma.”

Lormav 6:23

Aˬ jeˬ miˇ neh ehˇ naˇ, iˬ baˇ-euˬ aˇ poeˬ-aˬ, shiˇ-eu jeˬ pyeuꞈ-eu meh. Ehˇ kʼawꞈ, Miˬyehˇ neh yawꞈ ngehꞈ-ehˇ biꞈ nehˬ laꞈ-euˬ laꞈ sawˬ-aˬ, aˬ dui-euˬ Sahˬpaˬ Yeˬsuˇ Ka li laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.