Yoˇhaˬ 5:32 - Akha

³² Ehˇ kʼawꞈ, ngaˬ-euˬ gʼaˇ duˬ saˇ kiˇ kamˬ-eu tiˬ gʼaˬ jawˇ meh. Aˬ yawꞈ ngaˬ-euˬ gaˇ kawˆ saˇ kiˇ kamˬ-euˬ kʼoeˇ tsaˬ meh lehˇ ngaˇ siˬ nya ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Ngaq-euq garkawv sarkir kamq-eu tiq ghaq jawr-eu mae. Ngaq-euq garkawv aqyawf kamq-eu khoer-aq, byan mae laer ngar siqnya-eu ma.

Yoˇhaˬ 5:32 ပူးပေါင်းရင်းမြစ်များ

Maꞈtehˬ 17:5

Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Maꞈtehˬ 3:17

“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

Maˬkuˆ 1:11

“Nawˇ-aˬ, ngaˇ zawˇ gaˬ-eu ngaˬ-euˬ Zaˬmaˇ ma. Nawˬ-ahˇ ngaˇ nui kʼahˇ shiˇ dui dui ma” lehˇ, mˬ kʼoeˇ taˆ teˇ saˇ gaˬ doˆ le-euˬ meh.

Luˇkaꞈ 3:22

Muiˬ-eu shawˇ-eu Yaw sahˇ Miˬyehˇ kʼaˬ kʼoeˬ loꞈ-ehˇ aˬ yawꞈ-euˬ kʼoeˇ taˆ zaꞈ le-euˬ meh. Mˬ paw neh teˇ saˇ mahˇ doˆ le-awˇ ehˇ-eu, “Nawˇ-aˬ, ngaˇ zawˇ gaˬ-eu ngaˬ-euˬ Zaˬmaˇ ma. Nawˬ-ahˇ ngaˇnui kʼahˇ shiˇ dui dui ma.”

Yoˇhaˬ 1:33

Ngaˇ aˬ yawꞈ-ahˇ maˬ siˬ nya-aˬ siˬ. Ehˇ kʼawꞈ, iˇ cuꞈ neh iˇ cuꞈ bi shawˇ nehˬ le-eu lehˇ ngaˬ-ahˇ kʼehˇ gʼeh leꞈ-euˬ Miˬyehˇ ehˇ-eu, ‘Yaw sahˇ Miˬyehˇ tsawˇ haˬ tiˬ gʼaˬ kʼoeˇ taˆ zaꞈ le-awˇ jawˇ gaˇ nawˇ ya mawˇ tehꞈ-a. Aˬ yawꞈ-aˬ, Yaw sahˇ Miˬyehˇ neh iˇ cuꞈ shawˇ nehˬ-euˬ gʼaˬ meh’ lehˇ ehˇ-eu meh.

Yoˇhaˬ 12:50

Aˬ yawꞈ-euˬ dawˬ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ ahˇ meh lehˇ ngaˇ siˬ nya ma. Ngaˬ neh ngehˬ-euˬ dawˬ-aˬ, Aˬ da Miˬ yehˇ neh ngaˬ-ahˇ bi ngehˬ laꞈ-euˬ dawˬ meh.”

Yoˇhaˬ 5:34

Ngaˬ-euˬ gaˇ kawˆ aˬ cawˬ saˇ kiˇ bi kamˬ-eu lehˇ ngaˇ heu loꞈ-ehˇ ehˇ-eu maˬ ngeuˇ. Naw maꞈ ka kʼoꞈ-eu jeˬ bi za ni ehˇ-eu ma.