Yoˇhaˬ 5:14 - Akha

¹⁴ Kʼoeˇ naˇ kʼah, Uˬ duˬ tahˬ nymˇ nymˇ ma-euˬ lahˇ laꞈ kʼoeˇ tsawˇ haˬ kʼoeˇ gʼaˬ-ahˇ Yeˬsuˇ paˇ tahˬ puˬ-awˇ ehˇ nehˬ-eu, “Naˇ haˬ sheˇ. Nymˬ-mˇ nawˇ jawˇ saˇ doˆ laˇ-euˬ meh. Teu miˇ neh iˬ baˇ taˬ paˇ mˇ. Maˬ ngeuˇ naˇ yaw beh naˆ maˬ tseˇ nawˇ paˇ ya shaˬ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Arnan, Yeqsur, khoerghaq-anr uqduq tanqnymr nymrma-euq lafkhoer mawr-awr aernaeq-eu, “Hawsher-eq, nawr taqler-euq mae. Khoernav maqtser doerdzaeq-eu jeq nawq-euq khoertav maqya keuvleni iqbax taqpar mr de-eq.”

Yoˇhaˬ 5:14 ပူးပေါင်းရင်းမြစ်များ

2 Laˬsaˬbaˬ 28:22

Aˬkaˆ-aˬ, aˬ yawꞈ kʼoeˇ taˆ shaˬ dui zahˬ dui dui-eu jeˬ keuˆ le luꞈ ngeh, yaw beh naˆ maˬ tseˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

Neˬhaˬmiˇ 9:28

Miˇ kʼahˬ paˇ saˇ laˇ ngeh, aˬ yawꞈ maꞈ iˬ baˇ mˇ poˆ-awˇ, aˬ yawꞈ maꞈ-ahˇ muiˇ-eu deuˬ neh, aˬ yawꞈ maꞈ-ahˇ nawˇ paˇ bi deuˆ gʼaˬ-euˬ meh. Ehˇ kʼawꞈ, aˬ yawꞈ maꞈ iˬ baˇ noeˬ poˆ-awˇ, ka kʼoꞈ nehˬ laꞈ lehˇ paˇ shaˇ ngeh, mˬ taˆ neh nawˇ naˇ haˬ nehˬ-awˇ, gʼawˬ shaˬ gaˬ dui dui-eu laꞈ kʼoeˇ, tiˬ poˆ saˇ-iˬ tiˬ poˆ ka kʼoꞈ nehˬ-euˬ meh.

Jaceuq 118:18

Aˬ yawꞈ ngaˬ-ahˇ yaw kʼaˆ-ehˇ kʼehˬ nehˬ laꞈ-euˬ kʼawꞈ, shiˇ gaˇ maˬ bi keuˆ-a.

Jaceuq 18:22

Yawꞈ-euˬzahˇdawˬkʼoꞈdawˬdeuˬ-ahˇ, maˬcaw teh-euˬmaˬjaˆhaw-ehˇ, yawꞈneh biꞈtaˬ-euˬdawˬdeuˬ-ahˇ, maˬnaˇhaˬ-euˬmaˬjaˆhaw-aˬ.

Jaceuq 27:6

Ngaˬ-euˬtiˬjawˬjawˇbyah taˬ-euˬ, muiˇ-eu deuˬ-ahˇngaˇgʼaˬleˇ-awˇ, laˬkʼaˬcehˇ-awˇguˇ-eu laꞈkʼoeˇ, aˬyawꞈ-euˬUˬduˬtahˬnymˇ-ahˇ, lawˇ-eu shehˇ-eu jeˬ ngaˇmˇ-awˇ, ja ceuˬ-eu caˇ-eu dawˬcaˇ-awˇ, SahˬpaˬMiˬyehˇ-ahˇ ja ceuˬma.

Jaceuq 9:13

Sahˬpaˬ Miˬyehˇ-oˇ, ngaˬ-ahˇgʼawˬshaˬgaˬnehˬlaꞈ-awˬ. Muiˇ-eu deuˬkʼehˬlaꞈgaˇmawˇ-awˬ. Shiˇ-eu miˇkʼahˬlaˇgʼoˆ-ahˇneh, ngaˬ-ahˇciˬkʼoꞈdoˆnehˬlaꞈ-awˬ.

Iˇsaˬyaˇ 38:20

Sahˬpaˬ Miˬyehˇ-oˇ, nawˇ ngaˬ-ahˇ laˆ taˬ nehˬ laꞈ-euˬ meh. Nga maꞈ deuˇ-mˬ diˬ-awˇ nawˬ-ahˇ ja ceuˬ-eu ma. Nga maꞈ yaw dehꞈ dehꞈ-eu tiˬ ziˇ, nawˬ-euˬ Uˬ duˬ tahˬ nymˇ nymˇ ma laꞈ kʼoeˇ, ja ceuˬ-eu caˇ dawˬ caˇ-eu ma.

Iˇsaˬyaˇ 38:22

Sahˬ paˬ Heˬsaˬgiˇ gʼeh, “Ngaˇ Uˬ duˬ tahˬ nymˇ nymˇ ma-ahˇ le nya meh lehˇ, saˇ kiˇ aˬ geu jeˬ mehˬ le nmˇ” lehˇ ehˇ-eu meh.

Uˬ duˬ 13:20

Piˇ ma gʼaˬ aˬ yawꞈ-ahˇ pyehˆ tseˇ haw-awˇ, maˇ cuˬ maˇ naˇ kʼoeˇ shaˬ jiˇ baˆ kʼoˆ naˆ maˬ tseˇ naꞈ gaˇ ya mawˇ-awˇ, kʼoeˇ gaˇ tsoꞈ-eu caꞈ hm deuˬ pyuˇ laˇ taˬ-euˬ ya mawˇ naˇ, tsawˇ haˬ kʼoeˇ gʼaˬ maˬ shawˇ-a lehˇ, piˇ ma gʼaˬ ya daˇ tsehˆ nehˬ meh. Kʼoeˇ-aˬ, shaˬ ciˬ ciˬ gaˇ neh pyeuꞈ doˆ laˇ-euˬ nyawˬ naˇ-eu maˇ naˇ meh.

Uˬ duˬ 26:27

“Naw maꞈ-ahˇ kʼoeˇ naˆ naˆ-ehˇ kʼehˬ nehˬ gʼaˬ-euˬ kʼawꞈ, ngaˬ-euˬ ehˇ dawˬ-ahˇ naw maꞈ maˬ naˇ haˬ ni ngaˬ-ahˇ puiˬ naˇ,

Uˬ duˬ 7:12

Tsawˇ haˬ tiˬ gʼaˬ na, lawˇ-eu jeˬ heu jeˬ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-eu lawˇ-eu jeˬ lawˇ naˇ, jeˬ zaˬ hawˇ-eu dehˬ tseˬ maˬ keuˬ-eu kaˬ muˇ tiˬ kawˆ loꞈ-ehˇ ya lawˇ meh. Cehˇ meu hawˇ-eu saˬ loˬ tsiˇ keuˬ-awˇ jahˇ-euˬ tuˇ jawˬ ni gʼeh-eu kaˬ muˇ maˬ ehˇ, saˬ loˬ tsiˇ lehꞈ-euˬ kaˬ muˇ aˇ yaˆ yaˆ zaˬ deuˬ maˬ ehˇ, cehˇ meu hawˇ-eu saˬ loˬ tsiˇ keuˬ-awˇ jahˇ taˬ-euˬ kaˬ muˇ aˇ kʼoˇ deuˬ maˬ ehˇ, tiˬ jeˬ paˬ ya lawˇ meh.

Maꞈtehˬ 12:45

Nehꞈ kʼoeˇ mawˇ paˇ iˇ doˆ-awˇ, aˬ yawꞈ naˆ maˬ tseˇ haiˬ-eu nehꞈ shiꞈ mawˇ paˇ kuˇ ahˇ laˬ-iˇ-awˇ bi jawˇ-euˬ meh. Kʼoeˇ loꞈ-ehˇ pyeuꞈ laˇ gʼaˬ ngeh jawˇ, tsawˇ haˬ kʼoeˇ gʼaˬ yaw beh naˆ maˬ tseˇ paˇ doeˇ dzehˬ laˇ tehꞈ-a. Heu ziˇ-ahˇ dehꞈ-eu haiˬ-eu tsawˇ haˬ deuˬ kʼoeˇ taˆ, kʼoeˇ loꞈ-ehˇ keuˆ le tehꞈ-a.”

Maˬkuˆ 2:5

Aˬ yawꞈ maꞈ kʼoeˇ naˆ naˆ-ehˇ jah gaˇ Yeˬsuˇ ya mawˇ ngeh, kuiˇ shiˇ laꞈ shiˇ shiˇ-euˬ kʼoeˇ gʼaˬ-ahˇ, “Ngaˬ li-oˇ, nawˬ-euˬ iˬ baˇ pyehˬ nehˬ gʼaˬ-euˬ ma” lehˇ ehˇ nehˬ-euˬ meh.

Yoˇhaˬ 5:13

Naˇ gawˇ taˬ leˇ-euˬ tsawˇ haˬ kʼoeˇ gʼaˬ, Yeˬsuˇ aˬ geu gʼaˬ pyeuꞈ-eu maˬ siˬ nya-a. Aˬ jeˬ miˇ neh ehˇ naˇ, kʼoeˇ gaˇ tsawˇ haˬ gʼawˬ mya ni jawˇ-eu miˇ neh, aˬ cawˬ-euˬ yaw kaˬ-ahˇ Yeˬsuˇ cah byoˆ-euˬ meh.

Yoˇhaˬ 5:5

Smˬ tseˇ yehꞈ kʼoꞈ naˇ keuˆ laꞈ-euˬ tsawˇ haˬ tiˬ gʼaˬ kʼoeˇ gaˇ jawˇ-eu meh.

Yoˇhaˬ 8:11

Aˬ yawꞈ ehˇ-eu, “Sahˬpaˬ-oˇ, tiˬ gʼaˬ-iˬ maˬ paˇ jawˇ meh.” Yeˬsuˇ ehˇ-eu, “Ngaˇ jiˇ nawˬ-ahˇ iˬ baˇ maˬ poˆ. Gʼoꞈ-iˇ-awˬ. Ehˇ kʼawꞈ, iˬ baˇ taˬ paˇ mˇ de.”

1 Beˬtuˆluˆ 4:3

Miˬyehˇ-ahˇ maˬ siˬ nya-eu tsawˇ haˬ deuˬ mˇ-eu jeˬ-ahˇ , dzeuˇ laˇ ngeh naw maꞈ mˇ dehˆ shaˇ dehˆ gʼaˬ-euˬ meh. Kaˬ miˬ sheu-eu, shiˬ shaˬ jiˇ nui loˆ geuꞈ-eu, jiˇ baˬ yehꞈ-eu, byawˬ gʼaˬ mo gʼa-eu, dzaˬ yehꞈ dawˇ yehꞈ dzaˬ boˆ dawˇ boˆ boˆ-eu, tahˬ paˬ aˬ ma mawˇ kawˇ-ahˇ uˬ duˬ tahˬ-eu, heu deuˬ laꞈ kʼoeˇ naw maꞈ dehꞈ dzeuˇ jawˇ dzeuˇ yaꞈ-euˬ meh.