Yoˇhaˬ 4:29 - Akha

²⁹ “Ngaˬ neh kʼaˇ mˇ dzeuˇ yaꞈ-euˬ yawˬ jeˬ na luꞈ ehˇ mehˬ laꞈ nya-eu tsawˇ haˬ tiˬ gʼaˬ-ahˇ haw le sheˇ. Meˬsiˇya maˬ ngeuˇ nga lehˇ maˬ ehˇ nya luꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ “Nawmaf hawle sher-eq. Tsawrhaq tiq ghaq, ngaq nae khar mrdzeur yaf-euq yawqjeq navluf ngaq-anr ja’maeq naeqlaf-euq mae. Aqyawf-aq, Kali ngeur-eu law maqsiq ngar-a?”

Yoˇhaˬ 4:29 ပူးပေါင်းရင်းမြစ်များ

Maꞈtehˬ 12:23

Kʼoeˇ loꞈ-ehˇ mˇ-euˬ gaˇ, tsawˇ haˬ aˇ maꞈ dawˬ tawˆ luꞈ zahˬ leˇ-awˇ, “Tsawˇ haˬ teu gʼaˬ Daˬbiˇ-euˬ Zaˬmaˇ maˬ ngeuˇ nga loˇ” lehˇ ehˇ-eu meh.

Yoˇhaˬ 4:25

Zaˬ miˬ zaˬ kʼoeˇ gʼaˬ ehˇ-eu, “(Ka li lehˇ kuˇ-eu) Meˬsiˇya oe meh lehˇ ngaˇ siˬ nya ma. Aˬ yawꞈ oe keuˆ ngeh, aˬ dui-ahˇ yawˬ jeˬ na luꞈ ehˇ mehˬ nehˬ laꞈ tehꞈ-a.”

Yoˇhaˬ 4:28

Kʼoeˇ naˇ, zaˬ miˬ zaˬ kʼoeˇ gʼaˬ aˬ yawꞈ-euˬ miˇ tsaˬ oeˬ lahˬ taˬ yaꞈ-awˇ, meuˬ-ahˇ gʼoꞈ leˇ-awˇ, aˬ cawˬ-ahˇ heu loꞈ-ehˇ ehˇ gaˬ leˇ-euˬ meh.

Yoˇhaˬ 4:30

Kʼoeˇ miˇ neh, aˬ yawꞈ maꞈ meuˬ-ahˇ neh doˆ-iˇ-awˇ, Yeˬsuˇ jawˇ gaˇ iˇ-euˬ meh.

Yoˇhaˬ 4:39

Meuˬ kʼoeˇ meuˬ-ahˇ jawˇ-eu tsawˇ haˬ gʼawˬ mya ni Yeˬsuˇ-ahˇ jah laˇ-euˬ meh. Aˬ jeˬ miˇ neh ehˇ naˇ, “Ngaˬ neh kʼaˇ mˇ dzeuˇ yaꞈ-euˬ yawˬ jeˬ na luꞈ a yawꞈ ngaˬ-ahˇ ehˇ mehˬ laꞈ nya eu nga” lehˇ, zaˬ miˬ zaˬ kʼoeˇ gʼaˬ aˬ yawꞈ maꞈ-ahˇ ehˇ nehˬ-euˬ meh.

Yoˇhaˬ 7:26

Haw sheˇ. Aˬ yawꞈ tsawˇ haˬ heu myaˆ ni gʼeh-eu mehˬ shi bya cehˆ ni dawˬ ngehˬ kʼawꞈ, aˬ yawꞈ maꞈ aˬ yawꞈ-ahˇ tiˬ jeˬ-iˬ maˬ ehˇ nehˬ nga tawˇ. Aˬ yawꞈ Meˬsiˇya pyeuꞈ-eu ngaˇ lehˇ aˬ yuiꞈ aˬ tsu deuˬ siˬ duˬ-eu miˇ neh nga loˇ.

Yoˇhaˬ 7:31

Ehˇ kʼawꞈ, tsawˇ haˬ aˇ maꞈ laꞈ kʼoeˇ gʼawˬ mya ni aˬ yawꞈ-ahˇ jah laˇ-awˇ, heu loꞈ-ehˇ ehˇ-eu meh. “Meˬsiˇya oe ngeh, tsawˇ haˬ heu gʼaˬ naˆ maˬ tseˇ zahˬ leˇ paˬ-ehˇ gʼeh-eu jeˬ mˇ mehˬ laꞈ nya tehꞈ-a lehˇ duˇ te loˇ.”

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.

1 Saˬmeuˬlaˆ 9:19

Saˬmeuˬlaˆ ehˇ-eu, “Shaˆ ma kʼoeˇ gʼaˬ ngaˇ ma. Ngaˬ-euˬ mehˬ shi uˬ duˬ tahˬ-eu jawˇ duˬ-ahˇ le-awˬ. Naw nyaꞈ nyiˬ gʼaˬ luꞈ iˬ nah ngaˬ nehˬ-ehˇ ya dzaˬ ya dawˇ taꞈ meh. Ni shawˬ uˬ shawˬ naw nyaꞈ kʼaˇ siˬ nya mawꞈ-eu jeˬ ehˇ nehˬ-awˇ bi gʼoꞈ-iˇ ma.