Yoˇhaˬ 4:26 - Akha

²⁶ Yeˬsuˇ ehˇ-eu, “Nymˬ-mˇ nawˬ-ahˇ dawˬ ngehˬ cawˬ luꞈ-eu ngaˇ-aˬ, aˬ yawꞈ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Yeqsur, aqyawf-anr aernaeq-eu, “Nawq naeq-aer dawq ngaeqcawq luf-eu ngar-aq, Meqsirya ma.”

Yoˇhaˬ 4:26 ပူးပေါင်းရင်းမြစ်များ

Maꞈtehˬ 16:20

Kʼoeˇ naˇ, aˬ yawꞈ Meˬsiˇya pyeuꞈ-eu gaˇ kawˆ aˬ cawˬ tiˬ gʼaˬ-ahˇ-iˬ maˬ bi ja mehˬ-eu gʼaˇ duˬ, zaˬ lahˇ deuˬ-ahˇ Yeˬsuˇ dawˬ biꞈ-euˬ meh.

Maꞈtehˬ 20:15

Ngaˬ-euˬ pyuˇ ngaˇ noeˬ-euˬ loꞈ-ehˇ maˬ biꞈ kʼmˬ ta loˇ. Ngaˇ aˬ cawˬ-ahˇ gʼawˬ mya ni biꞈ mawꞈ-eu nui ma ahˇ gaˇ naw maꞈ myaˆ naˆ-eu nya loˇ’ lehˇ ehˇ nehˬ-euˬ meh.

Luˇkaꞈ 13:30

Kʼoeˇ ngeh jawˇ, nymˬ-mˇ aˬ cawˬ mehˬ nah jawˇ luꞈ-eu tsawˇ haˬ tiˬ paˆ na deuˬ aˬ cawˬ mehˬ hu ya jawˇ-awˇ, nymˬ-mˇ aˬ cawˬ mehˬ hu jawˇ luꞈ-eu tsawˇ haˬ tiˬ paˆ na deuˬ aˬ cawˬ mehˬ nah ya jawˇ tehꞈ-a.”

Yoˇhaˬ 13:19

Aˬ diˇ aˬ maˇ pyeuꞈ laˇ ngeh jawˇ, ngaˬ neh ehˇ-euˬ loꞈ-ehˇ ngaˇ-aˬ ngaˇ law hawˇ nga lehˇ naw maꞈ siˬ nya ni, maˬ pyeuꞈ laˇ mi naˆ-ehˇ naw maꞈ-ahˇ ehˇ kʼmˬ taˬ-eu ma.”

Yoˇhaˬ 8:24

Kʼoeˇ miˇ neh, naw maꞈ-euˬ iˬ baˇ laꞈ kʼoeˇ naw maꞈ ya shiˇ meh lehˇ ngaˇ ehˇ-eu ma. ‘Ngaˇ ehˇ luꞈ-eu kʼoeˇ gʼaˬ ngaˇ meh’ lehˇ naw maꞈ maˬ jah naˇ, naw maꞈ yawˬ ha-euˬ iˬ baˇ laꞈ kʼoeˇ ya shiˇ tehꞈ-a.”

Yoˇhaˬ 8:28

Kʼoeˇ miˇ neh, aˬ yawꞈ maꞈahˇ aˬ yawꞈ ehˇ nehˬ-eu, “Tsawˇ haˬ-euˬ Zaˬmaˇ-ahˇ laꞈ yaꞈ kʼoeˇ taˆ taꞈ tehꞈ-awˇ ka tuˇ ngeh nah, “Ngaˇ ehˇ luꞈ-eu kʼoeˇ gʼaˬ ngaˇ law hawˇ ngaˇ leh naw maꞈ siˬ nya laˇ tehꞈ-a. Kʼoeˇ ngeh jawˇ, ngaˇ ngaˬ-euˬ nui noeˬ tiˬ jeˬ-iˬ maˬ mˇ ni, Aˬda neh kʼaˇ bi ngehˬ kʼaˇ bi tmˇ-euˬ jeˬ tehꞈ-ehˇ ngaˇ ngehˬ-eu tmˇ-eu ngaˇ lehˇ, naw maꞈ ya siˬ duˬ tehꞈ-a.