Yoˇhaˬ 4:20 - Akha

²⁰ Nga maꞈ Saˬmaˬliˆ tsawˇ haˬ-euˬ aˬ poeˬ aˬ bawˇ deuˬ gawˬ jawˬ heu jawˬ kʼoeˇ taˆ Miˬyehˇ-ahˇ uˬ duˬ tahˬ yaꞈ-euˬ meh. Ehˇ kʼawꞈ, Miˬyehˇ-ahˇ uˬ duˬ tahˬ-eu-aˬ, Yeˬluˇsaˬlehˬ meuˬ-ahˇ tahˬ-eu tsaˬ meh lehˇ naw maꞈ Yuˇdaˆ tsawˇ haˬ deuˬ ehˇ-eu meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Nga’maf-euq aqpoeq deuq-aq, gawqjawq heujawq-euq khoertav, Miqyaer-anr uqduq tanq-eu mae. Aerkhawf, nawmaf, Yurdav tsawrhaq-aq, Miqyaer-anr uqduqtanq nar-aq, Yeqlursaqlaeq-anr yatanq ler-eu mae laer aer-eu mae.”

Yoˇhaˬ 4:20 ပူးပေါင်းရင်းမြစ်များ

1 Sahˬpaˬ 9:3

Aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Nawˬ neh guiˬ lahˬ shaˇ-euˬ dawˬ-ahˇ ngaˇ ya gaˬ-euˬ ma. Mˬ maˬ maˬ byaˆ zaˇ ziˇ ngaˬ-ahˇ uˬ duˬ tahˬ-eu jawˇ duˬ pyeuꞈ ni, nawˬ neh tsoˆ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ bi muiˬ bi shawˇ-awˇ, aˬ myah luꞈ bo saˆ haw piˇ nehˬ ma.

1 Laˬsaˬbaˬ 21:26

Kʼoeˇ gaˇ, Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ aˬ yawꞈ gawˬ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ aˬ yawꞈ lawˇ-euˬ meh. Aˬ yawꞈ guiˬ lahˬ shaˇ-awˇ, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-eu laꞈ kʼoeˇ, mˬ kʼoeˇ taˆ neh miˬ dzaˬ pyehˬ gʼeh leꞈ-awˇ, lawˇ duˬ kʼoeˇ taˆ jaˆ-eu lawˇ-eu jeˬ-ahˇ, miˬ dzaˬ bi doꞈ leˇ-euˬ meh.

1 Laˬsaˬbaˬ 22:1

Kʼoeˇ naˇ, Daˬbiˇ ehˇ-eu, “Heu-aˬ, Miˬyehˇ pyeuꞈ-eu Sahˬpaˬ Miˬyehˇ-euˬ nymˇ jaˆ-eu jawˇ duˬ meh. Iˇsaˬleˬlaˆ tsawˇ jeuˬ miˬ dzaˬ dzah puiˆ-awˇ lawˇ-eu jeˬ ya lawˇ-eu lawˇ duˬ kʼawꞈ, heu gaˇ jaˆ-eu meh.”

2 Laˬsaˬbaˬ 6:6

Ehˇ kʼawꞈ, nymˬ-mˇ ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ, Yeˬluˇsaˬlehˬ meuˬ-ahˇ ngaˇ tsaˬ tsoˆ-awˇ, ngaˬ-euˬ tsawˇ jeuˬ-ahˇ bi uˆ lahˇ-eu gʼaˇ duˬ, Daˬbiˇ nawˬ-ahˇ ngaˇ tseˇ doˆ-euˬ ma’ lehˇ ehˇ nehˬ-eu meh.

2 Laˬsaˬbaˬ 7:12

uˬ ciꞈ paw Sahˬpaˬ Miˬyehˇ aˬ yawꞈ jawˇ gaˇ oe-euˬ meh. Sawˇlaˬmoˬ-ahˇ aˬ yawꞈ ehˇ-eu, “Nawˬ-euˬ guiˬ lahˬ shaˇ dawˬ-ahˇ ngaˇ ya gaˬ-awˇ, Uˬ duˬ tahˬ nymˇ nymˇ ma heu ngaˬ-ahˇ lawˇ-eu shehˇ-eu jawˇ duˬ bi pyeuꞈ-eu ngaˇ nui ma tsaˬ-eu ma.

2 Laˬsaˬbaˬ 7:16

Aˬ jeˬ miˇ neh ehˇ naˇ, nymˇ heu nymˇ mˬ maˬ maˬ byaˆ zaˇ ziˇ ngaˬ-ahˇ uˬ duˬ tahˬ-eu jawˇ duˬ pyeuꞈ ni, ngaˬ neh tseˇ doˆ taˬ-awˇ, mˇ shawˇ taˬ-euˬ ma. Nymˇ heu nymˇ-ahˇ ngaˇ aˬ myah luꞈ haw piˇ loꞈ piˇ ma.

Jaceuq 132:13

Ziˇoˬ meuˬ-ahˇ Sahˬpaˬ Miˬyehˇ tseˇ doˆ-awˇ, aˬ yawꞈ-euˬ jawˇ zaˇ geuꞈ mawꞈ-eu meh.

Jaceuq 78:68

Ehˇ kʼawꞈ Yuˇdaˆ tsawˇ jeuˬ hawˇ-eu aˬ yawꞈ gaˬ-eu Ziˇoˬ gawˬ jawˬ-ahˇ, aˬ yawꞈ tseˇ doˆ-euˬ meh.

Iˇsaˬyaˇ 66:1

Sahˬpaˬ Miˬyehˇ heu loꞈ-ehˇ ehˇ-eu meh. “Mˬ maˬ ngaˬ-euˬ nuiˇ duˬ pyeuꞈ-awˇ, miˇ maˬ aˬ kuiˇ cawˬ taˬ duˬ ma. Naw maꞈ ngaˬ-euˬ gʼaˇ duˬ nymˇ aˬ joˆ-ehˇ tsoˆ-awˇ, ngaˬ-ahˇ aˬ geu gaˇ bi jawˇ-eu gʼeh te.

Luˇkaꞈ 9:53

Ehˇ kʼawꞈ, aˬ yawꞈ Yeˬluˇsaˬlehˬ meuˬ-ahˇ le luꞈ-eu miˇ neh, pu zaˬ deuˬ aˬ yawꞈ-ahˇ maˬ ha geuꞈ-a.

Yoˇhaˬ 4:12

Aˬ dui-euˬ aˬ poeˬ Yaˬkoˆ neh lah duˬ heu duˬ nga maꞈ-ahˇ biꞈ taˬ yaꞈ-euˬ meh. Aˬ yawꞈ maˬ ehˇ, aˬ yawꞈ-euˬ aˬ li deuˬ maˬ ehˇ, aˬ yawꞈ-euˬ jeˬ zaˬ deuˬ maˬ ehˇ, dawꞈ tawˆ luꞈ lah duˬ heu duˬ-ahˇ dawˇ-euˬ meh. Nawˇ Yaˬkoˆ naˆ maˬ tseˇ huiˬ dzehˬ ma lehˇ ehˇ mawꞈ-eu maˬ ngeuˇ-eu paˬ. Ngeuˇ te loˇ.”

Dawˬmehˬ 11:29

Naw maꞈ ya jawˇ leˇ-eu miˇ kʼahˬ-ahˇ, Sahˬpaˬ Miˬyehˇ naw maꞈ-ahˇ sheuˬ keuˆ gʼeh ngeh, Geˬlaˬzmˬ gawˬ jawˬ kʼoeˇ taˆ guiˬ lahˬ biꞈ-eu dawˬ naw maꞈ ya guˇ-awˇ, Eˇbaˬlaˇ gawˬ jawˬ kʼoeˇ taˆ yaˬ kʼehˇ yaˬ-eu dawˬ naw maꞈ ya guˇ meh.

Dawˬmehˬ 27:12

“Naw maꞈ Yawˇdaˬ lawˇ baˬ tsehˆ doˆ gʼaˬ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ guiˬ lahˬ biꞈ-awˇ dawˬ ngehˬ gʼeh nehˬ ngeh, Suˇmoˬ tsawˇ jeuˬ, Leˬbiˇ tsawˇ jeuˬ, Yuˇdaˆ tsawˇ jeuˬ, Iˇsaˬkaˬ tsawˇ jeuˬ, Yoˇsehˆ tsawˇ jeuˬ hawˇ-eu Beˬyaˬmiˬ tsawˇ jeuˬ heu deuˬ, Geˬlaˬzmˬ gawˬ jawˬ kʼoeˇ taˆ ya yawꞈ meh.