Yoˇhaˬ 3:20 - Akha

²⁰ Yaw haiˬ jeˬ mˇ-eu tsawˇ haˬ-aˬ, yaw shehꞈ-ahˇ bye-awˇ, yaw shehꞈ jaˆ gaˇ maˬ laˇ-a. Aˬ jeˬ miˇ neh ehˇ naˇ, aˬ yawꞈ neh mˇ-euˬ yaw haiˬ jeˬ-ahˇ aˬ cawˬ mawˇ gaˇ guˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Yawdoer jeq kharmr-eu tsawrhaq-aq, yawshaef-anr byae-awr, aqyawf mrluf-euq jeq maqya dovlarni yawshaef bya-eu gar maqlar-a.

Yoˇhaˬ 3:20 ပူးပေါင်းရင်းမြစ်များ

2 Saˬmeuˬlaˆ 13:9

Kʼoeˇ naˇ, mui za laꞈ kʼoeˇ laˆ jaꞈ-euˬ kaˬ muˇ kʼoeˇ, Aˬmaˬnoˬ-ahˇ bi dzaˬ-eu lehˇ aˬ yawꞈ yuˇ doˆ nehˬ-euˬ meh. Ehˇ kʼawꞈ, Aˬmaˬnoˬ maˬ dzaˬ-ehˇ, “Tsawˇ haˬ yawˬ gʼaˬ na luꞈ laꞈ nyiˇ bi doˆ-iˇ jiˇ-awˬ” lehˇ ehˇ-eu miˇ neh, kʼoeˇ gaˇ jawˇ-eu tsawˇ haˬ dawˬ tawˆ luꞈ laꞈ nyiˇ doˆ-iˇ jiˇ-euˬ meh.

1 Sahˬpaˬ 22:8

Aˬhaˆ ehˇ-eu, “Ymˇlahˬ-euˬ aˬ li Miˇkaˬyaˇ lehˇ myahˇ-euˬ tiˬ gʼaˬ jawˇ-a siˬ. Ehˇ kʼawꞈ, aˬ yawꞈ ngaˬ-euˬ gʼaˇ duˬ yaw muiˬ tiˬ jeˬ-iˬ maˬ ngehˬ dah nehˬ laꞈ-eu miˇ neh, aˬ yawꞈ-ahˇ ngaˇ bye dui dui nya. Aˬ myah luꞈ maˬ muiˬ-eu jeˬ tehꞈ-ehˇ ngehˬ dah nehˬ laꞈ-eu meh.” Yeˬhawˇshaˬpaˇ ehˇ-eu, “Nawˇ teu loꞈ-ehˇ ehˇ-eu maˬ tsaˬ-eu paˬ.”

1 Sahˬpaˬ 3:20

Uˬ ciꞈ sehˇ gʼahˇ ngaˇ yuꞈ kʼaˆ luꞈ ngeh aˬ yawꞈ tuˇ-awˇ, ngaˬ nehˬ-ehˇ bi yuꞈ-euˬ ngaˬ li-ahˇ aˬ yawꞈ-euˬ yuꞈ zaˇ-ahˇ ciˬ ahˇ-euˬ meh. Kʼoeˇ naˇ, aˬ yawꞈ-euˬ aˬ li yaw shiˇ kʼoeˇ gʼaˬ-ahˇ, ngaˬ-euˬ yuꞈ zaˇ-ahˇ ciˬ ahˇ le-euˬ meh.

Jaceuq 50:17

Ngaˬ neh mehˬ nehˬ tsoˆ nehˬ-euˬ jeˬ-ahˇ naw maꞈ maˬ naˇ haˬ geuꞈ-ehˇ, ngaˬ-euˬ zahˇ sahˇ kʼoꞈ-ahˇ naw maꞈ bye-eu meh.

Dawqdaq 1:29

Zaˬ siˬ tsawˇ gahˇ-ahˇ naw maꞈ bye-awˇ, Sahˬpaˬ Miˬyehˇ-ahˇ guˆ-eu jeˬ-ahˇ maˬ tseˇ geuꞈ-eu uˬ taꞈ,

Dawqdaq 15:12

Aˬ dzawˬ aˇ gah-ahˇ maˬ mehˬ paˇ nya-a. Siˬ dzehˬ nya dzehˬ gaˇ maˬ gʼoe-a.

Dawqdaq 16:30

Myaˆ nuiˆ kʼoˆ tehˆ myawˆ myawˆ-ehˇ tehˆ-eu tsawˇ haˬ maˬ muiˬ-eu jeˬ shaˇ sawˇ luꞈ-awˇ, mehˬ luˬ tsehꞈ tehˬ-eu tsawˇ haˬ yaw haiˬ jeˬ mˇ-eu gʼeh-eu meh.

Dawqdaq 2:13

Yaw tsaˬ yaw dawˇ gaˇ ma-ahˇ byehˇ dzeh-awˇ, yaw zahˇ laꞈ kʼoeˇ cah-eu tsawˇ haˬ kʼoeˇ deuˬ,

Dawqdaq 4:18

Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Dawqdaq 5:12

Kʼoeˇ ngeh nawˇ heu loꞈ-ehˇ ehˇ tehꞈ-a. “Aˬ jeˬ miˇ neh ngaˇ zahˇ sahˇ kʼoꞈ-ahˇ bye-awˇ, mehˬ nehˬ tsoˆ nehˬ laꞈ-euˬ dawˬ-ahˇ maˬ naˇ haˬ ni dehꞈ-euˬ nga.

Yeˬlaˬmiˇ 9:6

Kʼehˬ-eu kʼoeˇ taˆ kʼaˆ-eu jeˬ baꞈ bymˇ-awˇ, jaˬ myawꞈ kʼoeˇ taˆ mehˇ shuiˇ geu daˆ-eu meh. “Aˬ yawꞈ maꞈ ngaˬ-ahˇ maˬ haw nahˇ-a” lehˇ, Sahˬpaˬ Miˬyehˇ ehˇ luꞈ-eu meh.

Luˇkaꞈ 11:45

Zahˇ dawˬ kʼoꞈ dawˬ mehˬ-eu saˬ laˬ tiˬ gʼaˬ Yeˬsuˇ-ahˇ ehˇ-eu, “Saˬ laˬ-oˇ, nawˇ teu loꞈ-ehˇ ehˇ-eu teu, nga maꞈ-ahˇ kʼawꞈ zaw laˇ nya.”

Yoˇhaˬ 3:21

Ehˇ kʼawꞈ, yaw tsaˬ yaw dawˇ jeˬ mˇ-eu tsawˇ haˬ-aˬ, aˬ yawꞈ neh mˇ-euˬ jeˬ Miˬyehˇ nui kʼahˇ shiˇ-eu jeˬ pyeuꞈ-eu gaˇ kawˆ yaw shehꞈ laꞈ kʼoeˇ bya cehˆ ni bi doˆ laˇ-eu gʼaˇ duˬ, yaw shehꞈ jaˆ gaˇ laˇ-eu meh.

Yoˇhaˬ 7:7

Miˇ tsaˬ zaˬ deuˬ nawˬ ha mehˇ nmˇ-ahˇ muiˇ-eu gaˇ kawˆ maˬ jaˆ-a. Ehˇ kʼawꞈ, ngaˬ-ahˇ muiˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ gaˇ ngaˇ maˬ tsehˆ leˇ ni ehˇ luꞈ-eu miˇ neh meh.