Yoˇhaˬ 20:23 - Akha

²³ Naw maꞈ neh iˬ baˇ pyehˬ nehˬ-euˬ tsawˇ haˬ-ahˇ Miˬyehˇ iˬ baˇ pyehˬ nehˬ tehꞈ-a. Naw maꞈ neh iˬ baˇ maˬ pyehˬ nehˬ-euˬ tsawˇ haˬ-ahˇ Miˬyehˇ iˬ baˇ maˬ pyehˬ nehˬ-aˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Nawmaf nae iqbax pyaeqnaeq-euq tsawrhaq-anr, Miqyaer khawf iqbax pyaeqnaeq taef-a. Nawmaf nae iqbax maq pyaeqnaeq-euq tsawrhaq-anr, Miqyaer khawf iqbax maq pyaeqnaeq-ar.”

Yoˇhaˬ 20:23 ပူးပေါင်းရင်းမြစ်များ

Maꞈtehˬ 16:19

Mˬtaˆ Miˇkʼahˬ laˇ gʼoˆ-euˬ mawˬ tawꞈ kahˬ nawˬ-ahˇ ngaˇ biꞈ ma. Miˇ tsaˬ kʼoeˇ taˆ nawˬ neh kʼaˇ laˆ tsoeˬ-euˬ jeˬ, mˬ kʼoeˇ taˆ kʼawꞈ laˆ tsoeˬ-awˇ, miˇ tsaˬ kʼoeˇ taˆ nawˬ neh kʼaˇ bi mˇ-euˬ jeˬ, mˬ kʼoeˇ taˆ kʼawꞈ bi mˇ tehꞈ-a.”

Maꞈtehˬ 18:18

“Naw maꞈ dawˬ tawˆ luꞈ-ahˇ ngaˇ heu loꞈ-ehˇ ehˇ-eu ma. Miˇ tsaˬ kʼoeˇ taˆ naw maꞈ neh kʼaˇ laˆ tsoeˬ-euˬ jeˬ, mˬ kʼoeˇ taˆ kʼawꞈ laˆ tsoeˬ-awˇ, miˇ tsaˬ kʼoeˇ taˆ naw maꞈ neh kʼaˇ bi mˇ-euˬ jeˬ, mˬ kʼoeˇ taˆ kʼawꞈ bi mˇ tehꞈ-a.

Yoˇhaˬ 20:22

Kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ kʼoeˇ taˆ aˬ yawꞈ saꞈ baw nehˬ-awˇ, heu loꞈ-ehˇ ehˇ nehˬ-euˬ meh. “Muiˬ-eu Shawˇ-eu Yaw sahˇ Miˬyehˇ-ahˇ ha geuꞈ-awˬ.

Gʼaˬkʼehˇ 10:43

Aˬ yawꞈ-ahˇ kʼaˇ jah-eu tsawˇ haˬ dawˬ tawˆ luꞈ, aˬ yawꞈ tsawˇ myahˇ-euˬ baoˬ baˬ da neh iˬ baˇ pyehˬ-eu jeˬ-ahˇ za-eu gaˇ kawˆ, Miˬyehˇ gʼaˇ duˬ ngehˬ dah-eu tsawˇ haˬ dawˬ tawˆ luꞈ saˇ kiˇ kamˬ taˬ-euˬ jaˆ-eu meh.”

Gʼaˬkʼehˇ 2:38

Aˬ yawꞈ maꞈ-ahˇ Beˬtuˆluˆ ehˇ nehˬ-eu, “Naw maꞈ yawˬ gʼaˬ na luꞈ yawˬ ha-euˬ iˬ baˇ noeˬ poˆ-awˇ, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-awˬ. Kʼoeˇ loꞈ-ehˇ jahˇ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ-awˇ, Miˬyehˇ neh biꞈ leꞈ-euˬ Muiˬ-eu shawˇ-eu Yaw sahˇ Miˬyehˇ-ahˇ naw maꞈ za tehꞈ-a.

Eˇpeˇsu 2:20

Naw maꞈ kʼawꞈ, gʼaˬ kʼehˇ deuˬ hawˇ-eu Miˬyehˇ gʼaˇ duˬ ngehˬ dah-eu deuˬ neh gawˬ dahˬ beh taˬ-euˬ gaˇ gawˬ tsaꞈ daˆ leꞈ-euˬ nymˇ pyeuꞈ-awˇ, Yeˬsuˇ Ka li-aˬ, laꞈ coeˇ lo ziꞈ pyeuꞈ-eu meh.

1 Tiˆmoˇseˬ 1:20

Tsawˇ haˬ kʼoeˇ deuˬ laꞈ kʼoeˇ, ngaˬ neh Saˬdaˬ-euˬ aˬ laꞈ laꞈ kʼoeˇ a dzeh nehˬ-awˇ bi kʼehˬ bi kʼaˆ-euˬ Huˬmiˬnehˇ hawˇ-eu Aˬleˬsaˬduˇ aˬ nyaꞈ kʼawꞈ ahˇ-eu meh. Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ maˬ ehˇ niˇ gʼa kʼmˬ-eu gaˇ kawˆ aˬ yawꞈ nyaꞈ bi siˬ duˬ-eu gʼaˇ duˬ, kʼoeˇ loꞈ-ehˇ a dzeh nehˬ-euˬ ma.