Yoˇhaˬ 19:20 - Akha

²⁰ Yeˬsuˇ-ahˇ laꞈ yaꞈ kʼoeˇ taˆ taꞈ tehˬ taˬ-euˬ jawˇ duˬ kʼoeˇ-aˬ, meuˬ-ahˇ neh yaw kʼaˆ-ehˇ maˬ kaˬ-eu miˇ neh, tsawˇ haˬ gʼawˬ mya ni sahˬ boꞈ boꞈ myahˬ taˬ-euˬ gaˇ ya gui-euˬ meh. Sahˬ boꞈ kʼoeˇ-aˬ, Heˬbyehˇ dawˬ, Laˬteˬ dawˬ, Heˬlaˬsaˇ dawˬ, heu smˇ jeˬ luꞈ boꞈ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Yeqsur-anr tafsaef-euq khoertsanr-aq, meuq-euq dawqpae jav-eu mirnae, Yurdav tsawrhaq ghawqmya’ni sanqbof khoer-anr gui-eu mae. Sanqbof khoer-aq, Heqbyaer sanqbof, Lormav sanqbof hawr-eu Heqlaqsar sanqbof nae boftaq-euq mae.

Yoˇhaˬ 19:20 ပူးပေါင်းရင်းမြစ်များ

Luˇkaꞈ 23:38

Aˬ yawꞈ-euˬ kʼoeˇ taˆ heu loꞈ-ehˇ boꞈ myahˬ taˬ-euˬ meh. “Tsawˇ haˬ heu gʼaˬ Yuˇdaˆ tsawˇ haˬ-euˬ sahˬ paˬ meh.”

Yoˇhaˬ 19:13

Dawˬ kʼoeˇ dawˬ-ahˇ sahˬ paˬ Piˇlaˆ ya gaˬ ngeh, Yeˬsuˇ-ahˇ laꞈ nyiˇ sheuˬ doˆ leꞈ-awˇ, “Kʼaˬ lo kʼawˬ taˬ-euˬ jawˇ duˬ” lehˇ kuˇ gaˇ jaˆ-eu yaˇ kʼaˬ daˇ-eu nuiˇ mahˬ-ahˇ nuiˇ le-euˬ meh. Kʼaˬ lo kʼawˬ taˬ-euˬ jawˇ duˬ-ahˇ, Heˬbyeˇ dawˬ “Gaˬbaˬdaˬ” lehˇ ehˇ-eu meh.

Yoˇhaˬ 19:42

Jawˇ nah tah tehˬ le taˬ-euˬ uˬ taꞈ, lmˬ bymˇ kʼoeˇ hmˬ kʼawꞈ dawˬ peh jaˆ-eu miˇ neh, aˬ yawꞈ nyaꞈ Yeˬsuˇ-ahˇ kʼoeˇ gaˇ baꞈ pahˬ-euˬ meh.

Yoˇhaˬ 5:2

Yeˬluˇsaˬlehˬ meuˬ-euˬ Yawˇ lahˇ kʼehˬ dawˬ peh, sehˬ gʼawˆ ngaˬ gʼawˆ gʼawˆ taˬ-euˬ lah tiˬ lah jaˆ-eu meh. Lah kʼoeˇ lah-ahˇ Heˬbyehˇ dawˬ Beˬzaˬdaˬ lehˇ kuˇ-eu meh.

Gʼaˬkʼehˇ 21:37

Yehˇ kʼoeˇ deuˬ Pawˇluˆ-ahˇ taˆ laꞈ kʼoeˇ sheuˬ uˇ leꞈ-eu lehˇ gʼeh ngeh, yaw mahˇ kʼoeˇ gʼaˬ-ahˇ Pawˇluˆ ehˇ nehˬ-eu, “Ngaˇ nawˬ-ahˇ dawˬ ngehˬ cawˬ mawꞈ nya.” Yaw huiˬ yaw mahˇ kʼoeˇ gʼaˬ ehˇ-eu, “Nawˇ Heˬlaˬsaˇ dawˬ siˬ nya hawˇ ngaˬ laˬ.

Gʼaˬkʼehˇ 21:40

Yaw huiˬ yaw mahˇ kʼoeˇ gʼaˬ Pawˇluˆ-ahˇ dawˬ ngehˬ-eu aˬ kawˬ-aˬ biꞈ-euˬ meh. Kʼoeˇ ngeh, Pawˇluˆ dawˬ dzm kʼoeˇ taˆ yawꞈ-awˇ, tsawˇ haˬ kʼoeˇ deuˬ-ahˇ ciˬ cuˇ ni jawˇ-eu gʼaˇ duˬ laꞈ dzawˇ dzawˇ nehˬ-euˬ meh. Aˬ yawꞈ maꞈ ciˬ cuˇ ni jawˇ ngeh, aˬ yawꞈ Heˬbyehˇ dawˬ ngehˬ-awˇ heu loꞈ-ehˇ ehˇ nehˬ-euˬ meh.

Gʼaˬkʼehˇ 22:2

Aˬ yawꞈ Heˬbyehˇ dawˬ ngehˬ gaˇ aˬ yawꞈ maꞈ ya gaˬ ngeh, yaw beh naˆ maˬ tseˇ ciˬ cuˇ ni paˇ pyeuꞈ-iˇ-euˬ meh. Kʼoeˇ ngeh, Pawˇluˆ heu loꞈ-ehˇ ehˇ-eu meh.

Gʼaˬkʼehˇ 26:14

Nga maꞈ yawˬ gʼaˬ na luꞈ miˇ tsa coˬ dzeh-euˬ ma. Kʼoeˇ naˇ, Heˬbyehˇ dawˬ-ahˇ neh, ngaˬ-ahˇ heu loꞈ-ehˇ ehˇ-eu teˇ saˇ-ahˇ ngaˇ ya gaˬ-euˬ ma. ‘Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te. Mawˇ neˇ-ahˇ tsawˆ-eu daˇ ceh-ahˇ behˆ-eu mawˇ neˇ loꞈ-ehˇ, yawˬ haˇ yawˬ ha laˆ tahˬ laˆ naˇ-eu jeˬ nawˇ mˇ-eu nga’ lehˇ ehˇ-eu meh.

HeˬByehˇ 13:12

Kʼoeˇ baˬ da neh, Yeˬsuˇ gʼeh aˬ yawꞈ-euˬ shiˬ neh tsawˇ haˬ zaˬ-euˬ iˬ baˇ shawˇ-eu gʼaˇ duˬ meuˬ meuˬ dzeˇ shiˇ-euˬ meh.

Panmaeq 16:16

Kʼoeˇ naˇ, Heˬbyehˇ dawˬ Aˬmaˬgeˬdoˬ lehˇ kuˇ-eu jawˇ duˬ-ahˇ, yaw sahˇ kʼoeˇ deuˬ neh miˇ kʼahˬ sahˬ paˬ deuˬ-ahˇ sheuˬ uiˬ laꞈ-euˬ meh.

Panmaeq 9:11

Aˬ yawꞈ maꞈ-ahˇ uˆ lahˇ-eu sahˬ paˬ tiˬ gʼaˬ jawˇ-eu meh. Aˬ yawꞈ-aˬ, yaw li ma baw-eu duˬ kʼahˬ-ahˇ haw-eu pyaˆ-eu mˬ taˆ gʼaˬ kʼehˇ kʼoeˇ gʼaˬ pyeuꞈ-eu meh. Aˬ yawꞈ-euˬ tsawˇ myahˇ-aˬ, Heˬbyehˇ dawˬ Aˬbaˬdoˬ lehˇ kuˇ-awˇ, Heˬlaˬsaˇ dawˬ Aˬpawˇliˇoˬ lehˇ kuˇ-eu meh. (Dawˬ tsuiꞈ-aˬ, laˆ luˬ laꞈ seˇ-eu gʼaˬ lehˇ ehˇ mawꞈ-eu meh.)