Yoˇhaˬ 18:40 - Akha

⁴⁰ Aˬ yawꞈ maꞈ yaw kʼaˆ-ehˇ guˇ-awˇ ehˇ-eu, “Aˬ yawꞈ-ahˇ taˬ pyehˬ. Baˬlaˬbaˇ-ahˇ pyehˬ-awˬ.” Baˬlaˬbaˇ-aˬ, Loˇmaˆ sahˬ paˬ-ahˇ puiˬ-euˬ tsawˇ haˬ tiˬ gʼaˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ Khoerngae, aqyawfmaf dawqtawvluf pargur-awr aer-eu, “Teughaq maqngeur-eu, Baqlaqbar-anr pyaeq-awq.” Baqlaqbar khoerghaq-aq tanrjoe mae.

Yoˇhaˬ 18:40 ပူးပေါင်းရင်းမြစ်များ

Maꞈtehˬ 26:55

Kʼoeˇ naˇ, tsawˇ haˬ aˇ maꞈ kʼoeˇ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Smˇ kʼoeˬ tahˇ joe-ahˇ nyehꞈ-eu loꞈ-ehˇ, naw maꞈ mi cehˇ hawˇ-eu daˇ kawˬ baꞈ-awˇ ngaˬ-ahˇ ya nyehꞈ le ta loˇ. Uˬ duˬ tahˬ nymˇ nymˇ ma laꞈ kʼoeˇ ngaˇ yawˬ nah na luꞈ nuiˇ-awˇ mehˬ nehˬ tsoˆ nehˬ luꞈ kʼawꞈ, naw maꞈ ngaˬ-ahˇ maˬ nyehꞈ le-a.

Maꞈtehˬ 27:16

Kʼoeˇ ngeh, Yeˬsuˇ Baˬlaˬbaˇ lehˇ myahˇ-euˬ yaw haiˬ mˇ-eu tsawˇ myahˇ doˆ dui dui-eu tsawˇ haˬ tiˬ gʼaˬ tawˬ-ahˇ uˇ-eu meh.

Maꞈtehˬ 27:26

Kʼoeˇ naˇ, aˬ yawꞈ maꞈ gʼaˇ duˬ, sahˬ paˬ Piˇlaˆ neh Baˬlaˬbaˇ-ahˇ pyehˬ doˆ nehˬ-euˬ meh. Kʼoeˇ naˇ, Yeˬsuˇ-ahˇ yahˬ caˆ neh bi juiꞈ gʼaˬ ngeh, laꞈ yaꞈ kʼoeˇ taˆ bi taꞈ sehꞈ-eu gʼaˇ duˬ, aˬ yawꞈ maꞈ-euˬ aˬ laꞈ laꞈ kʼoeˇ a nehˬ-euˬ meh.

Maˬkuˆ 15:15

Sahˬ paˬ Piˇlaˆ-aˬ, tsawˇ haˬ aˇ maꞈ nui kʼahˇ shiˇ ni mˇ nehˬ mawꞈ-eu miˇ neh, Baˬlaˬbaˇ-ahˇ pyehˬ doˆ nehˬ-euˬ meh. Kʼoeˇ naˇ, Yeˬsuˇ-ahˇ yahˬ caˆ neh bi juiꞈ-awˇ, laꞈ yaꞈ kʼoeˇ taˆ bi taꞈ sehꞈ-eu gʼaˇ duˬ a nehˬ-euˬ meh.

Maˬkuˆ 15:7

Aˇ yamˬ kʼoeˇ yamˬ-ahˇ, miˇ kʼahˬ-ahˇ puiˬ-eu jeˬ hawˇ-eu, tsawˇ haˬ-ahˇ sehꞈ-eu jeˬ mˇ-euˬ miˇ neh tawˬ-ahˇ bi nyehꞈ uˇ taˬ-euˬ tsawˇ haˬ tiˬ muˇ jawˇ-eu meh. Baˬlaˬbaˇ lehˇ myahˇ-euˬ tiˬ gʼaˬ kʼawꞈ, aˬ yawꞈ maꞈ nehˬ-ehˇ tawˬ-ahˇ uˇ-eu meh.

Luˇkaꞈ 23:25

Miˇ kʼahˬ zaˬ luiˬ gʼa laˇ ni jahˇ-euˬ uˬ taꞈ, tsawˇ haˬ-ahˇ sehꞈ-euˬ miˇ neh tawˬ-ahˇ bi nyehꞈ uˇ taˬ-euˬ gʼaˬ-ahˇ-aˬ, aˬ yawꞈ maꞈ shaˇ-eu loꞈ-ehˇ pyehˬ doˆ nehˬ-euˬ meh. Ehˇ kʼawꞈ, Yeˬsuˇ-ahˇ-aˬ, aˬ yawꞈ maꞈ-euˬ nui noeˬ bi jahˇ-eu gʼaˇ duˬ, aˬ yawꞈ maꞈ-euˬ aˬ laꞈ laꞈ kʼoeˇ a nehˬ-euˬ meh.