Yoˇhaˬ 18:38 - Akha

³⁸ Sahˬ paˬ Piˇlaˆ ehˇ-eu, “Yaw tsaˬ yaw dawˇ ehˇ-eu aˬ jeˬ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁸ Khoerngae, Pirlav, Yeqsur-anr narhaq-eu, “Yawtsaq yawdawr laer-aq, aqjeq la?” Pirlav khoerlof-aer aer-awr, Yurdav tsawrhaq jawr-eu gar pardov-ir-awr nae heulof-aer aernaeq-euq mae, “Ngar, tsawrhaq heughaq-euq lafkhoer yawlaeq tiqjeq-iq maq povmawrnya nya.

Yoˇhaˬ 18:38 ပူးပေါင်းရင်းမြစ်များ

Maꞈtehˬ 27:24

Aˬ yawꞈ neh ehˇ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-eu uꞈ taꞈ, miˇ kʼahˬ zaˬ deuˬ luiˬ gʼa laˇ-awˇ suˬ saˬ laˇ-eu gaˇ ma dahˇ gaˇ sahˬ paˬ Piˇlaˆ haw mawˇ ngeh, iˇ cuꞈ ciˬ-awˇ tsawˇ haˬ aˇ maꞈ maꞈ ma mehˬ shi aˬ laꞈ dzuiˬ dzeh-awˇ ehˇ-eu, “Tsawˇ haˬ heu gʼaˬ ya shiˇ-eu gaˇ kawˆ heu ngaˬ-ahˇ tiˬ jeˬ-iˬ maˬ taꞈ. Naw maꞈ neh mˇ-euˬ gaˇ meh.”

Maˬkuˆ 15:14

Sahˬ paˬ Piˇlaˆ ehˇ-eu, “Aˬ yawꞈ neh mˇ bahˬ taˬ-euˬ aˬ jeˬ jaˆ ta.” Aˬ yawꞈ maꞈ yaw kʼaˆ-ehˇ paˇ guˇ-awˇ ehˇ-eu, “Laꞈ yaꞈ kʼoeˇ taˆ taꞈ sehꞈ-awˬ.”

Luˇkaꞈ 23:4

Kʼoeˇ naˇ, piˇ ma aˬ yuiꞈ deuˬ hawˇ-eu tsawˇ haˬ aˇ maꞈ maꞈ ma-ahˇ sahˬ paˬ Piˇlaꞈ ehˇ nehˬ-eu, “Tsawˇ haˬ heu gʼaˬ lehˬ-eu ca-eu ngaˇ maˬ mawˇ-aˬ.”

Yoˇhaˬ 18:33

Sahˬ paˬ Piˇlaˆ hawˇ nymˇ laꞈ kʼoeˇ paˇ gʼoꞈ kʼoꞈ leˇ-awˇ, Yeˬsuˇ-ahˇ kuˇ-awˇ naˇ haˬ-eu, “Nawˇ Yuˇdaˆ tsawˇ haˬ-euˬ Sahˬ paˬ ma loˇ.”

Yoˇhaˬ 19:4

Sahˬpaˬ Piˇlaˆ tiˬ poˆ paˇ iˇ doˆ-awˇ, tsawˇ haˬ aˇ maꞈ-ahˇ heu loꞈ-ehˇ ehˇ nehˬ-euˬ meh, “Naˇ haˬ sheˇ. Tsawˇ haˬ heu gʼaˬ-euˬ yaw lehˬ ngaˇ maˬ poˆ mawˇ nya-euˬ naw maꞈ ya siˬ duˬ ni, aˬ yawꞈ-ahˇ naw maꞈ jawˇ gaˇ sheuˬ doˆ nehˬ leꞈ ma.”

Yoˇhaˬ 19:6

Piˇ ma aˬ yuiꞈ deuˬ hawˇ-eu Yuˇdaˆ tsawˇ haˬ deuˬ aˬ yawꞈ-ahˇ ya mawˇ ngeh, “Laꞈ yaꞈ kʼoeˇ taˆ taꞈ sehꞈ-awˬ. Laꞈ yaꞈ kʼoeˇ taˆ taꞈ sehꞈ-awˬ” lehˇ guˇ-eu meh. Sahˬ paˬ Piˇlaˆ aˬ yawꞈ maꞈ-ahˇ ehˇ nehˬ-eu, “Toˆ-ehˇ ngeuˇ naˇ, naw maꞈ aˬ yawꞈ-ahˇ sheuˬ gʼeh-awˇ laꞈ yaꞈ kʼoeˇ taˆ taꞈ sehꞈ-iˇ-awˬ. Ngaˇ aˬ yawꞈ-euˬ yaw lehˬ maˬ poˆ mawˇ nya nya.”

Gʼaˬkʼehˇ 17:32

Shiˇ-euˬ tsawˇ haˬ-ahˇ paˇ bi gʼoꞈ dehꞈ laˇ-eu gaˇ kawˆ Pawˇluˆ ehˇ gaˇ ya gaˬ ngeh, tsawˇ haˬ tiˬ paˆ na deuˬ aˬ yawꞈ-ahˇ yehˬ bawˬ sehˇ lu-ehˇ ehˇ niˇ gʼa-awˇ uiˇ-eu meh. Ehˇ kʼawꞈ, tiˬ paˆ na deuˬ-aˬ, “Gaˇ kawˆ teu nawˇ ja gaˇ tiˬ poˆ paˇ naˇ haˬ mawꞈ nya siˬ” lehˇ ehˇ-eu meh.

1 Beˬtuˆluˆ 1:19

Maˇ byawꞈ maˇ naˇ tiˬ pawꞈ-iˬ maˬ baw-eu yawˇ zaˬ-ahˇ duˇ-eu Ka li aˬ yawꞈ-euˬ shiˬ lawˇ dah-euˬ miˇ neh, aˇ poeˬ kʼaˆ dui dui-eu jeˬ neh naw maꞈ-ahˇ zeuˇ kʼoꞈ taˬ-euˬ jeˬ pyeuꞈ-eu meh.