Yoˇhaˬ 18:37 - Akha

³⁷ Kʼoeˇ ngeh, sahˬ paˬ Piˇlaˆ aˬ yawꞈ-ahˇ naˇ haˬ-eu, “Nawˇ sahˬ paˬ ngeuˇ ma loˇ.” Yeˬsuˇ ehˇ-eu, “Ngaˇ sahˬ paˬ nga lehˇ ehˇ-euˬ-aˬ, naw maꞈ meh. Ngaˇ miˇ tsaˬ heu kʼoeˇ taˆ zaꞈ le-awˇ dehꞈ le-euˬ-aˬ, yaw tsaˬ yaw dawˇ jeˬ ngehˬ le tmˇ le-euˬ tehꞈ ma. Yaw tsaˬ yaw dawˇ jeˬ-ahˇ kʼaˇ taꞈ-eu tsawˇ haˬ-aˬ, ngaˬ-euˬ dawˬ naˇ haˬ geuꞈ-eu meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Khoermirnae, Pirlav, aqyawf-anr narhaq-eu, “Tox-aer mar-iq, nawr sanqpaq le lor?” Yeqsur aerkhof naeq-eu, “Nawr, ngaq-anr sanqpaq laer aer-eu tsaq mae. Ngar yawtsaq yawdawr-euq gharduq sarkir kamqni daefle-awr, ngar heu-euq gharduq mirtsaq-euq khoertav oe-euq ma. Yawtsaq yawdawr-anr khartaf-eu tsawrhaq-aq, ngaq-euq tersar-anr narhaq-eu mae.”

Yoˇhaˬ 18:37 ပူးပေါင်းရင်းမြစ်များ

Iˇsaˬyaˇ 55:4

Miˇ kʼahˬ tsawˇ jeuˬ deuˬ-ahˇ sheuˬ gʼeh-eu baoˬ aˬ yawꞈ-ahˇ ngaˇ biꞈ-awˇ, aˬ yawꞈ-ahˇ gʼoe-awˇ tsawˇ jeuˬ kʼoeˇ deuˬ-ahˇ, ngaˬ-euˬ baoˬ ngaˇ bi mawˇ-euˬ ma.

Maꞈtehˬ 26:64

Yeˬsuˇ ehˇ-eu, “Nawˇ ehˇ luꞈ ngaˇ tawˇ. Ehˇ kʼawꞈ, naw maꞈ dawˬ tawˆ luꞈ-ahˇ ngaˇ heu loꞈ-ehˇ ehˇ-eu ma. Aˬ kaˇ naˇ, Tsawˇhaˬ-euˬ Zaˬmaˇ-aˬ, Baoˬ huiˬ-eu Miˬyehˇ-euˬ aˇ maˇ paw nuiˇ luꞈ gaˇ maˬ ehˇ, mˬ taˆ mˬ dmˇ dziˬ-awˇ oe gaˇ maˬ ehˇ, naw maꞈ ya mawˇ tehꞈ-a.”

Maꞈtehˬ 27:11

Loˇmaˆ sahˬ paˬ mehˬ shi Yeˬsuˇ-ahˇ bi yawꞈ-euˬ meh. Loˇmaˆ sahˬ paˬ kʼoeˇ gʼaˬ Yeˬsuˇ-ahˇ naˬ haˬ-eu, “Nawˇ Yuˇdaˆ tsawˇ haˬ-euˬ sahˬ paˬ ma loˇ.” Yeˬsuˇ ehˇ-eu, “Nawˇ ehˇ ngaˇ tawˇ.”

Maˬkuˆ 14:62

Yeˬsuˇ ehˇ-eu, “Ngeuˇ ma. Tsawˇhaˬ-euˬ Zaˬmaˇ-aˬ, Baoˬ huiˬ-eu Miˬyehˇ-euˬ aˇ maˇ paw nuiˇ luꞈ gaˇ maˬ ehˇ, mˬ dmˇ dziˬ-awˇ zaꞈ ka le gaˇ maˬ ehˇ, naw maꞈ yawˬ gʼaˬ na luꞈ ya mawˇ tehꞈ-a.”

Maˬkuˆ 15:2

Sahˬ paˬ Piˇlaˆ aˬ yawꞈ-ahˇ naˇ haˬ-eu, “Nawˇ Yuˇdaˆ tsawˇ haˬ-euˬ sahˬ paˬ ngeuˇ ma loˇ.” Yeˬsuˇ ehˇ-eu, “Nawˇ ehˇ ngaˇ tawˇ.”

Luˇkaꞈ 22:70

Kʼoeˇ ngeh, aˬ yawꞈ maꞈ dawˬ tawˆ luꞈ ehˇ-eu, “Toˆ-ehˇ ngeuˇ naˇ, nawˇ Miˬyehˇ-euˬ Zaˬmaˇ ngeuˇ te loˇ.” Aˬ yawꞈ ehˇ-eu, “Ngeuˇ meh lehˇ naw maꞈ ehˇ ngaˇ tawˇ.”

Luˇkaꞈ 23:3

Sahˬ paˬ Piˇlaˆ aˬ yawꞈ-ahˇ naˇ haˬ-eu, “Nawˇ Yuˇdaˆ tsawˇ haˬ-euˬ sahˬ paˬ ngeuˇ ma loˇ.” Yeˬsuˇ ehˇ-eu, “Nawˇ ehˇ luꞈ ngaˇ tawˇ.”

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Yoˇhaˬ 14:6

Toˇmaˆ-ahˇ Yeˬsuˇ ehˇ nehˬ-eu, “Ngaˇ-aˬ, gaˇ ma pyeuꞈ-eu ma. Yaw tsaˬ yaw dawˇ jeˬ hawˇ-eu saꞈ laˇ dehꞈ-eu jeˬ kʼawꞈ pyeuꞈ-eu ma. Ngaˬ-ahˇ maˬ gʼoe naˇ, tsawˇ haˬ tiˬ gʼaˬ-iˬ Aˬda jawˇ gaˇ ma le keuˆ nya-a.

Yoˇhaˬ 3:32

Aˬ yawꞈ neh ya gaˬ ya mawˇ-euˬ jeˬ aˬ yawꞈ ja mehˬ-eu meh. Ehˇ kʼawꞈ, aˬ yawꞈ ehˇ gaˇ tiˬ gʼaˬ-iˬ maˬ jah-a.

Yoˇhaˬ 7:17

Miˬyehˇ-euˬ nui kʼahˇ mˇ mawꞈ-eu tsawˇ haˬ aˬ geu gʼaˬ maˬ kaˬ, ngaˇ mehˬ-eu dawˬ heu Miˬyehˇ-euˬ dawˬ nga loˇ, ngaˬ-euˬ baoˬ-ahˇ gʼoe-awˇ mehˬ-eu tsoˆ-eu dawˬ nga loˇ lehˇ, tseˇ paˆ geuꞈ nya tehꞈ-a.

Yoˇhaˬ 8:14

Yeˬsuˇ ehˇ-eu, “Ngaˇ ngaˬ-euˬ gaˇ kawˆ saˇ kiˇ kamˬ-eu nga lehˇ ehˇ kʼawꞈ, ngaˬ neh kʼaˇ ehˇ-euˬ jeˬ tsaˬ ma dawˇ ma. Ngaˇ aˬ gaˇ neh oe-awˇ aˬ gaˇ iˇ luꞈ-eu ngaˇ siˬ nya ma. Naw maꞈ-aˬ, ngaˇ aˬ gaˇ neh oe-awˇ aˬ gaˇ iˇ luꞈ-eu maˬ siˬ nya-a.

Yoˇhaˬ 8:45

Ehˇ kʼawꞈ, ngaˇ-aˬ, yaw tsaˬ yaw dawˇ jeˬ ngehˬ-eu ma. Kʼoeˇ miˇ neh, naw maꞈ ngaˬ-ahˇ maˬ jah-eu meh.

Yoˇhaˬ 8:46

Naw maꞈ ngaˬ-euˬ iˬ baˇ toeˬ ceh nya-eu aˬ suˇ gʼaˬ jawˇ te. Ngaˇ yaw tsaˬ yaw dawˇ jeˬ ngehˬ-eu ngeuˇ naˇ kʼawꞈ, aˬ jeˬ miˇ neh naw maꞈ ngaˬ-ahˇ maˬ jah te.

Yoˇhaˬ 8:47

Miˬyehˇ jawˇ gaˇ neh oe-euˬ tsawˇ haˬ-aˬ, Miˬyehˇ-euˬ ehˇ dawˬ naˇ haˬ tehꞈ-a. Ehˇ kʼawꞈ, naw maꞈ-aˬ, Miˬyehˇ jawˇ gaˇ neh oe-euˬ maˬ ngeuˇ-a. Kʼoeˇ miˇ neh, Miˬyehˇ-euˬ ehˇ dawˬ naw maꞈ maˬ naˇ haˬ mawꞈ-a.”

1 Tiˆmoˇseˬ 6:13

Yawˬ jeˬ na luꞈ-ahˇ dehꞈ-eu saꞈ laˇ biꞈ-euˬ gʼaˬ pyeuꞈ-eu Miˬyehˇ mehˬ shi hawˇ-eu, sahˬ paˬ Boˬtiˆ Piˇlaˆ-ahˇ jah-eu jeˬ ziꞈ dah ni mehˬ nehˬ-euˬ gʼaˬ pyeuꞈ-eu Yeˬsuˇ Ka li mehˬ shi, ngaˇ nawˬ-ahˇ dawˬ heu loꞈ-ehˇ biꞈ-eu ma.

1 Beˬtuˆluˆ 1:22

Nymˬ-mˇ naw maꞈ yaw tsaˬ yaw dawˇ dawˬ-ahˇ naˇ haˬ geuꞈ-eu laꞈ kʼoeˇ yawˬ haˇ yawˬ ha bi muiˬ bi shawˇ laˇ-awˇ, Ka li-ahˇ jah-eu tsawˇ haˬ cawˬ cawˬ gʼoeˇ nya gaˬ nya-eu aˇ tiˆ-ahˇ dehꞈ keuˆ laꞈ-euˬ-aˬ, tiˬ gʼaˬ tiˇ gʼaˬ nui ma laꞈ kʼoeˇ keuˆ ni ziꞈ dah ni gaˬ-awˬ.

1 Yoˇhaˬ 2:21

Naw maꞈ yaw tsaˬ yaw dawˇ jeˬ-ahˇ maˬ siˬ nya-eu baˬ da neh, ngaˇ naw maꞈ-ahˇ sahˬ bo boꞈ ahˇ laꞈ-eu maˬ ngeuˇ. Yaw tsaˬ yaw dawˇ kʼoeˇ-ahˇ naw maꞈ siˬnya-eu uˬ taꞈ, kʼoeˇ-euˬ laꞈ kʼoeˇ jaˬ myawꞈ myawꞈ-eu jeˬ maˬ doˆ laˇ-a lehˇ naw maꞈ siˬ nya-eu baˬ da neh, ngaˇ naw maꞈ-ahˇ sahˬ boꞈ boꞈ ahˇ laꞈ-eu jeˬ pyeuꞈ-eu ma.

1 Yoˇhaˬ 3:14

Aˬ dui-aˬ, shiˇ-eu jeˬ laꞈ kʼoeˇ neh doˆ dzeuˇ laˇ-awˇ, dehꞈ-eu jeˬ laꞈ kʼoeˇ uˇ keuˆ laˇ taˬ-euˬ ma lehˇ siˬ nya-eu ma. Aˬ dui Ka li zaˬ cawˬ cawˬ gaˬ luꞈ-eu miˇ neh, kʼoeˇ loꞈ-ehˇ ehˇ tsehˆ nya-eu ma. Gʼoeˇ-eu gaˬ-eu jeˬ maˬ ahˇ-eu tsawˇ haˬ-aˬ, shiˇ-eu jeˬ-euˬ baoˬ uˬ moˆ jawˇ luꞈ-a siˬ.

1 Yoˇhaˬ 3:19

Aˬ dui-euˬ gʼoeˇ-eu gaˬ-eu jeˬ heu maˇ jawˆ ni gʼeh-eu baˬ da neh, yawˬ ha yaw tsaˬ yaw dawˇ jeˬ-ahˇ taꞈ-eu gaˇ kawˆ yawˬ haˇ yawˬ ha siˬ laˇ tehꞈ-a. Kʼoeˇ baˬ da neh Miˬyehˇ mehˬ shi aˬ dui nui ma ziꞈ dah ni jaˆ tehꞈ-a.

1 Yoˇhaˬ 4:6

Ehˇ kʼawꞈ, aˬ dui-aˬ, Miˬyehˇ-ahˇ taꞈ-eu ma. Miˬyehˇ-ahˇ kʼaˇ siˬ nya-eu tsawˇ haˬ-aˬ, nga maꞈ-euˬ ehˇ dawˬ naˇ haˬ geuꞈ-eu meh. Miˬyehˇ-ahˇ maˬ kʼaˇ taꞈ-eu tsawˇ haˬ-aˬ, nga maꞈ-euˬ ehˇ dawˬ maˬ naˇ haˬ geuꞈ-a. Kʼoeˇ gaˇ haw-awˇ, ngeuˇ-eu Yaw sahˇ hawˇ-eu maˬ ngeuˇ-eu yaw sahˇ-ahˇ aˬ dui tseˇ paˆ geuꞈ nya tehꞈ-a.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

Panmaeq 1:4

Aˬshaˆ Kʼahˬzaˬ laꞈ kʼoeˇ jawˇ-eu Ka li zaˬ aˇ muˇ shiꞈ muˇ-ahˇ Yoˇhaˬ dawˬ cawˬ puˬ ahˇ laꞈ-eu ma. Nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Miˬyehˇ hawˇ-eu, aˬ yawꞈ-euˬ dzoeˬ dzaˬ nuiˇ mahˬ mehˬ shi jawˇ luꞈ-eu yaw sahˇ shiꞈ sahˇ jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

Panmaeq 3:14

“Lawˬdiˬciˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, saˇ jaˇ ziꞈ-eu laꞈ kʼoeˇ dawˇ coe ni saˇ kiˇ kamˬ-eu gʼaˬ pyeuꞈ-awˇ, Miˬyehˇ neh kʼaˇ beh taˬ-eu jeˬ dawˬ tawˆ luꞈ kʼoeˇ taˆ uˆ lahˇ-eu, Aˬmiˬ lehˇ kuˇ-eu gʼaˬ-euˬ dawˬ meh.