Yoˇhaˬ 18:30 - Akha

³⁰ Aˬ yawꞈ maꞈ ehˇ-eu, “Tsawˇ haˬ heu gʼaˬ yaw haiˬ jeˬ mˇ taˬ-euˬ maˬ jaˆ law nmˇ-aˬ, aˬ yawꞈ-ahˇ nawˇjawˇ gaˇ nga maꞈ maˬ sheuˬ ha laˇ nya-aˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Aqyawfmaf aerkhof naeq-eu, “Tsawrhaq teughaq yawdoer jeq maqmr-euq lawnmr-aq, nga’maf, nawr jawr-eu gar maq sheuqha lar-ar.”

Yoˇhaˬ 18:30 ပူးပေါင်းရင်းမြစ်များ

Maˬkuˆ 10:33

“Naˇ haˬ sheˇ. Aˬ dui maꞈ Yeˬluˇsaˬlehˬ meuˬ-ahˇ le luꞈ-eu ma. Kʼoeˇ gaˇ, Tsawˇhaˬ-euˬ Zaˬmaˇ-ahˇ, piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-euˬ aˬ laꞈ laꞈ kʼoeˇ aˬ cawˬ a nehˬ-awˇ, aˬ yawꞈ ya shiˇ ni aˬ yawꞈ maꞈ yaˇ kʼaˬ daˇ tehꞈ-a. Kʼoeˇ naˇ, Miˬyehˇ-ahˇ maˬ siˬ nya-eu aˬ cawˬ tsawˇ jeuˬ-euˬ laꞈ-ahˇ a nehˬ tehꞈ-a.

Maˬkuˆ 15:3

Kʼoeˇ naˇ, piˇ ma aˬ yuiꞈ deuˬ Yeˬsuˇ gaˇ kawˆ yaw lehˬ gʼawˬ mya jeˬ ja-eu meh.

Luˇkaꞈ 24:7

‘Tsawˇhaˬ-euˬ Zaˬmaˇ-ahˇ iˬ baˇ zaˬ deuˬ-euˬ aˬ laꞈ laꞈ kʼoeˇ a nehˬ-awˇ laꞈ yaꞈ kʼoeˇ taˆ bi taꞈ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a’ lehˇ ehˇ nehˬ laꞈ-euˬ maˬ ngeuˇ-a loˇ.”

Yoˇhaˬ 18:29

Kʼoeˇ miˇ neh, sahˬ paˬ-euˬ mawˇ do laꞈ nyiˇ doˆ le-awˇ ehˇ-eu, “Tsawˇ haˬ heu gʼaˬ aˬ geu jeˬ lehˬ nga lehˇ naw maꞈ ehˇ te.”

Yoˇhaˬ 18:31

Sahˬ paˬ Piˇlaˆ ehˇ-eu, “Toˆ-ehˇ ngeuˇ naˇ, naw maꞈ aˬ yawꞈ-ahˇ sheuˬ kʼoꞈ gʼeh-awˇ, naw maꞈ-euˬ zahˇ sahˇ kʼoꞈ kʼaˇ jaˆ-eu loꞈ-ehˇ yaˇ kʼa daˇ-awˬ.” Aˬ yawꞈ maꞈ ehˇ-eu “Nga maꞈ tsawˇ haˬ maˬ sehꞈ kʼmˬ-a.”

Yoˇhaˬ 19:12

Dawˬ kʼoeˇ dawˬ-ahˇ sahˬ paˬ Piˇlaˆ ya gaˬ ngeh, Yeˬsuˇ-ahˇ pyehˬ nehˬ-eu gaˇ ma poˆ-euˬ meh. Ehˇ kʼawꞈ, tsawˇ haˬ aˇ maꞈ guˇ-awˇ ehˇ-eu, “Nawˇ aˬ yawꞈ-ahˇ pyehˬ nehˬ te lehˇ ngeuˇ naˇ, nawˇ sahˬ paˬ Gehˇsaˬ-euˬ cawˬ maˬ paˇ ngeuˇ meh. Yawˬ haˇ yawˬ ha sahˬ paˬ ma lehˇ ehˇ-eu tsawˇ haˬ-aˬ, sahˬ paˬ Gehˇsaˬ-ahˇ puiˬ-eu tsawˇ haˬ meh.”

Gʼaˬkʼehˇ 3:13

Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu aˬ dui maꞈ-euˬ aˬ poeˬ aˬ bawˇ deuˬ-euˬ Miˬyehˇ neh, a yawꞈ-euˬ Zaˬ kʼaˆ Yeˬsuˇ-ahˇ muiˬ-eu shawˇ-eu yaw shehꞈ kʼahˬ sehˇ biꞈ nehˬ-euˬ meh. Ehˇ kʼawꞈ, aˬ yawꞈ-ahˇ miˇ kʼahˬ sahˬ paˬ sahˬ ma deuˬ-euˬ aˬ laꞈ laꞈ kʼoeˇ naw maꞈ a nehˬ-awˇ, aˬ yawꞈ-ahˇ pyehˬ nehˬ-eu gʼaˇ duˬ sahˬ paˬ Piˇlaˆ noeˬ tsehˆ gʼaˬ-euˬ kʼawꞈ, sahˬ paˬ Piˇlaˆ mehˬ shi aˬ yawꞈ-ahˇ naw maꞈ iˬ baˆ poˆ-euˬ meh.

2 Tiˆmoˇseˬ 2:9

Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh, kʼehˬ-eu kʼaˆ-eu jeˬ-ahˇ ngaˇ ya daˬ-awˇ, smˇ kʼoeˬ tahˇ joe loꞈ-ehˇ shmˇ caˆ neh bi paꞈ gaˇ keuˆ-euˬ ma. Ehˇ kʼawꞈ, Miˬyehˇ-euˬ dawˬ-ahˇ shmˇ caˆ neh maˬ paꞈ tawꞈ nya-a.

1 Beˬtuˆluˆ 4:15

Naw maꞈ tiˬ gʼaˬ na kʼehˬ-eu kʼaˆ-eu jeˬ-ahˇ ya daˬ-eu jeˬ-aˬ, aˬ cawˬ-ahˇ sehꞈ-eu, smˇ kʼoeˬ kʼoeˬ-eu, bahˬ dui dui-eu jeˬ mˇ-eu, aˬ cawˬ gaˇ mˇ gaˇ teh kawˆ-eu, heu loꞈ-ehˇ gʼeh-eu jeˬ-ahˇ mˇ-awˇ ya daˬ-eu jeˬ taˬ bi pyeuꞈ.