Yoˇhaˬ 18:29 - Akha

²⁹ Kʼoeˇ miˇ neh, sahˬ paˬ-euˬ mawˇ do laꞈ nyiˇ doˆ le-awˇ ehˇ-eu, “Tsawˇ haˬ heu gʼaˬ aˬ geu jeˬ lehˬ nga lehˇ naw maꞈ ehˇ te.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Khoermirnae, Pirlav, aqyawfmaf jawr-eu gar dovle-awr narhaq-eu, “Nawmaf, tsawrhaq heughaq-anr yawlaeq aqjeq daq-eu le?”

Yoˇhaˬ 18:29 ပူးပေါင်းရင်းမြစ်များ

Maꞈtehˬ 27:23

Sahˬ paˬ Piˇlaˆ ehˇ-eu, “Aˬ jeˬ miˇ neh aˬ yawꞈ-ahˇ sehꞈ mawꞈ-eu nya. Aˬ yawꞈ mˇ lehˬ taˬ-euˬ aˬ jeˬ jaˆ ta.” Aˬ yawꞈ maꞈ yaw kʼaˆ-ehˇ guˇ-awˇ ehˇ-eu, “Aˬ yawꞈ-ahˇ laꞈ yaꞈ kʼoeˇ taˆ taꞈ sehꞈ-awˬ.”

Yoˇhaˬ 18:30

Aˬ yawꞈ maꞈ ehˇ-eu, “Tsawˇ haˬ heu gʼaˬ yaw haiˬ jeˬ mˇ taˬ-euˬ maˬ jaˆ law nmˇ-aˬ, aˬ yawꞈ-ahˇ nawˇjawˇ gaˇ nga maꞈ maˬ sheuˬ ha laˇ nya-aˇ.”

Yoˇhaˬ 18:33

Sahˬ paˬ Piˇlaˆ hawˇ nymˇ laꞈ kʼoeˇ paˇ gʼoꞈ kʼoꞈ leˇ-awˇ, Yeˬsuˇ-ahˇ kuˇ-awˇ naˇ haˬ-eu, “Nawˇ Yuˇdaˆ tsawˇ haˬ-euˬ Sahˬ paˬ ma loˇ.”

Gʼaˬkʼehˇ 25:16

Ehˇ kʼawꞈ, aˬ yawꞈ maꞈ-ahˇ ngaˇ heu loꞈ-ehˇ ehˇ nehˬ-euˬ ma. ‘Nga maꞈ Loˇmaˆ tsawˇ haˬ-aˬ, mˇ bahˬ-euˬ tsawˇ haˬ hawˇ-eu aˬ yawꞈ-ahˇ yaˇ kʼaˬ ja mawꞈ-eu tsawˇ haˬ yaw kaˬ bi tahˬ dzoeˇ-awˇ, nyiˬ paw luꞈ yawˬ ha gaˇ kawˆ bi dzawˇ gʼaˬ miˇ tsa maˬ ngeuˇ naˇ, mˇ bahˬ-euˬ tsawˇ haˬ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-eu zahˇ sahˇ kʼoꞈ maˬ jaˆ-a’ lehˇ ehˇ nehˬ-euˬ ma.

Gʼaˬkʼehˇ 4:27

Nawˬ neh Ka li bi geuꞈ-euˬ nawˬ-euˬ muiˬ-eu shawˇ-eu Zaˬ kʼaˆ pyeuꞈ-eu Yeˬsuˇ-ahˇ muiˇ-eu gʼaˇ duˬ, Heˬloˆ hawˇ-eu Boˬtiˇ Piˇlaˆ aˬ nyaꞈ, lawˇ ciꞈ zaˬ deuˬ hawˇ-eu Iˇsaˬleˬlaˇ tsawˇ haˬ deuˬ nehˬ-ehˇ meuˬ heu meuˬ laꞈ kʼoeˇ aˬ diˇ aˬ maˇ mehˬ bawˬ mˇ-euˬ meh.