Yoˇhaˬ 18:28 - Akha

²⁸ Yawˬ nah yawˬ uˬ shawˬ yaw naꞈ-ehˇ, Yeˬsuˇ-ahˇ Gaˬyaˬpaˇ-euˬ nymˇ-ahˇ neh sheuˬ doˆ gʼeh-awˇ, sahˬ paˬ-euˬ hawˇ nymˇ-ahˇ sheuˬ gʼeh-euˬ meh. Yuˇdaˆ tsawˇ haˬ aˬ yuiꞈ aˬ tsu deuˬ-aˬ, Baˬsaˬkaˬ Bawˬ-iˬ dzaˬ gaˇ uˇ leˇ-eu gʼaˇ duˬ yawˬ ha-euˬ gʼawˇ mawˇ maˬ bi jawꞈ-iˇ-ehˇ shawˇ jehˆ ni bi jaˆ mawꞈ-eu miˇ neh, sahˬ paˬ-euˬ hawˇ nymˇ laꞈ kʼoeˇ maˬ uˇ keuˆ leˇ ni jawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Uqshawq yawnaf-aer, aqyawfmaf, Yeqsur-anr Gaqyaqpar jawr-eu gar nae guirmaf dzoeqnymr-anr sheuqghae-euq mae. Aerkhawf, aqyawfmaf Baqsaqkaq yawbui-anr dzaqtaf nya’ni, guirmaf dzoeqnymr-anr maq urler-aq. Urler nar-aq, aqyawf maf-euq mawrdo maqshawrni pyeuf-ir-eu mae.

Yoˇhaˬ 18:28 ပူးပေါင်းရင်းမြစ်များ

Jaceuq 35:16

Kuiˇkuˆ-ahˇ naˬgʼa-eu loꞈ-ehˇ, ngaˬ-ahˇ mˇziˇhaw laˇ-eu meh.

Dawqdaq 1:16

Yaw haiˬ jeˬ mˇ-eu gʼaˇ duˬ aˬ yawꞈ maꞈ aˬ kuiˇ aˬ laꞈ kawˇ-awˇ, tsawˇ haˬ-ahˇ sehꞈ ngeh kʼahˇ kʼoꞈ-eu maˬ baw-a.

Dawqdaq 4:16

Yaw lehˬ jeˬ maˬ ya mˇ naˇ, aˬ yawꞈ maꞈ maˬ yuꞈ kʼaˆ leˇ-a. Aˬ cawˬ-ahˇ maˬ ya laˆ coeˬ laˆ ciˆ kʼoeˇ keuˆ ni maˬ yuꞈ kʼaˆ leˇ-a.

Yeˬsaˬgeˬlaˇ 45:21

“Ba la yaw beh siˬ tseˇ oeˬ nah-ahˇ, Baˬsaˬkaˬ bawˬ-iˬ aˇ dahˬ ya beh meh. Shiꞈ nah keuˆ ni yawˬ gʼaˬ na luꞈ dehˬ tseˬ maˬ ahˇ-eu kaˬ muˇ ya dzaˬ meh.

Miˇkaˬ 2:1

Yaw noeˬ-ehˇ yuꞈ-awˇ yaw haiˬ jeˬ mˇ-eu gʼaˇ duˬ saˇ sawˇ luꞈ-eu tsawˇ haˬ deuˬ kʼoeˇ taˆ guˆ-eu gaˆ-eu jeˬ keuˆ le tehꞈ-a. Uˬ bya bya laˇ-awˇ, yaw haiˬ jeˬ mˇ-eu gʼaˇ duˬ yehꞈ laˇ ngeh jawˇ, aˬ yawꞈ maꞈ neh saˇ sawˇ taˬ-euˬ jeˬ tiˬ poˆ tehꞈ-ehˇ mˇ-eu meh.

Maꞈtehˬ 27:27

Kʼoeˇ naˇ, sahˬ paˬ Piˇlaˆ-euˬ yehˇ deuˬ neh Yeˬsuˇ-ahˇ sahˬ paˬ-euˬ hawˇ nymˇ laꞈ kʼoeˇ sheuˬ gʼeh-awˇ, yehˇ tiˬ maꞈ maꞈ lah ni, aˬ yawꞈ-euˬ tiˬ jawˬ uiˬ le-euˬ meh.

Maˬkuˆ 15:16

Yehˇ deuˬ neh Yeˬsuˇ-ahˇ miˇ kʼahˬ sahˬ paˬ-euˬ hawˇ nymˇ gawˬ lahˇ taˬ-euˬ laꞈ kʼoeˇ tsahˇ uˇ gʼeh-awˇ, yehˇ kʼoeˇ maꞈ maꞈ lah-ehˇ kuˇ uiˬ jiˇ-euˬ meh.

Luˇkaꞈ 22:66

Uˬ bya bya laˇ ngeh, tsawˇ mawˬ tsawˇ kʼaˆ deuˬ, piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ tiˬ gaˇ uiˬ leˇ-awˇ, Yeˬ suˇ-ahˇ Baꞈ dzah -euˬ mehˬ shi bi sheuˬ laꞈ-euˬ meh.

Yoˇhaˬ 11:55

Baˬsaˬkaˬ Bawˬ-iˬ gʼeh-eu aˇ yamˬ peh laˇ-euˬ miˇ neh, bawˬ-iˬ maˬ gʼeh mi naˆ-ehˇ gʼawˇ mawˇ shawˇ-eu zahˇ jahˇ leˇ-eu gʼaˇ duˬ, dahˇ taˆ jawˇ-eu tsawˇ haˬ gʼawˬ mya ni Yeˬluˇsaˬlehˬ meuˬ-ahˇ le luꞈ-eu meh.

Yoˇhaˬ 18:13

Kʼoeˇ naˇ, Aˬna jawˇ gaˇ jeˬ huˬ sheuˬ gʼeh-euˬ meh. Aˬ na-aˬ, kʼoeˇ ngeh kʼoꞈ-ahˇ Piˇ ma Yaw huiˬ gʼaˬ geuꞈ luꞈ-eu Gaˬyaˬpaˇ-euˬ tsawˇ mawˬ meh.

Yoˇhaˬ 18:15

Siˇmoˬ Beˬtuˆluˆ hawˇ-eu zaˬ lahˇ yawˬ gʼaˬ yawˬ Yeˬsuˇ mehˬ nah caw teh gʼeh-euˬ meh. Zaˬ lahˇ kʼoeˇ gʼaˬ Piˇ ma Yaw huiˬ gʼaˬ-ahˇ yaw muiˬ paˬ-ehˇ siˬ nya-eu miˇ neh, Piˇ ma Yaw huiˬ gʼaˬ-euˬ nymˇ-ahˇ kmˇ cehˇ gawˬ lahˇ taˬ-euˬ laꞈ kʼoeˇ, Yeˬsuˇ mehˬ nah caw teh uˇ gʼeh-euˬ meh.

Yoˇhaˬ 18:33

Sahˬ paˬ Piˇlaˆ hawˇ nymˇ laꞈ kʼoeˇ paˇ gʼoꞈ kʼoꞈ leˇ-awˇ, Yeˬsuˇ-ahˇ kuˇ-awˇ naˇ haˬ-eu, “Nawˇ Yuˇdaˆ tsawˇ haˬ-euˬ Sahˬ paˬ ma loˇ.”

Yoˇhaˬ 18:39

Kʼoeˇ naˇ, hawˇ nymˇ-euˬ laꞈ nyiˇ jawˇ-eu deuˬ jawˇ gaˇ sahˬ paˬ Piˇlaˆ iˇ-awˇ, heu loꞈ-ehˇ ehˇ nehˬ-euˬ meh. “Tsawˇ haˬ heu gʼaˬ-euˬ yaw lehˬ ngaˇ maˬ poˆ mawˇ nya nya. Ehˇ kʼawꞈ, Baˬsaˬkaˬ Bawˬ-iˬ kʼaˇ keuˆ le ngeh, naw maꞈ gʼaˇ duˬ tsawˇ haˬ tiˬ gʼaˬ ngaˇ ya pyehˬ nehˬ-eu zahˇ sahˇ kʼoꞈ jaˆ-eu ma. Naw maꞈ gʼaˇ duˬ Yuˇdaˆ tsawˇ haˬ-euˬ Sahˬ paˬ heu gʼaˬ-ahˇ bi pyehˬ nehˬ mawꞈ-eu nya loˇ.”

Yoˇhaˬ 19:11

Yeˬsuˇ ehˇ-eu, “Miˬyehˇ neh nawˬ-ahˇ baoˬ biꞈ taˬ-euˬ miˇ neh, nawˇ ngaˬ-euˬ kʼoeˇ taˆ baoˬ jaˆ-eu meh. Kʼoeˇ miˇ neh, ngaˬ-ahˇ nawˬ-euˬ aˬ laꞈ laꞈ kʼoeˇ a nehˬ laˇ-euˬ gʼaˬ-aˬ, nawˇ naˆ maˬ tseˇ iˬ baˇ huiˬ dzehˬ meh.”

Yoˇhaˬ 19:14

Kʼoeˇ ngeh nah-aˬ, Baˬsaˬkaˬ Bawˬ-iˬ gʼeh-eu gʼaˇ duˬ lehˬ hmˬ-eu aˇ nah pyeuꞈ-awˇ, nah loˆ ceh laˇ mawꞈ laˇ-euˬ meh, Tsawˇ haˬ kʼoeˇ deuˬ-ahˇ Sahˬ paˬ Piˇlaˆ ehˇ nehˬ-eu, “Naw maꞈ-euˬ sahˬ paˬ-ahˇ haw sheˇ.”

Yoˇhaˬ 19:9

Aˬ yawꞈ hawˇ nymˇ laꞈ kʼoeˇ paˇ gʼoꞈ kʼoꞈ-iˇ-awˇ, “Nawˇ aˬ gaˇ neh oe teˬ” lehˇ, Yeˬsuˇ-ahˇ naˇ haˬ-euˬ meh. Ehˇ kʼawꞈ, Yeˬ suˇ dawˬ maˬ tmˇ-a.

Gʼaˬkʼehˇ 10:28

Tsawˇ haˬ kʼoeˇ deuˬ-ahˇ Beˬtuˆluˆ ehˇ nehˬ-eu, “Yuˇdaˆ tsawˇ haˬ tiˬ gʼaˬ, aˬ cawˬ tsawˇ jeuˬ-ahˇ cawˬ cawˬ-eu maˬ ehˇ, dawˬ deh gʼa taꞈ-eu maˬ ehˇ, maˬ mˇ kʼmˬ-eu gaˇ kawˆ naw maꞈ yaw muiˬ paˬ-ehˇ siˬ duˬ-eu meh. Ehˇ kʼawꞈ, tsawˇ haˬ tiˬ gʼaˬ-ahˇ-iˬ maˬ muiˬ maˬ shawˇ-eu tsawˇ haˬ lehˇ maˬ ya sawˇ-eu gʼaˇ duˬ, Miˬyehˇ ngaˬ-ahˇ mehˬ nehˬ laꞈ gʼaˬ-euˬ meh.

Gʼaˬkʼehˇ 10:32

Yuˇbeˬ meuˬ-ahˇ tsawˇ haˬ kʼehˇ gʼeh-awˇ, Beˬtuˆluˆ lehˇ kuˇ-eu Siˇmoˬ kʼoeˇ gʼaˬ-ahˇ bi kuˇ laˬ-iˇ-awˬ. Iˬ ma laˆ shaˆ lawˇ dzeˇ jawˇ-eu, shaˬ kʼoˆ jahˇ-eu Siˇmoˬ lehˇ myahˇ-euˬ gʼaˬ-euˬ nymˇ-ahˇ aˬ yawꞈ yaꞈ luꞈ meh’ lehˇ ehˇ-eu meh.

Gʼaˬkʼehˇ 11:3

“Aˬ jeˬ miˇ neh nawˇ baˆ kʼoˆ mehˬ dzaˬ maˬ yehˬ-euˬ aˬ cawˬ tsawˇ jeuˬ-euˬ nymˇ-ahˇ daˆ leˇ-eu uˬ taꞈ, aˬ yawꞈ maꞈ nehˬ-ehˇ dzaˬ taꞈ dawˇ taꞈ te.”

Gʼaˬkʼehˇ 3:13

Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu aˬ dui maꞈ-euˬ aˬ poeˬ aˬ bawˇ deuˬ-euˬ Miˬyehˇ neh, a yawꞈ-euˬ Zaˬ kʼaˆ Yeˬsuˇ-ahˇ muiˬ-eu shawˇ-eu yaw shehꞈ kʼahˬ sehˇ biꞈ nehˬ-euˬ meh. Ehˇ kʼawꞈ, aˬ yawꞈ-ahˇ miˇ kʼahˬ sahˬ paˬ sahˬ ma deuˬ-euˬ aˬ laꞈ laꞈ kʼoeˇ naw maꞈ a nehˬ-awˇ, aˬ yawꞈ-ahˇ pyehˬ nehˬ-eu gʼaˇ duˬ sahˬ paˬ Piˇlaˆ noeˬ tsehˆ gʼaˬ-euˬ kʼawꞈ, sahˬ paˬ Piˇlaˆ mehˬ shi aˬ yawꞈ-ahˇ naw maꞈ iˬ baˆ poˆ-euˬ meh.

Gʼaˬkʼehˇ 4:27

Nawˬ neh Ka li bi geuꞈ-euˬ nawˬ-euˬ muiˬ-eu shawˇ-eu Zaˬ kʼaˆ pyeuꞈ-eu Yeˬsuˇ-ahˇ muiˇ-eu gʼaˇ duˬ, Heˬloˆ hawˇ-eu Boˬtiˇ Piˇlaˆ aˬ nyaꞈ, lawˇ ciꞈ zaˬ deuˬ hawˇ-eu Iˇsaˬleˬlaˇ tsawˇ haˬ deuˬ nehˬ-ehˇ meuˬ heu meuˬ laꞈ kʼoeˇ aˬ diˇ aˬ maˇ mehˬ bawˬ mˇ-euˬ meh.

Dawˬmehˬ 16:2

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ ta mahˇ-eu laꞈ kʼoeˇ, Baˬsaˬkaˬ Bawˬ-iˬ dzaˬ-eu gʼaˇ duˬ, uˬ duˬ tahˬ-eu jawˇ duˬ kʼoeˇ tsahˇ-ahˇ le-awˇ, nawˬ-euˬ yawˇ maˬ ngeuˇ naˇ mawˇ neˇ tiˬ mawˇ sehꞈ-awˬ.