Yoˇhaˬ 17:24 - Akha

²⁴ Aˬda-oˇ, nawˬ neh biꞈ laꞈ-euˬ tsawˇ haˬ heu deuˬ nawˇ ngaˬ-ahˇ biꞈ laꞈ-euˬ yaw shehꞈ kʼahˬ sehˇ-ahˇ mawˇ nya ni, aˬ yawꞈ maꞈ-ahˇ ngaˇ kʼaˇ jawˇ gaˇ bi jawˇ mawꞈ-eu ma. Aˬ jeˬ miˇ neh ehˇ naˇ, miˇ tsaˬ tahˬ kʼawˇ maˬ beh mi naˆ-ehˇ nawˇ ngaˬ-ahˇ gaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ “Aqda-or! Mirtsaq maqbae-euq minav-aer nawr, ngaq-anr gaqluf-eu mirnae, nawq nae ngaq-anr bifnaeq laf-euq yawshaef khanqsaer khoer-anr aqyawfmaf ya’mawrni, nawq nae ngaq-anr bifnaeq laf-euq tsawrhaq-anr ngar kharjawr-eu gar aqyawfmaf khawf bi jawrmawf mir-a.

Yoˇhaˬ 17:24 ပူးပေါင်းရင်းမြစ်များ

Aˇ dahˬ 45:13

Iˇjiˇtuˆ miˇ kʼahˬ laꞈ kʼoeˇ ngaˇ aˇ naˆ ni baoˬ jaˆ-eu gaˇ kawˆ hawˇ-eu, naw maꞈ kʼaˇ ya siˬ kʼaˇ ya mawˇ-euˬ gaˇ kawˆ deuˬ ngaˬ da-ahˇ dzawˇ nehˬ leˇ-awˬ. Kʼoeˇ naˇ, aˬ yawꞈ-ahˇ yaw kawˇ-ehˇ sheuˬ ka leꞈ-awˬ.”

Maꞈtehˬ 25:21

Baw leˬ ehˇ-eu, ‘Saˇ jaˇ ziꞈ-eu muiˬ-eu zaˬ kʼaˆ-oˇ. Nawˇ gaˇ mˇ-euˬ muiˬ dui dui ngaˇ. Nawˇ gaˇ yaw nyiˇ mˇ-euˬ saˇ jaˇ ziꞈ-eu miˇ neh, nawˬ-ahˇ ngaˇ gaˇ yaw huiˬ bi mˇ ma. Nawˬ-euˬ baw leˬ nehˬ-ehˇ tiˬ kawˆ loꞈ-ehˇ laˬ kʼaˬ cehˇ laˇ-awˬ.’

Maꞈtehˬ 25:23

Baw leˬ ehˇ-eu, ‘Saˇ jaˇ ziꞈ-eu, muiˬ-eu zaˬ kʼaˆ-oˇ. Nawˇ gaˇ mˇ-euˬ muiˬ dui dui ngaˇ. Nawˇ gaˇ yaw nyiˇ mˇ-euˬ saˇ jaˇ ziꞈ-eu miˇ neh, nawˬ-ahˇ ngaˇ gaˇ yaw huiˬ bi mˇ ma. Nawˬ-euˬ baw leˬ nehˬ-ehˇ tiˬ kawˆ loꞈ-ehˇ laˬ kʼaˬ cehˇ laˇ-awˬ.’

Maꞈtehˬ 25:34

Kʼoeˇ naˇ, aˬ yawꞈ-euˬ aˇ maˇ paw jawˇ-eu tsawˇ haˬ deuˬ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ Da neh guiˬ lahˬ biꞈ taˬ-euˬ tsawˇ haˬ deuˬ-oˇ, laˇ-awˬ. Mˬ beh miˇ beh ngeh neh naw maꞈ gʼaˇ duˬ lehˬ hmˬ taˬ-euˬ miˇ kʼahˬ-ahˇ jawˇ laˇ-awˬ.

Maꞈtehˬ 26:29

Ngaˬ Da-euˬ Miˇkʼahˬ laꞈ kʼoeˇ, naw maꞈ nehˬ-ehˇ aˬ gaꞈ dzaˇ uiˇ yaw shuiꞈ ya dawˇ taꞈ-eu aˇ nah maˬ keuˆ laˇ kʼoeˇ keuˆ ni, aˬ gaꞈ dzaˇ uiˇ heu ngaˇ maˬ paˇ dawˇ ma lehˇ, naw maꞈ-ahˇ ngaˇ ehˇ-eu ma.”

Luˇkaꞈ 12:37

Baw leˬ gʼaˬ gʼoꞈ laˇ ngeh, maˬ yuꞈ kʼaˆ ni loꞈ luꞈ-eu zaˬ kʼaˆ deuˬ guiˬ lahˬ huiˬ tehꞈ-a. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Baw leˬ gʼaˬ joꞈ paꞈ paꞈ-awˇ, aˬ yawꞈ-euˬ gʼawˇ mawˇ hawˬ byawˇ laˆ dawˆ nehˬ-awˇ, aˬ yawꞈ maꞈ-ahˇ hawˬ jeh-ahˇ nuiˇ-awˇ bi dzaˬ tehꞈ-a.

Luˇkaꞈ 23:43

Yeˬsuˇ aˬ yawꞈ-ahˇ ehˇ nehˬ-eu, “Iˬ nah nawˇ ngaˬ nehˬ-ehˇ Baˬlaˬdiˇsuˆ -ahˇ ya jawˇ tehꞈ-a lehˇ, ngaˇ nawˬ-ahˇ maˇ jawˆ ni ehˇ-eu ma.”

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 12:26

Ngaˬ-euˬ gaˇ mˇ mawꞈ-eu tsawˇ haˬ aˬ geuˬ gʼaˬ maˬ kaˬ, ngaˬ-euˬ mehˬ nah ya caw teh laˇ meh. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ-aˬ, ngaˇ kʼaˇ jawˇ gaˇ ya jawˇ tehꞈ-a. Ngaˬ-euˬ gaˇ kʼaˇ mˇ-eu tsawˇ haˬ-ahˇ ngaˬ Da taˬ huiˬ taˬ mahˇ nehˬ tehꞈ-a.”

Yoˇhaˬ 14:3

Ngaˇ jawˇ zaˇ laˆ saˆ leˇ gʼaˬ ngeh, naw maꞈ-ahˇ paˇ sheuˬ laˬ le-awˇ, ngaˬ nehˬ-ehˇ bi jawˇ laˇ ma.

Yoˇhaˬ 15:9

Aˬda ngaˬ-ahˇ gaˬ-eu loꞈ-ehˇ, naw maꞈ-ahˇ ngaˇ gaˬ-eu ma. Ngaˬ-euˬ gʼoeˇ-eu gaˬ-eu jeˬ laꞈ kʼoeˇ jawˇ-awˬ.

Yoˇhaˬ 17:2

Aˬ jeˬ miˇ neh ehˇ naˇ, nawˬ neh aˬ yawꞈ-ahˇ kʼaˇ a nehˬ taˬ-euˬ tsawˇ haˬ dawˬ tawˆ luꞈ-ahˇ mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ biꞈ nya ni, miˇ tsaˬ tsawˇ jeuˬ dawˬ tawˆ luꞈ kʼoeˇ taˆ aˬ yawꞈ-ahˇ nawˇ baoˬ biꞈ taˬ-euˬ meh.

Yoˇhaˬ 17:22

Aˇ nyaꞈ Da zaˬ nui ma tiˬ siˬ tehꞈ-ehˇ taˬ-eu loꞈ-ehˇ, aˬ yawꞈ maꞈ kʼawꞈ nui ma tiˬ siˬ tehꞈ-ehˇ taˬ nya laˇ ni, nawˬ neh ngaˬ-ahˇ biꞈ-euˬ yaw shehꞈ kʼahˬ sehˇ kʼoeˇ, aˬ yawꞈ maꞈ-ahˇ ngaˇ biꞈ-eu ma.

Yoˇhaˬ 17:5

Miˇ tsaˬ tahˬ kʼawˇ maˬ beh mi naˆ-ehˇ, nawˬ neh ngaˬ-ahˇ biꞈ taˬ-euˬ yaw shehꞈ kʼahˬ sehˇ kʼoeˇ, nawˬ-euˬ mehˬ shi aˬ cawˬ-ahˇ bi mawˇ laꞈ-awˬ.

Yoˇhaˬ 6:37

Ngaˬ Da neh ngaˬ-ahˇ kʼaˇ biꞈ laꞈ-euˬ tsawˇ haˬ yawˬ gʼaˬ yawˬ na luꞈ ngaˇ jawˇ gaˇ laˇ tehꞈ-a. Ngaˇ jawˇ gaˇ laˇ-eu tsawˇ haˬ aˬ geu gʼaˬ-ahˇ maˬ kaˬ, ngaˇ maˬ ha geuꞈ nehˬ ni maˬ byehˇ.

Yoˇhaˬ 6:39

Ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ-aˬ, ngaˬ-ahˇ kʼaˇ biꞈ laꞈ-euˬ dawˬ tawˆ luꞈ, tiˬ gʼaˬ-iˬ maˬ ya byoˆ-iˇ-eu uˬ taꞈ, aˇ saˬ saˬ ngeh nah yawˬ gʼaˬ yawˬ na luꞈ bi gʼoꞈ dehꞈ laˇ-eu gʼaˇ duˬ pyeuꞈ-eu meh.

Yoˇhaˬ 8:58

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Aˬbyaˬhaˬ maˬ dehꞈ le mi naˆ-ehˇ ngaˇ jawˇ-euˬ ma.”

1 Gawˇliˬtu 13:12

Nymˬ-mˇ aˬ dui ya mawˇ luꞈ-eu heu-aˬ, pyawˬ haw-ahˇ haw-eu loꞈ-ehˇ duˇ-awˇ, maˬ mawˇ shawˇ laˇ-a. Aˇ yamˬ kʼoeˇ keuˆ le ngeh, myaˆ pyawˬ ciˬ daˬ-awˇ ya mawˇ duˬ tehꞈ-a. Nymˬ-mˇ ngaˇ siˬ nya-eu heu-aˬ, maˬ byah maˬ loꞈ-a siˬ. Ehˇ kʼawꞈ, aˇ yamˬ kʼoeˇ keuˆ le ngeh, byah laˇ loꞈ laˇ tehꞈ-a. Miˬyehˇ ngaˬ-ahˇ tiˬ byah tiˬ loꞈ siˬ nya-eu loꞈ-ehˇ byah laˇ loꞈ laˇ tehꞈ-a.

2 Gawˇliˬtu 3:18

Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

2 Gawˇliˬtu 5:8

Nga maꞈ nui ma kʼaˬ duˬ ni jaˆ-eu laꞈ kʼoeˇ shiˬ shaˬ jiˇ gʼawˇ mawˇ heu-ahˇ byehˇ dzeh yaꞈ mawꞈ-awˇ, Sahˬpaˬ Miˬyehˇ jawˇ gaˇ gʼoꞈ leˇ mawꞈ-eu ma.

Piˇliˇpiˆ 1:23

Heu nyiˬ jeˬ luꞈ ngaˬ-ahˇ gʼeu taw taˬ-euˬ meh. Ngaˇ geuꞈ mawꞈ-eu-aˬ, miˇ tsaˬ kʼoeˇ taˆ dehꞈ-eu heu-ahˇ byehˇ dzeh yaꞈ-awˇ Ka li nehˬ-ehˇ jawˇ leˇ mawꞈ-eu kʼoeˇ hmˬ ma. Aˬ jeˬ miˇ neh ehˇ naˇ, kʼoeˇ-aˬ, ngaˬ-euˬ gʼaˇ duˬ muiˬ dzehˬ-eu meh.

1 Teˇsaˬloˇni 4:17

Kʼoeˇ naˇ, kʼoeˇ ngeh dehꞈ luꞈ-eu aˬ dui maꞈ kʼawꞈ, aˬ yawꞈ maꞈ nehˬ-ehˇ mˬ dmˇ laꞈ kʼoeˇ tiˬ kawˆ loꞈ-ehˇ uiˬ leˇ-awˇ, mˬ taˆ yaw goˇ-ahˇ Sahˬpaˬ Yeˬsuˇ-ahˇ ya tahˬ puˬ leˇ tehꞈ-a. Kʼoeˇ naˇ, aˬ myah luꞈ Sahˬpaˬ Yeˬsuˇ nehˬ-ehˇ ya jawˇ tehꞈ-a.

1 Beˬtuˆluˆ 1:21

Aˬ yawꞈ-ahˇ shiˇ-euˬ gaˇ bi gʼoꞈ dehꞈ laˇ-awˇ yaw shehꞈ kʼahˬ sehˇ biꞈ nehˬ-euˬ gʼaˬ pyeuꞈ-eu Miˬyehˇ-ahˇ, aˬ yawꞈ baˬ da neh naw maꞈ jah laˇ-euˬ meh. Kʼoeˇ miˇ neh, naw maꞈ jah-awˇ noeˬ tmˬ-eu jeˬ-aˬ, Miˬyehˇ tiˬ gʼaˬ tehꞈ meh.

1 Yoˇhaˬ 3:2

Ngaˇ gaˬ dui dui-eu cawˬ deuˬ-oˇ, nymˬ-mˇ aˬ dui Miˬyehˇ-euˬ zaˬ ma. Ehˇ kʼawꞈ, aˬ dui mehˬ hu paw aˬ joˆ-ehˇ pyeuꞈ laˇ-eu maˬ duˬ-a siˬ. Ehˇ kʼawꞈ, Yeˬsuˇ Ka li-ahˇ bya cehˆ ni ya mawˇ ngeh, aˬ dui aˬ yawꞈ loꞈ-ehˇ pyeuꞈ laˇ tehꞈ-a lehˇ siˬ duˬ taˬ-euˬ ma. Aˬ jeˬ miˇ neh ehˇ naˇ, aˬ yawꞈ kʼaˇ ngeuˇ-eu loꞈ-ehˇ aˬ dui aˬ yawꞈ-ahˇ ya mawˇ duˬ ma.

Panmaeq 21:22

Meuˬ kʼoeˇ meuˬ laꞈ kʼoeˇ, uˬ duˬ tahˬ nymˇ nymˇ ma jaˆ gaˇ ngaˇ maˬ ya mawˇ-aˬ. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ hawˇ-eu Yawˇzaˬ-aˬ, meuˬ kʼoeˇ meuˬ-euˬ uˬ duˬ tahˬ nymˇ nymˇ ma pyeuꞈ-eu meh.

Panmaeq 3:21

Ngaˇ gʼaˬ leˇ-euˬ miˇ neh, ngaˬ Da-euˬ dzoeˬ dzaˬ nuiˇ mahˬ kʼoeˇ taˆ ngaˬ Da-euˬ gaˇ dzeˇ nuiˇ luꞈ-eu loꞈ-ehˇ, gʼaˬ leˇ-euˬ tsawˇ haˬ deuˬ-ahˇ, ngaˬ-euˬ dzoeˬ dzaˬ nuiˇ mahˬ kʼoeˇ taˆ ngaˬ-euˬ gaˇ dzeˇ bi nuiˇ ma.