Yoˇhaˬ 16:20 - Akha

²⁰ Ngaˇ naw maꞈ-ahˇ dawˇ coe ni ehˇ-eu ma. Naw maꞈ myaˆ biˇ doˆ le-eu uˬ taꞈ, tsawˇ ngoeˇ kʼawꞈ ya ngoeˇ tehꞈ-a. Ehˇ kʼawꞈ, miˇ kʼahˬ zaˬ deuˬ laˬ kʼaˬ cehˇ tehꞈ-a. Naw maꞈ nui ma shaˬ zahˬ ya mˇ tehꞈ-a. Ehˇ kʼawꞈ, naw maꞈ neh noeˬ shaˬ-euˬ jeˬ kʼoeˇ, laˬ kʼaˬ cehˇ-eu jeˬ paˇ pyeuꞈ laˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Ngar, nawmaf-anr aqdirma-aer aernaeq nyar, nawmaf yawkhav-aer ngoer-awr, tsawrngoer ya’ngoer taef-a. Aerkhawf, mirtsaqzaq laqkhaqcaer taef-a. Nawmaf ya noeqshaq-eu khawf, nawmaf noeqshaq-eu khoer laqkhaq caer-eu jeq pyeuflar taef-a.

Yoˇhaˬ 16:20 ပူးပေါင်းရင်းမြစ်များ

Yawˇbaˆ 20:5

haiˬ-eu tsawˇ haˬ tiˬ gʼaˬ-iˬ gʼawˬ myahˇ ni laˬ kʼaˬ cehˇ cehˇ-ehˇ maˬ ya dehꞈ haw-aˬ.

Jaceuq 30:11

Ngaˇnoeˬshaˬnoeˬzahˬ-eu jeˬ-ahˇ, laˬkʼaˬcehˇ-eu jeˬpyeuꞈlaˇni, nawˬneh yuˇpaˇnehˬlaꞈ-euˬmeh. Nui ma shaˬzahˬnyehꞈlehˆlaꞈ-awˇ, laˬkʼaˬcehˇnui saˇza-eu jeˬ, nawˬneh nyehꞈdm nehˬlaꞈ-euˬmeh.

Jaceuq 30:5

Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

Jaceuq 97:11

Yaw tsaˬ yaw dawˇ tsawˇ haˬ kʼoeˇ taˆ yaw shehꞈ bya-awˇ, muiˬ-eu jaˬ-eu tsawˇ haˬ deuˬ laˬ kʼaˬ ya cehˇ-eu meh.

Iˇsaˬyaˇ 12:1

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Yaw beh nawˇ ngaˬ-ahˇ nui ma pehˇ-euˬ kʼawꞈ, nymˬ-mˇ nui ma maˬ paˇ pehˇ-ehˇ, ngaˬ-euˬ nui ma-ahˇ laˆ saˆ nehˬ laꞈ-euˬ meh.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Iˇsaˬyaˇ 66:5

Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.

Yeˬlaˬmiˇ 31:25

Nui ma shaˬ zahˬ mˇ-euˬ tsawˇ haˬ deuˬ-ahˇ nui saˇ bi za-awˇ, mehꞈ-eu shuꞈ-eu baˬ da neh gʼaˬ baˬ-eu tsawˇ haˬ deuˬ-ahˇ, bi dzaˬ bi dawˇ dehˆ ma.

Maꞈtehˬ 21:38

Ehˇ kʼawꞈ, aˬ gaꞈ yaˇ kmˇ mˇ paˇ paˆ-eu deuˬ aˬ li kʼoeˇ gʼaˬ-ahˇ ya mawˇ ngeh, heu loꞈ-ehˇ ehˇ-eu meh. ‘Heu gʼaˬ-aˬ, aˬ gaꞈ yaˇ kmˇ yaw sahˇ-euˬ aˬ li ngaˇ. Oe-awˬ, aˬ yawꞈ-ahˇ sehꞈ kaˇ-euˇ. Aˬ yawꞈ-ahˇ oꞈ-eu jeˬ biˇ deuˬ aˬ dui maꞈ za tehꞈ-a.’

Maꞈtehˬ 5:4

“Noeˬ shaˬ noeˬ zahˬ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi noeˬ saˇ laˇ tehꞈ-a.

Maˬkuˆ 14:72

Kʼoeˇ loꞈ-ehˇ ehˇ gʼaˬ-eu maˬ dah ni, ya poeˇ nyiˬ tahˬ tiˬ tahˬ doeˇ doˆ laˇ-euˬ meh. Kʼoeˇ ngeh, “Ya poeˇ nyiˬ tahˬ maˬ doeˇ laˇ mi naˆ-ehˇ, nawˇ ngaˬ-ahˇ maˬ siˬ lehˇ smˬ poˆ keuˆ ni pyehˇ tehꞈ-a” lehˇ, Yeˬsuˇ neh aˬ yawꞈ-ahˇ ehˇ nehˬ-euˬ dawˬ kʼoeˇ dawˬ-ahˇ noeˬ doˆ leˇ-awˇ, nui ma-ahˇ maˬ nyehꞈ tehˬ gʼaˬ coeˇ-ehˇ ngoeˇ-euˬ meh.

Maˬkuˆ 16:10

Yeˬsuˇ nehˬ-ehˇ jawˇ-euˬ tsawˇ haˬ deuˬ tsawˇ ngoeˇ ngoeˇ ngoeˇ-ehˇ jawˇ gaˇ, gaˇ kawˆ kʼoeˇ Maˬliˇ ehˇ gaˬ nehˬ-iˇ-euˬ meh. Kʼoeˇ naˇ, mˬ maˬ maˬ byaˆ zaˇ ziˇ ka kʼoꞈ-eu jeˬ-ahˇ taꞈ-eu dehꞈ luꞈ-eu muiˬ-eu shawˇ-eu dawˬ kawˬ kʼoeˇ, nahˇ ma doˆ kʼehˬ ga kʼehˬ doe ni bi gaˬ keuˆ-iˇ-eu gʼaˇ duˬ, zaˬ lahˇ deuˬ-ahˇ Yeˬsuˇ kʼehˇ gʼeh-euˬ meh. .)

Luˇkaꞈ 22:45

Aˬ yawꞈ guiˬ lahˬ shaˇ luꞈ-eu tuˇ laˇ-awˇ, zaˬ lahˇ deuˬ jawˇ gaˇ gʼoꞈ-iˇ ngeh, noeˬ shaˬ dui dui-awˇ gʼaˬ doeˇ doeˇ-eu miˇ neh, yuꞈ kʼaˆ taˬ-euˬ gaˇ ya mawˇ-euˬ meh.

Luˇkaꞈ 22:62

Kʼoeˇ naˇ, Beˬtuˆluˆ doˆ-iˇ-awˇ, ngoeˇ dui dui- euˬ meh.

Luˇkaꞈ 23:27

Tsawˇ haˬ aˇ maꞈ maꞈ ma hawˇ-eu, Yeˬsuˇ gʼaˇ duˬ noeˬ shaˬ-awˇ tsawˇ ngoeˇ ngoeˇ luꞈ-eu zaˬ miˬ zaˬ deuˬ, Yeˬsuˇ mehˬ nah caw teh luꞈ-eu meh.

Luˇkaꞈ 24:17

“Naw nyaꞈ aˬ jeˬ gaˇ kawˆ ja ja-ehˇ cah te” lehˇ Yeˬsuˇ ehˇ nehˬ-euˬ meh. Aˬ yawꞈ nyaꞈ naˬ leˇ-awˇ, myaˆ pyawˬ nyoeˬ kʼeuˇ ni yawꞈ luꞈ-eu meh.

Luˇkaꞈ 24:21

Aˬ yawꞈ Iˇsaˬleˬlaˆ tsawˇ jeuˬ-ahˇ ka kʼoꞈ tehꞈ-a lehˇ nga maꞈ jah-euˬ ma. Kʼoeˇ uˬ taꞈ, kʼoeˇ loꞈ-ehˇ pyeuꞈ dzeuˇ yaꞈ-euˬ smˬ nah byah laˇ-euˬ meh.

Luˇkaꞈ 6:21

“Naw maꞈ nymˬ-mˇ mehꞈ luꞈ shuꞈ luꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya dzaˬ ya dawˇ dehˆ tehꞈ-a. “Naw maꞈ nymˬ-mˇ ya ngoeˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, naw maꞈ ya uiˇ tehꞈ-a.

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Yoˇhaˬ 16:6

Gaˇ kawˆ heu deuˬ naw maꞈ-ahˇ ngaˇ ehˇ nehˬ-euˬ miˇ neh, naw maꞈ nui ma shaˬ zahˬ mˇ luꞈ meh.

Yoˇhaˬ 20:20

Kʼoeˇ loꞈ-ehˇ ehˇ gʼaˬ-awˇ, aˬ yawꞈ maꞈ-ahˇ aˬ yawꞈ-euˬ aˬ laꞈ hawˇ-eu byaˇ gʼaˇ bi haw-euˬ meh. Zaˬ lahˇ deuˬ Sahˬpaˬ Yeˬsuˇ-ahˇ ya mawˇ-euˬ miˇ neh laˬ kʼaˬ cehˇ dui dui-eu meh.

Gʼaˬkʼehˇ 5:41

Gʼaˬ kʼehˇ deuˬ Baꞈ dzah-ahˇ neh gʼoꞈ doˆ le ngeh, laˬ kʼaˬ cehˇ-eu meh. Aˬ jeˬ miˇ neh ehˇ naˇ, Yeˬsuˇ gʼaˇ duˬ shaꞈ dawˇ-eu jeˬ-ahˇ daˬ geuˇ-eu tsawˇ haˬ lehˇ, aˬ yawꞈ maꞈ-ahˇ Miˬyehˇ sawˇ nehˬ-euˬ aˬ yawꞈ maꞈ siˬ nya-eu meh.

Lormav 5:11

Ehˇ kʼawꞈ, kʼoeˇ naˆ tehꞈ-ehˇ maˬ ngeuˇ-a siˬ. Aˬ dui Miˬyehˇ-ahˇ cawˬ cawˬ taꞈ nya laˇ ni mˇ-euˬ gʼaˬ pyeuꞈ-eu Sahˬpaˬ Yeˬsuˇ Ka li-ahˇ gʼoe-eu laꞈ kʼoeˇ, Miˬyehˇ neh aˬ dui-ahˇ mˇ nehˬ laꞈ-euˬ jeˬ-ahˇ aˬ dui laˬ kʼaˬ cehˇ dui dui-eu ma.

2 Gawˇliˬtu 6:10

Noeˬ shaˬ dui dui luꞈ gaˇ duˇ kʼawꞈ, aˬ myah luꞈ laˬ kʼaˬ cehˇ luꞈ-eu tsawˇ haˬ ma. Iˇ shaˬ shaˬ gaˇ duˇ kʼawꞈ, aˬ cawˬ gʼawˬ mya ni smˇ muiˬ muiˬ laˇ ni jahˇ nehˬ-euˬ tsawˇ haˬ ma. Tiˬ jeˬ-iˬ maˬ jaˆ gaˇ duˇ kʼawꞈ, yawˬ jeˬ na luꞈ jaˆ kuꞈ-eu tsawˇ haˬ ma.

Gaˬlaˬtiˆ 5:22

Ehˇ kʼawꞈ, Yaw sahˇ Miˬyehˇ laꞈ kʼoeˇ siˬ le-eu aˇ siˬ deuˬ-aˬ, gʼoeˇ-eu gaˬ-eu, laˬ kʼaˬ cehˇ-eu, nui saˇ oꞈ-eu, nui ma gʼawˬ mahˇ ni taˬ-eu, gʼawˬ shaˬ gaˬ-eu nui ma ahˇ-eu, yaw muiˬ jeˬ mˇ-eu, saˇ jaˇ ziꞈ-eu,

1 Teˇsaˬloˇni 1:6

Nga maꞈ-ahˇ maˬ ehˇ, Sahˬpaˬ Yeˬsuˇ-ahˇ maˬ ehˇ, naw maꞈ dzaw geuꞈ-euˬ meh. Shaˬ-eu zahˬ-eu jeˬ-ahˇ naw maꞈ ya daˬ dui dui-euˬ kʼawꞈ, Muiˬ-eu shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬtiˬ byah ni ahˇ-eu laꞈ kʼoeˇ, guiˬ lahˬ dawˬ-ahˇ naw maꞈ ha geuꞈ-euˬ meh.

Yaˬkoˆ 1:2

Aˬ yuiꞈ aˬ nyiˇ Ka li zaˬ deuˬ-oˇ, lawˬ haw-eu gʼawˬ mya jeˬ-ahˇ ya tahˬ puˬ ngeh, yaw muiˬ jeˬ keuˆ le-euˬ loꞈ-ehˇ laˬ kʼaˬ cehˇ-awˬ.

Yuˇdaˆ 1:24

Naw maꞈ-ahˇ maˬ bi coˬ-iˇ ni bo saˆ hehˇ tehˇ nya-awˇ, yaw shehꞈ kʼahˬ sehˇ tiˬ byah ni jaˆ-eu aˬ yawꞈ jawˇ gaˇ naw maꞈ-ahˇ iˬ baˇ taˬ kʼaˇ maˬ za-ehˇ laˬ kʼaˬ tiˬ cehˇ sheuˬ keuˆ nehˬ nya-eu Miˬyehˇ-ahˇ, aˬ dui-euˬ Sahˬpaˬ Yeˬsuˇ Ka li baˬ da neh, yaw shehꞈ kʼahˬ sehˇ maˬ ehˇ, huiˬ-eu mahˇ-eu jeˬ maˬ ehˇ, baoˬ maˬ ehˇ, uˆ lahˇ-eu dzoeˬ dzaˬ maˬ ehˇ, aˇ hu-euˬ ziˇ, heu ziˇ, aˬ kaˇ mˬ maˬ maˬ byaˆ zaˇ ziˇ keuˆ ni jaˆ luꞈ-uˇ. Aˬ miˬ.

Panmaeq 11:10

Aˬ yawꞈ nyaꞈ shiˇ-euˬ baˬ da neh miˇ tsaˬ zaˬ deuˬ laˬ kʼaˬ cehˇ tehꞈ-a. Aˬ yawꞈ maꞈ bawˬ-iˬ gʼeh-awˇ, tiˬ gʼaˬ tiˇ gʼaˬ laꞈ sawˬ biꞈ ha tehꞈ-a. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ neh miˇ tsaˬ zaˬ deuˬ kʼoeˇ taˆ shaˬ dui zahˬ dui dui-eu jeˬ bi keuˆ le-euˬ meh.

Panmaeq 18:7

Aˬ yawꞈ yaw shehꞈ kʼahˬ sehˇ huiˬ-awˇ, byawˬ gʼa mo gʼa dehˆ-euˬ kʼoeˇ-ahˇ, shaˬ zahˬ gʼaˬ di di kʼoꞈ nehˬ-awˬ. ‘Sahˬ ma geuꞈ-awˇ ngaˇ nuiˇ luꞈ ma. Miˬ coeˬ miˬ ma pyeuꞈ-eu maˬ ngeuˇ. Shaˬ zahˬ tiˬ jawˇ-iˬ maˬ mˇ’lehˇ, aˬ yawꞈ ehˇ taˬ-euˬ jaˆ-eu meh.