Yoˇhaˬ 16:19 - Akha

¹⁹ Aˬ yawꞈ maꞈ aˬ yawꞈ-ahˇ aˬ joˆ-ehˇ naˇ haˬ mawꞈ-eu Yeˬsuˇ siˬ nya-eu miˇ neh, heu loꞈ-ehˇ ehˇ kʼoꞈ nehˬ-euˬ meh. “Tiˬ kʼehˬ gʼeh naˇ naw maꞈ ngaˬ-ahˇ maˬ paˇ ya mawˇ-ehˇ, tiˬ kʼehˬ paˇ gʼeh naˇ, naw maꞈ ngaˬ-ahˇ paˇ ya mawˇ tehꞈ-a lehˇ ngaˇ ehˇ-eu ma. Ngaˇ aˬ jeˬ-ahˇ ehˇ mawꞈ-eu nga lehˇ naw maꞈ yaw kaˬ ja naˇ haˬ luꞈ-eu maˬ ngeuˇ loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Khoerngae, aqyawfmaf, aqyawf-anr narhaq mawf-eu nga laer Yeqsur siqnya-awr heulof-aer aernaeq-euq mae, “ ‘Tiqkhaeq ghae nar-aq, nawmaf, ngaq-anr maqpar ya’mawr-ar. Tiqkhaeq parghae nar-aq, nawmaf, ngaq-anr ya’mawr taef-a’ laer ngar aer-eu mirnae, nawmaf tiqghaq tirghaq narhaq luf-eu le lor?

Yoˇhaˬ 16:19 ပူးပေါင်းရင်းမြစ်များ

Maꞈtehˬ 6:8

Aˬ yawꞈ maꞈ loꞈ-ehˇ taˬ gʼeh. Aˬ jeˬ miˇ neh ehˇ naˇ, naw maꞈ maˬ shaˇ mi naˆ-ehˇ, kʼaˇ loˬ-eu jeˬ naw maꞈ-euˬ Aˬda siˬ nya luꞈ meh.

Maꞈtehˬ 9:4

Ehˇ kʼawꞈ, aˬ yawꞈ maꞈ-euˬ nui ma laꞈ kʼoeˇ noeˬ luꞈ-eu jeˬ-ahˇ Yeˬsuˇ siˬ nya-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh naw maꞈ-euˬ nui ma laꞈ kʼoeˇ maˬ muiˬ-eu jeˬ shaˇ noeˬ luꞈ te.

Maˬkuˆ 9:32

Ehˇ kʼawꞈ, aˬ yawꞈ kʼoeˇ loꞈ-ehˇ mehˬ-eu aˬ yawꞈ maꞈ maˬ gʼoˆ shaw nya-ehˇ, aˬ yawꞈ-ahˇ maˬ naˇ haˬ peuˬ ni jawˇ-euˬ meh.

Yoˇhaˬ 13:33

Ngaˇ gaˬ-eu ngaˬ-euˬ zaˬ deuˬ-oˇ, ngaˇ naw maꞈ nehˬ-ehˇ gʼawˬ myahˇ ni maˬ paˇ ya jawˇ meh. Naw maꞈ ngaˬ-ahˇ poˆ tehꞈ-a. Yuˇdaˆ tsawˇ haˬ aˬ yuiꞈ aˬ tsu deuˬ-ahˇ ngaˬ neh ehˇ nehˬ-euˬ dawˬ ngaˇ naw maꞈ-ahˇ paˇ ehˇ nehˬ nyaˇ. ‘Ngaˇ le-eu lehˇ gʼeh-eu jawˇ duˬ-ahˇ naw maꞈ maˬ le nya-a.’

Yoˇhaˬ 14:19

Tiˬ kʼehˬ tiˬ yamˬ laꞈ kʼoeˇ, miˇ tsaˬ zaˬ deuˬ ngaˬ-ahˇ maˬ paˇ ya mawˇ meh. Ehˇ kʼawꞈ, naw maꞈ ngaˬ-ahˇ ya mawˇ tehꞈ-a. Ngaˇ dehꞈ-eu baˬ da neh, naw maꞈ kʼawꞈ ya dehꞈ tehꞈ-a.

Yoˇhaˬ 16:16

“Tiˬ kʼehˬ gʼeh naˇ, naw maꞈ ngaˬ-ahˇ maˬ paˇ ya mawˇ-aˇ. Tiˬ kʼehˬ paˇ gʼeh naˇ, naw maꞈ ngaˬ-ahˇ paˇ ya mawˇ tehꞈ-a.”

Yoˇhaˬ 16:18

‘Tiˬ kʼehˬ gʼeh naˇ’ lehˇ ehˇ-eu teu aˬ jeˬ-ahˇ ehˇ-eu nga. Aˬ yawꞈ aˬ jeˬ ehˇ mawꞈ-eu maˬ gʼoˆ shaw nya nya.”

Yoˇhaˬ 16:23

“Aˇ nah kʼoeˇ nah keuˆ le ngeh, naw maꞈ ngaˬ-ahˇ tiˬ jeˬ-iˬ maˬ paˇ shaˇ-aˇ. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ-ahˇ, Aˬda biꞈ nehˬ laꞈ tehꞈ-a.

Yoˇhaˬ 16:26

Aˇ nah kʼoeˇ nah keuˆ le ngeh, naw maꞈ ngaˬ-euˬ tsawˇ myahˇ laꞈ kʼoeˇ Aˬda-ahˇ shaˇ tehꞈ-a. Naw maꞈ-euˬ dah zaˇ ngaˇ aˬ yawꞈ-ahˇ shaˇ-eu maˬ paˇ loˬ meh.

Yoˇhaˬ 16:30

Tsawˇ haˬ tiˬ gʼaˬ dawˬ maˬ ngehˬ doˆ laˇ mi naˆ-ehˇ, aˬ yawꞈ-euˬ nui ma laꞈ kʼoeˇ kʼaˇ noeˬ luꞈ-eu yawˬ jeˬ na luꞈ nawˇ siˬ nya meh lehˇ, nymˬ-mˇ nga maꞈ siˬ duˬ-eu ma.”

Yoˇhaˬ 21:17

Yeˬsuˇ aˬ yawꞈ-ahˇ smˬ poˆ tiˬ poˆ paˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, nawˇ ngaˬ-ahˇ gaˬ ma loˇ.” “Nawˇ ngaˬ-ahˇ gaˬ ma loˇ” lehˇ Yeˬsuˇ aˬ yawꞈ-ahˇ smˬ poˆ naˇ haˬ keuˆ laꞈ-euˬ miˇ neh, Beˬtuˆluˆ nui ma maˬ saˇ-ehˇ, heu loꞈ-ehˇ ehˇ kʼoꞈ nehˬ-euˬ meh. “Sahˬpaˬ-oˇ, nawˇ yawˬ jeˬ na luꞈ siˬ nya meh. Ngaˇ nawˬ-ahˇ aˇ naˆ ni gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Ngaˬ-euˬ yawˇ deuˬ-ahˇ bo saˆ-awˬ.

Yoˇhaˬ 6:61

Aˬ yawꞈ maꞈ kʼoeˇ loꞈ-ehˇ toˇ luꞈ-eu gaˇ kawˆ aˬ cawˬ Yeˬsuˇ-ahˇ maˬ ehˇ nehˬ-euˬ kʼawꞈ, Yeˬsuˇ siˬ nya-awˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˇ heu loꞈ-ehˇ ehˇ-eu miˇ neh, jah-eu jeˬ-ahˇ naw maꞈ byehˇ dzeh mawꞈ-eu nya loˇ.

Yoˇhaˬ 7:33

Yeˬsuˇ ehˇ-eu, “Ngaˇ naw maꞈ nehˬ-ehˇ tiˬ kʼehˬ jawˇ gʼaˬ naˇ, ngaˬ-ahˇ kʼehˇ gʼeh leꞈ-euˬ gʼaˬ jawˇ gaˇ gʼoꞈ leˇ ma.

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.