Yoˇhaˬ 15:15 - Akha

¹⁵ Aˬ kaˇ naˇ, ngaˇ naw maꞈ-ahˇ zaˬ kʼaˆ lehˇ maˬ paˇ kuˇ ma. Aˬ jeˬ miˇ neh ehˇ naˇ, zaˬ kʼaˆ-aˬ, yawˬ ha-euˬ baw leˬ aˬ jeˬ mˇ luꞈ-eu gaˇ kawˆ maˬ siˬ nya-a. Ngaˇ naw maꞈ-ahˇ ngaˬ-euˬ cawˬ lehˇ kuˇ ma. Aˬ jeˬ miˇ neh ehˇ naˇ, ngaˬ Da neh kʼaˇ ehˇ nehˬ laꞈ-euˬ jeˬ naw maꞈ-ahˇ ngaˇ dzawˇ nehˬ gʼaˬ jiˇ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Aqkar nar-aq, ngar, nawmaf-anr zaqkhav laer maqpar kur ma. Aqjeq mirnae aernar-aq, zaqkhav-aq, yawsanr aqjeq mrluf-eu la laer maq siqnya-a. Aerkhawf, ngar, nawmaf-anr cawq laer kur ma. Aqjeq mirnae aernar-aq, ngar, ngaqDa-anr nae kharya gaq-euq yawqjeq navluf nawmaf-anr aernaeq-eu ma.

Yoˇhaˬ 15:15 ပူးပေါင်းရင်းမြစ်များ

Jaceuq 25:14

Yehˇdawˬnaˇ-eu tsawˇhaˬdeuˬ-aˬ, SahˬpaˬMiˬyehˇ-euˬcawˬpyeuꞈ-awˇ, Dawˬma saˇjaˇguiˬlahˬdawˬtawˆ, aˬyawꞈmaꞈkʼoeˇtaˆziꞈtehꞈ-a.

Dawqdaq 18:24

Cawˬ kʼaˇ ngeuˇ-eu yaw gʼoeˇ maˬ ngeuˇ, cawˬ muiˬ mehˇ nmˇ maˬ tseˇ tawˬ-mˇ jeˇ.

Aˬmoˆ 3:7

Baoˬ huiˬ-eu Sahˬpaˬ Miˬyehˇ-aˬ, aˬ yawꞈ-euˬ zaˬ kʼaˆ pyeuꞈ-eu Miˬyehˇ gʼaˇ duˬ ngehˬ dah-eu deuˬ-ahˇ maˬ pah mehˬ nehˬ ni tiˬ jeˬ-iˬ maˬ mˇ dzeuˇ-a.

Maꞈtehˬ 13:11

Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Luˇkaꞈ 10:23

Kʼoeˇ naˇ, Yeˬsuˇ zaˬ lahˇ deuˬ jawˇ paw ciˬ pyawˇ-awˇ, aˬ yawꞈ maꞈ-ahˇ tehꞈ-ehˇ ciˬ cuˇ ni heu loꞈ-ehˇ ehˇ kʼoeˬ nehˬ-euˬ meh. “Naw maꞈ neh ya mawˇ-euˬ heu deuˬ-ahˇ ya mawˇ-eu myaˆ nuiˆ-aˬ, guiˬ lahˬ huiˬ dui dui-eu myaˆ nuiˆ meh.

Yoˇhaˬ 12:26

Ngaˬ-euˬ gaˇ mˇ mawꞈ-eu tsawˇ haˬ aˬ geuˬ gʼaˬ maˬ kaˬ, ngaˬ-euˬ mehˬ nah ya caw teh laˇ meh. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ-aˬ, ngaˇ kʼaˇ jawˇ gaˇ ya jawˇ tehꞈ-a. Ngaˬ-euˬ gaˇ kʼaˇ mˇ-eu tsawˇ haˬ-ahˇ ngaˬ Da taˬ huiˬ taˬ mahˇ nehˬ tehꞈ-a.”

Yoˇhaˬ 13:16

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Zaˬ kʼaˆ-aˬ baw leˬ naˆ maˬ tseˇ maˬ huiˬ dzehˬ-aˇ. Myawˬ kʼehˇ gʼoˆ le-euˬ gʼaˬ-aˬ, aˬ yawꞈ-ahˇ kʼehˇ gʼeh leꞈ-euˬ gʼaˬ naˆ maˬ tseˇ maˬ huiˬ dzehˬ-aˇ.

Yoˇhaˬ 15:20

‘Baw leˬ naˆ maˬ tseˇ huiˬ dzehˬ-eu zaˬ kʼaˆ maˬ jawˇ-a’ lehˇ ngaˬ neh naw maꞈ-ahˇ ehˇ nehˬ-euˬ dawˬ-ahˇ taˬ ngehˇ. Aˬ yawꞈ maꞈ ngaˬ-ahˇ kʼehˬ nehˬ kʼaˆ nehˬ laꞈ-euˬ-aˬ, naw maꞈ-ahˇ kʼawꞈ kʼehˬ nehˬ kʼaˆ nehˬ laꞈ tehꞈ-a. Aˬ yawꞈ maꞈ ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ naˇ, naw maꞈ neh mehˬ nehˬ tsoˆ nehˬ-euˬ dawˬ-ahˇ kʼawꞈ naˆ haˬ geuꞈ tehꞈ -a.

Yoˇhaˬ 16:12

“Ngaˇ naw maꞈ-ahˇ ehˇ nehˬ paˬ-ehˇ gʼeh-eu gʼawˬ mya ni jaˆ te siˬ. Ehˇ kʼawꞈ, nymˬ-mˇ naw maꞈ-euˬ nui ma laꞈ kʼoeˇ maˬ gʼoˆ taˬ jiˇ coeˇ-a.

Yoˇhaˬ 17:26

Nawˬ neh ngaˬ-ahˇ gaˬ-euˬ gʼoeˇ-eu gaˬ-eu kʼoeˇ hmˬ aˬ yawꞈ maꞈ-euˬ laꞈ kʼoeˇ ahˇ-awˇ, ngaˇ aˬ yawꞈ maꞈ-euˬ laꞈ kʼoeˇ jawˇ nya-eu gʼaˇ duˬ, aˬ yawꞈ maꞈ nawˬ-ahˇ siˬ nya laˇ ni ngaˇ mˇ-euˬ loꞈ-ehˇ, mehˬ hu paw paˇ mˇ daˆ leꞈ ma.”

Yoˇhaˬ 20:17

Yeˬsuˇ aˬ yawꞈ-ahˇ ehˇ nehˬ-eu, “Ngaˬ-ahˇ taˬ nyehꞈ tehˬ. Aˬ jeˬ miˇ neh ehˇ naˇ, ngaˇ Aˬda jawˇ gaˇ maˬ gʼoꞈ leˇ-aˬ siˬ. Ngaˬ-euˬ zaˬ lahˇ deuˬ jawˇ gaˇ iˇ-awˇ, ngaˬ-euˬ Aˬda hawˇ-eu aˬ yawꞈ maꞈ-euˬ Aˬda pyeuꞈ-eu, ngaˬ-euˬ Miˬyehˇ hawˇ-eu aˬ yawꞈ maꞈ-euˬ Miˬyehˇ jawˇ gaˇ ngaˇ gʼoꞈ leˇ ma lehˇ ehˇ-eu meh lehˇ ehˇ nehˬ-iˇ-awˬ.”

Yoˇhaˬ 4:19

Zaˬ miˬ zaˬ kʼoeˇ gʼaˬ ehˇ-eu, “Saˬ laˬ-oˇ, nawˇ-aˬ Miˬyehˇ gʼaˇ duˬ ngehˬ dah-eu tsawˇ haˬ ngaˇ.

Yoˇhaˬ 8:26

Ngaˇ naw maꞈ gaˇ kawˆ ehˇ paˬ-ehˇ gʼawˬ mya ni jaˆ ma. Naw maꞈ-ahˇ dehˬ paˬ-ehˇ gʼawˬ mya ni jaˆ ma. Ngaˬ-ahˇ kʼehˇ gʼeh leꞈ-euˬ gʼaˬ-aˬ, yaw tsaˬ yaw dawˇ meh. Aˬ yawꞈ neh kʼaˇ ehˇ nehˬ laꞈ-euˬ jeˬ tehꞈ-ehˇ miˇ tsaˬ zaˬ deuˬ-ahˇ ngaˇ ehˇ nehˬ-eu ma.”

Gʼaˬkʼehˇ 20:27

Aˬ jeˬ miˇ neh ehˇ naˇ, Miˬyehˇ-euˬ nui noeˬ dawˬ tawˆ luꞈ, naw maꞈ-ahˇ ngaˇ maˬ zaꞈ taˬ ni ja mehˬ jiˇ gʼaˬ-euˬ ma.

Lormav 7:15

Ngaˇ mˇ luꞈ-eu jeˬ-ahˇ ngaˇ maˬ siˬ nya nya. Aˬ jeˬ miˇ neh ehˇ naˇ, yawˬ ha mˇ mawꞈ-eu jeˬ-ahˇ maˬ mˇ ni, yawˬ ha maˬ mˇ nahˇ-eu jeˬ-ahˇ mˇ-eu nya.

1 Gawˇliˬtu 2:16

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Sahˬpaˬ Miˬyehˇ-euˬ nui ma-ahˇ, siˬ du nya-eu aˬ suˇ jawˇ ta. Yawꞈ-ahˇ nui noeˬ nui duˇ biꞈ-awˇ, ja mehˬ nya-eu aˬ suˇ jawˇ ta.” Ehˇ kʼawꞈ, aˬ dui-aˬ, Ka li-euˬ nui ma pi luꞈ-eu tsawˇ haˬ ma.

Gaˬlaˬtiˆ 4:6

Naw maꞈ Miˬyehˇ-euˬ zaˬ pyeuꞈ-eu gaˇ kawˆ bi siˬ bi mawˇ-eu gʼaˇ duˬ, “Aˬ da-oˇ, ngaˬ Da-oˇ” lehˇ aˬ dui-ahˇ bi guˇ laꞈ-euˬ aˬ yawꞈ-euˬ Zaˬmaˇ-euˬ Yaw sahˇ kʼoeˇ, aˬ dui-euˬ nui ma laꞈ kʼoeˇ Miˬyehˇ neh bi uˇ le-euˬ meh.

Eˇpeˇsu 1:9

aˬ yawꞈ neh noeˬ tmˬ taˬ-euˬ loꞈ-ehˇ Yeˬsuˇ Ka li-ahˇ gʼoe-awˇ mˇ byah-eu gʼaˇ duˬ lehˬ hmˬ taˬ-euˬ zaꞈ taˬ-euˬ jeˬ, aˬ dui-ahˇ bi siˬ bi mawˇ laꞈ-euˬ meh.

Eˇpeˇsu 3:5

Dzeuˇ laˇ ngeh, zaꞈ taˬ-euˬ gaˇ kawˆ heu tsawˇ haˬ zaˬ-ahˇ maˬ bi siˬ-aˬ. Ehˇ kʼawꞈ nymˬ-mˇ-aˬ, Yaw sahˇ Miˬyehˇ-ahˇ gʼoe-eu laꞈ kʼoeˇ aˬ yawꞈ-euˬ muiˬ-eu shawˇ-eu gʼaˬ kʼehˇ deuˬ hawˇ-eu Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ pah mehˬ nehˬ-euˬ meh.

Gawˇlawˇsehˇ 1:26

Aˬ yawꞈ-euˬ dawˬ kʼoeˇ-aˬ, aˇ hu ba neh miˇ tsaˬ zaˬ dawˬ tawˆ luꞈ gʼaˇ duˬ zaꞈ taˬ-euˬ jeˬ pyeuꞈ-eu kʼawꞈ, nym-mˇ aˬ yawꞈ-euˬ tsawˇ haˬ deuˬ-ahˇ pah mehˬ nehˬ-euˬ meh.

Piˇleˇmoˬ 1:16

Nymˬ-mˇ-aˬ, aˬ yawꞈ zaˬ kʼaˆ tiˬ gʼaˬ loˆ ni tehꞈ maˬ paˇ ngeuˇ meh. Ka li laꞈ kʼoeˇ aˬ yuiꞈ aꞈ nyiˇ tiˬ gʼaˬ loꞈ-ehˇ pyeuꞈ laˇ-euˬ meh. Aˬ yawꞈ-aˬ, ngaˬ-euˬ gʼaˇ duˬ gaˇ dahˇ tsoeˬ dui dui-eu meh. Ngaˬ-euˬ gʼaˇ duˬ gaˇ dahˇ tsoeˬ-eu naˆ maˬ tseˇ, nawˬ-euˬ gʼaˇ duˬ zaˬ kʼaˆ tiˬ gʼaˬ loꞈ-ehˇ maˬ ehˇ, Sahˬpaˬ Yeˬsuˇ laꞈ kʼoeˇ aˬ yuiꞈ aꞈ nyiˇ tiˬ gʼaˬ loꞈ-ehˇ maˬ ehˇ, gaˇ dahˇ tsoeˬ dzehˬ tehꞈ-a.

Yaˬkoˆ 1:1

Miˬyehˇ hawˇ-eu Sahˬpaˬ Yeˬsuˇ Ka li-euˬ zaˬ kʼaˆ pyeuꞈ-eu ngaˇ Yaˬkoˆ, Miˇ tsaˬ heu kʼoeˇ taˆ jawˇ byaˆ taˬ-euˬ Miˬyehˇ-euˬ tsawˇ haˬ dawˬ tawˆ luꞈ-ahˇ dawˬ cawˬ puˬ ahˇ laꞈ-eu ma.

Yaˬkoˆ 2:23

Kʼoeˇ ngeh jawˇ, “Aˬbyaˬhaˬ Miˬyehˇ-ahˇ jah-awˇ, aˬ yawꞈ-euˬ jah-eu jeˬ baˬ da neh, Miˬyehˇ neh aˬ yawꞈ-ahˇ yaw tsaˬ yaw dawˇ tsawˇ haˬ lehˇ sawˇ nehˬ-euˬ meh” lehˇ ehˇ-eu Jaˇ liꞈ dawˬ kawˬ kʼoeˇ byah laˇ-euˬ meh. Kʼoeˇ miˇ neh, Aˬbyaˬhaˬ-ahˇ Miˬyehˇ-euˬ cawˬ lehˇ kuˇ-eu meh.

1 Beˬtuˆluˆ 1:11

Ka kʼoꞈ-eu jeˬ heu aˬ geu ngeh yamˬ-ahˇ keuˆ le-awˇ, aˬ joˆ-ehˇ keuˆ le-eu gaˇ kawˆ aˬ yawꞈ maꞈ poˆ tseˇ-euˬ meh. Ka li ya daˬ-euˬ shaˬ zahˬ hawˇ-eu, kʼoeˇ sawˇ miˇ tsa yaw shehꞈ kʼahˬ sehˇ doˆ laˇ-euˬ gaˇ kawˆ, aˇ hu ba neh ngehˬ dah taˬ-euˬ jaˆ-eu meh. Kʼoeˇ loꞈ-ehˇ ngehˬ dah ngeh, Ka liˬ-euˬ Yaw sahˇ neh aˬ yawꞈ maꞈ-euˬ laꞈ kʼoeˇ jawˇ-awˇ toeˬ mehˬ nehˬ-euˬ aˇ nah aˇ yamˬ kʼoeˇ-aˬ, aˇ nah aˇ yamˬ heu yamˬ meh.

2 Beˬtuˆluˆ 1:1

Yeˬsuˇ Ka li-euˬ zaˬ kʼaˆ hawˇ-eu gʼaˬ kʼehˇ pyeuꞈ-eu ngaˇ Siˇmoˬ Beˬtuˆluˆ, Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw tsaˬ yaw dawˇ jeˬ baˬ da neh nga maꞈ-euˬ jah-eu jeˬ-ahˇ duˇ-eu aˇ poeˬ kʼaˆ dui dui-eu jah-eu jeˬ za taˬ-euˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

Yuˇdaˆ 1:1

Yeˬsuˇ Ka li-euˬ zaˬ kʼaˆ hawˇ-eu Yaˬkoˆ-euˬ mehˇ nmˇ pyeuꞈ-eu ngaˇ Yuˇdaˆ, Aˬda Miˬyehˇ-euˬ gʼoeˇ-eu gaˬ-eu jeˬ hawˇ-eu Yeˬsuˇ Ka li-euˬ bo saˆ haw piˇ-eu jeˬ laꞈ kʼoeˇ jawˇ luꞈ-eu, Miˬyehˇ neh kuˇ doˆ taˬ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

Panmaeq 1:1

Sahˬ boꞈ heu taꞈ-aˬ, Yeˬsuˇ Ka li neh pah mehˬ laꞈ-euˬ gaˇ kawˆ deuˬ boꞈ taˬ-euˬ sahˬ boꞈ pyeuꞈ-eu meh. Gʼawˬ myahˇ maˬ gʼeh-ehˇ aˬ joˆ-ehˇ pyeuꞈ laˇ-eu lehˇ gʼeh-eu gaˇ kawˆ aˬ yawꞈ-euˬ zaˬ kʼaˆ deuˬ-ahˇ bi siˬ bi mawˇ-eu gʼaˇ duˬ, Miˬyehˇ neh aˬ yawꞈ-ahˇ heu loꞈ-ehˇ pah mehˬ nehˬ-euˬ jeˬ pyeuꞈ-eu meh. Ka li-aˬ, Yoˇhaˬ jawˇ gaˇ aˬ yawꞈ-euˬ mˬ taˆ gʼaˬ kʼehˇ bi oe-awˇ gaˇ kawˆ heu deuˬ bi siˬ bi mawˇ le-euˬ meh.