Yoˇhaˬ 14:31 - Akha

³¹ Ehˇ kʼawꞈ, ngaˇ Aˬda-ahˇ gaˬ-eu gaˇ kawˆ siˬ nya-eu tsaˬ meh. Kʼoeˇ miˇ neh, aˬ yawꞈ neh ngaˬ-ahˇ dawˬ kʼaˇ biꞈ taˬ-euˬ yawˬ jeˬ na luꞈ ngaˇ mˇ-eu ma. “Zoˬ-awˬ. Jawˇ duˬ heu tsahˇ-ahˇ neh aˬ dui maꞈ doˆ-iˇ kaˇ-euˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Aerkhawf, ngar, Aqda-anr gaq-eu nga laer mirtsaqzaq yasiqni, Aqda, ngaq-anr dawq bifnaeq laf-euq lof-aer ngar mr-eu ma. Tur-awq, aqdui ir kar-eur.”

Yoˇhaˬ 14:31 ပူးပေါင်းရင်းမြစ်များ

Jaceuq 40:8

Miˬyehˇnawˬ-euˬnui kʼahˇbyah ni, ngaˇmˇmawꞈ-eu nui ma ahˇma. nawˬneh mehˬ-euˬtsoˆ-euˬdawˬdeuˬ, nui ma laꞈkʼoeˇboꞈtaˬ-euˬma.

Iˇsaˬyaˇ 50:5

Sahˬpaˬ Miˬyehˇ ngaˬ-ahˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh. Aˬ yawꞈ-ahˇ ngaˇ maˬ puiˬ. Aˬ yawꞈ-ahˇ ngaˇ maˬ byehˇ.

Maꞈtehˬ 26:39

Aˬ yawꞈ ui cuiˆ iˇ jiˆ-awˇ, baˬ ba miˇ tsa tuˆ ni awˆ byaˆ-awˇ, heu loꞈ-ehˇ guiˬ lahˬ shaˇ-euˬ meh. “Ngaˬ Da-oˇ, shaˬ zahˬ naꞈ dui dui-eu kʼmˬ maˬ heu-ahˇ dzeuˇ-iˇ nya naˇ, bi dzeuˇ-iˇ laꞈ. Ehˇ kʼawꞈ, ngaˬ-euˬ nui noeˬ taˬ bi pyeuꞈ. Nawˬ-euˬ nui noeˬ bi pyeuꞈ-awˬ.”

Maꞈtehˬ 26:46

Tuˇ-awˬ. Iˇ kaˇ-euˇ. Haw sheˇ. Ngaˬ-ahˇ ahˬ dzaˬ-eu lehˇ gʼeh-eu gʼaˬ heu gaˇ oe keuˆ taˬ-euˬ ngaˇ.”

Luˇkaꞈ 12:50

Ngaˬ-ahˇ iˇ cuꞈ-ahˇ bi dehˬ uˇ-awˇ, iˇ cuꞈ ya bi shawˇ-a siˬ. Iˇ cuꞈ maˬ shawˇ gʼaˬ kʼoeˇ keuˆ ni, ngaˬ-euˬ nui ma-ahˇ shaˬ zahˬ ciˬ tehˬ taˬ-euˬ gaˇ duˇ nya.

Yoˇhaˬ 10:18

Tsawˇ haˬ tiˬ gʼaˬ-iˬ ngaˬ-euˬ saꞈ laˇ-ahˇ maˬ sehꞈ doˆ geuꞈ-aˬ. Ngaˬ neh nui ma keuˆ-awˇ shiˇ dah-euˬ jeˬ pyeuꞈ-eu ma. Shiˇ mawꞈ-eu maˬ ehˇ, dehꞈ mawꞈ-eu maˬ ehˇ, ngaˇ naꞈ-i jaˆ-eu ma. Ngaˇ kʼoeˇ loꞈ-ehˇ jahˇ-eu gʼaˇ duˬ, ngaˬ Da neh dawˬ biꞈ taˬ-euˬ meh.”

Yoˇhaˬ 12:27

“Ngaˬ-euˬ nui ma shaˬ zahˬ naꞈ dui dui nya. A joˆ-ehˇ ehˇ paˬ maˬ siˬ miˇ-a. ‘Aˬ da-oˇ, aˇ yamˬ heu yamˬ ngaˬ-euˬ kʼoeˇ taˆ taˬ bi keuˆ le laꞈ’ lehˇ ehˇ naˇ muiˬ-eu maˬ siˬ. Ehˇ kʼawꞈ, heu-euˬ gʼaˇ duˬ ngaˇ oe-euˬ jeˬ pyeuꞈ-eu ma. Kʼoeˇ miˇ neh, shaˬ zahˬ heu ngaˇ ya pi meh.

Yoˇhaˬ 12:49

Ngaˇ ehˇ-eu heu tsaˬ ma. Aˬ jeˬ miˇ neh-ehˇ naˇ, ngaˬ-euˬ nui noeˬ nui loˆ ngehˬ-eu maˬ ngeuˇ. Ngaˬ-ahˇ kʼehˇ gʼeh leꞈ-euˬ Aˬda neh bi ngehˬ bi tmˇ laꞈ-euˬ meh.

Yoˇhaˬ 13:1

Baˬsaˬkaˬ Bawˬ-iˬ keuˆ le-eu mehˬ hu ngeh nah, aˬ yawꞈ miˇ tsaˬ heu-ahˇ gʼawˬ-iˇ-awˇ, Aˬda jawˇ gaˇ ya gʼoꞈ leˇ-eu aˇ yamˬ tsaˬ laˇ-euˬ gaˇ kawˆ Yeˬsuˇ siˬ nya-eu meh. Miˇtsaˬ kʼoeˇ taˆ jawˇ-eu aˬ yawꞈ-ahˇ jah-eu tsawˇ haˬ deuˬ-ahˇ aˬ yawꞈ gaˬ-awˇ, aˇ saˬ saˬ ngeh keuˆ ni gaˬ-euˬ meh.

Yoˇhaˬ 15:9

Aˬda ngaˬ-ahˇ gaˬ-eu loꞈ-ehˇ, naw maꞈ-ahˇ ngaˇ gaˬ-eu ma. Ngaˬ-euˬ gʼoeˇ-eu gaˬ-eu jeˬ laꞈ kʼoeˇ jawˇ-awˬ.

Yoˇhaˬ 18:11

Beˬtuˆluˆ-ahˇ Yeˬsuˇ ehˇ nehˬ-eu, “Nawˬ-euˬ mi cehˇ paˇ soeˬ ahˇ kʼoꞈ-awˬ. Nga Da neh ngaˬ-ahˇ bi dawˇ laꞈ-euˬ kʼaˬ dui dui-eu kʼmˬ maˬ heu-ahˇ ngaˇ maˬ dawˇ-aˇ lehˇ nawˇ noeˬ te loˇ.”

Yoˇhaˬ 4:34

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ-euˬ dzaˇ-aˬ, ngaˬ-ahˇ kʼehˇ gʼeh leꞈ-euˬ gʼaˬ-euˬ ehˇ dawˬ naˇ haˬ-awˇ aˬ yawꞈ neh bi mˇ laꞈ-euˬ gaˇ-ahˇ mˇ jiˇ-eu jeˬ pyeuꞈ-eu ma.

Piˇliˇpiˆ 2:8

Yawˬ ha-ahˇ taˬ nyiˇ dui dui-awˇ, laꞈ yaꞈ kʼoeˇ taˆ shiˇ gaˇ keuˆ ni, Miˬyehˇ ehˇ dawˬ naˇ haˬ-euˬ meh.