Yoˇhaˬ 14:28 - Akha

²⁸ ‘Ngaˇ naw maꞈ-ahˇ byehˇ yaꞈ-euˬ kʼawꞈ, tiˬ poˆ paˇ oe ma’ lehˇ, naw maꞈ-ahˇ ehˇ nehˬ gʼaˬ-euˬ ma. Naw maꞈ ngaˬ-ahˇ gaˬ law nmˇ-aˬ, ngaˇ Aˬda jawˇ gaˇ gʼoꞈ leˇ ngeh, naw maꞈ laˬ kʼaˬ cehˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, ngaˇ naˆ maˬ tseˇ huiˬ dzehˬ mahˇ dzehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ ‘Ngar ghofler khawf, nawmaf jawr-eu gar tiq pov paroe ma’ laer ngaq nae nawmaf-anr aernaeq-euq dawq nawmaf yagaq-euq mae. Nawmaf, ngaq-anr gaq nar-aq, ‘Ngar, Aqda jawr-eu gar ghofler ma’ laer aer-eu mirnae, nawmaf laqkhaqcaer taef-a. Aqjeq mirnae aernar-aq, Aqda-aq, ngaq-euq navmaqtser huiq-eu mae.

Yoˇhaˬ 14:28 ပူးပေါင်းရင်းမြစ်များ

Jaceuq 68:18

Tsawˇ haˬ gʼawˬ mya ni aˬ yawꞈ nyehꞈ gʼeh-awˇ, gawˬ jawˬ yaw goˇ-ahˇ daˆ leˇ tehꞈ-a. Aˬ yawꞈ-ahˇ puiˬ-eu tsawˇ haˬ deuˬ-ahˇ keuˆ ni, aˬ yawꞈ-ahˇ laꞈ sawˬ biꞈ laˇ-awˇ, mˬ maˬ maˬ byaˆ zaˇ ziˇ Sahˬpaˬ Miˬyehˇ kʼoeˇ gaˇ jawˇ tehꞈ-a.

Jaceuq 68:9

Nawˇ uˬ yehˇ yehˇ ma bi ma le-awˇ, koˆ kaˆ ni gʼeh-eu nawˬ-euˬ miˇ tsaˬ bi jmˬ laˇ-eu meh.

Iˇsaˬyaˇ 42:1

Sahˬpaˬ Miˬyehˇ ehˇ-eu, “Heu-aˬ, ngaˬ-euˬ zaˬ kʼaˆ ma. Ngaˇ hehˇ tehˇ nehˬ luꞈ-eu gʼaˬ ma. Aˬ yawꞈ-ahˇ ngaˇ tseˇ doˆ-awˇ, nui kʼahˇ shiˇ luꞈ-eu gʼaˬ ma. Aˬ yawꞈ kʼoeˇ taˆ ngaˬ-euˬ Yaw sahˇ jawˇ-awˇ, tsawˇ jeuˬ yawˬ jeuˬ na luꞈ kʼoeˇ taˆ, yaw tsaˬ yaw dawˇ jeˬ aˬ yawꞈ bi keuˆ le tehꞈ-a.

Iˇsaˬyaˇ 53:11

Shaˬ-eu zahˬ-euˬ jeˬ-ahˇ aˬ yawꞈ dehꞈ dzeuˇ gʼaˬ ngeh, nui saˇ oꞈ-eu laꞈ kʼoeˇ paˇ ya dehꞈ-awˇ, shaˬ-eu zahˬ-eu jeˬ-ahˇ ya daˬ-euˬ kʼoeˇ, yawˬ ngehꞈ maˬ ngeuˇ-a lehˇ ya siˬ tehꞈ-a. Ngaˇ nui kʼahˇ shiˇ-eu ngaˬ-euˬ zaˬ kʼaˆ-aˬ, tsawˇ haˬ gʼawˬ mya gʼaˇ duˬ kʼehˬ-eu kʼaˆ-eu jeˬ-ahˇ daˬ-awˇ, aˬ yawꞈ baˬ da neh tsawˇ haˬ kʼoeˇ deuˬ-ahˇ ngaˇ iˬ baˇ pyehˬ ma.

Maꞈtehˬ 12:18

“Ngaˇ nui kʼahˇ shiˇ-awˇ tseˇ doˆ-euˬ, ngaˇ gaˬ-eu zaˬ kʼaˆ-ahˇ haw sheˇ. Ngaˬ-euˬ Yaw sahˇ ngaˇ kʼehˇ leꞈ-awˇ, aˬ yawꞈ kʼoeˇ taˆ bi jawˇ le-awˇ, ngaˇ yaˇ kʼaˬ daˇ-eu gaˇ kawˆ-ahˇ, miˇ kʼahˬ tsawˇ jeuˬ siˬ nya jiˇ ni, aˬ yawꞈ tsaꞈ gaˬ doe-iˇ tehꞈ-a.

Yoˇhaˬ 10:38

Ehˇ kʼawꞈ, ngaˬ Da neh bi mˇ-euˬ gaˇ deuˬ-ahˇ ngaˇ mˇ luꞈ-eu yaw duˬ baw naˇ, naw maꞈ ngaˬ-euˬ mawˇ do-ahˇ maˬ jah kʼawꞈ, ngaˬ neh mˇ-euˬ gaˇ deuˬ-ahˇ jah-eu tsaˬ tehꞈ-a. Aˬda ngaˬ-euˬ laꞈ kʼoeˇ jawˇ-awˇ, ngaˇ Aˬda-euˬ laꞈ kʼoeˇ jawˇ-eu gaˇ kawˆ naw maꞈ siˬ duˬ nya ni kʼoeˇ loꞈ-ehˇ jah-eu tsaˬ tehꞈ-a.”

Yoˇhaˬ 13:16

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Zaˬ kʼaˆ-aˬ baw leˬ naˆ maˬ tseˇ maˬ huiˬ dzehˬ-aˇ. Myawˬ kʼehˇ gʼoˆ le-euˬ gʼaˬ-aˬ, aˬ yawꞈ-ahˇ kʼehˇ gʼeh leꞈ-euˬ gʼaˬ naˆ maˬ tseˇ maˬ huiˬ dzehˬ-aˇ.

Yoˇhaˬ 14:12

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-ahˇ kʼaˇ jah-eu tsawˇ haˬ-aˬ, ngaˬ neh mˇ-euˬ zahˬ leˇ paˬ-ehˇ gʼeh-eu gaˇ deuˬ mˇ tehꞈ-a. Ngaˬ neh mˇ-euˬ gaˇ deuˬ myaˆ maˬ tseˇ aˬ yawꞈ mˇ huiˬ gʼeh tehꞈ-a. Aˬ jeˬ miˇ neh ehˇ naˇ, ngaˇ-aˬ, Aˬda jawˇ gaˇ ya gʼoꞈ leˇ meh.

Yoˇhaˬ 14:18

“Ngaˇ naw maꞈ-ahˇ muˇ coe aˬ nmˇ loꞈ-ehˇ byehˇ dzeh-awˇ bi shaˬ yaꞈ-eu maˬ ngeuˇ. Naw maꞈ jawˇ gaˇ paˇ gʼoꞈ le ma.

Yoˇhaˬ 16:7

Ngaˇ naw maꞈ-ahˇ maˇ jawˆ ni ehˇ-eu ma. Ngaˇ gʼoꞈ leˇ-eu-aˬ, naw maꞈ gʼaˇ duˬ muiˬ dzehˬ meh. Aˬ jeˬ miˇ neh ehˇ naˇ, ngaˇ maˬ gʼoꞈ leˇ naˇ, Caw ba-eu gʼaˬ naw maꞈ jawˇ gaˇ maˬ oe nya-a. Ngaˇ gʼoꞈ leˇ naˇ, Caw ba-eu gʼaˬ-ahˇ kʼehˇ gʼeh leꞈ ma.

Yoˇhaˬ 20:17

Yeˬsuˇ aˬ yawꞈ-ahˇ ehˇ nehˬ-eu, “Ngaˬ-ahˇ taˬ nyehꞈ tehˬ. Aˬ jeˬ miˇ neh ehˇ naˇ, ngaˇ Aˬda jawˇ gaˇ maˬ gʼoꞈ leˇ-aˬ siˬ. Ngaˬ-euˬ zaˬ lahˇ deuˬ jawˇ gaˇ iˇ-awˇ, ngaˬ-euˬ Aˬda hawˇ-eu aˬ yawꞈ maꞈ-euˬ Aˬda pyeuꞈ-eu, ngaˬ-euˬ Miˬyehˇ hawˇ-eu aˬ yawꞈ maꞈ-euˬ Miˬyehˇ jawˇ gaˇ ngaˇ gʼoꞈ leˇ ma lehˇ ehˇ-eu meh lehˇ ehˇ nehˬ-iˇ-awˬ.”

Yoˇhaˬ 20:21

Yeˬsuˇ aˬ yawꞈ maꞈ-ahˇ tiˬ poˆ paˇ ehˇ nehˬ-eu, “Naw maꞈ nui saˇ oꞈ luꞈ-uˇ. Aˬda ngaˬ-ahˇ kʼehˇ gʼeh leꞈ-euˬ loꞈ-ehˇ, naw maꞈ-ahˇ ngaˇ kʼehˇ gʼeh-eu ma.”

Yoˇhaˬ 5:18

Aˬ yawꞈ kʼoeˇ loꞈ-ehˇ ehˇ-eu miˇ neh, Yuˇdaˆ tsawˇ haˬ aˬ yuiꞈ aˬ tsu deuˬ aˬ yawꞈ-ahˇ sehꞈ-eu gʼaˇ duˬ noeˬ tsehˆ-euˬ meh. Aˬ jeˬ miˇ neh ehˇ naˇ, aˬ yawꞈ-aˬ, Jawˇ nah-ahˇ maˬ mˇ kʼmˬ-eu jeˬ mˇ-eu tehꞈ-ehˇ maˬ loꞈ ni, Miˬyehˇ-aˬ aˬ yawꞈ-euˬ Aˬ da ma lehˇ ehˇ-eu laꞈ kʼoeˇ, Miˬyehˇ hawˇ-eu aˬ yawꞈ tiˬ kawˆ ma lehˇ ehˇ gaˇ duˇ leˇ-euˬ meh.

Yoˇhaˬ 7:33

Yeˬsuˇ ehˇ-eu, “Ngaˇ naw maꞈ nehˬ-ehˇ tiˬ kʼehˬ jawˇ gʼaˬ naˇ, ngaˬ-ahˇ kʼehˇ gʼeh leꞈ-euˬ gʼaˬ jawˇ gaˇ gʼoꞈ leˇ ma.

1 Gawˇliˬtu 11:3

Ehˇ kʼawꞈ, Ka li-aˬ, tsawˇ haˬ yawˬ gʼaˬ na luꞈ-euˬ uˬ duˬ pyeuꞈ-eu gaˇ kawˆ maˬ ehˇ, kʼaˬ dzeˇ zaˬ-aˬ miˬ zaˬ-euˬ uˬ duˬ pyeuꞈ-eu gaˇ kawˆ maˬ ehˇ, Miˬyehˇ-aˬ Ka li-euˬ uˬ duˬ pyeuꞈ-eu gaˇ kawˆ maˬ ehˇ, naw maꞈ bi gʼoˆ shaw mawꞈ miˇ-a.

1 Beˬtuˆluˆ 1:8

Aˬ yawꞈ-ahˇ naw maꞈ maˬ mawˇ haw-euˬ kʼawꞈ, naw maꞈ aˬ yawꞈ-ahˇ gaˬ-awˇ, nymˬ-mˇ aˬ yawꞈ-ahˇ naw maꞈ maˬ ya mawˇ kʼawꞈ, naw maꞈ aˬ yawꞈ-ahˇ jah-eu meh. Kʼoeˇ miˇ neh, maˬ ehˇ jiˇ coeˇ gaˇ keuˆ ni laˬ kʼaˬ cehˇ-awˬ.

Panmaeq 1:11

Teˇ saˇ kʼoeˇ saˇ ehˇ-eu, “Nawˬ neh kʼaˇ ya mawˇ-euˬ jeˬ boꞈ taˬ-awˇ, Eˇpeˇsu meuˬ, Saˬmuˇlaˬnaˆ meuˬ, Beˬlaˬgaˬ meuˬ, Saˬdiˬlehˇ meuˬ, Saˬdiˇ meuˬ, Piˇlaˬdeˬpiˇ meuˬ, Lawˬdiˬciˆ meuˬ, heu shiꞈ meuˬ laꞈ kʼoeˇ jawˇ-eu Ka li zaˬ aˇ muˇ deuˬ-ahˇ sahˬ boꞈ kʼoeˇ dawˆ ahˇ gʼeh-awˬ.”