Yoˇhaˬ 14:27 - Akha

²⁷ “Ngaˬ neh naw maꞈ-ahˇ biꞈ taˬ yaꞈ-euˬ jeˬ-aˬ, nui saˇ oꞈ-eu jeˬ pyeuꞈ-eu ma. Ngaˇ nui saˇ oꞈ-eu jeˬ biꞈ-eu-aˬ, miˇ tsaˬ zaˬ deuˬ nui saˇ oꞈ-eu jeˬ biꞈ gaˇ maˬ duˇ. Naw maꞈ nui ma shaˬ zahˬ taˬ mˇ. Taˬ guˆ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ “Ngar, nawmaf-anr nuisar of-eu jeq bifyaf ma. Ngar, nawmaf-anr bif-eu ngaq-euq nuisar of-eu jeq heu-aq, mirtsaqzaq bif-eu lof-aer bif-eu maqngeur. Nawmaf-euq nuima maqsar-aer taqghae, guv khawf taqguv.

Yoˇhaˬ 14:27 ပူးပေါင်းရင်းမြစ်များ

2 Laˬsaˬbaˬ 20:30

Yeˬhawˇshaˬpaˇ-euˬ miˇ kʼahˬ coꞈ ngehˇ ni jaˆ-awˇ, aˬ yawꞈ-euˬ miˇ kʼahˬ yawˬ paw yawˬ coeˇ na luꞈ-ahˇ, Sahˬpaˬ Miˬyehˇ haw piˇ nehˬ-euˬ meh.

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Jaceuq 11:1

SahˬpaˬMiˬyehˇ ngaˇgʼoe duˬma. Ngaˬ-ahˇheu loꞈ-ehˇ ehˇ-eu deuˬ, aˇnaˆni dzawˬ-eu tsawˇhaˬnga. “Aˇjiˇguˆ-awˇzaw-eu loꞈ-ehˇ, gawˬjawˬpaw zaw daˆbyoˆleꞈ-awˬ.

Jaceuq 112:7

Haiˬ-eu gaˇ kawˆ deuˬ ja gaˇ ya gaˬ ngeh aˬ yawꞈ maˬ guˆ-a. Aˬ yawꞈ Sahˬ paˬ Miˬ yehˇ-ahˇ gʼoe-awˇ jah-eu ziꞈ-eu meh.

Jaceuq 27:1

SahˬpaˬMiˬyehˇngaˬ-euˬyaw shehꞈ, ngaˬ-ahˇka kʼoꞈ-eu yaw sahˇmeh. Aˬsuˇgʼaˬ-ahˇngaˇpaˇguˆnmˇ. SahˬpaˬMiˬyehˇngaˬ-euˬgʼaˇduˬ, ziꞈdui dui-eu taˆpyeuꞈ-eu meh. Aˬgeu jeˬ-ahˇngaˇpaˇguˆnmˇ.

Jaceuq 28:3

Dawˬmuiˬngehˬkʼawꞈnui ma gʼoꞈ-awˇ, maˬtsaˬmaˬdawˇ-eu jeˬmˇ-eu, haiˬ-eu deuˬnehˬ-ehˇ tiˬgm-ehˇ, nawˇngaˬ-ahˇtaˬsawˇdzeh nehˬlaꞈ.

Jaceuq 29:11

SahˬpaˬMiˬyehˇ-euˬzaˬdeuˬ-ahˇ, SahˬpaˬMiˬyehˇ gʼaˬbiꞈlahˬ-awˇ, nui saˇoꞈ-eu guiˬlahˬyaw dzahˇ, aˬyawꞈmaꞈ-ahˇbiꞈnehˬ-eu meh.

Jaceuq 56:11

Aˬ yawꞈ-ahˇ ngaˇ gʼoe-awˇ maˬ guˆ ni dehꞈ ma. Tsawˇ haˬ zaˬ ngaˬ-ahˇ aˬ jeˬ paˇ jahˇ laˇ nya nmˇ.

Jaceuq 56:3

Dawˬ tawˆ luꞈ mˇ nya-eu Sahˬpaˬ Miˬyehˇ-oˇ, guˆ-eu gaˆ-eu jeˬ ngaˬ-euˬ kʼoeˇ taˆ keuˆ le ngeh, nawˬ-ahˇ ngaˇ gʼoe-eu ma.

Jaceuq 72:2

Nawˬ-euˬ tsawˇ haˬ deuˬ-ahˇ dawˇ coe ni aˬ yawꞈ yaˇ kʼaˬ daˇ-awˇ, shaˬ zaˬ zahˬ zaˬ kʼoeˇ taˆ yaw tsaˬ yaw dawˇ dawˇ-ehˇ uˆ lahˇ nya laˇ luꞈ-uˇ.

Jaceuq 72:7

Aˬ yawꞈ-euˬ ziˇ laꞈ kʼoeˇ yaw tsaˬ yaw dawˇ jeˬ jaˆ-awˇ, ba la kʼaˇ tsehˬ kʼoeˇ keuˆ ni baw le za le luꞈ-uˇ.

Jaceuq 85:10

Gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ tahˬ dzoeˇ tehꞈ-a. Yaw tsaˬ yaw dawˇ jeˬ hawˇ-eu nui saˇ oꞈ-eu jeˬ tiˬ gaˇ jaˆ le tehꞈ-a.

Jaceuq 91:5

Uˬ ciꞈ paw nawˇ kʼahˬ lahˇ kʼaˇ maˬ za-ehˇ, nah gʼahˇ paw laˆ coeˬ laˆ ciˆ laˇ gaˇ maˬ ya guˆ-a.

Dawqdaq 3:25

Ja pyuˬ ni keuˆ le nya-eu guˆ-eu gaˆ-eu jeˬ-ahˇ taˬ guˆ. Haiˬ-eu tsawˇ haˬ deuˬ kʼoeˇ taˆ keuˆ le-eu luˬ-iˇ seˇ-iˇ-eu jeˬ-ahˇ taˬ guˆ.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

Iˇsaˬyaˇ 54:13

“Nawˬ-euˬ tsawˇ haˬ deuˬ-ahˇ ngaˇ mehˬ nehˬ tsoˆ nehˬ-awˇ, nui saˇ oꞈ-awˇ bi baw bi za le ma.

Iˇsaˬyaˇ 55:12

“Baˬbuˇloˬ meuˬ-ahˇ neh laˬ kʼaˬ tiˬ cehˇ, naw maꞈ ya gʼoꞈ doˆ laˇ tehꞈ-a. Naw maꞈ nui ma saˇ lehˆ ni ya doˆ le tehꞈ-a. Gawˬ jawˬ gawˬ duˇ naw maꞈ mehˬ shi caˇ dawˬ caˇ-awˇ, sahˬ lahˬ aˇ bawˇ deuˬ laꞈ kʼawˆ tehˆ tehꞈ-a.

Iˇsaˬyaˇ 57:19

Dawˬ peh gaˇ mahˇ kʼaˇ jawˇ-eu tsawˇ haˬ-ahˇ, nui saˇ oꞈ-eu jeˬ ngaˇ biꞈ ma. Ngaˬ-euˬ tsawˇ haˬ deuˬ-ahˇ ngaˇ naˇ gawˇ laˆ saˆ ma.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Yeˬlaˬmiˇ 1:8

Ngaˇ nawˬ nehˬ-ehˇ jawˇ-awˇ haw piˇ nehˬ-eu miˇ neh, aˬ yawꞈ maꞈ-ahˇ nawˇ taˬ guˆ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Ngoeˇ dawˬ 3:17

Nui saˇ oꞈ-awˇ jawˇ saˇ doˆ-eu, maˬ paˇ noeˬ mawˇ keuˆ coeˇ miˇ-a.

Yeˬsaˬgeˬlaˇ 2:6

“Ehˇ kʼawꞈ, tsawˇ haˬ zaˬ-oˇ, aˬ yawꞈ maꞈ-ahˇ maˬ ehˇ, aˬ yawꞈ maꞈ-euˬ dawˬ-ahˇ maˬ ehˇ, nawˇ maˬ ya guˆ-a. Aˬ yawꞈ maꞈ nawˬ-ahˇ yaˬ kʼehˇ yaˬ yaˬ-ehˇ ja bu ja doeˇ tehꞈ-a. Nawˇ-aˬ, boeˬ kaˬ laˬ ma yaw kaˬ-ahˇ yaw dehꞈ ya dehꞈ gaˇ duˇ tehꞈ-a. Ehˇ kʼawꞈ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ maˬ kaˬ, aˬ yawꞈ maꞈ-euˬ dawˬ-ahˇ maˬ kaˬ, nawˇ taˬ guˆ.

Daˬyeˬlaˇ 4:1

Miˇ tsaˬ kʼoeˇ taˆ kʼaˇ jawˇ-eu miˇ kʼahˬ dawˬ tawˆ luꞈ hawˇ-eu tsawˇ jeuˬ dawˬ tawˆ luꞈ-ahˇ, sahˬ paˬ Neˬbuˬkaˬneˬzaˬ heu loꞈ-ehˇ dawˬ tsaꞈ tsaꞈ ahˇ gʼeh-euˬ meh. “Naw maꞈ dawˬ tawˆ luꞈ nui saˇ oꞈ luꞈ-uˇ.

Daˬyeˬlaˇ 6:25

Kʼoeˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ-ahˇ, sahˬ paˬ Daˬliˇ heu loꞈ-ehˇ sahˬ boꞈ boꞈ nehˬ-euˬ meh. “Naw maꞈ dawˬ tawˆ luꞈ nui saˇ oꞈ-awˇ jawˇ saˇ doˆ luꞈ-uˇ.

Zaˬkaˬliˇ 6:13

Aˬ yawꞈ-aˬ, Uˬ duˬ tahˬ nymˇ nymˇ ma tsoˆ muiˬ-awˇ, sahˬ paˬ loꞈ-ehˇ taˬ huiˬ taˬ mahˇ nehˬ gaˇ ya daˬ-awˇ, aˬ yawꞈ-euˬ tsawˇ haˬ deuˬ-ahˇ ya uˆ lahˇ tehꞈ-a. Piˇ ma tiˬ gʼaˬ aˬ yawꞈ-euˬ dzoeˬ dzaˬ nuiˇ mahˬ dawˬ peh yawꞈ-awˇ, aˬ yawꞈ nyaꞈ tiˬ gʼaˬ tiˇ gʼaˬ nui noeˬ taꞈ-eu laꞈ kʼoeˇ gaˇ mˇ tehꞈ-aʼ lehˇ ehˇ nehˬ-awˬ.

Bawˇtsahˬ 6:26

Sahˬpaˬ Miˬyehˇ-euˬ myaˆ pyawˬ naw maꞈ jawˇ paw zeuˆ pyawˇ-awˇ, naw maꞈ-ahˇ nui saˇ oꞈ-eu jeˬ biꞈ luꞈ-uˇ.”

Maꞈtehˬ 10:26

“Kʼoeˇ miˇ neh, tsawˇ haˬ kʼoeˇ deuˬ-ahˇ taˬ guˆ. Nymˬ-mˇ kʼaˇ dehˬ kaˬ taˬ-euˬ yawˬ jeˬ na luꞈ pah dzeh-awˇ, kʼaˇ zaꞈ taˬ-euˬ yawˬ jeˬ na luꞈ siˬ duˬ laˇ tehꞈ-a.

Luˇkaꞈ 1:79

shiˇ-eu naˇ shmˇ yaw zahˇ uˬ moˆ, kʼaˇ dehꞈ kʼaˇ jawˇ-eu deuˬ kʼoeˇ taˆ, mˬ taˆ neh bya ka leꞈ tehꞈ-a. Nui saˇ oꞈ-eu gaˇ ma kʼoeˇ taˆ, kuiˇ toꞈ paˇ ciˬ kʼoꞈ daˆ nya ni, aˬ dui ahˇ sheuˬ gʼeh laꞈ tehꞈ-a.”

Luˇkaꞈ 10:5

Naw maꞈ nymˇ aˬ geu nymˇ-ahˇ daˆ leˇ-eu maˬ kaˬ, ‘Nymˇ heu nymˇ kʼoeˇ taˆ nui saˇ oꞈ-eu jeˬ keuˆ le luꞈ-uˇ’ lehˇ jeˬ huˬ ehˇ-awˬ.

Luˇkaꞈ 12:4

“Ngaˬ-euˬ cawˬ deuˬ-oˇ, ngaˇ ehˇ nehˬ nyaˇ. Gʼawˇ mawˇ-ahˇ sehꞈ nya kʼawꞈ, kʼoeˇ uˬ taꞈ-ehˇ tiˬ jeˬ-iˬ maˬ jahˇ laˇ nya-eu deuˬ-ahˇ taˬ guˆ.

Luˇkaꞈ 2:14

“Mˬ taˆ yaw goˇ jawˇ-eu Miˬyehˇ, baoˬ yaw shehꞈ kʼahˬ sehˇ huiˬ luꞈ-uˇ. Miˇ tsaˬ tsawˇ haˬ zaˬ deuˬ laꞈ kʼoeˇ, aˬ yawꞈ nui kʼahˇ shiˇ-eu deuˬ-ahˇ, nui saˇ za-eu jeˬ oꞈ luꞈ-uˇ.”

Yoˇhaˬ 14:1

Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ nui ma shaˬ zahˬ taˬ mˇ. Miˬyehˇ-ahˇ jah-awˇ, ngaˬ-ahˇ kʼawꞈ jah-awˬ.

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Yoˇhaˬ 20:19

Tiˬ jaw laꞈ kʼoeˇ aˇ dahˬ beh-eu aˇ nah pyeuꞈ-eu kʼoeˇ ngeh nah uˬ ciꞈ paw, zaˬ lahˇ deuˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh, tiˬ gaˇ uiˬ leˇ jiˇ-awˇ, laˇ gʼoˆ sehˬ sehˬ tehˬ-awˇ jawˇ-eu meh. Kʼoeˇ ngeh, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ le-euˬ meh.

Yoˇhaˬ 20:21

Yeˬsuˇ aˬ yawꞈ maꞈ-ahˇ tiˬ poˆ paˇ ehˇ nehˬ-eu, “Naw maꞈ nui saˇ oꞈ luꞈ-uˇ. Aˬda ngaˬ-ahˇ kʼehˇ gʼeh leꞈ-euˬ loꞈ-ehˇ, naw maꞈ-ahˇ ngaˇ kʼehˇ gʼeh-eu ma.”

Yoˇhaˬ 20:26

Tiˬ jaw dzeuˇ-iˇ ngeh, zaˬ lahˇ deuˬ nymˇ tiˬ nymˇ laꞈ kʼoeˇ uiˬ leˇ-awˇ jawˇ-eu meh. Toˇmaˆ kʼawꞈ, aˬ yawꞈ maˬ nehˬ-ehˇ jawˇ-eu meh. Aˬ yawꞈ maꞈ laˇ gʼoˆ sehˬ sehˬ tehˬ taˬ-euˬ meh. Ehˇ kʼawꞈ, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ-eu meh.

Gʼaˬkʼehˇ 10:36

Dawˬ tawˆ kʼoeˇ taˆ sahˬ paˬ pyeuꞈ-eu Yeˬsuˇ Ka li baˬ da neh nui saˇ oꞈ-eu jeˬ za-eu gaˇ kawˆ Laˬ kʼaˬ cehˇ-eu Guiˬ lahˬ dawˬ heu-ahˇ, Iˇsaˬleˬlaˆ tsawˇ haˬ deuˬ jawˇ gaˇ bi mehˬ-iˇ-euˬ naw maꞈ siˬ nya meh.

Gʼaˬkʼehˇ 18:9

Tiˬ miˇ-aˬ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Pawˇluˆ-ahˇ Sahˬpaˬ Yeˬsuˇ ehˇ-eu,“Taˬguˆ. Dawˬ mehˬ maˬ mehˬ-ehˇ ciˬ cuˇ ni taˬ jawˇ.

Lormav 1:7

Kʼoeˇ miˇ neh, Miˬyehˇ-euˬ tsawˇ haˬ bi pyeuꞈ laˇ-eu lehˇ kuˇ doˆ taˬ-euˬ, aˬ yawꞈ gaˬ-eu naw maꞈ Loˇmaˆ meuˬ-ahˇ kʼaˇ jawˇ-eu tsawˇ haˬ deuˬ-ahˇ, ngaˇ sahˬ boꞈ boꞈ ahˇ laꞈ-euˬ ma. Aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ Ka liˬeuˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ keuˆ le luꞈ-uˇ.

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

Lormav 5:1

Jah-eu jeˬ baˬ da neh nymˬ-mˇ aˬ dui Miˬyehˇ-ahˇ tsaˬ leˇ tsahˇ leˇgʼaˬ-euˬ miˇ neh, aˬ dui-euˬ Sahˬpaˬ Yeˬsuˇ Ka li baˬ da neh Miˬyehˇ-ahˇ tsaˬ leˇ dzoeˇ leˇ-euˬ ma.

Lormav 5:10

Aˬ dui-aˬ, Miˬyehˇ-ahˇ muiˇ-euˬ tsawˇ haˬ ma. Ehˇ kʼawꞈ, aˬ yawꞈ-euˬ Zaˬmaˇ bi shiˇ dah-eu laꞈ kʼoeˇ aˬ dui aˬ yawꞈ-ahˇ cawˬ cawˬ taꞈ nya ni aˬ yawꞈ jahˇ-awˇ, nymˬ-mˇ aˬ dui Miˬyehˇ nehˬ-ehˇ cawˬ cawˬ taꞈ luꞈ gaˇ keuˆ-eu-aˬ, Ka li dehꞈ-eu baˬ da neh aˬ dui-ahˇ kʼoeˇ naˆ maˬ tseˇ maˬ ka kʼoꞈ nehˬ laꞈ-aˇ loˇ.

Lormav 8:6

Shiˬ shaˬ jiˇ-euˬ nui noeˬ neh bi uˆ lahˇ-euˬ jeˬ-aˬ, shiˇ-eu jeˬ-ahˇ aˇ saˬ saˬ leˇ-eu meh. Yaw sahˇ Miˬyehˇ neh bi uˆ lahˇ-euˬ tsawˇ haˬ deuˬ-aˬ, dehꞈ-eu jeˬ hawˇ-eu nui saˇ oꞈ-eu jeˬ-ahˇ aˇ saˬ saˬ leˇ-eu meh.

1 Gawˇliˬtu 1:3

Aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ Ka liˬ-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ naw maꞈ kʼoeˇtaˆ keuˆ le luꞈ-uˇ.

Gaˬlaˬtiˆ 1:3

Aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ Ka li-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ keuˆ le luꞈ-uˇ.

Gaˬlaˬtiˆ 5:22

Ehˇ kʼawꞈ, Yaw sahˇ Miˬyehˇ laꞈ kʼoeˇ siˬ le-eu aˇ siˬ deuˬ-aˬ, gʼoeˇ-eu gaˬ-eu, laˬ kʼaˬ cehˇ-eu, nui saˇ oꞈ-eu, nui ma gʼawˬ mahˇ ni taˬ-eu, gʼawˬ shaˬ gaˬ-eu nui ma ahˇ-eu, yaw muiˬ jeˬ mˇ-eu, saˇ jaˇ ziꞈ-eu,

Gaˬlaˬtiˆ 6:16

Yaw dehꞈ dehꞈ ngeh zahˇ sahˇ kʼoꞈ heu hmˬ mehˬ nah kʼaˇ caw teh-eu tsawˇ haˬ deuˬ kʼoeˇ taˆ, nui saˇ oꞈ-eu jeˬ hawˇ-eu Miˬyehˇ-euˬ gʼawˬ shaˬ gaˬ-eu guiˬ lahˬ jaˆ luꞈ-uˇ. Aˬ yawꞈ maꞈ hawˇ-eu Miˬyehˇ-euˬ tsawˇ haˬ dawˬ tawˆ luꞈ kʼoeˇ taˆ jaˆ luꞈ-uˇ.

Piˇliˇpiˆ 4:7

Yeˬsuˇ Ka li laꞈ kʼoeˇ naw maꞈ nui saˇ oꞈ-eu jeˬ za nya ni, tsawˇ haˬ zaˬ maˬ noeˬ doˆ coeˇ-eu Miˬyehˇ-euˬ nui saˇ oꞈ-eu jeˬ naw maꞈ-ahˇ caw ba tehꞈ-a.

Gawˇlawˇsehˇ 1:2

Yeˬsuˇ Ka li laꞈ kʼoeˇ saˇ jaˇ ziꞈ-eu aˬ yuiꞈ aˬ nyiˇ Ka li zaˬ deuˬ pyeuꞈ-eu Gawˇlawˇsehˇ meuˬ-ahˇ jawˇ-eu Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma. Aˬ dui-euˬ Aˬda Miˬyehˇ-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

Gawˇlawˇsehˇ 1:20

Aˬ yawꞈ-ahˇ gʼoe-awˇ mˬ hawˇ-eu miˇ kʼoeˇ taˆ kʼaˇ jawˇ kʼaˇ jaˆ-eu jeˬ dawˬ tawˆ luꞈ Miˬyehˇ jawˇ gaˇ sheuˬ kʼoꞈ laꞈ-eu gʼaˇ duˬ, Miˬyehˇ neh noeˬ tsehˆ taˬ-euˬ meh. Aˬ yawꞈ-ahˇ laꞈ yaꞈ kʼoeˇ taˆ lawˇ nehˬ-eu laꞈ kʼoeˇ tsawˇ haˬ zaˬ Miˬyehˇ-ahˇ tsaˬ laˇ tsahˇ laˇ nya ni jahˇ-awˇ, mˬ kʼoeˇ taˆ hawˇ-eu miˇ tsaˬ kʼoeˇ taˆ kʼaˇ jawˇ kʼaˇ jaˆ-eu jeˬ dawˬ tawˆ luꞈ Miˬyehˇ jawˇ gaˇ bi sheuˬ kʼoꞈ laꞈ-euˬ meh.

Gawˇlawˇsehˇ 3:15

Ka li neh biꞈ-euˬ tsaˬ leˇ dzoeˇ leˇ-eu jeˬ kʼoeˇ-aˬ, naw maꞈ tiˬ jeˬ paˬ mˇ-eu lehˇ noeˬ tsehˆ ngeh naw maꞈ-ahˇ gaˇ ma sheuˬ mehˬ-eu gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ kʼoeˇ loꞈ-ehˇ tsaˬ leˇ dzoeˇ leˇ-awˇ gʼawˇ mawˇ tiˬ mawˇ tehꞈ-ehˇ pyeuꞈ laˇ-eu gʼaˇ duˬ, Miˬyehˇ neh naw maꞈ-ahˇ kuˇ taˬ-euˬ meh. Naw maꞈ Miˬyehˇ-euˬ guiˬ lahˬ-ahˇ ngehˇ-eu maˬ tsaˬ-a.

2 Teˇsaˬloˇni 1:2

Aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ Ka li-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

2 Teˇsaˬloˇni 3:16

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu gʼaˬ pyeuꞈ-eu Sahˬpaˬ Yeˬsuˇ-aˬ, naw maꞈ kʼoeˇ taˆ aˬ geu ngeh yamˬ-ahˇ maˬ kaˬ, aˬ geu jeˬ keuˆ le-eu maˬ kaˬ, nui saˇ oꞈ-eu jeˬ biꞈ luꞈ-uˇ. Naw maꞈ dawˬ tawˆ luꞈ nehˬ-ehˇ Sahˬpaˬ Yeˬsuˇ jawˇ luꞈ-uˇ.

2 Tiˆmoˇseˬ 1:7

Aˬ jeˬ miˇ neh ehˇ naˇ, Miˬyehˇ neh aˬ dui-ahˇ biꞈ laꞈ-euˬ Yaw sahˇ-aˬ, aˬ dui-euˬ nui ma bi baˬ-iˇ-eu maˬ ngeuˇ-a. Yaw sahˇ kʼoeˇ-aˬ, aˬ dui-euˬ nui ma laꞈ kʼoeˇ, baoˬ maˬ ehˇ, gʼoeˇ-eu gaˬ-eu jeˬ maˬ ehˇ, yawˬ ha-euˬ nui ma-ahˇ gʼaˬ leˇ-eu jeˬ maˬ ehˇ, bi ahˇ laˇ-eu meh.

HeˬByehˇ 13:20

Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ-euˬ shiˬ baˬ da neh Huiˬ dui dui-eu Yawˇ bo-eu yaw sahˇ pyeuꞈ laˇ-euˬ aˬ dui-euˬ Sahˬpaˬ Yeˬsuˇ-ahˇ bi gʼoꞈ dehꞈ laˇ-euˬ gʼaˬ pyeuꞈ-eu nui saˇ oꞈ-eu jeˬ biꞈ-eu Miˬyehˇ-aˬ,

HeˬByehˇ 7:2

Aˬbyaˬhaˬ gʼeh, aˬ yawꞈ neh guiˇ kʼaˇ deuˆ za laꞈ-euˬ jeˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ yuˇ doˆ-awˇ aˬ yawꞈ-ahˇ biꞈ nehˬ-euˬ meh. (Maˬlaˬkiˇsaˬdehˇ lehˇ ehˇ-eu tsawˇ myahˇ heu myahˇ-euˬ dawˬ tsuiꞈ yaw beh hmˬ-aˬ, “Yaw tsaˬ yaw dawˇ jeˬ-euˬ Sahˬpaˬ” lehˇ ehˇ mawꞈ-eu meh. Dawˬ tsuiꞈ nyiˬ hmˬ tiˬ hmˬ pyeuꞈ-eu aˬ yawꞈ-ahˇ “Saˬleˬ meuˬ-euˬ Sahˬpaˬ” lehˇ ehˇ-eu kʼoeˇ-aˬ, “Nui saˇ oꞈ-eu jeˬ-euˬ Sahˬpaˬ” lehˇ ehˇ mawꞈ-eu meh.)

Panmaeq 1:4

Aˬshaˆ Kʼahˬzaˬ laꞈ kʼoeˇ jawˇ-eu Ka li zaˬ aˇ muˇ shiꞈ muˇ-ahˇ Yoˇhaˬ dawˬ cawˬ puˬ ahˇ laꞈ-eu ma. Nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Miˬyehˇ hawˇ-eu, aˬ yawꞈ-euˬ dzoeˬ dzaˬ nuiˇ mahˬ mehˬ shi jawˇ luꞈ-eu yaw sahˇ shiꞈ sahˇ jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.