Yoˇhaˬ 14:26 - Akha

²⁶ Aˬda kʼehˇ gʼeh leꞈ-eu lehˇ gʼeh-eu Caw ba-eu gʼaˬ pyeuꞈ-eu Yaw sahˇ Miˬyehˇ-aˬ, naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ-awˇ, ngaˬ neh ehˇ taˬ yaꞈ-euˬ dawˬ deuˬ-ahˇ naw maꞈ noeˬ mawˇ ni caw ba nehˬ laꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Ngaq-euq tsawrmyanr-euq uqmov nae, Aqda, Cawba-eu ghaq pyeuf-eu Yawshawr Saflar-anr bi’oe ngae, aqyawf, nawmaf-anr yawqjeq navluf maeqnaeq laf-awr, ngaq nae nawmaf-anr aernaeq taqyaf-euq dawq khoer dawqtawvluf, aqyawf, nawmaf-anr bi noeqdovlar taef-a.

Yoˇhaˬ 14:26 ပူးပေါင်းရင်းမြစ်များ

Jaceuq 51:11

Nawˬ nehˬ-ehˇ maˬ bi jawˇ ni taˬ sheuˬ dzeh nehˬ laꞈ muiˬ-eu shawˇ-eu nawˬ-euˬ yaw sahˇ ngaˬ-ahˇ taˬ bi byehˇ dzeh nehˬ laꞈ.

Iˇsaˬyaˇ 54:13

“Nawˬ-euˬ tsawˇ haˬ deuˬ-ahˇ ngaˇ mehˬ nehˬ tsoˆ nehˬ-awˇ, nui saˇ oꞈ-awˇ bi baw bi za le ma.

Iˇsaˬyaˇ 63:10

Ehˇ kʼawꞈ, aˬ yawꞈ maꞈ aˬ yawꞈ-ahˇ puiˬ-awˇ, aˬ yawꞈ-euˬ muiˬ-eu shawˇ-eu yaw sahˇ-ahˇ, nui ma shaˬ zahˬ bi mˇ-euˬ meh. Kʼoeˇ baˬ da neh aˬ yawꞈ maꞈ-ahˇ, Sahˬpaˬ Miˬyehˇ muiˇ-awˇ guiˇ deuˆ-euˬ meh.

Maꞈtehˬ 1:18

Yeˬsuˇ Ka li dehꞈ le-euˬ gaˇ kawˆ-aˬ, heu loꞈ-ehˇ meh. Aˬ yawꞈ-euˬ aˬ ma Maˬliˇ-aˬ, Yoˇsehˆ-ahˇ dahˬ dzaˬ-iˇ-eu gʼaˇ duˬ ngehˬ cawˬ tsehˆ taˬ-euˬ meh. Ehˇ kʼawꞈ, Maˬliˇ-aˬ, aˬ yawꞈ nyaꞈ oeˇ mˇ maˬ baˇ mi naˆ-ehˇ, Muiˬ-eu shawˇ-eu Yaw sahˇ Miˬyehˇ baˬ da neh zaˬ tsehˆ leˇ-euˬ gaˇ kawˆ, yawˬ haˇ yawˬ ha ya siˬ-euˬ meh.

Maꞈtehˬ 1:20

Kʼoeˇ loꞈ-ehˇ shaˇ noeˬ luꞈ-eu aˇ yamˬ-ahˇ, aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ, heu loꞈ-ehˇ ehˇ-eu meh. “Daˬbiˇ-euˬ aˬ li Yoˇsehˆ-oˇ, Maˬliˇ-ahˇ sheuˬ-eu gaˇ kawˆ taˬ noeˬ shaˬ. Aˬ yawꞈ zaˬ tsehˆ leˇ-euˬ-aˬ, Muiˬ-eu shawˇ-eu Yaw sahˇ Miˬyehˇ baˬ da neh meh.

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Maꞈtehˬ 3:11

Naw maꞈ iˬ baˇ noeˬ poˆ-euˬ gaˇ kawˆ bi siˬ bi mawˇ-eu gʼaˇ duˬ, iˇ cuꞈ neh naw maꞈ-ahˇ ngaˇ iˇ cuꞈ shawˇ nehˬ ma. Ehˇ kʼawꞈ, ngaˬ-euˬ mehˬ nah oe luꞈ-eu gʼaˬ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu, miˬ dzaˬ laꞈ kʼoeˇ naw maꞈ-ahˇ iˇ cuꞈ shawˇ nehˬ laꞈ tehꞈ-a. Aˬ yawꞈ-aˬ, ngaˇ naˆ maˬ tseˇ huiˬ dui mahˇ dui dui-awˇ, ngaˇ-aˬ, aˬ yawꞈ-euˬ sehˬ nawˆ yuˇ nehˬ-eu tehꞈ-ehˇ kʼawꞈ maˬ geuˇ nya.

Maˬkuˆ 12:36

Daˬbiˇ-ahˇ Muiˬ-eu shawˇ-eu Yaw sahˇ Miˬyehˇ neh bi noeˬ doˆ-awˇ, heu loꞈ-ehˇ bi ehˇ-euˬ meh. ‘Nawˬ-ahˇ muiˇ-eu tsawˇ haˬ deuˬ-ahˇ, nawˬ-euˬ aˬ kuiˇ pehˬ zaˬ uˬ moˆ, ngaˇ maˬ nyehꞈ uiˬ jiˇ kʼoeˇ keuˆ ni, ngaˬ-euˬ aˇ maˇ paw nuiˇ-awˬ lehˇ, ngaˬ-euˬ Sahˬpaˬ kuˇ hawˇ kamˇ-ahˇ, SahˬpaˬMiˬyehˇ ehˇ nehˬ-euˬ meh.’

Maˬkuˆ 13:11

Naw maꞈ-ahˇ aˬ cawˬ paꞈ-awˇ yaˇ kʼaˬ daˇ-eu saˇ naˇ-ahˇ tsahˇ gʼeh ngeh, aˬ joˆ-ehˇ ya ngehˬ ya tmˇ-eu gaˇ kawˆ aˇ yamˬ maˬ keuˆ laˇ mi naˆ-ehˇ kʼahˬ taˬ lahˇ. Aˇ yamˬ keuˆ laˇ ngeh, naw maꞈ-ahˇ kʼaˇ bi ngehˬ-euˬ jeˬ ngehˬ-awˬ. Aˬ jeˬ miˇ neh ehˇ naˇ, naw maꞈ ya ngehˬ-eu dawˬ kʼoeˇ-aˬ, naw maꞈ-euˬ dawˬ maˬ ngeuˇ-a. Muiˬ-eu shawˇ-eu Yaw sahˇ Miˬyehˇ-euˬ dawˬ meh.

Luˇkaꞈ 1:15

Aˬ jeˬ miˇ neh ehˇ naˇ, Sahˬpaˬ Miˬyehˇ mehˬ shi, aˬ yawꞈ yaw huiˬ yaw mahˇ pyeuꞈ laˇ tehꞈpa. Aˬ gaꞈ dzaˇ uiˇ hawˇ-eu yehꞈ laˇ-eu dzaˇ uiˇ deuˬ-ahˇ aˬ yawꞈ maˬ ya dawˇ-a. Aˬ ma-euˬ uˬ maˆ laꞈ kʼoeˇ neh maˬ dehꞈ doˆ le mi naˆ-ehˇ, Muiˬ-eu shawˇ-eu Yaw sahˇ Miˬyehˇ aˬ yawꞈ laꞈ kʼoeˇ tiˬ byah ni ahˇ tehꞈ-a.

Luˇkaꞈ 1:35

Mˬ taˆ gʼaˬ kʼehˇ ehˇ-eu, “Muiˬ-eu shawˇ-eu Yaw sahˇ Miˬyehˇ nawˬ-euˬ kʼoeˇ taˆ zaꞈ le-awˇ, Huiˬ dui Mahˇ dui dui-eu Miˬyehˇ-euˬ baoˬ nawˬ-ahˇ joe shmˇ le tehꞈ-a. Kʼoeˇ miˇ neh, dehꞈ le-euˬ muiˬ-eu shawˇ-eu aˬ li kʼoeˇ gʼaˬ-ahˇ, Miˬyehˇ-euˬ Zaˬmaˇ lehˇ kuˇ tehꞈ-a.

Luˇkaꞈ 1:41

Maˬliˇ dawˬ cawˬ puˬ nehˬ gaˇ Eˇliˇsaˬbehˆ ya gaˬ ngeh, aˬ yawꞈ-euˬ uˬ maˆ laꞈ kʼoeˇ pi luꞈ-eu zaˬ kʼoeˇ gʼaˬ luˆ laˇ-awˇ, Eˇliˇsaˬbehˆ -ahˇ Muiˬ-eu Shawˇ-eu Yaw sahˇ Miˬyehˇ uˇ le-euˬ meh.

Luˇkaꞈ 1:67

Yoˇhaˬ-euˬ aˬ da Zaˬkaˬliˇ-ahˇ Muiˬ-eu Shawˇ-eu Yaw sahˇ Miˬyehˇ uˇ le-awˇ, Miˬyehˇ gʼaˇ duˬ heu loꞈ-ehˇ ngehˬ dah-eu meh.

Luˇkaꞈ 11:13

Naw maꞈ iˬ baˇ mˇ-eu tsawˇ haˬ deuˬ kʼawꞈ, yawˬ ha-euˬ zaˬ-ahˇ yaw muiˬ jeˬ biꞈ-eu gʼaˇ duˬ kʼoeˇ naˆ ni siˬ nya naˇ, mˬ kʼoeˇ taˆ jawˇ-eu naw maꞈ-euˬ Aˬda-aˬ, aˬ yawꞈ-ahˇ kʼaˇ shaˇ-eu tsawˇ haˬ deuˬ-ahˇ Muiˬ-eu shawˇ-eu Yaw sahˇ Miˬyehˇ biꞈ-eu gʼaˇ duˬ aˇ naˆ ni paˇ siˬ nya dzehˬ nmˇ.”

Luˇkaꞈ 2:25

Kʼoeˇ ngeh yamˬ-ahˇ, Suˇmoˬ lehˇ myahˇ-euˬ tsawˇ haˬ tiˬ gʼaˬ Yeˬluˇsaˬlehˬ meuˬ-ahˇ jawˇ-eu meh. Aˬ yawꞈ-aˬ, Miˬyehˇ-ahˇ guˆ-eu nui ma ahˇ-eu tsawˇ haˬ yaw muiˬ tiˬ gʼaˬ pyeuꞈ-awˇ, Iˇsaˬleˬlaˆ tsawˇ jeuˬ ka kʼoꞈ-eu jeˬ za-eu aˇ nah-ahˇ dawˬ luꞈ-eu tiˬ gʼaˬ meh. Muiˬ-eu shawˇ-eu Yaw sahˇ Miˬyehˇ aˬ yawꞈ nehˬ-ehˇ jawˇ-eu meh.

Luˇkaꞈ 24:49

Ngaˬ Da neh ngaˬ-ahˇ biꞈ taˬ-euˬ saˇ jaˇ dawˬ, naw maꞈ-ahˇ ngaˇ paˇ biꞈ-eu ma. Ehˇ kʼawꞈ, mˬ taˆ-euˬ baoˬ naw maꞈ kʼoeˇ taˆ maˬ keuˆ le kʼoeˇ keuˆ ni, meuˬ laꞈ kʼoeˇ naw maꞈ ya dawˬ tawˬ meh.”

Luˇkaꞈ 3:22

Muiˬ-eu shawˇ-eu Yaw sahˇ Miˬyehˇ kʼaˬ kʼoeˬ loꞈ-ehˇ aˬ yawꞈ-euˬ kʼoeˇ taˆ zaꞈ le-euˬ meh. Mˬ paw neh teˇ saˇ mahˇ doˆ le-awˇ ehˇ-eu, “Nawˇ-aˬ, ngaˇ zawˇ gaˬ-eu ngaˬ-euˬ Zaˬmaˇ ma. Nawˬ-ahˇ ngaˇnui kʼahˇ shiˇ dui dui ma.”

Yoˇhaˬ 1:33

Ngaˇ aˬ yawꞈ-ahˇ maˬ siˬ nya-aˬ siˬ. Ehˇ kʼawꞈ, iˇ cuꞈ neh iˇ cuꞈ bi shawˇ nehˬ le-eu lehˇ ngaˬ-ahˇ kʼehˇ gʼeh leꞈ-euˬ Miˬyehˇ ehˇ-eu, ‘Yaw sahˇ Miˬyehˇ tsawˇ haˬ tiˬ gʼaˬ kʼoeˇ taˆ zaꞈ le-awˇ jawˇ gaˇ nawˇ ya mawˇ tehꞈ-a. Aˬ yawꞈ-aˬ, Yaw sahˇ Miˬyehˇ neh iˇ cuꞈ shawˇ nehˬ-euˬ gʼaˬ meh’ lehˇ ehˇ-eu meh.

Yoˇhaˬ 12:16

Pyeuꞈ laˇ-euˬ gaˇ kawˆ kʼoeˇ-euˬ dawˬ tsuiꞈ-ahˇ, aˇ dahˬ beh ngeh zaˬ lahˇ deuˬ maˬ siˬ nya-a. Ehˇ kʼawꞈ, Yeˬsuˇ gʼoꞈ dehꞈ laˇ-awˇ yaw shehꞈ kʼahˬ sehˇ za gʼaˬ ngeh, Jaˇliꞈ laꞈ kʼoeˇ ehˇ taˬ-euˬ kʼoeˇ aˬ yawꞈ-ahˇ ehˇ-euˬ jeˬ pyeuꞈ-awˇ, aˬ yawꞈ maꞈ Yeˬsuˇ-ahˇ ha-euˬ kʼoeˇ-aˬ, Jaˇliꞈ laꞈ kʼoeˇ ehˇ taˬ-euˬ dawˬ byah laˇ ni mˇ-euˬ jeˬ pyeuꞈ-eu gaˇ kawˆ, aˬ yawꞈ maꞈ siˬ duˬ-euˬ meh.

Yoˇhaˬ 14:16

Ngaˇ Aˬda-ahˇ shaˇ-awˇ, naw maꞈ nehˬ-ehˇ aˬ myah luꞈ bi jawˇ-eu gʼaˇ duˬ Caw ba-eu gʼaˬ bi biꞈ leꞈ ma.

Yoˇhaˬ 14:25

“Ngaˇ naw maꞈ nehˬ-ehˇ jawˇ luꞈ ngeh, dawˬ heu deuˬ naw maꞈ-ahˇ ehˇ nehˬ taˬ-euˬ ma.

Yoˇhaˬ 15:26

“Caw ba-eu gʼaˬ oe tehꞈ-a. Aˬ yawꞈ-aˬ, Miˬyehˇ gaˇ kawˆ yaw tsaˬ yaw dawˇ jeˬ bi siˬ bi mawˇ le-euˬ gʼaˬ pyeuꞈ-eu, Aˬda jawˇ gaˇ neh oe-euˬ Yaw sahˇ Miˬyehˇ meh. Aˬda jawˇ gaˇ neh aˬ yawꞈ-ahˇ ngaˇ bi oe-awˇ, ngaˬ-euˬ gaˇ kawˆ aˬ yawꞈ saˇ kiˇ kamˬ tehꞈ-a.

Yoˇhaˬ 16:7

Ngaˇ naw maꞈ-ahˇ maˇ jawˆ ni ehˇ-eu ma. Ngaˇ gʼoꞈ leˇ-eu-aˬ, naw maꞈ gʼaˇ duˬ muiˬ dzehˬ meh. Aˬ jeˬ miˇ neh ehˇ naˇ, ngaˇ maˬ gʼoꞈ leˇ naˇ, Caw ba-eu gʼaˬ naw maꞈ jawˇ gaˇ maˬ oe nya-a. Ngaˇ gʼoꞈ leˇ naˇ, Caw ba-eu gʼaˬ-ahˇ kʼehˇ gʼeh leꞈ ma.

Yoˇhaˬ 2:22

Kʼoeˇ miˇ neh, aˬ yawꞈ shiˇ-awˇ paˇ gʼoꞈ dehꞈ laˇ ngeh jawˇ, aˬ yawꞈ neh ehˇ-euˬ dawˬ heu dawˬ aˬ yawꞈ-euˬ zaˬ lahˇ deuˬ-ahˇ paˇ noeˬ doˆ leˇ-euˬ meh. Kʼoeˇ ngeh jawˇ, Jaˇ liꞈ laꞈ kʼoeˇ boꞈ taˬ-euˬ gaˇ kawˆ deuˬ hawˇ-eu, Yeˬsuˇ neh ehˇ-euˬ dawˬ-ahˇ aˬ yawꞈ maꞈ jah-euˬ meh.

Yoˇhaˬ 20:22

Kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ kʼoeˇ taˆ aˬ yawꞈ saꞈ baw nehˬ-awˇ, heu loꞈ-ehˇ ehˇ nehˬ-euˬ meh. “Muiˬ-eu Shawˇ-eu Yaw sahˇ Miˬyehˇ-ahˇ ha geuꞈ-awˬ.

Yoˇhaˬ 6:45

“‘Tsawˇ haˬ yawˬ gʼaˬ na luꞈ-ahˇ Miˬyehˇ mehˬ nehˬ tsoˆ nehˬ tehꞈ-a’ lehˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh boꞈ taˬ-euˬ jaˆ-eu meh. Aˬda-euˬ dawˬ ya gaˬ-awˇ dzaw geuꞈ-eu tsawˇ haˬ aˬ geu gʼaˬ maˬ kaˬ, ngaˇ jawˇ gaˇ laˇ tehꞈ-a.

Yoˇhaˬ 7:39

Yeˬsuˇ kʼoeˇ loꞈ-ehˇ ehˇ-eu-aˬ, aˬ yawꞈ-ahˇ kʼaˇ jah-eu tsawˇ haˬ deuˬ Yaw sahˇ Miˬyehˇ za gaˇ ehˇ mawꞈ-eu meh. Aˇ yamˬ kʼoeˇ yamˬ-ahˇ keuˆ ni Yaw sahˇ Miˬyehˇ maˬ biꞈ leꞈ-aˬ siˬ. Aˬ jeˬ miˇ neh ehˇ naˇ, Yeˬsuˇ-ahˇ yaw shehꞈ kʼahˬ sehˇ laꞈ kʼoeˇ maˬ ciˬ daˆ kʼoꞈ leꞈ-aˬ siˬ.

Gʼaˬkʼehˇ 1:2

Aˬ yawꞈ-ahˇ mˬ kʼoeˇ taˆ bi ciˬ daˆ kʼoꞈ gʼeh ngeh nah-ahˇ keuˆ ni boꞈ taˬ-euˬ ma. Aˬ yawꞈ-ahˇ mˬ kʼoeˇ taˆ maˬ bi ciˬ kʼoꞈ daˆ kʼoꞈ leꞈ mi naˆ-ehˇ, aˬ yawꞈ-euˬ gʼaˬ kʼehˇ bi geuꞈ-eu gʼaˇ duˬ aˬ yawꞈ neh tseˇ doˆ-euˬ tsawˇ haˬ deuˬ-ahˇ, Muiˬ-eu shawˇ-eu Yaw sahˇ Miˬyehˇ-euˬ baoˬ-ahˇ gʼoe-eu laꞈ kʼoeˇ aˬ yawꞈ mehˬ yaꞈ tsoˆ yaꞈ-euˬ meh.

Gʼaˬkʼehˇ 1:4

Aˬ yawꞈ maꞈ tiˬ gaˇ uiˬ leˇ-awˇ jawˇ ngeh, aˬ yawꞈ heu loꞈ-ehˇ dawˬ biꞈ yaꞈ-euˬ meh. “Ngaˬ Da neh naw maꞈ-ahˇ biꞈ ma lehˇ saˇ jaˇ dzaˬ taˬ-euˬ jeˬ pyeuꞈ-eu, ngaˬ neh naw maꞈ-ahˇ ehˇ nehˬ taˬ-euˬ jeˬ-ahˇ maˬ za kʼoeˇ keuˆ ni, Yeˬluˇsaˬlehˬ meuˬ-ahˇ neh maˬ doˆ-iˇ ni dawˬ tawˬ-awˬ.

Gʼaˬkʼehˇ 1:8

Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ naw maꞈ kʼoeˇ taˆ oe keuˆ ngeh, naw maꞈ baoˬ za-awˇ, Yeˬluˇsaˬlehˬ meuˬ laꞈ kʼoeˇ maˬ ehˇ, Yuˇdaˆ miˇ kʼahˬ hawˇ-eu Saˬmaˬliˆ miˇ kʼahˬ doe ni maˬ ehˇ, mˬ dzeˇ miˇdzeˇ keuˆ ni maˬ ehˇ, naw maꞈ ngaˬ-euˬ gʼaˇ duˬ saˇ kiˇ kamˬ-eu tsawˇ haˬ pyeuꞈ laˇ tehꞈ-a.”

Gʼaˬkʼehˇ 11:16

Kʼoeˇ ngeh, ‘Yoˇhaˬ-aˬ, iˇ cuꞈ laꞈ kʼoeˇ iˇ cuꞈ shawˇ nehˬ-euˬ meh. Ehˇ kʼawꞈ, naw maꞈ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ iˇ cuꞈ ya shawˇ tehꞈ-a’ lehˇ, Sahˬpaˬ Yeˬsuˇ neh ehˇ-euˬ dawˬ kʼoeˇ dawˬ ngaˬ-ahˇ noeˬ doˆ laˇ-euˬ miˇ-a.

Gʼaˬkʼehˇ 13:2

Aˬ yawꞈ maꞈ maˬ dzaˬ-eu zahˇ jahˇ-awˇ Sahˬpaˬ Miˬyehˇ-ahˇ uˬ duˬ tahˬ tahˬ-ehˇ jawˇ ngeh, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ-ahˇ ehˇ-eu, “Ngaˬ neh a yawꞈ nyaꞈ-ahˇ bi mˇ-eu lehˇ kuˇ-euˬ gaˇ deuˬ-ahˇ bi mˇ-eu gʼaˇ duˬ, Baˬnaˬbaˇ hawˇ-eu Sawˇluˆ aˬ ha nyaꞈ-ahˇ tseˇ doˆ-awˇ bi jawˇ-awˬ.”

Gʼaˬkʼehˇ 13:4

Muiˬ-eu shawˇ-eu Yaw sahˇ Miˬyehˇ neh kʼehˇ gʼeh-euˬ loꞈ-ehˇ Baˬnaˬbaˇ hawˇ-eu Sawˇluˆ aˬ nyaꞈ Seˬluˇgiˇ meuˬ-ahˇ iˇ-awˇ, kʼoeˇ gaˇ neh naˇ, Guˇbaˬluˇ iˇ jaw lahˇ-ahˇ lawˬ dziˬ-awˇ iˇ-euˬ meh.

Gʼaˬkʼehˇ 15:28

Maˬ caw teh-ehˇ maˬ gʼeh nya-eu zahˇ sahˇ kʼoꞈ heu deuˬ maˬ ngeuˇ naˇ, naw maꞈ-ahˇ kʼaˆ behˆ aˇ dzehˬ maˬ ciˬ pi nehˬ-eu gʼaˇ duˬ, Muiˬ-eu shawˇ-eu Yaw sahˇ Miˬyehˇ hawˇ-eu nga maꞈ nui ma tsaˬ-eu ma.

Gʼaˬkʼehˇ 15:8

Tsawˇ haˬ zaˬ-euˬ nui ma-ahˇ siˬ jiˇ mawˇ jiˇ luꞈ-eu Miˬyehˇ-aˬ, aˬ dui-ahˇ Muiˬ-eu shawˇ-eu Yaw sahˇ Miˬyehˇ biꞈ laꞈ-euˬ loꞈ-ehˇ, aˬ cawˬ tsawˇ jeuˬ-ahˇ kʼawꞈ biꞈ nehˬ-eu laꞈ kʼoeˇ, aˬ yawꞈ maꞈ-ahˇ kʼawꞈ aˬ yawꞈ ha geuꞈ-eu gaˇ kawˆ aˬ dui-ahˇ bya cehˆ ni bi mawˇ laꞈ-euˬ meh.

Gʼaˬkʼehˇ 16:6

Aˬshaˆ miˇ kʼahˬ-ahˇ guiˬ lahˬ dawˬ maˬ ya mehˬ-iˇ ni, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ-ahˇ laˆ tsoeˬ-eu miˇ neh, Puˬgiˇ miˇ kʼahˬ hawˇ-eu Gaˬlaˬtiˆ miˇ kʼahˬ-ahˇ aˬ yawꞈ maꞈ le-euˬ meh.

Gʼaˬkʼehˇ 2:33

Aˬ yawꞈ-euˬ Aˬda pyeuꞈ-eu Miˬyehˇ-euˬ aˇ maˇ paw aˬ yawꞈ-ahˇ ciˬ huiˬ ciˬ mahˇ keuˆ nehˬ-awˇ, Miˬyehˇ neh saˇ jaˇ dzaˬ taˬ-euˬ jaˆ-eu loꞈ-ehˇ, Yaw sahˇ Miˬyehˇ za-euˬ meh. Nymˬ-mˇ naw maꞈ ya gaˬ ya mawˇ luꞈ-eu heu-aˬ, a yawꞈ neh Yaw sahˇ Miˬyehˇ shehˆ daˆ nehˬ laꞈ-euˬ jeˬ pyeuꞈ-eu meh.

Gʼaˬkʼehˇ 2:4

Aˬ yawꞈ maꞈ dawˬ tawˆ luꞈ-ahˇ Muiˬ-eu shawˇ-eu Yaw sahˇ Miˬyehˇ byah laˇ-awˇ, Yaw sahˇ Miˬyehˇ neh bi ngehˬ bi tmˇ-euˬ loꞈ-ehˇ, dawˬ gʼawˬ mya jeˬ ngehˬ-euˬ meh.

Gʼaˬkʼehˇ 20:28

Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

Gʼaˬkʼehˇ 20:35

‘Za-eu naˆ maˬ tseˇ biꞈ-eu guiˬ lahˬ huiˬ dzehˬ meh’ lehˇ Sahˬpaˬ Yeˬsuˇ neh ehˇ-euˬ dawˬ kʼoeˇ dawˬ-ahˇ noeˬ keuˆ-eu laꞈ kʼoeˇ, kʼoeˇ loꞈ-ehˇ gaˇ yaw kʼaˆ-ehˇ mˇ-awˇ gʼaˬ baˬ-eu deuˬ-ahˇ ya caw ba meh lehˇ, yawˬ jeˬ na luꞈ laꞈ kʼoeˇ naw maꞈ-ahˇ ngaˇ mˇ mehˬ shaˇ mehˬ mehˬ-euˬ ma.”

Gʼaˬkʼehˇ 28:25

Pawˇluˆ neh ngehˬ-euˬ dawˬ baˬ da neh, aˬ yawꞈ maꞈ tiˬ gʼaˬ tiˇ gʼaˬ maˬ tsaˬ leˇ ni gʼoꞈ-iˇ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ Pawˇluˆ neh ehˇ nehˬ-euˬ kʼoeˇ-aˬ, heu loꞈ-ehˇ meh. “Miˬyehˇ gʼaˇ duˬ ngehˬ dah-eu Iˇsaˬyaˇ-ahˇ gʼoe-awˇ, naw maꞈ-euˬ aˬ poeˬ aˬ bawˇ deuˬ-ahˇ Muiˬ-eu shawˇ-eu Yaw sahˇ Miˬyehˇ neh ehˇ nehˬ-euˬ dawˬ heu dawˬ aˇ naˆ ni tsaˬ-eu nga.

Gʼaˬkʼehˇ 5:3

Beˬtuˆluˆ ehˇ-eu, “Aˬnaˬniˇ-oˇ, aˬ jeˬ miˇ neh Saˬdaˬ nawˬ-ahˇ bi uˆ lahˇ-awˇ, Muiˬ-eu shawˇ-eu Yaw sahˇ Miˬyehˇ-ahˇ jaˬ myawꞈ myawꞈ-eu laꞈ kʼoeˇ, myawˬ gahˬ ahˬ za-euˬ pyuˇ tiˬ paˆ yuˇ doˆ taˬ yaꞈ teˬ.

Gʼaˬkʼehˇ 7:51

Naw maꞈ nui ma aˇ naˆ naˆ-ehˇ gʼahˇ te. Naˬ bawˇ aˇ naˆ naˆ-ehˇ tuˇ te. Miˬyehˇ-ahˇ maˬ siˬ nya-eu tsawˇ haˬ deuˬ loꞈ-ehˇ aˇ naˆ naˆ-ehˇ dzawˬ te. Naw maꞈ-aˬ, naw maꞈ-euˬ aˬ poeˬ aˬ bawˇ deuˬ-ahˇ duˇ-awˇ, Muiˬ-eu shawˇ-eu Yaw sahˇ Miˬyehˇ-euˬ dawˬ-ahˇ tiˬ jawˇ-iˬ maˬ naˇ haˬ geuꞈ-a.

Gʼaˬkʼehˇ 7:55

Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-eu Saˬteˬpaˬ-aˬ, mˬ-ahˇ gʼawˇ leuˇ haw ngeh, Miˬyehˇ-euˬ yaw shehꞈ kʼahˬ sehˇ-ahˇ maˬ ehˇ, Miˬyehˇ-euˬ aˇ maˇ paw Yeˬsuˇ yawꞈ luꞈ gaˇ maˬ ehˇ, ya mawˇ-euˬ meh.

Lormav 14:17

Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, dzaˬ-eu dawˇ-eu jeˬ maˬ ngeuˇ-a. Kʼoeˇ-aˬ, yaw tsaˬ yaw dawˇ jeˬ, Miˬyehˇ laꞈ kʼoeˇ nui saˇ oꞈ-eu jeˬ hawˇ-eu, Muiˬ-eu Shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬ pyeuꞈ-eu meh.

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

Lormav 15:16

Yuˇdaˆ tsawˇ haˬ maˬ ngeuˇ-eu deuˬ-euˬ gʼaˇ duˬ gaˇ bi mˇ-eu lehˇ, ngaˬ-ahˇ Yeˬsuˇ Ka li-euˬ zaˬ kʼaˆ bi geuꞈ laꞈ-euˬ meh. Miˬyehˇ-euˬ Laˬ kʼa cehˇ-eu Guiˬ lahˬ dawˬ mehˬ-eu gaˇ-ahˇ taꞈ leˇ-awˇ, piˇ ma tiˬ gʼaˬ loꞈ-ehˇ ngaˇ gaˇ mˇ luꞈ-eu ma. Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ-ahˇ lawˇ nehˬ-euˬ jeˬ loꞈ-ehˇ Miˬyehˇ ha geuꞈ nya ni, Muiˬ-eu Shawˇ-eu Yaw sahˇ Miˬyehˇ neh Miˬyehˇ-ahˇ damˬ nehˬ-euˬ jeˬ loꞈ-ehˇ bi pyeuꞈ-eu gʼaˇ duˬ, piˇ ma tiˬ gʼaˬ loꞈ-ehˇ ngaˇ mˇ luꞈ-eu ma.

Lormav 5:5

Kʼoeˇ loꞈ-ehˇ noeˬ tmˬ-eu jeˬ jaˆ laˇ-euˬ baˬ da neh, nui ma cawˆ kʼaˇ maˬ paˇ za meh. Aˬ jeˬ miˇ neh ehˇ naˇ, Miˬyehˇ neh aˬ dui-ahˇ biꞈ laꞈ-euˬ laꞈ sawˬ pyeuꞈ-eu Muiˬ-eu Shawˇ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, Miˬyehˇ-euˬ gʼoeˇ-eu gaˬ-eu jeˬ aˬ dui-euˬ nui maˬ laꞈ kʼoeˇ shehˆ ahˇ nehˬ laꞈ-euˬ ba da neh meh.

1 Gawˇliˬtu 12:3

Miˬyehˇ-euˬ Yaw sahˇ sheuˬ gʼeh-eu uˬ moˆ jawˇ-eu tsawˇ haˬ tiˬ gʼaˬ-iˬ “Yeˬsuˇ-ahˇ yaˬ kʼehˇ yaˬ luꞈ-uˇ” lehˇ maˬ ehˇ-aˇ lehˇ naw maꞈ bi siˬ duˬ mawꞈ miˇ-a. Kʼoeˇ loꞈ-ehˇ duˇ ni, Muiˬ-eu Shawˇ-eu Yaw sahˇ Miˬyehˇ sheuˬ gʼeh-eu uˬ moˆ maˬ jawˇ naˇ, tsawˇ haˬ tiˬ gʼaˬ-iˬ “Yeˬsuˇ-aˬ Sahˬpaˬ meh” lehˇ maˬ ehˇ nya-aˇ.

1 Gawˇliˬtu 6:19

Naw maꞈ-euˬ gʼawˇ mawˇ-aˬ, Miˬyehˇ neh biꞈ leꞈ-awˇ naw maꞈ-euˬ laꞈ kʼoeˇ jawˇ luꞈ-eu Muiˬ-eu Shawˇ-eu Yaw sahˇ Miˬyehˇ-euˬ uˬ duˬ tahˬ nymˇ pyeuꞈ-eu meh lehˇ maˬ siˬ nya te loˇ. Kʼoeˇ uˬ taꞈ, naw maꞈ-aˬ, naw maꞈ-euˬ maˬ ngeuˇ-a. Miˬyehˇ-euˬ meh.

2 Gawˇliˬtu 6:6

Nga maꞈ-euˬ muiˬ-eu shawˇ-eu nui ma, zaˬ siˬ nui gahˇ, oˇ oꞈ coeˇ-eu jeˬ hawˇ-eu, gʼawˬ shaˬ gaˬ nya-eu nui ma-ahˇ gʼoe gʼoe-ehˇ, nga maꞈ Miˬyehˇ-euˬ zaˬ kʼaˆ pyeuꞈ-eu gaˇ kawˆ aˬ cawˬ-ahˇ bi mawˇ leˇ-euˬ ma. Muiˬ-eu Shawˇ-eu Yaw sahˇ miˬyehˇ-ahˇ gʼoe-eu laꞈ kʼoeˇ maˬ ehˇ,

Eˇpeˇsu 1:13

Naw maꞈ kʼawꞈ, naw maꞈ jawˇ gaˇ ka kʼoꞈ-eu jeˬ bi keuˆ le-euˬ Laˬ kʼaˬ cehˇ-eu Guiˬ lahˬ dawˬ pyeuꞈ-eu yaw tsaˬ yaw dawˇ dawˬ-ahˇ ya gaˬ-awˇ, Miˬyehˇ-euˬ tsawˇ haˬ pyeuꞈ laˇ-euˬ meh. Naw maꞈ Ka li-ahˇ jah-awˇ, Miˬyehˇ neh saˇ jaˇ dzaˬ taˬ-euˬ loꞈ-ehˇ Muiˬ-eu Shawˇ-eu Yaw sahˇ Miˬyehˇ bi oe-eu laꞈ kʼoeˇ, aˬ yawꞈ-euˬ tsawˇ haˬ bi pyeuꞈ tsehˆ-eu gʼaˇ duˬ naw maꞈ-ahˇ jmˬ diˬ taˬ-euˬ meh.

Eˇpeˇsu 1:17

Naw maꞈ-ahˇ Yaw sahˇ Miˬyehˇ biꞈ nehˬ-eu gʼaˇ duˬ, baoˬ yaw shehꞈ kʼahˬ sehˇ huiˬ-eu Aˬda pyeuꞈ-eu aˬ duiˬ-euˬ Sahˬpaˬ Yeˬsuˇ Ka li-euˬ Miˬyehˇ-ahˇ ngaˇ shaˇ-eu ma. Naw maꞈ Miˬyehˇ-ahˇ siˬ nya laˇ ni, yaw sahˇ Miˬyehˇ naw maꞈ-ahˇ zaˬ siˬ tsawˇ gahˇ bi ahˇ laˇ-awˇ, Miˬyehˇ gaˇ kawˆ pah mehˬ nehˬ laꞈ tehꞈ-a.

Eˇpeˇsu 4:30

Miˬyehˇ-euˬ Muiˬ-eu Shawˇ-eu Yaw sahˇ-ahˇ bi noeˬ shaˬ-eu jeˬ taˬ mˇ. Aˬ jeˬ miˇ neh ehˇ naˇ, ka kʼoꞈ-eu aˇ nah keuˆ le ngeh naw maꞈ Miˬyehˇ-euˬ tsawˇ haˬ pyeuꞈ-eu duˬ laˇ ni, Yaw sahˇ Miˬyehˇ laꞈ kʼoeˇ naw maꞈ-ahˇ juˬ diˬ taˬ-euˬ meh.

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.

2 Tiˆmoˇseˬ 1:14

Aˬ dui-euˬ laꞈ kʼoeˇ jawˇ-eu Muiˬ-eu shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ, nawˬ-ahˇ a nehˬ taˬ-euˬ yaw muiˬ jeˬ-ahˇ jeˬ hmˬ geuꞈ-awˬ.

Tiˇtuˆ 3:5

Aˬ dui-ahˇ ka kʼoꞈ nehˬ laꞈ-euˬ kʼoeˇ-aˬ, aˬ dui yaw muiˬ jeˬ mˇ-euˬ miˇ neh maˬ ngeuˇ-ehˇ, aˬ yawꞈ-euˬ gʼawˬ shaˬ gaˬ-eu jeˬ baˬ da neh Muiˬ-eu shawˇ-eu Yaw sahˇ-ahˇ gʼoe-awˇ ka kʼoꞈ nehˬ laꞈ-euˬ jeˬ pyeuꞈ-eu meh. Yaw sahˇ Miˬyehˇ aˬ dui-ahˇ yaw shuiꞈ bi dehꞈ paˇ laꞈ-awˇ, aˬ dui-euˬ iˬ baˇ tsiˬ shawˇ nehˬ laꞈ-eu laꞈ kʼoeˇ, dehꞈ-eu yaw shuiꞈ biꞈ laꞈ-euˬ meh.

HeˬByehˇ 10:15

Muiˬ-eu shawˇ-eu Yaw sahˇ Miˬyehˇ kʼawꞈ, aˬ yawꞈ-euˬ gʼaˇ duˬ aˬ dui-ahˇ heu loꞈ-eh saˇ kiˇ kamˬ-eu meh. Yaw beh ehˇ-eu,

HeˬByehˇ 2:4

Miˬyehˇ aˬ yawꞈ kʼawꞈ, aˬ yawꞈ nui ma kʼaˇ tsaˬ-eu loꞈ-ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ mˇ-eu uˬ taꞈ, Yaw sahˇ Miˬyehˇ neh biꞈ-euˬ laꞈ sawˬ deuˬ-ahˇ bi za-eu laꞈ kʼoeˇ, aˬ yawꞈ maꞈ nehˬ-ehˇ saˇ kiˇ caw kamˬ luꞈ-eu meh.

HeˬByehˇ 3:7

Kʼoeˇ miˇ neh, Muiˬ-eu shawˇ-eu Yaw sahˇ Miˬyehˇ neh ehˇ taˬ-euˬ loꞈ-ehˇ, “Iˬ nah Miˬyehˇ ehˇ luꞈ-eu dawˬ, naw maꞈ ya gaˬ gʼaˬ-euˬ ngeuˇ naˇ,

HeˬByehˇ 9:8

Sehˬ gʼawˆ laꞈ nyiˇ lawˆ kʼoeˇ gaˇ kʼaˇ jaˆ kʼoeˇ keuˆ ni, Muiˬ dui shawˇ dui dui-eu Jawˇ duˬ kʼoeˇ tsahˇ-ahˇ uˇ leˇ-eu gaˇ ma maˬ pah laˇ-a siˬ lehˇ, uˬ duˬ tahˬ-eu jawˇ duˬ kʼoeˇ tsahˇ-euˬ zahˇ sahˇ kʼoꞈ-ahˇ taꞈ leˇ-awˇ Muiˬ-eu shawˇ-eu Yaw sahˇ Miˬyehˇ bya cehˆ ni mehˬ nehˬ laꞈ-eu meh.

1 Beˬtuˆluˆ 1:12

Aˇ hu Miˬyehˇ gʼaˇ duˬ ngeh dah-eu kʼoeˇ deuˬ neh mˇ-euˬ gaˇ-aˬ, aˬ yawꞈ maꞈ-euˬ gʼaˇ duˬ maˬ ngeuˇ-ehˇ, naw maꞈ-euˬ gʼaˇ duˬ pyeuꞈ-eu gaˇ kawˆ aˬ yawꞈ maꞈ-ahˇ Miˬyehˇ pah mehˬ nehˬ-euˬ meh. Aˇ hu aˬ yawꞈ maꞈ neh ngehˬ dah-euˬ gaˇ kawˆ kʼoeˇ deuˬ-aˬ, nymˬ-mˇ mˬ kʼoeˇ taˆ neh bi oe-euˬ Muiˬ-eu Shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ Laˬ kʼaˬ cehˇ-eu Guiˬ lahˬ dawˬ mehˬ-eu deuˬ mehˬ luꞈ-eu, naw maꞈ ya gaˬ luꞈ-eu gaˇ kawˆ heu deuˬ meh. Gaˇ kawˆ heu-aˬ, mˬ taˆ gʼaˬ kʼehˇ deuˬ-ahˇ keuˆ ni siˬ mawꞈ dui dui-eu gaˇ kawˆ meh.

2 Beˬtuˆluˆ 1:21

Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-euˬ dawˬ aˬ geu dawˬ maˬ kaˬ, tsawˇ haˬ zaˬ-euˬ nui ma laꞈ kʼoeˇ neh doˆ laˇ-euˬ jeˬ maˬ ngeuˇ-a. Ehˇ kʼawꞈ, Miˬyehˇ jawˇ gaˇ neh doˆ le-euˬ dawˬ deuˬ-ahˇ tsawˇ haˬ zaˬ ngehˬ dah ngeh, aˬ yawꞈ maꞈ-ahˇ Muiˬ-eu shawˇ-eu Yaw sahˇ Miˬyehˇ uˆ lahˇ-awˇ bi ngehˬ-eu meh.

1 Yoˇhaˬ 2:20

Ehˇ kʼawꞈ, Ka li neh naw maꞈ kʼoeˇ taˆ Muiˬ-eu shawˇ-eu Yaw sahˇ Miˬyehˇ shehˆ daˆ nehˬ gʼaˬ-euˬ miˇ neh, naw maꞈ dawˬ tawˆ luꞈ yaw tsaˬ yaw dawˇ jeˬ-ahˇ siˬ nya meh.

1 Yoˇhaˬ 2:27

Ehˇ kʼawꞈ, Ka li neh naw maꞈ-euˬ kʼoeˇ taˆ aˬ yawꞈ-euˬ Yaw sahˇ shehˆ daˆ nehˬ gʼaˬ-euˬ meh. Aˬ yawꞈ-euˬ Yaw sahˇ kʼoeˇ naw maꞈ laꞈ kʼoeˇ kʼaˇ jawˇ kʼoeˇ keuˆ ni, aˬ cawˬ naw maꞈ-ahˇ mehˬ nehˬ tsoˆ nehˬ-eu maˬ paˇ loˬ meh. Aˬ jeˬ miˇ neh ehˇ naˇ, aˬ yawꞈ-euˬ Yaw sahˇ kʼoeˇ naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ tehꞈ-a. Aˬ yawꞈ-euˬ Yaw sahˇ kʼaˇ mehˬ kʼaˇ tsoˆ-eu jeˬ dawˬ tawˆ luꞈ, tsaˬ dui dui-eu meh. Tiˬ pawꞈ-iˬ maˬ lehˬ-a. Yaw sahˇ kʼoeˇ neh mehˬ nehˬ tsoˆ nehˬ laꞈ-euˬ jeˬ-ahˇ naˇ haˬ geuꞈ-awˇ, Ka li-euˬ laꞈ kʼoeˇ jawˇ-awˬ.

1 Yoˇhaˬ 5:7

Gaˇ kawˆ heu-ahˇ saˇ kiˇ kamˬ-eu smˇ jeˬ jaˆ-eu meh.

Yuˇdaˆ 1:20

Ehˇ kʼawꞈ, ngaˇ gaˬ-eu cawˬ deuˬ-oˇ, naw maꞈ-aˬ, yawˬ ha-euˬ muiˬ dui shawˇ dui dui-eu jah-eu jeˬ huiˬ laˇ mahˇ laˇ nya ni leh jeh-awˬ. Muiˬ-eu shawˇ-eu Yaw sahˇ Miˬyehˇ-euˬ baoˬ laꞈ kʼoeˇ guiˬ lahˬ shaˇ-awˬ.

Panmaeq 2:11

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ ehˇ nehˬ-euˬ dawˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-aˬ, nyiˬ poˆ tiˬ poˆ shiˇ-eu jeˬ-ahˇ maˬ paˇ ya daˬ meh.