Yoˇhaˬ 14:21 - Akha

²¹ Ngaˬ neh biꞈ-euˬ dawˬ-ahˇ ya gaˬ-euˬ loꞈ-ehˇ naˇ haˬ geuꞈ-eu tsawˇ haˬ-aˬ, ngaˬ-ahˇ gaˬ-eu tsawˇ haˬ meh. Ngaˬ-ahˇ kʼaˇ gaˬ-eu tsawˇ haˬ-ahˇ ngaˬ Da gaˬ tehꞈ-a. Ngaˇ kʼawꞈ aˬ yawꞈ-ahˇ gaˬ-awˇ, ngaˇ aˬ suˇ gʼaˬ pyeuꞈ-eu gaˇ kawˆ a yawꞈ-ahˇ bi siˬ bi mawˇ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Ngaq nae bif-euq dawq yagaq-awr mrcaw-eu tsawrhaq-aq, ngaq-anr gaq-eu tsawrhaq mae. Ngaq-anr gaq-eu tsawrhaq-anr ngaqDa gaq taef-a. Khoeruqtaf, ngar khawf aqyawf-anr gaq-awr, ngaq-euq mawrdo aqyawf-anr byacaevni bimawr ma.”

Yoˇhaˬ 14:21 ပူးပေါင်းရင်းမြစ်များ

2 Sahˬpaˬ 18:6

Aˬ yawꞈ-aˬ, Sahˬpaˬ Miˬyehˇ-ahˇ saˇ jaˇ ziꞈ-awˇ, Sahˬpaˬ Miˬyehˇ-euˬ ehˇ dawˬ-ahˇ maˬ naˇ haˬ-ehˇ maˬ byehˇ-eu uˬ taꞈ, Sahˬpaˬ Miˬyehˇ neh Moˇseˬ-ahˇ kʼaˇ biꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ, yaw muiˬ paˬ-ehˇ caw teh-eu meh.

Jaceuq 35:27

Ngaˇ law-iˇgaˇmawˇmawꞈ-eu deuˬ, laˬkʼaˬcehˇ-eu laꞈkʼoeˇguˇ-awˇ, “SahˬpaˬMiˬyehˇhuiˬdui dui meh. Aˬyawꞈ-euˬzaˬkʼaˆgʼaˬleˇgaˇ, aˬyawꞈnui kʼahˇshiˇ-eu meh” lehˇ, maˬtsehˆleˇni ja ceuˬluꞈ-uˇ.

Doˆ-iˇ 33:18

Kʼoeˇ naˇ, “Nawˬ-euˬ yaw shehꞈ kʼahˬ sehˇ ngaˬ-ahˇ bi mawˇ laꞈ” lehˇ, Sahˬpaˬ Miˬyehˇ-ahˇ Moˇseˬ ehˇ nehˬ-euˬ meh.

Dawqdaq 8:17

Ngaˬ-ahˇ gaˬ-eu deuˬ-ahˇ ngaˇ gaˬ-awˇ, ngaˬ-ahˇ leh jeh-awˇ poˆ-eu deuˬ, ngaˬ-ahˇ poˆ mawˇ-eu meh.

Yeˬlaˬmiˇ 31:31

Sahˬpaˬ Miˬyehˇ heu loꞈ-ehˇ ehˇ-eu meh. “Haw taˬ yawˬ. Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ nehˬ-ehˇ, ngaˇ dawˬ ma saˇ jaˇ yaw shuiꞈ paˇ dzaˬ poˆ-eu aˇ yamˬ keuˆ le luꞈ meh.

Zeˬpaˬniˇ 3:17

Sahˬpaˬ Miˬyehˇ nawˬ nehˇ jawˇ-awˇ, gʼaˬ leˇ-eu baoˬ biꞈ laꞈ tehꞈ-a. Aˬ yawꞈ nawˬ-ahˇ nui kʼahˇ shiˇ-awˇ, nawˬ-ahˇ gaˬ-eu jeˬ baˬ da neh, yaw shuiꞈ bi dehꞈ paˇ laꞈ tehꞈ-a. Aˬ yawꞈ nawˬ-ahˇ nui ma tsaˬ-eu, laˬ kʼaˬ cehˇ-eu caˇ dawˬ caˇ-awˇ,

Luˇkaꞈ 11:28

Ehˇ kʼawꞈ, Yeˬsuˇ ehˇ-eu, “Maˇ maˇ ni guiˬ lahˬ huiˬ-eu deuˬ-aˬ, Miˬyehˇ-euˬ dawˬ gaˬ-awˇ naˇ haˬ geuꞈ-eu deuˬ meh.”

Yoˇhaˬ 14:15

“Naw maꞈ ngaˬ-ahˇ gaˬ naˇ, ngaˬ neh biꞈ-euˬ dawˬ deuˬ-ahˇ naˇ haˬ geuꞈ tehꞈ-a.

Yoˇhaˬ 14:18

“Ngaˇ naw maꞈ-ahˇ muˇ coe aˬ nmˇ loꞈ-ehˇ byehˇ dzeh-awˇ bi shaˬ yaꞈ-eu maˬ ngeuˇ. Naw maꞈ jawˇ gaˇ paˇ gʼoꞈ le ma.

Yoˇhaˬ 15:14

Ngaˬ neh dawˬ biꞈ taˬ-euˬ loꞈ-ehˇ naw maꞈ mˇ naˇ, naw maꞈ ngaˬ-euˬ cawˬ ma.

Yoˇhaˬ 16:14

Ngaˬ-euˬ yaw shehꞈ kʼahˬ sehˇ doˆ laˇ ni aˬ yawꞈ mˇ tehꞈ-a.

Yoˇhaˬ 16:27

Naw maꞈ ngaˬ-ahˇ gaˬ-awˇ, Miˬyehˇ jawˇ gaˇ neh oe-euˬ meh lehˇ jah-eu miˇ neh, Aˬda naw maꞈ-ahˇ gaˬ-eu meh.

Yoˇhaˬ 17:23

Nawˬ neh ngaˬ-ahˇ kʼehˇ gʼeh leꞈ-euˬ gaˇ kawˆ hawˇ-eu, ngaˬ-ahˇ nawˇ gaˬ-eu loꞈ-ehˇ, ngaˬ-ahˇ jah-eu tsawˇ haˬ heu deuˬ-ahˇ kʼawꞈ nawˇ gaˬ-eu gaˇ kawˆ miˇ tsaˬ zaˬ deuˬ bi siˬ nya-eu gʼaˇ duˬ, ngaˬ-ahˇ jah-eu tsawˇ haˬ heu deuˬ nui ma gʼawˇ mawˇ taꞈ leˇ nya ni, ngaˬ-euˬ laꞈ kʼoeˇ nawˇ jawˇ-awˇ, aˬ yawꞈ maꞈ-euˬ laꞈ kʼoeˇ ngaˇ jawˇ-eu ma.

Gʼaˬkʼehˇ 22:18

Sahˬpaˬ Yeˬsuˇ-ahˇ ngaˇ ya mawˇ-euˬ ma. Aˬ yawꞈ ngaˬ-ahˇ ehˇ-eu, ‘Yaw kawˇ-ehˇ lehˬ hmˬ-awˇ Yeˬluˇsaˬlehˬ meuˬ-ahˇ neh doˆ-iˇ-awˬ. Aˬ jeˬ miˇ neh ehˇ naˇ, heu gaˇ jawˇ-eu tsawˇ haˬ deuˬ-aˬ, nawˇ ngaˬ-euˬ gaˇ kawˆ saˇ kiˇ kamˬ gaˇ maˬ ha geuꞈ-aˇ.’

2 Gawˇliˬtu 12:8

Shaˬ zahˬ kʼoeˇ yuˇ dzeh nehˬ laꞈ-eu gʼaˇ duˬ, smˬ poˆ keuˆ ni Sahˬpaˬ Yeˬsuˇ-ahˇ ngaˇ shaˇ-euˬ ma.

2 Gawˇliˬtu 3:18

Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

Dawˬmehˬ 11:13

“Kʼoeˇ miˇ neh, iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˇ, naw maꞈ-euˬ nui ma dawˬ tawˆ luꞈ aˬ yawꞈ-euˬ gaˇ mˇ-awˬ.

Dawˬmehˬ 7:13

Naw maꞈ tsawˇ haˬ myaˬ laˇ-awˇ, zaˬ oeˬ sahˇ jawˇ le ni, aˬ yawꞈ naw maꞈ-ahˇ gaˬ-awˇ guiˬ lahˬ biꞈ laꞈ tehꞈ-a. Dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ za le ni, naw maꞈ-euˬ deh yaˇ hawˇ-eu yaˇ kmˇ deuˬ-ahˇ aˬ yawꞈ guiˬ lahˬ biꞈ laꞈ tehꞈ-a. Mawˇ neˇ hawˇ-eu yawˇ myaˬ laˇ behˇ laˇ ni, naw maꞈ-ahˇ aˬ yawꞈ guiˬ lahˬ biꞈ laꞈ tehꞈ-a. Naw maꞈ-ahˇ biꞈ-eu gʼaˇ duˬ naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ guiˬ lahˬ heu deuˬ, aˬ yawꞈ naw maꞈ-ahˇ biꞈ nehˬ laꞈ tehꞈ-a.

2 Teˇsaˬloˇni 2:16

Aˬ dui-euˬ Sahˬpaˬ Yeˬsuˇ Ka li hawˇ-eu, aˬ myah luꞈ nui ma kʼaˬ duˬ ni gʼeh-awˇ noeˬ tmˬ-eu jeˬ laꞈ kʼoeˇ ziꞈ nya-eu guiˬ lahˬ yaw dzahˇ biꞈ laꞈ-eu gʼaˬ pyeuꞈ-eu aˬ dui-ahˇ gaˬ-eu Aˬda Miˬyehˇ,

2 Tiˆmoˇseˬ 4:22

Nawˬ-euˬ nui ma laꞈ kʼoeˇ Sahˬpaˬ Yeˬsuˇ jawˇ luꞈ-uˇ. Miˬyehˇ-euˬ guiˬ lahˬ yaw dzahˇ naw maꞈ dawˬ tawˆ luꞈ kʼoeˇ taˆ jaˆ luꞈ-uˇ.

1 Yoˇhaˬ 2:5

Ehˇ kʼawꞈ, Miˬyehˇ-euˬ ehˇ dawˬ kʼaˇ naˇ haˬ geuꞈ-eu tsawˇ haˬ-aˬ, aˬ yawꞈ-euˬ laꞈ kʼoeˇ Miˬyehˇ-ahˇ gaˬ-eu jeˬ byah laˇ gʼaˬ-euˬ meh. Kʼoeˇ loꞈ-ehˇ naˇ haˬ geuꞈ-eu laꞈ kʼoeˇ, aˬ dui aˬ yawꞈ laꞈ kʼoeˇ jawˇ-eu tsawˇ haˬ pyeuꞈ-eu gaˇ kawˆ yaw duˬ yaw ciˇ baw-eu meh.

1 Yoˇhaˬ 3:1

Aˬda Miˬyehˇ aˬ dui-ahˇ aˇ naˆ ni gaˬ-eu gaˇ kawˆ shaˇ noeˬ haw sheˇ. Aˬ yawꞈ aˬ dui-ahˇ gaˬ dui dui-eu miˇ neh Miˬyehˇ-euˬ zaˬ lehˇ myahˇ nehˬ laꞈ-euˬ meh. Aˬ dui-aˬ, maˇ maˇ ni aˬ yawꞈ-euˬ zaˬ deuˬ ma. Kʼoeˇ miˇ neh, miˇ tsaˬ zaˬ deuˬ aˬ dui-ahˇ maˬ siˬ nya-a. Aˬ jeˬ miˇ neh ehˇ naˇ, aˬ yawꞈ maꞈ Miˬyehˇ-ahˇ maˬ siˬ nya-eu miˇ neh, aˬ dui-ahˇ maˬ siˬ nya-eu jeˬ pyeuꞈ-eu meh.

1 Yoˇhaˬ 5:3

Aˬ dui Miˬyehˇ-ahˇ gaˬ-eu lehˇ ehˇ-eu kʼoeˇ-aˬ, aˬ yawꞈ-euˬ dawˬ-ahˇ naˇ haˬ geuꞈ gaˇ ehˇ-eu meh. Aˬ yawꞈ-euˬ dawˬ-aˬ, aˬ dui maˬ caw teh nya paˬ-ehˇ shaˬ-eu jeˬ maˬ ngeuˇ-a.

2 Yoˇhaˬ 1:6

Gʼoeˇ-eu gaˬ-eu jeˬ lehˇ ngaˇ ehˇ luꞈ-eu heu-aˬ, Miˬyehˇ-euˬ dawˬ-ahˇ naˇ haˬ geuꞈ gaˇ ehˇ mawꞈ-eu ma. Naw maꞈ dawˬ tawˆ luꞈ aˇ dahˬ beh ngeh neh ya gaˬ taˬ-euˬ dawˬ heu dawˬ-aˬ, naw maꞈ dawˬ tawˆ luꞈ gʼoeˇ-eu gaˬ-eu jeˬ laꞈ kʼoeˇ ya dehꞈ meh lehˇ ehˇ-eu kʼoeˇ meh.

Panmaeq 2:17

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ deuˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, zaꞈ taˬ-euˬ maˬ naˆ kaˬ muˇ ngaˇ bi dzaˬ ma. Aˬ yawꞈ maꞈ yawˬ gʼaˬ na luꞈ-ahˇ, kʼaˬ lo lo pyuˇ ngaˇ biꞈ ma. Kʼaˬ lo lo pyuˇ kʼoeˇ-euˬ kʼoeˇ taˆ tsawˇ myahˇ yaw shuiꞈ toeˬ boꞈ taˬ-awˇ, kʼaˬ lo kʼoeˇ za-euˬ gʼaˬ maˬ ngeuˇ naˇ nui gʼaˬ tiˬ gʼaˬ-iˬ tsawˇ myahˇ kʼoeˇ-ahˇ maˬ siˬ nya-a.

Panmaeq 22:14

Yawˬ ha-euˬ pehˇ kʼahˬ pehˇ mahˇ yaw muiˬ paˬ-ehˇ tsiˬ shawˇ-eu baˬ da neh dehꞈ-eu saꞈ laˇ aˇ bawˇ-euˬ aˇ siˬ ya dzaˬ-awˇ, meuˬ kʼoeˇ meuˬ-euˬ lahˇ kʼehˬ-ahˇ neh meuˬ-ahˇ ya uˇ leˇ-eu aˬ kawˬ-aˬ za-euˬ tsawˇ haˬ deuˬ-aˬ, guiˬ lahˬ huiˬ-eu meh.

Panmaeq 3:20

Naˇ haˬ-awˬ, ngaˇ laˇ gʼoˆ-ahˇ yawꞈ-awˇ kʼoˆ luꞈ ma. Ngaˬ-euˬ teˇ saˇ gaˬ-awˇ laˇ gʼoˆ kʼaˇ pah nehˬ laꞈ-eu gʼaˬ-euˬ nymˇ-ahˇ ngaˇ uˇ-iˇ-awˇ, aˬ yawꞈ nehˬ-ehˇ dzaˬ taꞈ dawˇ taꞈ ma. Aˬ yawꞈ kʼawꞈ, ngaˬ nehˬ-ehˇ dzaˬ taꞈ dawˇ taꞈ tehꞈ-a.