Yoˇhaˬ 13:31 - Akha

³¹ Yuˇdaˆ doˆ-iˇ dzeuˇ ngeh, Yeˬsuˇ heu loꞈ-ehˇ ehˇ-eu meh. “Nymˬ-mˇ poˆ jawˇ-aˬ, Tsawˇhaˬ-euˬ Zaˬmaˇ-euˬ yaw shehꞈ kʼahˬ sehˇ-ahˇ ya mawˇ tehꞈ-a. Zaˬmaˇ-euˬ laꞈ kʼoeˇ, Miˬyehˇ-euˬ yaw shehꞈ kʼahˬ sehˇ-ahˇ ya mawˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Yurdav dov-ir ghaq-euq nar-aq, Yeqsur heulof-aer aer-eu mae, “Nymq-mr Tsawrhaq-euq Zaqyo yawshaef khanqsaer zaghaq-awr, aqyawf-euq lafkhoer Miqyaer khawf yawshaef khanqsaer za-euq mae.

Yoˇhaˬ 13:31 ပူးပေါင်းရင်းမြစ်များ

Maꞈtehˬ 8:20

Tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Byaˬ hiˇ-aˬ bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇ haˬ-euˬ Zaˬmaˇ -aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

Luˇkaꞈ 12:50

Ngaˬ-ahˇ iˇ cuꞈ-ahˇ bi dehˬ uˇ-awˇ, iˇ cuꞈ ya bi shawˇ-a siˬ. Iˇ cuꞈ maˬ shawˇ gʼaˬ kʼoeˇ keuˆ ni, ngaˬ-euˬ nui ma-ahˇ shaˬ zahˬ ciˬ tehˬ taˬ-euˬ gaˇ duˇ nya.

Yoˇhaˬ 11:4

Dawˬ kʼoeˇ dawˬ-ahˇ Yeˬsuˇ ya gaˬ ngeh, heu loꞈ-ehˇ ehˇ-eu meh. “Naˇ-eu gawˇ-eu kʼoeˇ baˬ da neh, Laˬzaˬluˇ shiˇ gaˇ aˇ saˬ maˬ saˬ-aˇ. Miˬyehˇ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ kʼoeˇ loꞈ-ehˇ pyeuꞈ laˇ-awˇ, Kʼoeˇ baˬ da neh Miˬyehˇ-euˬ Zaˬmaˇ yaw shehꞈ kʼahˬ sehˇ za tehꞈ-a.”

Yoˇhaˬ 12:23

Yeˬsuˇ aˬ yawꞈ nyaꞈ-ahˇ ehˇ nehˬ-eu, “Tsawˇ haˬ-euˬ Zaˬmaˇ huiˬ dui dui-eu yaw shehꞈ kʼahˬ sehˇ za-eu aˇ yamˬ keuˆ laˇ-euˬ meh.

Yoˇhaˬ 12:28

Aˬ da-oˇ, nawˬ-euˬ yaw shehꞈ kʼahˬ sehˇ bi mawˇ-awˬ.” Kʼoeˇ ngeh, mˬ kʼoeˇ taˆ dawˬ ngehˬ-awˇ ehˇ gʼeh leꞈ-eu, “Ngaˬ-euˬ yaw shehꞈ kʼahˬ sehˇ bi mawˇ gʼaˬ-euˬ ma. Ehˇ kʼawꞈ, tiˬ poˆ paˇ bi mawˇ te siˬ.”

Yoˇhaˬ 14:13

Zaˬmaˇ laꞈ kʼoeˇ Aˬda-euˬ yaw shehꞈ kʼahˬ sehˇ ya mawˇ ni, naw maꞈ ngaˬ-euˬ tsawˇ myahˇ laꞈ kʼoeˇ kʼaˇ shaˇ-eu yawˬ jeˬ na luꞈ ngaˇ mˇ byah nehˬ ma.

Yoˇhaˬ 16:14

Ngaˬ-euˬ yaw shehꞈ kʼahˬ sehˇ doˆ laˇ ni aˬ yawꞈ mˇ tehꞈ-a.

Yoˇhaˬ 7:39

Yeˬsuˇ kʼoeˇ loꞈ-ehˇ ehˇ-eu-aˬ, aˬ yawꞈ-ahˇ kʼaˇ jah-eu tsawˇ haˬ deuˬ Yaw sahˇ Miˬyehˇ za gaˇ ehˇ mawꞈ-eu meh. Aˇ yamˬ kʼoeˇ yamˬ-ahˇ keuˆ ni Yaw sahˇ Miˬyehˇ maˬ biꞈ leꞈ-aˬ siˬ. Aˬ jeˬ miˇ neh ehˇ naˇ, Yeˬsuˇ-ahˇ yaw shehꞈ kʼahˬ sehˇ laꞈ kʼoeˇ maˬ ciˬ daˆ kʼoꞈ leꞈ-aˬ siˬ.

Gʼaˬkʼehˇ 2:36

“Kʼoeˇ miˇ neh, Iˇsaˬleˬlaˆ tsawˇ haˬ dawˬ tawˆ luꞈ heu loꞈ-ehˇ ya siˬ duˬ meh. Naw maꞈ neh laꞈ yaꞈ kʼoeˇ taˆ taꞈ sehꞈ-euˬ Yeˬsuˇ heu gʼaˬ-aˬ, Miˬyehˇ neh Sahˬpaˬ hawˇ-eu Ka li bi pyeuꞈ laˇ-euˬ gʼaˬ meh.”

Gʼaˬkʼehˇ 3:13

Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu aˬ dui maꞈ-euˬ aˬ poeˬ aˬ bawˇ deuˬ-euˬ Miˬyehˇ neh, a yawꞈ-euˬ Zaˬ kʼaˆ Yeˬsuˇ-ahˇ muiˬ-eu shawˇ-eu yaw shehꞈ kʼahˬ sehˇ biꞈ nehˬ-euˬ meh. Ehˇ kʼawꞈ, aˬ yawꞈ-ahˇ miˇ kʼahˬ sahˬ paˬ sahˬ ma deuˬ-euˬ aˬ laꞈ laꞈ kʼoeˇ naw maꞈ a nehˬ-awˇ, aˬ yawꞈ-ahˇ pyehˬ nehˬ-eu gʼaˇ duˬ sahˬ paˬ Piˇlaˆ noeˬ tsehˆ gʼaˬ-euˬ kʼawꞈ, sahˬ paˬ Piˇlaˆ mehˬ shi aˬ yawꞈ-ahˇ naw maꞈ iˬ baˆ poˆ-euˬ meh.

2 Gawˇliˬtu 3:18

Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.

Eˇpeˇsu 1:12

Kʼoeˇ miˇ neh, Ka li-ahˇ noeˬ tmˬ beh beh-euˬ deuˬ pyeuꞈ-eu nga maꞈ-aˬ, Miˬyehˇ-euˬ yaw shehꞈ kʼahˬ sehˇ-ahˇ ja ceuˬ-eu ma.

Eˇpeˇsu 2:7

Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ bi mawˇ laꞈ-euˬ gʼoeˇ-eu gaˬ-eu jeˬ laꞈ kʼoeˇ ahˇ-eu maˬ ehˇ jiˇ coeˇ ni huiˬ-eu aˬ yawꞈ-euˬ guiˬ lahˬ yaw dzahˇ-ahˇ, aˬ kaˇ kaˇ ziˇ keuˆ ni a myah luꞈ bi siˬ bi mawˇ-eu gʼaˇ duˬ, Miˬyehˇ kʼoeˇ loꞈ-ehˇ mˇ-euˬ jeˬ pyeuꞈ-eu meh.

Eˇpeˇsu 3:10

Kʼoeˇ loꞈ-ehˇ dehˬ kaˬ taˬ-euˬ kʼoeˇ-aˬ, nymˬ-mˇ-euˬ aˇ yamˬ-ahˇ Ka li zaˬ aˇ muˇ-ahˇ gʼoe-eu laꞈ kʼoeˇ, mˬ kʼoeˇ taˆ uˆ lahˇ luꞈ-eu mˬ taˆ gʼaˬ kʼehˇ deuˬ hawˇ-eu baoˬ jaˆ-eu deuˬ-ahˇ Miˬyehˇ-euˬ zaˬ siˬ tsawˇ gahˇ gʼawˬ mya jeˬ bi siˬ bi mawˇ-eu gʼaˇ duˬ pyeuꞈ-eu meh.

Piˇliˇpiˆ 2:11

Aˬda Miˬyehˇ kʼahˬ sehˇ jaˆ ni, Yeˬsuˇ Ka li Sahˬpaˬ meh lehˇ, mehˬ luˬ kʼaˇ tsoꞈ-eu guˇ tehꞈ-a.

1 Beˬtuˆluˆ 1:21

Aˬ yawꞈ-ahˇ shiˇ-euˬ gaˇ bi gʼoꞈ dehꞈ laˇ-awˇ yaw shehꞈ kʼahˬ sehˇ biꞈ nehˬ-euˬ gʼaˬ pyeuꞈ-eu Miˬyehˇ-ahˇ, aˬ yawꞈ baˬ da neh naw maꞈ jah laˇ-euˬ meh. Kʼoeˇ miˇ neh, naw maꞈ jah-awˇ noeˬ tmˬ-eu jeˬ-aˬ, Miˬyehˇ tiˬ gʼaˬ tehꞈ meh.

1 Beˬtuˆluˆ 2:12

Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.

1 Beˬtuˆluˆ 4:11

Mˬ maˬ maˬ byaˆ zaˇ ziˇ yaw shehꞈ kʼahˬ sehˇ hawˇ-eu baoˬ ahˇ-eu gʼaˬ pyeuꞈ-eu Miˬyehˇ-ahˇ, yawˬ jeˬ na luꞈ laꞈ kʼoeˇ Yeˬsuˇ Ka li-ahˇgʼoe-awˇ aˬ cawˬ ja ceuˬ ni, dawˬ mehˬ mehˬ-eu tsawˇ haˬ deuˬ Miˬyehˇ dawˬ kawˬ mehˬ-awˇ, aˬ cawˬ-ahˇ caw ba-eu tsawˇ haˬ deuˬ kʼawꞈ, Miˬyehˇ neh biꞈ-euˬ baoˬ-ahˇ gʼoe-awˇ caw ba-awˬ. Aˬ miˬ