Yoˇhaˬ 12:38 - Akha

³⁸ Aˬ yawꞈ maꞈ maˬ jah-eu kʼoeˇ-aˬ, Miˬyehˇ gʼaˇ duˬ ngehˬ dah-eu Iˇsaˬyaˇ neh ehˇ taˬ-euˬ dawˬ heu dawˬ byah laˇ-eu gʼaˇ duˬ pyeuꞈ-eu meh. “Gaˇ kawˆ heu nga maꞈ ja mehˬ gaˇ, jah nehˬ laꞈ-eu aˬ suˇ jawˇ nmˇ. Heu-euˬ laꞈ kʼoeˇ Miˬyehˇ aˬ laꞈ, ahˇ luꞈ meh lehˇ aˬ suˇ mawˇ nmˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁸ Khoerlof-aer pyeuflar-euq-aq, Miqyaer gharduq ngaeqdan-eu Irsaqyar nae aertaq-euq dawq heudawq byanlar-euq mae. Aqyawf aer-eu, “Sanqpaq Miqyaer-or! Nga’maf-euq dawqdzawr-anr aqsur ghaq jan-eu la? Sanqpaq Miqyaer-euq baoq aqsur ghaq-anr panmaeq naeq-eu la?” (Isy 53:1)

Yoˇhaˬ 12:38 ပူးပေါင်းရင်းမြစ်များ

2 Laˬsaˬbaˬ 32:20

Kʼoeˇ ngeh, sahˬ paˬ Heˬsaˬgiˇ hawˇ-eu Aˬmoˆ-euˬ aˬ li Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Iˇsaˬyaˇ aˬ nyaꞈ, Miˬyehˇ bi caw ba le-eu gʼaˇ duˬ guiˬ lahˬ shaˇ-euˬ meh.

Jaceuq 44:3

Nawˬ-euˬtsawˇjeuˬmi cehˇyuˇ-awˇ, miˇkʼahˬdeuˆza-euˬmaˬngeuˇ-a. Aˬyawꞈmaꞈlaꞈdu cawˬdoˆ-awˇ, guiˇdeuˆgʼaˬ-euˬjeˬmaˬngeuˇ-a. Yawꞈmaꞈ-ahˇnawˇgaˬ-eu miˇneh, nawˬ-euˬmyaˆpyawˬyaw shehꞈhawˇ-eu, nawˬ-euˬaˇmaˇlaꞈ-ahˇgʼoe-awˇ, bi gʼaˬleˇ-euˬjeˬpyeuꞈ-eu meh.

Iˇsaˬyaˇ 51:5

Ngaˇ yaw kawˇ-ehˇ oe-awˇ aˬ yawꞈ maꞈ-ahˇ ka kʼoꞈ le ma. Ngaˇ gʼaˬ leˇ-eu aˇ yamˬ dawˬ peh peh laˇ luꞈ meh. Tsawˇ jeuˬ dawˬ tawˆ luꞈ-ahˇ ngaˇ uˆ lahˇ ma. Gaˇ mahˇ kaˬ-eu miˇ kʼahˬ deuˬ ngaˬ-ahˇ dawˬ luꞈ meh. Aˬ yawꞈ maꞈ-ahˇ ngaˇ ka kʼoꞈ nehˬ le gaˇ noeˬ tmˬ luꞈ meh.

Iˇsaˬyaˇ 51:9

Sahˬpaˬ Miˬyehˇ nawˇ noeˬ laˇ-awˇ nga maꞈ-ahˇ ka kʼoꞈ-awˬ. Nawˬ-euˬ baoˬ-ahˇ gʼoe-awˇ nga maꞈ-ahˇ ka kʼoꞈ nehˬ laꞈ-awˬ. Aˇ hu nawˬ-euˬ baoˬ bi mawˇ-euˬ loꞈ-ehˇ nymˬ-mˇ bi mawˇ laꞈ-awˬ. Laˆ shaˆ byaˆ yahˬ Laˬhaˇ-ahˇ byehˆ nmˆ nehˬ-euˬ gʼaˬ nawˇ meh.

Iˇsaˬyaˇ 53:1

Miˇ kʼahˬ zaˬ deuˬ ehˇ-eu, “Gaˇ kawˆ heu nga maꞈ ja mehˬ gaˇ aˬ suˇ gʼaˬ jah coeˇ nmˇ. Heu-euˬ laꞈ kʼoeˇ Miˬyehˇ-euˬ aˬ laꞈ caw luꞈ-eu aˬ suˇ gʼaˬ mawˇ nya nmˇ.

Maꞈtehˬ 15:7

Awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ-oˇ, Miˬyehˇ gʼaˇ duˬ ngehˬ dah-eu Iˇsaˬyaˇ neh naw maꞈ gaˇ kawˆ ehˇ taˬ-euˬ aˇ naˆ ni tsaˬ-eu nga.

Maꞈtehˬ 16:17

Yeˬsuˇ ehˇ-eu, “Yawˇnaˆ-euˬ aˬ li Siˇmoˬ-oˇ, nawˇ-aˬ guiˬ lahˬ zawˇ huiˬ-eu tsawˇ haˬ meh. Aˬ jeˬ miˇ neh ehˇ naˇ, gaˇ kawˆ heu tsawˇ haˬ zaˬ neh nawˬ-ahˇ pah mehˬ-euˬ maˬ ngeuˇ-a. Mˬ kʼoeˇ taˆ jawˇ-eu ngaˬ Da neh nawˬ-ahˇ pah mehˬ nehˬ-euˬ meh.

Maꞈtehˬ 27:35

Aˬ yawꞈ maꞈ aˬ yawꞈ-ahˇ laꞈ yaꞈ kʼoeˇ taˆ taꞈ tehˬ-awˇ, aˬ yawꞈ-euˬ mehˬ tsoeˬ deuˬ-ahˇ, aˬ yawꞈ maꞈ yaw kaˬ shehˆ tsaˬ tsaˬ-awˇ biˇ geuꞈ-euˬ meh.

Yoˇhaˬ 12:37

Aˬ yawꞈ maꞈ-euˬ mehˬ shi zahˬ leˇ paˬ-ehˇ gʼeh-eu jeˬ kʼoeˇ naˆ ni mˇ mehˬ-euˬ kʼawꞈ, aˬ yawꞈ maꞈ aˬ yawꞈ-ahˇ maˬ jah-a.

Yoˇhaˬ 12:39

Aˬ yawꞈ maꞈ aˬ diˇ maˬ jah-a. Aˬ jeˬ miˇ neh ehˇ naˇ, Iˇsaˬyaˇ neh heu loꞈ-ehˇ paˇ ehˇ taˬ-euˬ jaˆ-eu meh.

Yoˇhaˬ 15:25

Aˬ yawꞈ maꞈ-euˬ Zahˇ dawˬ kʼoꞈ dawˬ laꞈ kʼoeˇ, ‘Gaˇ kawˆ tiˬ jeˬ-iˬ maˬ jaˆ gaˇ aˬ yawꞈ maꞈ ngaˬ-ahˇ muiˇ-eu meh’ lehˇ ehˇ taˬ-euˬ jaˆ-eu miˇ neh, kʼoeˇ loꞈ-ehˇ maˬ pyeuꞈ laˇ-ehˇ maˬ gʼeh nya-a.

Yoˇhaˬ 17:12

Ngaˇ aˬ yawꞈ maꞈ nehˬ-ehˇ jawˇ luꞈ ngeh, nawˬ neh ngaˬ-ahˇ biꞈ laꞈ-euˬ tsawˇ myahˇ kʼoeˇ myahˇ-euˬ baoˬ neh aˬ yawꞈ maꞈ-ahˇ haw lahˇ-euˬ ma. Jaˇliꞈ laꞈ kʼoeˇ ehˇ taˬ-euˬ loꞈ-ehˇ byah laˇ ni byoˆ-iˇ-euˬ kʼoeˇ tiˬ gʼaˬ maˬ ngeuˇ naˇ, aˬ yawꞈ maꞈ tiˬ gʼaˬ-iˬ maˬ bi byoˆ-iˇ ni ngaˇ haw lahˇ-euˬ ma.

Yoˇhaˬ 19:24

Yehˇ kʼoeˇ deuˬ tiˬ gʼaˬ tiˇ gʼaˬ ehˇ-eu, “Pehˇ kʼahˬ heu kahˇ maˬ cehˬ paˆ ni, aˬ geu gʼaˬ geuꞈ-eu tsaˬ nga lehˇ, pyuˇ maˇ byaˆ dzeh diˇ-awˇ tsaˬ geuꞈ kaˇ-euˇ.” Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jeˬ byah laˇ ni, kʼoeˇ loꞈ-ehˇ pyeuꞈ laˇ-euˬ meh. “Ngaˬ-euˬ dm gʼaˬ dm lmˇ deuˬ-ahˇ, aˬ yawꞈ maꞈ yaw kaˬ biˇ geuꞈ-awˇ, laꞈ kʼoeˇ dm-eu pehˇ kʼahˬ pehˇ mahˇ, pehꞈ sa dzeh-awˇ tsaˬ geuꞈ-euˬ meh” Yehˇ kʼoeˇ deuˬ mehˬ tsoeˬ biˇ geuꞈ-euˬ kʼoeˇ-aˬ, Jaˇliꞈ laꞈ kʼoeˇ ehˇ taˬ-euˬ gaˇ tsaˬ-eu meh.

Lormav 10:16

Ehˇ kʼawꞈ, tsawˇ haˬ yawˬ gʼaˬ na luꞈ Laˬ kʼaˬ cehˇ-eu Guiˬ lahˬ dawˬ-ahˇ ha geuꞈ-eu maˬ ngeuˇ-a. “Sahˬpaˬ Miˬyehˇ-oˇ, nga maꞈ neh mehˬ-euˬ dawˬ-ahˇ aˬ suˇ gʼaˬ naˇ haˬ geuꞈ-eu jawˇ nmˇ” lehˇ, Iˇsaˬyaˇ neh ehˇ-euˬ dawˬ jaˆ-eu meh.‘

Lormav 10:20

Iˇsaˬyaˇ neh kʼoeˇ naˆ maˬ tseˇ paˇ ehˇ taˬ-euˬ jaˆ-eu meh. “Ngaˬ-ahˇ maˬ poˆ-euˬ tsawˇ haˬ deuˬ. ngaˬ-ahˇ ya mawˇ duˬ gʼaˬ-euˬ meh. Ngaˬ-ahˇ maˬ shaˇ caw-eu deuˬ-ahˇ, ngaˇ iˇ dzoeˇ-awˇ bi mawˇ-euˬ ma.”

1 Gawˇliˬtu 1:24

Ehˇ kʼawꞈ, Miˬyehˇ neh kuˇ doˆ-euˬ tsawˇ haˬ deuˬ pyeuꞈ-eu Yuˇdaˆ tsawˇ haˬ deuˬ gʼaˇ duˬ hawˇ-eu, Yuˇdaˆ tsawˇ haˬ maˬ ngeuˇ-eu deuˬ gʼaˇ duˬ, dawˬ heu-aˬ, Miˬyehˇ-euˬ baoˬ hawˇ-eu zaˬ siˬ tsawˇ gahˇ pyeuꞈ-eu Ka li meh.

Gaˬlaˬtiˆ 1:16

Aˬ yawꞈ-euˬ gaˇ kawˆ Yuˇdaˆ tsawˇ haˬ deuˬ-ahˇ bi mehˬ-eu gʼaˇ duˬ, aˬ yawꞈ-euˬ Zaˬmaˇ neh ngaˬ-ahˇ pah mehˬ nehˬ laꞈ-euˬ meh. Tsawˇ haˬ zaˬ tiˬ gʼaˬ-ahˇ-iˬ, ngaˇ nui noeˬ nui duˇ maˬ shaˇ haw-aˬ.