Yoˇhaˬ 11:55 - Akha

⁵⁵ Baˬsaˬkaˬ Bawˬ-iˬ gʼeh-eu aˇ yamˬ peh laˇ-euˬ miˇ neh, bawˬ-iˬ maˬ gʼeh mi naˆ-ehˇ gʼawˇ mawˇ shawˇ-eu zahˇ jahˇ leˇ-eu gʼaˇ duˬ, dahˇ taˆ jawˇ-eu tsawˇ haˬ gʼawˬ mya ni Yeˬluˇsaˬlehˬ meuˬ-ahˇ le luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁵ Yurdav tsawrhaq-euq Baqsaqkaq yawbui maq keuvlar-euq minav-aer, yawqha-euq mawrdo shawr-eu laer, danrtav jawr-eu tsawrhaq ghawqmya’ni Yeqlursaqlaeq-anr le-euq mae.

Yoˇhaˬ 11:55 ပူးပေါင်းရင်းမြစ်များ

Aˇ dahˬ 35:2

Kʼoeˇ ngeh, aˬ yawꞈ-euˬ miˬ sawˇ zaˬ deuˬ hawˇ-eu, aˬ yawꞈ-euˬ tsawˇ haˬ dawˬ tawˆ luꞈ-ahˇ, Yaˬkoˆ heu loꞈ-ehˇ ehˇ nehˬ-euˬ meh. “Naw maꞈ nehˬ-ehˇ jaˆ-eu aˬ cawˬ tsawˇ jeuˬ-euˬ Miˬyehˇ pyeuꞈ-eu tahˬ pahˬ aˬ ma mawˇ kawˇ dawˬ tawˆ luꞈ, biˬ dzeh jiˇ yaꞈ-awˬ. Yawˬ ha-euˬ gʼawˇ mawˇ shawˇ-awˇ, mehˬ tsoeˬ yaw shawˇ dm-awˬ.

Yawˇbaˆ 1:5

Dzaˬ byawˇ kʼaˇ lawˇ ngeh, yawˬ shawˬ yawˬ uˬ shawˬ yaw naꞈ-ehˇ Yawˇbaˆ tuˇ-awˇ, aˬ yawꞈ-euˬ zaˬ aˬ yawꞈ gʼaˬ yawꞈ gʼaˇ duˬ lawˇ-eu shehˇ-eu jeˬ mˇ-awˇ, shawˇ nehˬ-eu meh. Aˬ yawꞈ-euˬ zaˬ tiˬ gʼaˬ na maˬ noeˬ maˬ duˇ-ehˇ Miˬyehˇ-ahˇ mˇ bahˬ-euˬ baw le lehˇ aˬ yawꞈ kʼahˬ lahˇ-eu baˬ da neh, kʼoeˇ loꞈ-ehˇ mˇ-euˬ meh.

Jaceuq 26:6

Sahˬpaˬ Miˬyehˇ-oˇ, Ngaˇiˬbaˇmaˬahˇ-eu gaˇkawˆ, aˬlaꞈdzuiꞈshawˇdzeh mehˬ-euˬma. Nawˬ-euˬlawˇduˬtiˬjawˬcah-awˇ, nawˬ-ahˇuˬduˬtahˬlaˇ-euˬma.

Doˆ-iˇ 19:10

Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ jawˇ gaˇ iˇ-awˇ, uˬ duˬ tahˬ-eu gʼaˇ duˬ, iˬ nah hawˇ-eu ni shawˬ nah laꞈ kʼoeˇ yawˬ ha-euˬ gʼawˇ mawˇ shawˇ-awˬ lehˇ ehˇ nehˬ-awˬ. Yawˬ ha-euˬ dm gʼaˬ dm lmˇ deuˬ aˬ yawꞈ maꞈ ya lehˬ tsiˬ shawˇ meh.

Bawˇtsahˬ 9:10

“Iˇsaˬleˬlaˆ tsawˇ haˬ-ahˇ heu loꞈ-ehˇ ehˇ nehˬ-awˬ. Naw maꞈ maˬ kaˬ, naw maꞈ-euˬ zaˬ deuˬ uˆ deuˬ maˬ kaˬ, tsawˇ haˬ tiˬ gʼaˬ na shiˇ taˬ-euˬ tiˬ jeˬ paˬ-ahˇ toeˬ ciˆ-euˬ miˇ neh maˬ shawˇ-eu maˬ ehˇ, gaˇ mahˇ kaˬ gaˇ gaˇ ma doˆ-iˇ-euˬ maˬ ehˇ, Baˬsaˬkaˬ Bawˬ-iˬ heu loꞈ-ehˇ gʼeh nya meh.

Bawˇtsahˬ 9:6

Ehˇ kʼawꞈ, shiˇ taˬ-euˬ jeˬ-ahˇ toeˬ ciˆ-euˬ miˇ neh, zahˇ sahˇ kʼoꞈ-ahˇ taꞈ leˇ-eu laꞈ kʼoeˇ maˬ shawˇ-eu tsawˇ haˬ tiˬ paˆ na deuˬ jawˇ-eu meh. Kʼoeˇ ngeh nah laꞈ kʼoeˇ, tsawˇ haˬ kʼoeˇ deuˬ Baˬsaˬkaˬ Bawˬ-iˬ maˬ gʼeh nya-a. Kʼoeˇ ngeh nah, Moˇseˬ hawˇ-eu Aˬloˬ jawˇ gaˇ aˬ yawꞈ maꞈ iˇ-euˬ meh.

Maꞈtehˬ 26:1

Yeˬsuˇ gaˇ kawˆ kʼoeˇ deuˬ dawˬ tawˆ luꞈ mehˬ nehˬ tsoˆ nehˬ gʼaˬ ngeh, zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh.

Maꞈtehˬ 26:2

“Nyiˬ nah dzeuˇ naˇ, Baˬsaˬkaˬ Bawˬ-iˬ gʼeh-eu aˇ yamˬ keuˆ le-euˬ naw maꞈ siˬ nya meh. Kʼoeˇ ngeh, Tsawˇhaˬ-euˬ Zaˬmaˇ-ahˇ laꞈ yaꞈ kʼoeˇ taˆ bi taꞈ sehꞈ-eu gʼaˇ duˬ a nehˬ tehꞈ-a.”

Maˬkuˆ 14:1

Baˬ saˬ kaˬ Bawˬ-iˬ hawˇ-eu Dehˬ tseˬ maˬ dawˆ-euˬ Kaˬ muˇ dzaˬ-eu Bawˬ-iˬ gʼeh-eu aˇ yamˬ keuˆ le-eu nyiˬ nah dzeˇ-eu tehꞈ meh. Piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Yeˬsuˇ-ahˇ ciˬ cuˇ ni nyehꞈ kʼoeˬ-awˇ sehꞈ-eu gʼaˇ duˬ nawˬ jawˬ luꞈ-eu meh.

Luˇkaꞈ 22:1

Baˬsaˬkaˬ Bawˬ-iˬ lehˇ kuˇ-eu Dehˬ tseˬ maˬ dawˆ-euˬ Kaˬ muˇ dzaˬ-eu Bawˬ-iˬ gʼeh-eu aˇ yamˬ peh laˇ-euˬ meh.

Yoˇhaˬ 12:1

Baˬsaˬkaˬ Bawˬ-iˬ gʼeh-eu mehˬ hu koꞈ nah huˬ-ehˇ, aˬ yawꞈ neh bi gʼoꞈ dehꞈ laˇ-euˬ Laˬzaˬluˇ kʼoeˇ gʼaˬ jawˇ-eu Beˬtaˬniˇ meuˬ-ahˇ Yeˬsuˇ iˇ-euˬ meh.

Yoˇhaˬ 13:1

Baˬsaˬkaˬ Bawˬ-iˬ keuˆ le-eu mehˬ hu ngeh nah, aˬ yawꞈ miˇ tsaˬ heu-ahˇ gʼawˬ-iˇ-awˇ, Aˬda jawˇ gaˇ ya gʼoꞈ leˇ-eu aˇ yamˬ tsaˬ laˇ-euˬ gaˇ kawˆ Yeˬsuˇ siˬ nya-eu meh. Miˇtsaˬ kʼoeˇ taˆ jawˇ-eu aˬ yawꞈ-ahˇ jah-eu tsawˇ haˬ deuˬ-ahˇ aˬ yawꞈ gaˬ-awˇ, aˇ saˬ saˬ ngeh keuˆ ni gaˬ-euˬ meh.

Yoˇhaˬ 18:28

Yawˬ nah yawˬ uˬ shawˬ yaw naꞈ-ehˇ, Yeˬsuˇ-ahˇ Gaˬyaˬpaˇ-euˬ nymˇ-ahˇ neh sheuˬ doˆ gʼeh-awˇ, sahˬ paˬ-euˬ hawˇ nymˇ-ahˇ sheuˬ gʼeh-euˬ meh. Yuˇdaˆ tsawˇ haˬ aˬ yuiꞈ aˬ tsu deuˬ-aˬ, Baˬsaˬkaˬ Bawˬ-iˬ dzaˬ gaˇ uˇ leˇ-eu gʼaˇ duˬ yawˬ ha-euˬ gʼawˇ mawˇ maˬ bi jawꞈ-iˇ-ehˇ shawˇ jehˆ ni bi jaˆ mawꞈ-eu miˇ neh, sahˬ paˬ-euˬ hawˇ nymˇ laꞈ kʼoeˇ maˬ uˇ keuˆ leˇ ni jawˇ-euˬ meh.

Yoˇhaˬ 2:13

Baˬ saˬ kaˬ bawˬ-iˬ gʼeh-eu aˇ yamˬ dawˬ peh peh laˇ-euˬ miˇ neh, Yeˬluˇsaˬlehˬ meuˬ-ahˇ Yeˬsuˇ le-euˬ meh.

Yoˇhaˬ 2:6

Yuˇdaˆ tsawˇ haˬ deuˬ-aˬ, zahˇ sahˇ kʼoꞈ-ahˇ taꞈ leˇ-awˇ iˇ cuꞈ ya dzuiꞈ shawˇ-eu zahˇ jaˆ-eu meh. Kʼoeˇ-euˬ gʼaˇ duˬ iˇ cuꞈ kʼawꞈ ahˇ-eu kʼaˬ lo ciˬ cuˇ koꞈ siˬ kʼoeˇ gaˇ bi jaˆ-euˬ meh. Kʼaˬ lo ciˬ cuˇ kʼoeˇ tiˬ siˬ-euˬ iˇ cuꞈ ngaˬ keuˆ koꞈ keuˆ ehˇ gʼaˬ ni deˇ leˇ-eu meh.

Yoˇhaˬ 5:1

Kʼoeˇ naˇ, Yeˬluˇsaˬlehˬ meuˬ-ahˇ Yuˇdaˆ tsawˇ haˬ-euˬ zahˇ sahˇ kʼoꞈ bawˬ-iˬ gʼeh gaˇ Yeˬsuˇ le-euˬ meh.

Yoˇhaˬ 6:4

Yuˇdaˆ tsawˇ haˬ deuˬ-euˬ bawˬ-iˬ pyeuꞈ-eu Baˬsaˬkaˬ Bawˬ-iˬ gʼeh-eu aˇ yamˬ keuˆ laˇ taˬ-euˬ meh.

Gʼaˬkʼehˇ 21:24

Aˬ yawꞈ maꞈ nehˬ-ehˇ le-awˇ gʼawˇ mawˇ shawˇ-eu zahˇ jahˇ leˇ-awˬ. Aˬ yawꞈ maꞈ uˬ jehˆ jehˆ dzeh nya ni aˬ yawꞈ maꞈ gʼaˇ duˬ aˇ poeˬ biꞈ nehˬ-awˬ. Kʼoeˇloꞈ-ehˇ jahˇ naˇ, nawˬ-euˬ gaˇ kawˆ aˬ cawˬ kʼaˇ ehˇ-eu loꞈ-ehˇ maˬ ngeuˇ law hawˇ ngaˬ lehˇ yawˬ gʼaˬ na luꞈ ya siˬ duˬ-eu uˬ taꞈ, nawˇ kʼawꞈ Moˇseˬ-euˬ Zahˇ dawˬ kʼoꞈ dawˬ-ahˇ caw teh-awˇ dehꞈ luꞈ gaˇ aˬ yawꞈ maꞈ ya mawˇ tehꞈ-a.

Gʼaˬkʼehˇ 21:26

Kʼoeˇ naˇ, tsawˇ haˬ kʼoeˇ oeˬ gʼaˬ-ahˇ Pawˇluˆ kuˇ-awˇ, yawˬ nah yawˬ aˬ yawꞈ maꞈ nehˬ-ehˇ gʼawˇ mawˇ shawˇ-eu zahˇ jahˇ-euˬ meh. Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-awˇ, aˬ yawꞈ maꞈ gʼawˇ mawˇ shawˇ-eu zahˇ jahˇ-eu kʼoeˇ aˇ myaˆ nah ga leˇ-eu, aˬ geu ngeh nah aˇ saˬ saˬ-eu hawˇ-eu, aˬ yawꞈ gʼaˬ yawꞈ gʼaˇ duˬ lawˇ-eu jeˬ aˬ joˆ-ehˇ lehˬ hmˬ taˬ-euˬ gaˇ kawˆ ehˇ nehˬ leˇ-euˬ meh.

Gʼaˬkʼehˇ 24:18

Ngaˇ kʼoeˇ loꞈ-ehˇ mˇ luꞈ-awˇ, gʼawˇ mawˇ shawˇ-eu zahˇ jahˇ gʼaˬ ngeh, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ maꞈ ngaˬ-ahˇ mawˇ-euˬ meh. Ngaˬ nehˬ-ehˇ tsawˇ haˬ aˇ maꞈ maˬ jawˇ-euˬ uˬ taꞈ, lawꞈ gʼa-eu jeˬ kʼawꞈ maˬ jaˆ-aˬ.

1 Gawˇliˬtu 11:28

Kʼoeˇ miˇ neh, tsawˇ haˬ yawˬ gʼaˬ na luꞈ yawˬ haˇ yawˬ ha jeˬ huˬ shaˇ sawˇ gʼaˬ miˇ tsa, kaˬ muˇ dzaˬ-awˇ kʼmˬ maˬ ciˬ dawˇ-eu tsaˬ meh.

Yaˬkoˆ 4:8

Miˬyehˇ-euˬ dawˬ peh jiˆ laˇ-awˬ. Naw maꞈ-euˬ dawˬ peh Miˬyehˇ jiˆ le tehꞈ-a. Iˬ baˇ zaˬ deuˬ-oˇ, naw maꞈ-euˬ aˬ laꞈ dzuiꞈ shawˇ-awˬ. Nui ma nyiˬ jeˬ noeˬ-eu tsawˇ haˬ deuˬ-oˇ, naw maꞈ-euˬ nui ma shawˇ-awˬ.

1 Saˬmeuˬlaˆ 16:5

Aˬ yawꞈ ehˇ-eu, “Yaw lehˬ doˆ laˇ-euˬ miˇ neh oe-euˬ maˬ ngeuˇ. Sahˬpaˬ Miˬyehˇ-ahˇ lawˇ nehˬ-eu lehˇ oe-euˬ tehꞈ ma. Naw maꞈ-euˬ gʼawˇ mawˇ shawˇ-awˇ ngaˬ nehˬ-ehˇ laˇ-awˬ.” Yeˬshehˇ hawˇ-eu aˬ yawꞈ-euˬ aˬ li deuˬ kʼawꞈ, gʼawˇ mawˇ shawˇ-awˇ lawˇ gaˇ shehˇ gaˇ laˇ-eu gʼaˇ duˬ aˬ yawꞈ kuˇ-euˬ meh.