Yoˇhaˬ 11:51 - Akha

⁵¹ Maˇ maˇ ni ehˇ leꞈ naˇ, aˬ yawꞈ kʼoeˇ loꞈ-ehˇ ehˇ-eu-aˬ, aˬ yawˇ yawꞈ noeˬ doˆ-awˇ ehˇ-eu maˬ ngeuˇ-a. Ehˇ kʼawꞈ, kʼoeˇ ngeh kʼoꞈ-ahˇ Piˇ ma Yaw huiˬ gʼaˬ geuꞈ luꞈ-eu miˇ neh, Yuˇdaˆ tsawˇ jeuˬ gʼaˇ duˬ Yeˬsuˇ shiˇ dah tehꞈ-a lehˇ, Miˬyehˇ-euˬ dawˬ ngehˬ dah-eu jeˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵¹ Aqyawf dawq khoerdawq ngaeq-eu-aq, aqyawxyawf noeqdov-awr ngaeq-eu maqngeur-a. Khoerngae khof, aqyawf, pirma yawhuiq ghaq geufluf-eu mirnae, Yeqsur, tsawrjeuq khoerjeuq-euq gharduq ya shirdan taef-a laer Miqyaer gharduq ngaeqdan-eu jeq pyeuf-eu mae.

Yoˇhaˬ 11:51 ပူးပေါင်းရင်းမြစ်များ

Doˆ-iˇ 28:30

Ngaˇ jawˇ gaˇ Aˬloˬ laˇ ngeh bi hehˇ laꞈ-eu gʼaˇ duˬ, kʼahˬ-ahˇ dehˬ daˬ duˬ laꞈ kʼoeˇ Uˇleˬ hawˇ-eu Duˇmeˬ dawˆ ahˇ taˬ-awˬ. Iˇsaˬleˬlaˆ tsawˇ haˬ deuˬ kʼoeˇ taˆ ngaˇ nui ma aˬ joˆ-ehˇ taˬ-euˬ aˬ yawꞈ siˬ nya-awˇ mˇ nya ni, ngaˇ jawˇ gaˇ kʼaˇ laˇ ngeh, kʼahˬ-ahˇ dehˬ daˬ duˬ heu hmˬ aˬ yawꞈ ya dm tehꞈ-a.

Daˬyeˬlaˇ 9:26

Aˇ yamˬ kʼoeˇ yamˬ aˇ saˬ saˬ laˇ ngeh, Miˬyehˇ neh tseˇ doˆ-awˇ bi uˆ lahˇ-euˬ tsawˇ haˬ kʼoeˇ gʼaˬ, maˬ tsaˬ maˬ dawˇ-eu laꞈ kʼoeˇ bi sehꞈ tehꞈ-a. Baoˬ huiˬ-eu uˆ lahˇ-eu tsawˇ haˬ tiˬ gʼaˬ-euˬ guiˇ maꞈ uˇ le-awˇ, meuˬ hawˇ-eu Uˬ duˬ tahˬ nymˇ nymˇ ma-ahˇ laˆ cawˆ tehꞈ-a. Aˇ saˬ saˬ-eu aˇ nah aˇ yamˬ iˇ jeuˬ jeuˬ-eu loꞈ-ehˇ keuˆ le-awˇ, Miˬyehˇ neh lehˬ hmˬ taˬ-euˬ guiˇ deuˆ-eu jeˬ hawˇ-eu laˆ luˬ laˆ seˇ-eu jeˬ hehˇ ahˇ leꞈ tehꞈ-a.

Bawˇtsahˬ 22:28

Kʼoeˇ ngeh, Sahˬpaˬ Miˬyehˇ mahˬ tahˬ laˆ kʼoeˇ mawˇ-ahˇ dawˬ ngehˬ nya-eu baoˬ biꞈ nehˬ-awˇ, “Nawˇ ngaˬ-ahˇ smˬ poˆ keuˆ ni diˬ paˬ-ehˇ, nawˬ-ahˇ ngaˇ mˇ lehˬ taˬ-euˬ aˬ jeˬ jaˆ ta” lehˇ mahˬ tahˬ laˆ kʼoeˇ mawˇ Baˬlamˬ-ahˇ ehˇ nehˬ-euˬ meh.

Bawˇtsahˬ 24:2

Kʼoeˇ ngeh, Iˇsaˬleˬlaˆ tsawˇ jeuˬ aˬ yawꞈ jeuˬ yawꞈ, yawˬ ha-euˬ jawˇ duˬ-ahˇ yawˬ ha jawˇ naˬ luꞈ gaˇ Baˬlamˬ ya mawˇ-euˬ meh. Miˬyehˇ-euˬ yaw sahˇ aˬ yawꞈ-ahˇ uˆ lahˇ le-awˇ,

Maꞈtehˬ 20:28

Tsawˇhaˬ-euˬ Zaˬmaˇ kʼawꞈ, aˬ cawˬ neh bi mˇ cu-eu gʼaˇ duˬ oe-euˬ maˬ ngeuˇ-a. Aˬ cawˬ gʼaˇ duˬ mˇ le-euˬ uˬ taꞈ, tsawˇ haˬ gʼawˬ mya ni-ahˇ ka kʼoꞈ-eu gʼaˇ duˬ shiˇ dah le-eu lehˇ oe-euˬ meh.”

Yoˇhaˬ 11:49

Aˬ yawꞈ maꞈ laꞈ kʼoeˇ, Gaˬyaˬpaˇ lehˇ kuˇ-eu, kʼoeˇ ngeh kʼoꞈ-ahˇ Piˇ ma Yaw huiˬ gʼaˬ geuꞈ luꞈ-eu gʼaˬ ehˇ-eu, “Naw maꞈ aˬ jeˬ dawˇ ga ga te.

Yoˇhaˬ 18:13

Kʼoeˇ naˇ, Aˬna jawˇ gaˇ jeˬ huˬ sheuˬ gʼeh-euˬ meh. Aˬ na-aˬ, kʼoeˇ ngeh kʼoꞈ-ahˇ Piˇ ma Yaw huiˬ gʼaˬ geuꞈ luꞈ-eu Gaˬyaˬpaˇ-euˬ tsawˇ mawˬ meh.

1 Gawˇliˬtu 13:2

Ngaˇ-aˬ, Miˬyehˇ gʼaˇ duˬ ngehˬ dah nya-eu baoˬ za-euˬ tsawˇ haˬ pyeuꞈ-awˇ, zaˬ siˬ tsawˇ gahˇ dawˬ tawˆ luꞈ hawˇ-eu zaꞈ taˬ-euˬ jeˬ-ahˇ siˬ nya-eu tsawˇ gahˇ ahˇ-eu uˬ taꞈ, gawˬ jawˬ teh jiˆ nya gaˇ keuˆ ni jah-eu jeˬ ahˇ kʼawꞈ, gʼoeˇ-eu gaˬ-eu jeˬ maˬ ahˇ naˇ, tiˬ jeˬ-iˬ gaˇ dahˇ maˬ tsoeˬ-a.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Gaˬlaˬtiˆ 3:13

Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.

1 Beˬtuˆluˆ 3:18

Tsawˇ haˬ zaˬ-euˬ iˬ baˇ gʼaˇ duˬ Ka li tiˬ poˆ tehꞈ-ehˇ kamˇ shiˇ-euˬ meh. Aˬ yawꞈ kamˇ shiˇ-euˬ kʼoeˇ-aˬ, iˬ baˇ zaˬ deuˬ-ahˇ Miˬyehˇ jawˇ gaˇ sheuˬ gʼeh-eu gʼaˇ duˬ, iˬ baˇ maˬ ahˇ-eu tsawˇ haˬ tiˬ gʼaˬ iˬ baˇ zaˬ deuˬ-euˬ dah zaˇ kamˇ shiˇ-euˬ jeˬ pyeuꞈ-awˇ, mˬ maˬ maˬ byaˆ zaˇ ziˇ gʼaˇ duˬ tiˬ poˆ tehꞈ-ehˇ kamˇ shiˇ-euˬ jeˬ pyeuꞈ-eu meh. Shiˬ shaˬ jiˇ paw taꞈ leˇ-awˇ aˬ yawꞈ-ahˇ sehꞈ-euˬ kʼawꞈ, saꞈ laˇ paw taꞈ leˇ-awˇ Miˬyehˇ neh aˬ yawꞈ-ahˇ bi dehꞈ-euˬ meh.

1 Yoˇhaˬ 2:2

Aˬ dui-ahˇ iˬ baˇ pyehˬ nehˬ laꞈ-euˬ kʼoeˇ-aˬ, Ka li baˬ da neh meh. Aˬ dui-euˬ iˬ baˇ tehꞈ-ehˇ maˬ ngeuˇ-ehˇ, tsawˇ haˬ yawˬ gʼaˬ na luꞈ-euˬ i baˇ pyehˬ nehˬ laꞈ-euˬ meh.

1 Saˬmeuˬlaˆ 23:9

Sawˇluˆ guiˇ deuˆ le-eu lehˇ lehˬ hmˬ taˬ-euˬ gaˇ kawˆ Daˬbiˇ ya gaˬ ngeh, “Piˇ ma dm-eu pehˇ kʼahˬ pehˇ nymˇ yuˇ laꞈ sheˇ” lehˇ, piˇ ma Aˬbyaˬdaˬ-ahˇ aˬ yawꞈ ehˇ nehˬ-euˬ meh.

1 Saˬmeuˬlaˆ 28:6

Kʼoeˇ miˇ neh, aˬ joˆ-ehˇ ya jahˇ-eu gaˇ kawˆ, Sahˬpaˬ Miˬyehˇ-ahˇ aˬ yawꞈ naˇ haˬ-euˬ meh. Ehˇ kʼawꞈ, yuꞈ maˆ maˆ-eu laꞈ kʼoeˇ maˬ ehˇ, Uˇleˬ hawˇ-eu Duˇmeˬ-ahˇ gʼoe-eu laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ maˬ ehˇ, Sahˬpaˬ Miˬyehˇ-ahˇ aˬ yawꞈ naˇ haˬ kʼawꞈ, aˬ yawꞈ-ahˇ Sahˬpaˬ Miˬyehˇ tiˬ jeˬ-iˬ maˬ ehˇ kʼoꞈ nehˬ-a.