Yoˇhaˬ 11:50 - Akha

⁵⁰ Tsawˇ jeuˬ tiˬ jeuˬ jeuˬ lah-ehˇ bi laˆ cawˆ-eu naˆ maˬ tseˇ, tsawˇ haˬ tiˬ gʼaˬ bi shiˇ dah-eu muiˬ dzehˬ meh lehˇ naw maꞈ maˬ gʼoˆ shaw nya te loˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁰ Tsawrjeuq tiqjeuq jeuqlan-aer maqya cawv-ir ni, tsawrhaq armaf-euq gharduq, tsawrhaq tiq ghaq shirdan nar-aq, aqdui-euq gharduq muiq taef-a laer nawmaf maq sharnoeq-eu le lor?”

Yoˇhaˬ 11:50 ပူးပေါင်းရင်းမြစ်များ

Maꞈtehˬ 5:29

Nawˬ-euˬ myaˆ nuiˆ aˇ maˇ nuiˆ baˬ da neh nawˇ iˬ baˇ ya mˇ-euˬ ngeuˇ naˇ, myaˆ nuiˆ kʼoeˇ nuiˆ kʼeuꞈ doˆ-awˇ biˬ dzeh-awˬ. Gʼawˇ mawˇ mawˇ lah-ehˇ shiˬ buiˇ lah ma-ahˇ bi biˬ ahˇ-eu naˆ maˬ tseˇ, aˇ sehˇ tiˬ sehˇ ya teˬ-iˇ-eu maˬ gaˇ dzehˬ tehꞈ-a.

Luˇkaꞈ 24:46

Kʼoeˇ naˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ meh. Ka li-aˬ, sehꞈ gaˇ ya daˬ-awˇ, smˬ nah byah laˇ naˇ, Miˬyehˇ neh paˇ bi gʼoꞈ dehꞈ laˇ tehꞈ-a.

Yoˇhaˬ 11:48

Aˬ yawꞈ-ahˇ kʼoeˇ loꞈ-ehˇ tehꞈ-ehˇ mˇ mˇ-ehˇ bi jawˇ naˇ, tsawˇ haˬ yawˬ gʼaˬ na luꞈ aˬ yawꞈ-ahˇ jah leˇ jiˇ-eu ngaˇ. Kʼoeˇ loꞈ-ehˇ pyeuꞈ laˇ naˇ, Loˇmaˆ tsawˇ haˬ deuˬ oe-awˇ, aˬ dui-euˬ Uˬ duˬ tahˬ nymˇ nymˇ ma hawˇ-eu aˬ dui-euˬ tsawˇ jeuˬ-ahˇ laˆ cawˆ le-eu ngaˇ.”

Yoˇhaˬ 18:14

Tsawˇ jeuˬ tiˬ jeuˬ jeuˬ lah ni ya cawˆ-iˇ-eu dah zaˇ tsawˇ haˬ tiˬ gʼaˬ bi shiˇ dah-eu muiˬ dzehˬ meh lehˇ, Yuˇdaˆ tsawˇ haˬ aˬ yuiꞈ aˬ tsu deuˬ-ahˇ ja noeˬ nehˬ-euˬ gʼaˬ-aˬ, Gaˬyaˬpaˇ meh.

Yoˇhaˬ 19:12

Dawˬ kʼoeˇ dawˬ-ahˇ sahˬ paˬ Piˇlaˆ ya gaˬ ngeh, Yeˬsuˇ-ahˇ pyehˬ nehˬ-eu gaˇ ma poˆ-euˬ meh. Ehˇ kʼawꞈ, tsawˇ haˬ aˇ maꞈ guˇ-awˇ ehˇ-eu, “Nawˇ aˬ yawꞈ-ahˇ pyehˬ nehˬ te lehˇ ngeuˇ naˇ, nawˇ sahˬ paˬ Gehˇsaˬ-euˬ cawˬ maˬ paˇ ngeuˇ meh. Yawˬ haˇ yawˬ ha sahˬ paˬ ma lehˇ ehˇ-eu tsawˇ haˬ-aˬ, sahˬ paˬ Gehˇsaˬ-ahˇ puiˬ-eu tsawˇ haˬ meh.”

Lormav 3:8

Toˆ-ehˇ ngeuˇ naˇ, “Yaw muiˬ jeˬ doˆ laˇ ni maˬ muiˬ-eu jeˬ mˇ kaˇ-euˇ” lehˇ ehˇ-eu maˬ tsaˬ-a loˇ. Tsawˇ haˬ tiˬ paˆ na deuˬ ngaˇ kʼoeˇ loꞈ-ehˇ ehˇ-eu meh lehˇ ehˇ-awˇ, ngaˬ-euˬ yaw lehˬ poˆ poˆ-ehˇ ngaˬ-ahˇ ja doeˇ-eu meh. Kʼoeˇ loꞈ-ehˇ ehˇ-eu tsawˇ haˬ deuˬ-aˬ, kʼehˬ-eu kʼaˆ-eu jeˬ-ahˇ ya daˬ tehꞈ-a.