Yoˇhaˬ 11:39 - Akha

³⁹ “Kʼaˬ lo ngawˬ dzeh-awˬ” lehˇ, Yeˬsuˇ dawˬ biꞈ-euˬ meh. Shiˇ-euˬ gʼaˬ-euˬ dmˇ ma pyeuꞈ-eu Maˬta ehˇ-eu, “Sahˬpaˬ-oˇ, yaw buꞈ behꞈ laꞈ-iˇ-euˬ tehꞈ-a. Aˬ yawꞈ-ahˇ baꞈ pahˬ-euˬ oeˬ nah byah laˬ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Yeqsur aer-eu, “Khaqlo ngawqdzae-awq.” Shir-euq khoerghaq-euq dmrma Maqta, aqyawf-anr aernaeq-eu, “Sanqpaq-or! Aqyawf shir-euq oeq nan keuvlar-euq mirnae, yawbuf baeflaf-ir-euq mae.”

Yoˇhaˬ 11:39 ပူးပေါင်းရင်းမြစ်များ

Aˇ dahˬ 23:4

“Ngaˇ-aˬ, naw maꞈ-euˬ miˇ kʼahˬ-ahˇ pawˇ ahˇ le-euˬ tsawˇ haˬ tiˬ gʼaˬ pyeuꞈ-eu ma. Teu miˇ neh, ngaˬ-euˬ nymˇ dahˬ-ahˇ baꞈ pahˬ-eu gʼaˇ duˬ, miˇ tsaˬ tiˬ tsahˇ ahˬ nehˬ laꞈ-awˬ.”

Aˇ dahˬ 3:19

Miˇ tsaˬ yuˇ-awˇ nawˬ-ahˇ beh taˬ-euˬ loꞈ-ehˇ, miˇ tsaˬ-ahˇ nawˇ maˬ ya gʼoꞈ uˇ-iˇ kʼoeˇ keuˆ ni, nawˇ kʼaˇ ka dzaˬ-eu jeˬ-ahˇ miˇ tsaˬ neh bi dehꞈ doˆ laˇ-awˇ aˇ siˬ aˇ nuiˆ bi nuiˆ laˇ-eu gʼaˇ duˬ, kuˬ pyuˇ kuˬ tsaˇ tsiˇ ni nawˇ ya mˇ sehꞈ leꞈ tehꞈ-a. Miˇ tsaˬ shaˬ jehˆ yuˇ-awˇ nawˬ-ahˇ tehˆ taˬ-euˬ loꞈ-ehˇ, nawˇ miˇ tsaˬ paˇ ya pyeuꞈ kʼoꞈ-iˇ tehꞈ-a” lehˇ ehˇ nehˬ-euˬ meh.

Jaceuq 49:14

Yawˇ loꞈ-ehˇ aˬ yawꞈ maꞈ ya shiˇ cawˆ-awˇ, shiˇ-eu jeˬ aˬ yawꞈ maꞈ-ahˇ bo tehꞈ-a. Gaˇ mahˇ kaˬ-eu shiˇ-eu miˇ kʼahˬ-ahˇ, aˬ yawꞈ maꞈ buꞈ-iˇ shoˆ-iˇ ngeh, yaw tsaˬ yaw dawˇ tsawˇ haˬ deuˬ aˬ yawꞈ maꞈ-ahˇ gʼaˬ leˇ tehꞈ-a.

Jaceuq 49:7

Tsawˇ haˬ tiˬ gʼaˬ-iˬ yawˬ haˇ yawˬ ha maˬ ka kʼoꞈ nya-a. Aˬ yawꞈ-euˬ saꞈ laˇ aˇ poeˬ Miˬyehˇ-ahˇ maˬ biꞈ tsehˆ nya-a.

Jaceuq 49:9

Lmˬ bymˇ-ahˇ maˬ ya uˇ-iˇ ni mˬ maˬ maˬ byaˆ zaˇ ziˇ ya dehꞈ-eu gʼaˇ duˬ, yawˬ haˇ yawˬ ha maˬ zeuˇ tsehˆ nya-a.

Maˬkuˆ 16:3

“Lmˬ bymˇ-euˬ mehˬ kʼehˬ-ahˇ tsoeˬ-eu kʼaˬ lo kʼoeˇ siˬ aˬ dui maꞈ-ahˇ aˬ suˇ gʼaˬ ngawˬ dzeh nehˬ laꞈ nmˇ” lehˇ ja ja-ehˇ iˇ-euˬ meh.

Yoˇhaˬ 11:17

Yeˬsuˇ oe keuˆ ngeh, Laˬzaˬluˇ-ahˇ baꞈ pahˬ dzeuˇ-euˬ oeˬ nah byah laˇ-euˬ gaˇ ya mawˇ-euˬ meh.

Gʼaˬkʼehˇ 13:36

Daˬbiˇ-aˬ, aˬ yawꞈ-euˬ tiˬ ziˇ Miˬyehˇ-euˬ nui kʼahˇ mˇ-awˇ, aˬ yawꞈ shiˇ ngeh, aˬ yawꞈ-euˬ aˬ poeˬ aˬ bawˇ deuˬ nehˬ-ehˇ bi baꞈ pahˬ-awˇ, aˬ yawꞈ-euˬ gʼawˇ mawˇ lmˬ bymˇ laꞈ kʼoeˇ buꞈ-iˇ-euˬ meh.

Gʼaˬkʼehˇ 2:27

Aˬ jeˬ miˇ neh ehˇ naˇ, shiˇ-eu jeˬ-euˬ miˇ kʼahˬ laꞈ kʼoeˇ, nawˇ ngaˬ-ahˇ maˬ byehˇ dzeh yaꞈ-aˇ. Saˇ jaˇ ziꞈ-eu zaˬ kʼaˆ-ahˇ nawˇ, lmˬ bymˇ-ahˇ maˬ bi buꞈ shoˆ-aˇ.

2 Gawˇliˬtu 2:16

Piˬ-iˇ byoˆ-iˇ luꞈ-eu deuˬ gʼaˇ duˬ-aˬ, bi shiˇ-eu yaw buꞈ behꞈ laꞈ gaˇ duˇ-awˇ, ka kʼoꞈ-eu jeˬ za gʼaˬ-euˬ deuˬ gʼaˇ duˬ-aˬ, bi dehꞈ laˇ-eu yaw saw jeˬ-ahˇ duˇ-eu meh. Heu loꞈ-ehˇ gʼeh-eu gaˇ mˇ nya-eu aˬ suˇ gʼaˬ jawˇ ta.

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.