Yoˇhaˬ 11:31 - Akha

³¹ Maˬliˇ-euˬ nymˇ-ahˇ oe-awˇ gʼaˬ biꞈ le-euˬ tsawˇ haˬ kʼoeˇ deuˬ kʼawꞈ, Maˬliˇ tehˬ law tehˬ tsaˇ-ehˇ iˇ doˆ gʼeh gaˇ ya mawˇ ngeh, caw teh gʼeh-euˬ meh. Aˬ yawꞈ lmˬ bymˇ-ahˇ iˇ-awˇ, tsawˇ ngoeˇ ngoeˇ-iˇ-eu gʼeh-eu nga lehˇ aˬ yawꞈ maꞈ noeˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Khoerngae, Yurdav tsawrhaq deuq, Maqliv naeq-aer irkanr-euq lafkhoer jawr-awr, aqyawf nuima sarlarni janrluf-eu mae. Maqliv yawkawr-aer tur-awr dov-ir gar ya’mawr ngae, aqyawf-euq maeqnan cantae ghae-awr aer-eu, “Aqyawf, lmqbymr-anr ir-awr ngoer-ir-eu nga.”

Yoˇhaˬ 11:31 ပူးပေါင်းရင်းမြစ်များ

Aˇ dahˬ 37:35

Aˬ yawꞈ-euˬ aˬ buˇ aˬ li dawˬ tawˆ luꞈ aˬ yawꞈ jawˇ gaˇ laˇ-awˇ, aˬ yawꞈ nui ma saˇ laˇ ni gʼaˬ biꞈ nehˬ kʼawꞈ, aˬ yawꞈ maˬ naˇ haˬ-ehˇ, “Ngaˬ li jawˇ-eu shiˇ-eu miˇ kʼahˬ-ahˇ maˬ keuˆ kʼoeˇ keuˆ ni, tsawˇ ngoeˇ ngoeˇ ngoeˇ-ehˇ iˇ byoˆ gʼeh-eu ma” lehˇ ehˇ-eu meh. Yaˬkoˆ-aˬ, nah doˆ le ngeh Yoˇsehˆ-ahˇ noeˬ-awˇ, tsawˇ ngoeˇ ngoeˇ ngoeˇ-ehˇ jawˇ-euˬ meh.

Yoˇhaˬ 11:19

Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ gʼawˬ mya ni, Maˬliˇ hawˇ-eu Maˬta aˬ mahˇ aˬ da bi shiˇ-euˬ miˇ neh, gʼaˬ biꞈ nehˬ-eu lehˇ uiˬ le taˬ-euˬ meh.

Yoˇhaˬ 11:33

Maˬ liˇ ngoeˇ luꞈ-awˇ, Maˬliˇ nehˬ-ehˇ laˇ-euˬ tsawˇ haˬ deuˬ kʼawꞈ ngoeˇ luꞈ gaˇ Yeˬsuˇ ya mawˇ ngeh, aˬ yawꞈ-euˬ nui ma-ahˇ zaw dui dui leˇ-euˬ meh.

1 Gawˇliˬtu 2:15

Yaw sahˇ Miˬyehˇ kʼaˇ za taˬ-euˬ tsawˇ haˬ-aˬ, yawˬ jeˬ na luꞈ-ahˇ gaˇ dahˇ tsoeˬ-eu maˬ tsoeˬ-eu tseˇ paˆ nya-eu meh. Ehˇ kʼawꞈ, kʼoeˇ loꞈ-ehˇ gʼeh-eu tsawˇ haˬ-ahˇ aˬ cawˬ tiˬ gʼaˬ-iˬ maˬ tseˇ paˆ duˬ nya-a.