Yoˇhaˬ 10:31 - Akha

³¹ Kʼoeˇ ngeh, tsawˇ haˬ kʼoeˇ deuˬ kʼaˬ lo gʼoˆ-awˇ aˬ yawꞈ-ahˇ biˬ-eu lehˇ gʼeh-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Khoerngae, Yurdav tsawrhaq khaqlo parghov-awr, aqyawf-anr biqsaef-eu laer ghae-eu mae.

Yoˇhaˬ 10:31 ပူးပေါင်းရင်းမြစ်များ

Doˆ-iˇ 17:4

Kʼoeˇ naˇ, Moˇseˬ guiˬ lahˬ shaˇ-eu laꞈ kʼoeˇ, “Tsawˇ haˬ heu deuˬ-ahˇ ngaˇ aˬ joˆ-ehˇ ya jahˇ nehˬ nmˇ. Aˬ yawꞈ maꞈ ngaˬ-ahˇ kʼaˬ lo neh biˬ sehꞈ-eu lehˇ gʼeh-eu meh” lehˇ, Sahˬpaˬ Miˬyehˇ-ahˇ ehˇ nehˬ-euˬ meh.

Maꞈtehˬ 12:14

Kʼoeˇ ngeh, Paˬliˬsehˇ deuˬ doˆ-iˇ-awˇ, Yeˬsuˇ-ahˇ sehꞈ-eu gʼaˇ duˬ bawˬ kʼoeˬ-euˬ meh.

Maꞈtehˬ 21:35

Aˬ gaꞈ yaˇ kmˇ mˇ paˆ paˆ-eu deuˬ neh aˬ yawꞈ-euˬ zaˬ kʼaˆ kʼoeˇ deuˬ-ahˇ nyehꞈ-awˇ, tiˬ gʼaˬ-ahˇ diˬ-awˇ, tiˬ gʼaˬ-ahˇ sehꞈ-awˇ, tiˬ gʼaˬ-ahˇ kʼaˬ lo neh biˬ-euˬ meh.

Maꞈtehˬ 23:35

Aˇ saˬ saˬ laˇ ngeh jawˇ, maˬ bahˬ maˬ muˆ-eu tsawˇ haˬ deuˬ-ahˇ sehꞈ-euˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a. Iˬ baˇ maˬ ahˇ-eu Aˬbeˬlaˆ-ahˇ sehꞈ-euˬ gaˇ neh aˇ dahˬ beh-awˇ, Uˬ duˬ tahˬ nymˇ nymˇ ma hawˇ-eu lawˇ duˬ yaw kaˬ-ahˇ naw maꞈ neh sehꞈ-euˬ Beˬleˬkiˇ-euˬ aˬ li Zaˬkaˬliˇ-ahˇ keuˆ ni, naw maꞈ neh kʼaˇ sehꞈ-euˬ maˬ bahˬ maˬ muˆ-eu tsawˇ haˬ deuˬ-euˬ shiˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a.

Yoˇhaˬ 1:19

Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ neh, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ Yoˇhaˬ jawˇ gaˇ kʼehˇ gʼeh-awˇ, “Nawˇ aˬ suˇ gʼaˬ te” lehˇ bi naˇ haˬ-iˇ-euˬ meh.

Yoˇhaˬ 10:24

Kʼoeˇ ngeh, Yuˇdaˆ tsawˇ haˬ deuˬ aˬ yawꞈ jawˇ gaˇ uiˬ le-awˇ ehˇ-eu , “Nawˇ nga maꞈ-ahˇ kʼaˇ ngeuˇ-eu loꞈ-ehˇ maˬ ehˇ mehˬ nehˬ laꞈ ni, aˇ myah keuˆ ni nyi naˬ-eu gʼeh te. Nga maꞈ-ahˇ dawˇ coe ni ehˇ nehˬ laꞈ sheˇ. Nawˇ Meˬsiˇya ngeuˇ ma loˇ.”

Yoˇhaˬ 10:32

Aˬ yawꞈ maꞈ-ahˇ Yeˬsuˇ ehˇ nehˬ-eu, “Aˬda neh bi mˇ laꞈ-euˬ muiˬ-eu gaˇ gʼawˬ mya jeˬ naw maꞈ mehˬ shi ngaˇ mˇ gʼaˬ-euˬ ma. Gaˇ kʼoeˇ deuˬ laꞈ kʼoeˇ aˬ geu hmˬ-ahˇ dehˬ lehꞈ-awˇ naw maꞈ ngaˬ-ahˇ kʼaˬ lo biˬ-eu gʼeh te.”

Yoˇhaˬ 11:8

Zaˬ lahˇ deuˬ ehˇ-eu, “Saˬ laˬ-oˇ, miˇ nah huˬ nah hawˇ-eu kʼoeˇ gaˇ jawˇ-eu tsawˇ haˬ deuˬ nawˬ-ahˇ kʼaˬ lo biˬ-eu lehˇ gʼeh-eu maˬ ngeuˇ-a loˇ. Nawˇ kʼoeˇ gaˇ paˇ gʼoꞈ-iˇ-eu gʼeh te loˇ.”

Yoˇhaˬ 5:18

Aˬ yawꞈ kʼoeˇ loꞈ-ehˇ ehˇ-eu miˇ neh, Yuˇdaˆ tsawˇ haˬ aˬ yuiꞈ aˬ tsu deuˬ aˬ yawꞈ-ahˇ sehꞈ-eu gʼaˇ duˬ noeˬ tsehˆ-euˬ meh. Aˬ jeˬ miˇ neh ehˇ naˇ, aˬ yawꞈ-aˬ, Jawˇ nah-ahˇ maˬ mˇ kʼmˬ-eu jeˬ mˇ-eu tehꞈ-ehˇ maˬ loꞈ ni, Miˬyehˇ-aˬ aˬ yawꞈ-euˬ Aˬ da ma lehˇ ehˇ-eu laꞈ kʼoeˇ, Miˬyehˇ hawˇ-eu aˬ yawꞈ tiˬ kawˆ ma lehˇ ehˇ gaˇ duˇ leˇ-euˬ meh.

Yoˇhaˬ 8:59

Kʼoeˇ ngeh, aˬ yawꞈ maꞈ kʼaˬ lo gʼoˆ-awˇ Yeˬsuˇ-ahˇ biˬ-eu lehˇ gʼeh-eu meh. Ehˇ kʼawꞈ, Yeˬsuˇ-aˬ, aˬ yawꞈ-euˬ gʼawˇ mawˇ maˬ bi mawˇ ni Uˬ duˬ tahˬ nymˇ nymˇ ma laꞈ kʼoeˇ neh iˇ doˆ-euˬ meh.

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.

1 Saˬmeuˬlaˆ 30:6

Kʼoeˇ ngeh jawˇ, Daˬbiˇ nui ma cawˆ dui dui-eu meh. Aˬ je ˬmiˇ neh ehˇ naˇ, aˬ yawꞈ maꞈ-euˬ miˬ sawˇ zaˬ deuˬ ya smˬ-iˇ jiˇ-euˬ baˬ da neh, aˬ yawꞈ-euˬ tsawˇ haˬ deuˬ nui ma naˇ dui dui-awˇ, aˬ yawꞈ-ahˇ kʼaˬ lo neh biˬ-eu lehˇ lmˬ luꞈ-eu meh. Ehˇ kʼawꞈ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-ahˇ gʼaˬ biꞈ-euˬ meh.