Yoˇhaˬ 10:28 - Akha

²⁸ Aˬ yawꞈ maꞈ-ahˇ mˬ maˬ maˬ byaˆ zaˇ ziˇ dehꞈ-eu jeˬ ngaˇ biꞈ-awˇ, aˬ yawꞈ maꞈ ti jawˇ-iˬ maˬ paˇ shiˇ meh. Tsawˇ haˬ tiˬ gʼaˬ-iˬ aˬ yawꞈ maꞈ-ahˇ ngaˬ-euˬ aˬ laꞈ laꞈ kʼoeˇ neh maˬ ceh doˆ geuꞈ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Khoeruqtaf, ngar, aqyawf maf-anr mqmaq maqbyav yarzir daef-eu jeq bif-awr, aqyawfmaf tiqjawr-iq maqya cawv-ir-ar. Ngaq-euq aqlaf-anr nae tiqghaq-iq yawr khoerdeuq-anr maq ludov nya-ar.

Yoˇhaˬ 10:28 ပူးပေါင်းရင်းမြစ်များ

Yawˇbaˆ 17:9

Yawˬ haˇ yawˬ ha yaw tsaˬ yaw dawˇ ma lehˇ ehˇ-eu tsawˇ haˬ deuˬ, aˬ yawꞈ maꞈ yaw tsaˬ ma lehˇ, ngehˬ jawˇ ngehˬ noeˬ luꞈ meh.

Jaceuq 31:5

Ngaˬ-euˬsaˬlaˇgʼawˇmawˇdawˬtawˆ, nawˬ-euˬlaꞈ-ahˇ a nehˬ-eu ma. Saˇjaˇziꞈ-eu Miˬyehˇpyeuꞈ-eu, SahˬpaˬMiˬyehˇnawˬneh ngaˬ-ahˇ, gʼawˬshaˬgaˬ-awˇka kʼoꞈ-euˬmeh.

Jaceuq 37:28

Yaw tsaˬyaw dawˇjeˬkeuˆle ni, SahˬpaˬMiˬyehˇgaˬ-eu miˇneh, muiˬ-eu shawˇ-eu tsawˇhaˬdeuˬ-ahˇ, aˬyawꞈbyehˇdzeh-eu maˬbaw-ehˇ, mˬmaˬmaˬbyaˆdah teˬ-eu meh. Ehˇkʼawꞈyaw haiˬ-euˬzaˬdeuˬ-ahˇ, teh dzeh nehˬ-awˇbi shaˬtehꞈ-a.

Dawqdaq 24:16

Yaw sui yaw dawˇ tsawˇ haˬ aˇ myaˆ poˆ coˬ-iˇ kʼawꞈ paˇ tuˇ laˇ nya meh. Ehˇ kʼawꞈ, guˆ-eu gaˆ-eu jeˬ keuˆ le ngeh nui ma maˬ dawˇ-eu tsawˇ haˬ luˬ-iˇ seˇ-iˇ-eu meh. -28-

Dawqdaq 4:18

Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Iˇsaˬyaˇ 27:3

“Sahˬpaˬ Miˬyehˇ pyeuꞈ-eu ngaˇ, yaˇ kmˇ kʼoeˇ kmˇ-ahˇ bo saˆ-eu ma. Maˬ tsehˆ leˇ ni iˇ cuꞈ shehˬ-awˇ, aˬ cawˬ maˬ bi laˆ cawˆ laˇ-eu gʼaˇ duˬ, uˬ ciꞈ nah gʼahˇ maˬ ehˇ haw piˇ-eu ma.

Iˇsaˬyaˇ 45:17

Ehˇ kʼawꞈ, Iˇsaˬleˬlaˆ-ahˇ Sahˬpaˬ Miˬyehˇ ka kʼoꞈ-awˇ, mˬ maˬ maˬ byaˆ zaˇ ziˇ gʼaˬ leˇ-eu gʼaˬ pyeuꞈ-awˇ, shaꞈ dawˇ-eu jeˬ maˬ keuˆ le-ehˇ daˬ maˬ ga-a.’

Iˇsaˬyaˇ 54:17

Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.

Iˇsaˬyaˇ 55:3

“Naˬ bawˇ ciˬ kʼmˇ-awˇ ngaˇ jawˇ gaˇ laˇ-awˬ. Dehꞈ-eu saꞈ laˇ za ni naˇ haˬ laˇ-awˬ. Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ, naw maꞈ nehˬ-ehˇ ngaˇ dzaˬ-eu ma. Daˬbiˇ-ahˇ saˇ jaˇ biꞈ taˬ-euˬ guiˬ lahˬ, naw maꞈ-ahˇ ngaˇ biꞈ ma.

Yeˬlaˬmiˇ 23:4

Aˬ yawꞈ maꞈ-ahˇ bi sheuˬ gʼeh-eu aˬ yuiꞈ aˬ tsu deuˬ ngaˇ tseˇ doˆ ma. Ngaˬ-euˬ tsawˇ haˬ deuˬ guˆ-eu gaˆ-eu jeˬ-ahˇ maˬ paˇ ya tahˬ puˬ-ehˇ aˬ yawꞈ maꞈ-ahˇ ngaˇ maˬ paˇ kʼehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 31:3

Gaˇ mahˇ kaˬ-eu jawˇ duˬ-ahˇ neh Sahˬpaˬ Miˬyehˇ oe-awˇ, nga maꞈ-ahˇ heu loꞈ-ehˇ ehˇ le-euˬ meh. “Mˬ maˬ maˬ byaˆ zaˇ ziˇ ziꞈ-eu gʼoeˇ-eu gaˬ-eu jeˬ neh, naw maꞈ-ahˇ ngaˇ gaˬ-awˇ, naw maꞈ-ahˇ gʼawˬ shaˬ gaˬ-eu jeˬ laꞈ kʼoeˇ, iˬ nah keuˆ ni ngaˇ saˇ jaˇ ziꞈ luꞈ ma.

Yeˬlaˬmiˇ 31:34

Ngaˬ-ahˇ siˬ nya laˇ ni, aˬ yawꞈ maꞈ tiˬ gʼaˬ tiˇ gʼaˬ mehˬ-eu tsoˆ-eu maˬ paˇ loˬ-aˇ. Aˬ jeˬ miˇ neh ehˇ naˇ, huiˬ zaˬ nyiˇ zaˬ dawˬ tawˆ luꞈ ngaˬ-ahˇ siˬ nya jiˇ tehꞈ-a. Aˬ yawꞈ maꞈ-ahˇ ngaˇ iˬ baˇ pyehˬ nehˬ-awˇ, aˬ yawꞈ maꞈ-euˬ yaw lehˬ ngaˇ maˬ paˇ noeˬ taˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 32:40

Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma. Aˬ yawꞈ maꞈ-ahˇ ngaˇ yaw muiˬ jeˬ maˬ tsehˆ leˇ ni mˇ nehˬ ma. Aˬ yawꞈ maꞈ ngaˬ-ahˇ maˬ paˇ byehˇ dzeh peuˬ-eu gʼaˇ duˬ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ guˆ ni ngaˇ jahˇ ma.

Maˬkuˆ 13:22

Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ oe doˆ tehꞈ-a. Aˬ yawꞈ maꞈ zahˬ leˇ paˬ-ehˇ gʼeh-eu jeˬ hawˇ-eu, kʼaˆ jehˬ-ehˇ gʼeh-eu jeˬ jahˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ, mehˇ shuiˇ shuiˇ tawˆ-awˇ gaˇ ma sheuˬ bahˬ gʼeh tehꞈ-a.

Luˇkaꞈ 23:46

Kʼoeˇ ngeh, Yeˬsuˇ yaw kʼaˆ-ehˇ guˇ-awˇ, “Aˬda-oˇ, ngaˬ-euˬ saꞈ laˇ-ahˇ nawˬ-euˬ aˬ laꞈ laꞈ kʼoeˇ a nehˬ-eu ma” lehˇ ehˇ-eu meh. Kʼoeˇ loꞈ-ehˇ guˇ gʼaˬ ngeh, aˬ yawꞈ saꞈ tsehˆ leˇ-euˬ meh.

Yoˇhaˬ 10:29

Yawˇ kʼoeˇ deuˬ ngaˬ-ahˇ biꞈ laꞈ-euˬ gʼaˬ pyeuꞈ-eu ngaˬ Da-aˬ, dawˬ tawˆ kʼoeˇ taˆ huiˬ-eu gʼaˬ meh. Ngaˬ Da neh haw lahˇ taˬ-euˬ uˬ moˆ aˬ yawꞈ maꞈ-ahˇ tiˬ gʼaˬ-iˬ maˬ ceh doˆ geuꞈ gʼeh nya-a.

Yoˇhaˬ 11:25

Yeˬsuˇ ehˇ-eu, “Ngaˇ-aˬ, gʼoꞈ dehꞈ laˇ-eu jeˬ hawˇ-eu saꞈ laˇ dehꞈ-eu jeˬ pyeuꞈ-eu ma. Ngaˬ-ahˇ kʼaˇ jah-eu tsawˇ haˬ-aˬ, shiˇ-euˬ kʼawꞈ, dehꞈ tehꞈ-a.

Yoˇhaˬ 14:19

Tiˬ kʼehˬ tiˬ yamˬ laꞈ kʼoeˇ, miˇ tsaˬ zaˬ deuˬ ngaˬ-ahˇ maˬ paˇ ya mawˇ meh. Ehˇ kʼawꞈ, naw maꞈ ngaˬ-ahˇ ya mawˇ tehꞈ-a. Ngaˇ dehꞈ-eu baˬ da neh, naw maꞈ kʼawꞈ ya dehꞈ tehꞈ-a.

Yoˇhaˬ 17:2

Aˬ jeˬ miˇ neh ehˇ naˇ, nawˬ neh aˬ yawꞈ-ahˇ kʼaˇ a nehˬ taˬ-euˬ tsawˇ haˬ dawˬ tawˆ luꞈ-ahˇ mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ biꞈ nya ni, miˇ tsaˬ tsawˇ jeuˬ dawˬ tawˆ luꞈ kʼoeˇ taˆ aˬ yawꞈ-ahˇ nawˇ baoˬ biꞈ taˬ-euˬ meh.

Yoˇhaˬ 18:9

Yeˬsuˇ kʼoeˇ loꞈ-ehˇ ehˇ-eu kʼoeˇ-aˬ, “Aˬda-oˇ, nawˬ neh ngaˬ-ahˇ biꞈ laꞈ-euˬ tsawˇ haˬ tiˬ gʼaˬ-iˬ maˬ bi byoˆ-iˇ-aˬ” lehˇ, aˬ yawꞈ neh ehˇ taˬ-euˬ dawˬ kʼoeˇ dawˬ bi byah laˇ-eu gʼaˇ duˬ pyeuꞈ-eu meh.

Yoˇhaˬ 3:36

Zaˬmaˇ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za-eu meh. Zaˬmaˇ-ahˇ maˬ jah-eu tsawˇ haˬ-aˬ, dehꞈ-eu jeˬ maˬ za-ehˇ, Miˬyehˇ kʼehˬ nehˬ kʼaˆ nehˬ-eu uˬ moˆ ya jawˇ tehꞈ-a.

Yoˇhaˬ 4:14

Ehˇ kʼawꞈ, ngaˬ neh biꞈ-euˬ iˇ cuꞈ dawˇ-eu tsawˇ haˬ-aˬ, iˇ cuꞈ mehꞈ laˇ-eu maˬ paˇ baw-aˇ. Ngaˬ neh bi dawˇ-euˬ iˇ cuꞈ kʼoeˇ-aˬ, aˬ yawꞈ laꞈ kʼoeˇ dehꞈ-eu saꞈ laˇ biꞈ-eu iˇ cuꞈ yoeˇ doˆ-eu iˇ cuꞈ iˇ byoe pyeuꞈ-iˇ-awˇ, mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ-ahˇ biꞈ tehꞈ-a.”

Yoˇhaˬ 5:24

“Ngaˇ naw maꞈ-ahˇ maˇ jawˆ ni ehˇ-eu ma. Ngaˬ-euˬ dawˬ ya gaˬ-awˇ, ngaˬ-ahˇ kʼehˇ gʼeh leꞈ-euˬ gʼaˬ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za meh. Miˬyehˇ neh yaˇ kʼaˬ daˇ nehˬ gaˇ maˬ ya daˬ-eu uˬ taꞈ, shiˇ-eu jeˬ-ahˇ neh dehꞈ-eu jeˬ-ahˇ tsehˆ doˆ dzeuˇ-euˬ meh.

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Yoˇhaˬ 6:37

Ngaˬ Da neh ngaˬ-ahˇ kʼaˇ biꞈ laꞈ-euˬ tsawˇ haˬ yawˬ gʼaˬ yawˬ na luꞈ ngaˇ jawˇ gaˇ laˇ tehꞈ-a. Ngaˇ jawˇ gaˇ laˇ-eu tsawˇ haˬ aˬ geu gʼaˬ-ahˇ maˬ kaˬ, ngaˇ maˬ ha geuꞈ nehˬ ni maˬ byehˇ.

Yoˇhaˬ 6:47

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Jah-eu tsawˇ haˬ mˬ maˬ maˬ byaˆ zaˇ ziˇ dehꞈ-eu jeˬ za-eu meh.

Yoˇhaˬ 6:68

Siˇmoˬ Beˬtuˆluˆ ehˇ-eu, “Sahˬpaˬ-oˇ, mˬ maˬ maˬ byaˆ zaˇ ziˇ dehꞈ-eu jeˬ biꞈ-eu dawˬ nawˇ jawˇ gaˇ jaˆ ngeh keuˆ keuˆ-ehˇ-aˬ, nga maꞈ aˬ suˇ gʼaˬ jawˇ gaˇ paˇ iˇ nmˇ.

Gʼaˬkʼehˇ 7:59

Aˬ yawꞈ maꞈ Saˬteˬpaˬ-ahˇ kʼaˬ lo biˬ dui dui luꞈ ngeh, “Sahˬpaˬ Yeˬsuˇ-oˇ, ngaˬ-euˬ saꞈ laˇ-ahˇ ha geuꞈ nehˬ laꞈ-awˬ” lehˇ, Saˬteˬpaˬ guiˬ lahˬ shaˇ-euˬ meh.

Lormav 5:17

Tsawˇ haˬ tiˬ gʼaˬ iˬ baˇ mˇ-euˬ miˇ neh, tsawˇ haˬ kʼoeˇ gʼaˬ baˬ da neh miˇ tsaˬ kʼoeˇtaˆ shiˇ-eu jeˬ uˆ lahˇ le-euˬ meh. Ehˇ kʼawꞈ, Yeˬsuˇ Ka li lehˇ kuˇ-eu tsawˇ haˬ tiˬ gʼaˬ neh mˇ-euˬ jeˬ-aˬ, kʼoeˇ naˆ maˬ tseˇ gʼaˬ kʼaˆ dzehˬ-eu meh. Huiˬ dui myaˬ dui dui-eu Miˬyehˇ-euˬ guiˬ lahˬ hawˇ-eu, Miˬyehˇ-ahˇ tsaˬ leˇ tsahˇ leˇ-eu jeˬ yawꞈ ngehꞈ-ehˇ za taˬ-euˬ tsawˇ haˬ dawˬ tawˆ luꞈ, Yeˬsuˇ Ka li baˬ da neh yaw dehꞈ-ehˇ ya uˆ lahˇ tehꞈ-a.

Lormav 5:2

Aˬ dui Ka li-ahˇ jah-eu miˇ neh, nymˬ-mˇ aˬ dui dehꞈ luꞈ jawˇ luꞈ-eu Miˬyehˇ-euˬ gʼawˬ shaˬ gaˬ-eu guiˬ lahˬ laꞈ kʼoeˇ, aˬ yawꞈ aˬ dui-ahˇ sheuˬ ahˇ nehˬ laꞈ-euˬ meh. Miˬyehˇ aˬ dui-ahˇ yaw shehꞈ kʼahˬ sehˇ biꞈ laꞈ gaˇ noeˬ tmˬ-awˇ, aˬ dui nui ma huiˬ kʼaˇ za-eu ma.

Lormav 5:21

Kʼoeˇ miˇ neh, iˬ baˇ-aˬ, shiˇ-eu jeˬ-ahˇ gʼoe-awˇ uˆ lahˇ-eu loꞈ-ehˇ, Miˬyehˇ-euˬ guiˬ lahˬ-aˬ, yaw tsaˬ yaw dawˇ jeˬ-ahˇ gʼoe-awˇ uˆ lahˇ-eu laꞈ koeˇ, aˬ dui-euˬ Sahˬpaˬ Yeˬsuˇ Ka li-ahˇ gʼoe-awˇ mˬ maˬ maˬ byaˆ zaˇ ziˇ dehꞈ gaˇ sheuˬ gʼeh laꞈ-euˬ meh.

Lormav 5:9

Miˬyehˇ-ahˇ aˬ dui tsaˬ leˇ tsahˇ leˇ nya ni aˬ yawꞈ shiˇ dah coeˇ gaˇ keuˆ-eu-aˬ, kʼoeˇ naˆ maˬ tseˇ, Miˬyehˇ nui ma pehˇ-eu jeˬ-ahˇ aˬ dui maˬ ya daˬ ni aˬ yawꞈ maˬ ka kʼoꞈ nehˬ laꞈ-aˇ loˇ.

Lormav 6:23

Aˬ jeˬ miˇ neh ehˇ naˇ, iˬ baˇ-euˬ aˇ poeˬ-aˬ, shiˇ-eu jeˬ pyeuꞈ-eu meh. Ehˇ kʼawꞈ, Miˬyehˇ neh yawꞈ ngehꞈ-ehˇ biꞈ nehˬ laꞈ-euˬ laꞈ sawˬ-aˬ, aˬ dui-euˬ Sahˬpaˬ Yeˬsuˇ Ka li laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Lormav 8:1

Kʼoeˇ miˇ neh, Yeˬsuˇ Ka li laꞈ kʼoeˇ jawˇ luꞈ-eu tsawˇ haˬ deuˬ-aˬ, nymˬ-mˇ yaˇ kʼaˬ daˇ nehˬ-eu jeˬ-ahˇ maˬ ya daˬ-a.

Lormav 8:29

Miˬyehˇ-euˬ Zaˬmaˇ-aˬ, mehˇ nmˇ gʼawˬ mya ni laꞈ kʼoeˇ aˬ yuiꞈ yuiꞈ saˬ gʼaˬ loꞈ-ehˇ pyeuꞈ laˇ-awˇ, Miˬyehˇ neh tseˇ doˆ gʼaˬ-euˬ tsawˇ haˬ deuˬ Zaˬmaˇ-ahˇ duˇ laˇ ni Miˬyehˇ neh sheuˬ ceuˆ doˆ taˬ-euˬ meh.

Dawˬmehˬ 33:3

Aˬ yawꞈ-euˬ tsawˇ haˬ heu deuˬ-ahˇ, Sahˬpaˬ Miˬyehˇ gaˬ-eu miˇ neh, ngehˬ gʼeh dah teˬ haw piˇ-eu meh. Aˬ kuiˇ uˬ moˆ tah uˇ leˇ-awˇ, yawꞈ-euˬ ehˇ dawˬ aˬ dui geuꞈ ma.

Piˇliˇpiˆ 1:6

Muiˬ-eu gaˇ heu hmˬ-ahˇ naw maꞈ laꞈ kʼoeˇ aˇ dahˬ beh le-euˬ gʼaˬ pyeuꞈ-eu Miˬyehˇ-aˬ, gaˇ heu hmˬ mˇ jiˇ-eu aˇ nah pyeuꞈ-eu Yeˬsuˇ Ka li zaꞈ le-eu Aˇ nah-ahˇ keuˆ ni mˇ daˆ gʼeh leꞈ tehꞈ-a lehˇ ngaˇ jah duˬ taˬ-euˬ ma.

2 Teˇsaˬloˇni 2:13

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ gaˬ-eu tsawˇ haˬ deuˬ pyeuꞈ-eu naw maꞈ gʼaˇ duˬ Miˬyehˇ-euˬ guiˬ lahˬ-ahˇ nga maꞈ maˬ ja ceuˬ-ehˇ tiˬ kʼehˬ-iˬ maˬ jawˇ coeˇ nya. Aˬ jeˬ miˇ neh ehˇ naˇ, Yaw sahˇ Miˬyehˇ-euˬ baoˬ baˬ da neh naw maꞈ-ahˇ bi muiˬ bi shawˇ laˇ-awˇ, yaw tsaˬ yaw dawˇ-ahˇ naw maꞈ jah-eu baˬ da neh ka kʼoꞈ-eu jeˬ bi za-eu gʼaˇ duˬ, mˬ hawˇ-eu miˇ maˬ beh mi naˆ-ehˇ naw maꞈ-ahˇ Miˬyehˇ tseˇ doˆ taˬ-euˬ meh.

1 Tiˆmoˇseˬ 1:16

Aˬ cawˬ naˆ maˬ tseˇ iˬ baˇ huiˬ dzehˬ-eu gʼaˬ pyeuꞈ-eu ngaˬ-ahˇ Yeˬsuˇ Ka li nui ma gʼawˬ mahˇ ni taˬ-awˇ oˇ dzeuˇ nehˬ laꞈ gaˇ keuˆ ni, Miˬyehˇ ngaˬ-ahˇ gʼawˬ shaˬ gaˬ nehˬ laꞈ-euˬ meh. Kʼoeˇ-aˬ, aˇ nah aˬ yawꞈ-ahˇ jah-eu laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ za-eu tsawˇ haˬ deuˬ bi dzaw geuꞈ-eu gʼaˇ duˬ pyeuꞈ-eu meh.

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

1 Beˬtuˆluˆ 1:5

Laꞈ sawˬ kʼoeˇ-aˬ, naw maꞈ-euˬ gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ Ka li-ahˇ jah-eu tsawˇ haˬ pyeuꞈ-eu miˇ neh, aˇ saˬ saˬ-eu aˇ nah aˇ yamˬ-ahˇ pah mehˬ-eu lehˇ lehˬ hmˬ taˬ-euˬ ka kʼoꞈ-eu jeˬ-ahˇ za nya ni, Miˬyehˇ-euˬ baoˬ neh haw lahˇ taˬ-euˬ tsawˇ haˬ pyeuꞈ-eu meh.

1 Yoˇhaˬ 1:2

Saˬ laˇ dehꞈ-eu jeˬ kʼoeˇ-ahˇ mawˇ nya ni pah mehˬ nehˬ laꞈ ngeh, nga maꞈ ya mawˇ duˬ-euˬ ma. Kʼoeˇ miˇ neh, gaˇ kawˆ kʼoeˇ nga maꞈ ja-awˇ, yaw beh Aˬda Miˬyehˇ nehˬ-ehˇ jawˇ-euˬ mˬ maˬ maˬ byaˆ zaˇ ziˇ dehꞈ-eu saꞈ laˇ kʼoeˇ nymˬ-mˇ aˬ dui-ahˇ bi siˬ bi mawˇ le-euˬ gaˇ kawˆ naw maꞈ-ahˇ ja mehˬ-eu ma.

1 Yoˇhaˬ 2:19

Tsawˇ haˬ heu deuˬ-aˬ, aˬ dui-euˬ aˇ maꞈ aˇ muˇ-ahˇ maˇ maˇ ni taꞈ-eu deuˬ maˬ ngeuˇ-a. Kʼoeˇ miˇ neh, aˬ yawꞈ maꞈ aˬ dui-ahˇ gʼawˬ-iˇ-eu meh. Aˬ yawꞈ maꞈ aˬ dui-euˬ aˇ maꞈ aˇ muˇ-ahˇ taꞈ law nmˇ-aˬ, aˬ dui-ahˇ maˬ gʼawˬ-iˇ ni jawˇ tehꞈ-a. Aˬ yawꞈ maꞈ aˬ dui-ahˇ maˬ taꞈ-eu gaˇ kawˆ bi siˬ duˬ laˇ-eu gʼaˇ duˬ, aˬ dui-ahˇ gʼawˬ-iˇ-euˬ jeˬ pyeuꞈ-eu meh.

1 Yoˇhaˬ 2:25

Mˬ maˬ maˬ byaˆ zaˇ ziˇ dehꞈ-eu jeˬ aˬ dui-ahˇ biꞈ nehˬ laꞈ-eu gʼaˇ duˬ, Ka li neh saˇ jaˇ dzaˬ taˬ-euˬ jaˆ-eu meh.

1 Yoˇhaˬ 5:11

Saˇ kiˇ kamˬ-euˬ dawˬ kʼoeˇ-aˬ, heu loꞈ-ehˇ meh. Miˬyehˇ aˬ dui-ahˇ mˬ maˬ maˬ byaˆ zaˇ ziˇ dehꞈ-eu jeˬ biꞈ laˬ-euˬ meh. Mˬ maˬ maˬ byaˆ zaˇ ziˇ dehꞈ-eu jeˬ kʼoeˇ-aˬ, Zaˬmaˇ-ahˇ neh oe-euˬ meh.

Yuˇdaˆ 1:1

Yeˬsuˇ Ka li-euˬ zaˬ kʼaˆ hawˇ-eu Yaˬkoˆ-euˬ mehˇ nmˇ pyeuꞈ-eu ngaˇ Yuˇdaˆ, Aˬda Miˬyehˇ-euˬ gʼoeˇ-eu gaˬ-eu jeˬ hawˇ-eu Yeˬsuˇ Ka li-euˬ bo saˆ haw piˇ-eu jeˬ laꞈ kʼoeˇ jawˇ luꞈ-eu, Miˬyehˇ neh kuˇ doˆ taˬ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

Yuˇdaˆ 1:21

Aˬ dui-euˬ Sahˬpaˬ Yeˬsuˇ Ka li gʼawˬ shaˬ gaˬ nehˬ laꞈ-eu laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ biꞈ laꞈ gaˇ naw maꞈ loꞈ luꞈ-eu loꞈ-ehˇ, Miˬyehˇ-euˬ gʼoeˇ-eu gaˬ-eu jeˬ laꞈ kʼoeˇ naw maꞈ yaw muiˬ-ehˇ jawˇ-awˬ.

Yuˇdaˆ 1:24

Naw maꞈ-ahˇ maˬ bi coˬ-iˇ ni bo saˆ hehˇ tehˇ nya-awˇ, yaw shehꞈ kʼahˬ sehˇ tiˬ byah ni jaˆ-eu aˬ yawꞈ jawˇ gaˇ naw maꞈ-ahˇ iˬ baˇ taˬ kʼaˇ maˬ za-ehˇ laˬ kʼaˬ tiˬ cehˇ sheuˬ keuˆ nehˬ nya-eu Miˬyehˇ-ahˇ, aˬ dui-euˬ Sahˬpaˬ Yeˬsuˇ Ka li baˬ da neh, yaw shehꞈ kʼahˬ sehˇ maˬ ehˇ, huiˬ-eu mahˇ-eu jeˬ maˬ ehˇ, baoˬ maˬ ehˇ, uˆ lahˇ-eu dzoeˬ dzaˬ maˬ ehˇ, aˇ hu-euˬ ziˇ, heu ziˇ, aˬ kaˇ mˬ maˬ maˬ byaˆ zaˇ ziˇ keuˆ ni jaˆ luꞈ-uˇ. Aˬ miˬ.

1 Saˬmeuˬlaˆ 2:9

“Yawꞈ-ahˇ saˇ jaˇ ziꞈ-eu deuˬ-ahˇ, yaw dehꞈ dehꞈ gaˇ haw piˇ nehˬ-awˇ, maˬ tsaˬ maˬ dawˇ-eu tsawˇ haˬ deuˬ, yaw zahˇ laꞈ kʼoeˇ byoˆ-iˇ-eu meh. Tsawˇ haˬ zaˬ yawˬ ha-euˬ gʼaˬ neh, gʼaˬ leˇ-eu gʼaˬ maˬ pyeuꞈ laˇ-a.