Yeˬsaˬgeˬlaˇ 7:7 - Akha

⁷ Miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ deuˬ-oˇ, naw maꞈ gʼaˇ duˬ aˇ saˬ saˬ-eu jeˬ keuˆ le luꞈ meh. Gawˬ jawˬ-ahˇ jaˆ-eu uˬ duˬ tahˬ-eu jawˇ duˬ deuˬ-ahˇ byawˬ gʼa-eu aˇ yamˬ jiˇ le-awˇ, guˆ-eu gaˆ-eu jeˬ keuˆ le-eu aˇ yamˬ peh laˇ-euˬ meh.

Yeˬsaˬgeˬlaˇ 7:7 ပူးပေါင်းရင်းမြစ်များ

Aˇ dahˬ 19:15

Uˬ bya bya laˇ ngeh, mˬ taˆ gʼaˬ kʼehˇ deuˬ Lawˇtaˬ-ahˇ yaw kawˇ-ehˇ bi lehˬ hmˬ-euˬ meh. “Yaw kawˇ-ehˇ lehˬ hmˬ tehˇ tehˬ-awˬ. Meuˬ heu meuˬ-ahˇ laˆ cawˆ ngeh naw maꞈ maˬ ya shiˇ ni, nawˬ-euˬ miˬ zaˬ hawˇ-eu nawˬ buˇ nyiˬ buˇ sheuˬ-awˇ yaw kawˇ-ehˇ doˆ-iˇ-awˬ” lehˇ, mˬ taˆ gʼaˬ kʼehˇ kʼoeˇ nyiˬ gʼaˬ Lawˇtaˬ-ahˇ ehˇ nehˬ-euˬ meh.

Aˇ dahˬ 19:24

Tiˬ poˆ tehꞈ-ehˇ, miˬ dzaˬ doꞈ luꞈ-eu miˬ dzaˇ dzaˇ shuiˇ deuˬ, uˬ yehˇ yehˇ-eu loꞈ-ehˇ, Sawˇdoˬ meuˬ hawˇ-eu Gawˇmawˇlaˆ meuˬ kʼoeˇ taˆ Sahˬpaˬ Miˬyehˇ bi ga le-euˬ meh.

Iˇsaˬyaˇ 13:22

Loꞈ-eu nymˇ goˇ hawˇ-eu sahˬ paˬ-euˬ nymˇ laꞈ kʼoeˇ, kʼaˬ yehˇ hawˇ-eu bawˇ tsahˬ aˬ kuiˬ deuˬ lawꞈ gʼa tehꞈ-a. Baˬbuˇloˬ meuˬ-euˬ aˇ nah aˇ yamˬ keuˆ le luꞈ meh. Gʼawˬ myahˇ ni maˬ paˇ ca meh.”

Iˇsaˬyaˇ 16:10

Miˇ tsaˬ muiˬ dui dui-eu deh yaˇ-ahˇ, laˬ kʼaˬ cehˇ luꞈ-eu tiˬ gʼaˬ-iˬ maˬ paˇ ya mawˇ meh. Aˬ gaꞈ yaˇ kmˇ laꞈ kʼoeˇ dawˬ caˇ caˇ-awˇ guˇ-eu teˇ saˇ, maˬ paˇ ya gaˬ haw meh. Aˬ gaꞈ dzaˇ uiˇ lehˬ-eu tsawˇ haˬ maˬ paˇ ya mawˇ-ehˇ, laˬ kʼaˬ cehˇ-awˇ guˇ-eu teˇ saˇ byoˆ tsehˆ-euˬ meh.

Iˇsaˬyaˇ 17:14

Uˬ ciꞈ paw keuˆ le-eu guˆ-eu gaˆ-eu jeˬ, uˬ bya maˬ bya laˇ mi naˆ-ehˇ byoˆ jiˇ-eu meh. Aˬ dui miˇ kʼahˬ-ahˇ guiˇ deuˆ le-awˇ, myawˬ gahˬ ceh geuꞈ le-eu deuˬ-euˬ guiˬ lahˬ, kʼoeˇ naˆ ni doeˇ-eu meh.

Iˇsaˬyaˇ 22:5

Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ, bi siˬ bi mawˇ-eu jeˬ-euˬ deh kʼawꞈ-ahˇ, shaˬ zahˬ guˆ gaˆ-eu jeˬ bi keuˆ le-eu aˇ yamˬ meh. Meuˬ meuˬ lahˇ bi laˆ byaˆ jiˇ-awˇ, ngoeˇ-eu teˇ saˇ gawˬ jawˬ-ahˇ tahˬ leˇ luꞈ meh.

Yeˬlaˬmiˇ 20:7

Sahˬpaˬ Miˬyehˇ-oˇ, nawˇ ngaˬ-ahˇ mehˇ shuiˇ shuiˇ-awˇ, ngaˇ nawˬ-euˬ mehˇ shuiˇ shuiˇ duˬ ma. Ngaˇ naˆ maˬ tseˇ nawˇ gʼaˬ kʼaˆ-awˇ, ngaˬ-ahˇ zuiˆ gʼaˬ-eu meh. Yawˬ gʼaˬ na luꞈ ngaˬ-ahˇ cehꞈ lehꞈ ka-awˇ, nah doˆ le ngeh naˬ gʼa-eu meh.

Yeˬlaˬmiˇ 50:27

Aˬ yawꞈ maꞈ-euˬ yehˇ deuˬ-ahˇ jeˬ zaˬ sehꞈ-eu loꞈ-ehˇ sehꞈ gahˬ gʼeh-awˬ. Baˬbuˇloˬ tsawˇ haˬ kʼoeˇ taˆ yaw cawˆ jeˬ keuˆ le-euˬ meh. Aˬ yawꞈ maꞈ-ahˇ yaw kʼaˆ-ehˇ kʼehˬ nehˬ-eu aˇ yamˬ tsaˬ laˇ taˬ-euˬ meh.”

Yeˬsaˬgeˬlaˇ 12:28

Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Aˇ yamˬ gʼawˬ myahˇ ni maˬ paˇ nyi naˬ ma. Ngaˬ neh ehˇ taˬ-euˬ jeˬ bi keuˆ le ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 30:3

Sahˬpaˬ Miˬyehˇ nui ma pehˇ gaˇ, ya mawˇ-eu nah keuˆ le luꞈ meh. Miˇ kʼahˬ tsawˇ jeuˬ dawˬ tawˆ kʼoeˇ taˆ, shaˬ zahˬ mˬ dmˇ ciˬ tehˬ le-eu aˇ nah kʼoeˇ nah keuˆ le luꞈ meh.

Yeˬsaˬgeˬlaˇ 7:12

Aˇ yamˬ peh le luꞈ meh. Miˬyehˇ kʼehˬ-eu kʼaˆ-eu jeˬ yawˬ gʼaˬ na luꞈ kʼoeˇ taˆ tiˬ kawˆ loꞈ-ehˇ keuˆ le-eu miˇ neh, ahˬ taꞈ zeuˇ taꞈ-eu jeˬ tiˬ pawꞈ-iˬ gaˇ dahˇ maˬ tsoeˬ ni pyeuꞈ-iˇ-eu aˇ nah keuˆ le luꞈ meh.

Yawˇlaˆ 1:15

Baoˬ huiˬ-eu gʼaˬ-euˬ aˬ laꞈ neh, laˆ cawˆ-eu jeˬ bi keuˆ le-eu, Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Aˬmoˆ 4:13

Gawˬ jawˬ tehˆ-euˬ, Miˬyehˇ neh meh. Jaˬ lehˇ beh-euˬ Miˬyehˇ neh meh. Yawꞈ-euˬ nui noeˬ tsawˇ-ahˇ mehˬ-awˇ, nah gʼahˇ uˬ ciꞈ laˆ pyeuꞈ nya-awˇ, mˬ-ahˇ jawˇ-awˇ miˇ-ahˇ dzoeˬ-eu, Yawꞈ-euˬ tsawˇ myahˇ Baoˬ huiˬ Miˬyehˇ, Sahˬpaˬ Miˬyehˇ lehˇ kuˇ-eu meh.

1 Beˬtuˆluˆ 4:17

Yaˇ kʼaˬ daˇ-eu aˇ yamˬ peh le-euˬ meh. Miˬyehˇ-euˬ tsawˇ haˬ deuˬ-ahˇ jeˬ huˬ daˇ-eu lehˇ gʼeh-eu meh. Aˬ dui-ahˇ jeˬ huˬ daˇ dahˬ beh naˇ, Miˬyehˇ jawˇ gaˇ neh oe-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ jah-eu tsawˇ haˬ deuˬ gʼaˇ duˬ aˬ joˆ-ehˇ aˇ saˬ saˬ nmˇ.