Yeˬsaˬgeˬlaˇ 7:3 - Akha

³ “Iˇsaˬleˬlaˆ-oˇ, aˇ saˬ saˬ-eu jeˬ keuˆ le-euˬ meh. Nawˬ neh kʼaˇ mˇ kʼaˇ shaˇ-euˬ loꞈ-ehˇ, nawˬ-ahˇ ngaˇ yaˇ kʼaˬ daˇ-eu miˇ neh, ngaˇ nui ma pehˇ-eu jeˬ nawˬ-ahˇ siˬ laˇ tehꞈ-a. Nawˇ dehꞈ cawˆ-euˬ aˇ poeˬ, nawˬ-ahˇ ngaˇ paˇ biꞈ kʼoꞈ nehˬ ma.

Yeˬsaˬgeˬlaˇ 7:3 ပူးပေါင်းရင်းမြစ်များ

Aˇ dahˬ 6:13

Noˇaˬ-ahˇ Miˬyehˇ ehˇ nehˬ-eu, “Tsawˇ haˬ dawˬ tawˆ luꞈ bi shiˇ jiˇ-awˇ, ziˇ dahˬ bi dahˬ-iˇ ma lehˇ ngaˇ noeˬ tsehˆ taˬ-euˬ ma. Aˬ yawꞈ maꞈ dawˬ tawˆ luꞈ piˬ-iˇ byoˆ-iˇ jiˇ ngeh keuˆ ni, ngaˇ jahˇ nehˬ ma. Aˬ jeˬ miˇ neh ehˇ naˇ, miˇ kʼahˬ kʼahˬ lah ni aˬ yawꞈ maꞈ neh yaw haiˬ jeˬ mˇ byah jiˇ taˬ-euˬ meh.

Iˇsaˬyaˇ 47:7

Aˬ myah luꞈ sahˬ paˬ ma ya geuꞈ ma lehˇ nawˇ noeˬ tmˬ-awˇ, gaˇ kawˆ heu deuˬ-ahˇ nawˇ maˬ shaˇ sawˇ ni, mehˬ hu paw pyeuꞈ laˇ-eu gaˇ kawˆ maˬ shaˇ noeˬ-a.

Yeˬlaˬmiˇ 13:14

Kʼoeˇ naˇ, ciˬ cuˇ tiˬ siˬ tiˇ siˬ biˬ paˆ-eu loꞈ-ehˇ, zaˬ huiˬ zaˬ nyiˇ maˬ tsehˇ ni aˬ yawꞈ maꞈ-ahˇ ngaˇ jahˇ nehˬ ma. Aˬ yawꞈ maꞈ-ahˇ ngaˇ sehꞈ ngeh, gʼawˬ shaˬ gaˬ-eu jeˬ neh laˆ tsoeˬ le kʼawꞈ, maˬ laˆ tsoeˬ nya-aˇ.”

Yeˬsaˬgeˬlaˇ 11:21

Ehˇ kʼawꞈ, jawꞈ dui dui-awˇ nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ-ahˇ uˬ duˬ kʼaˇ tahˬ-eu tsawˇ haˬ deuˬ-ahˇ, ngaˇ kʼehˬ nehˬ kʼaˆ nehˬ ma. Aˬ yawꞈ maꞈ neh mˇ-euˬ shaˇ-euˬ loꞈ-ehˇ, aˬ yawꞈ maꞈ-ahˇ ngaˇ kʼehˬ nehˬ kʼaˆ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 16:38

Aˬ cawˬ aˬ da nehˬ-ehˇ bahˬ-euˬ jeˬ hawˇ-eu meh maˬ laˇ geuꞈ-euˬ jeˬ aˇ poeˬ, ngaˇ nawˬ-ahˇ yaˇ kʼaˬ daˇ-awˇ, ngaˇ nui ma pehˇ dui dui-eu laꞈ kʼoeˇ, shiˇ gaˇ keuˆ ni nawˬ-ahˇ ngaˇ kʼehˬ ma.

Yeˬsaˬgeˬlaˇ 16:43

Nawˇ zaˬ guˬ pyeuꞈ ngeh ngaˬ neh nawˬ-ahˇ mˇ nehˬ-euˬ jeˬ nawˇ ngehˇ jiˇ-awˇ, nawˬ neh kʼaˇ mˇ-euˬ yawˬ jeˬ na luꞈ ngaˬ-ahˇ nui ma laˆ pehˇ nehˬ laꞈ-euˬ meh. Kʼoeˇ miˇ neh, kʼoeˇ deuˬ dawˬ tawˆ luꞈ aˇ poeˬ nawˬ-ahˇ ngaˇ paˇ jahˇ kʼoꞈ-euˬ ma. Kʼaˇ jawꞈ kʼaˇ doeˇ-eu jeˬ mˇ-euˬ uˬ taꞈ-ehˇ, aˬ jeˬ miˇ neh ciˇ piˇ piˇ te” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 16:59

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ neh saˇ jaˇ dzaˬ-euˬ dawˬ-ahˇ nawˇ yehˬ bawˬ-ehˇ gʼeh-awˇ, dawˬ ma saˇ jaˇ-ahˇ puiˬ-euˬ miˇ neh, nawˬ-ahˇ oꞈ-eu geuˇ-eu loꞈ-ehˇ ngaˇ jahˇ nehˬ ma.

Yeˬsaˬgeˬlaˇ 18:30

“Nymˬ-mˇ poˆ jawˇ-aˬ, naw maꞈ Iˇsaˬleˬlaˆ tsawˇ haˬ yawˬ gʼaˬ na luꞈ-ahˇ, yawˬ ha neh kʼaˇ mˇ kʼaˇ shaˇ-euˬ gaˇ haw-awˇ yaˇ kʼaˬ daˇ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Naw maꞈ-euˬ iˬ baˇ neh naw maꞈ-ahˇ maˬ bi laˆ cawˆ ni, naw maꞈ mˇ luꞈ-eu yaw haiˬ jeˬ byehˇ dzeh jiˇ-awˬ.

Yeˬsaˬgeˬlaˇ 21:25

“Iˇsaˬleˬlaˆ miˇ kʼahˬ-ahˇ uˆ lahˇ luꞈ-eu maˬ muiˬ maˬ shawˇ-eu tsawˇ haˬ yaw haiˬ gʼaˬ-oˇ, nawˬ-ahˇ aˇ saˬ saˬ-eu poˆ kʼehˬ-eu aˇ nah keuˆ le luꞈ meh.

Yeˬsaˬgeˬlaˇ 22:31

Ehˇ kʼawꞈ, maˬ poˆ mawˇ nya nya. Kʼoeˇ miˇ neh, ngaˇ nui ma pehˇ-eu jeˬ aˬ yawꞈ maꞈ kʼoeˇ taˆ bi keuˆ le-awˇ, aˬ yawꞈ maꞈ neh mˇ-euˬ jeˬ aˇ poeˬ, miˬ dzaˬ loꞈ-ehˇ aˬ yawꞈ maꞈ-ahˇ ngaˇ laˆ cawˆ nehˬ ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 24:14

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Ngaˇ nawˬ-ahˇ ya jahˇ nehˬ-eu aˇ yamˬ keuˆ laˇ-euˬ meh. Nawˬ-euˬ iˬ baˇ-ahˇ ngaˇ maˬ ngehˇ-ehˇ, nawˬ-ahˇ ngaˇ gʼawˬ shaˬ maˬ gaˬ nehˬ. Nawˬ neh kʼaˇ mˇ-euˬ loꞈ-ehˇ nawˇ ya daˬ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 33:20

Ehˇ kʼawꞈ, Iˇsaˬleˬlaˆ-oˇ, ngaˇ mˇ-eu maˬ tsaˬ nga lehˇ naw maꞈ ehˇ-eu meh. Naw maꞈ mˇ gaˇ shaˇ gaˇ haw-awˇ, naw maꞈ-ahˇ ngaˇ yaˇ kʼaˬ daˇ ma.”

Yeˬsaˬgeˬlaˇ 36:19

Aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ-eu baˬ da neh, aˬ yawꞈ maꞈ-ahˇ ngaˇ maˬ haw nahˇ-ehˇ, aˬ cawˬ miˇ kʼahˬ doe ni teh byaˆ nehˬ-euˬ ma.

Yeˬsaˬgeˬlaˇ 5:12

Nawˬ-euˬ tsawˇ haˬ smˬ bymˇ tiˬ bymˇ-aˬ, naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ baˬ da neh meuˬ laꞈ kʼoeˇ ya shiˇ tehꞈ-a. Smˬ bymˇ tiˬ bymˇ-aˬ, meuˬ-euˬ laꞈ nyiˇ mi cehˇ neh bi sehꞈ tehꞈ-a. Dzeˇ-eu smˬ bymˇ tiˬ bymˬ-ahˇ jaˬ lehˇ laꞈ kʼoeˇ byaˆ dzeh-awˇ, ngaˬ-euˬ mi cehˇ neh caw teh ma.

Yeˬsaˬgeˬlaˇ 5:13

Ngaˇ nui kʼahˇ tiˬ shiˇ maˬ ya jahˇ nehˬ gʼaˬ kʼoeˇ keuˆ ni, ngaˬ-euˬ nui pehˇ naw maꞈ ya mawˇ duˬ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ saˇ jaˇ maˬ ziꞈ gaˇ ngaˇ nui ma pehˇ dui dui-awˇ ehˇ luꞈ-eu ngaˇ lehˇ, naw maꞈ ya siˬ duˬ tehꞈ-a.

Yeˬsaˬgeˬlaˇ 7:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, Iˇsaˬleˬlaˆ miˇ kʼahˬ-ahˇ heu loꞈ-ehˇ ehˇ nehˬ-eu lehˇ gʼeh-eu ma. Heu-aˬ, miˇ kʼahˬ heu kʼahˬ kʼahˬ lah ni gʼaˇ duˬ aˇ saˬ saˬ-eu aˇ nah aˇ yamˬ meh.

Yeˬsaˬgeˬlaˇ 7:27

Miˇ kʼahˬ sahˬ paˬ tsawˇ ngoeˇ ngoeˇ-awˇ, sahˬ paˬ zaˬ yo deuˬ nui ma ga ka jiˇ-awˇ, miˇ kʼahˬ zaˬ deuˬ yaw dzuˬ dzuˬ tawˆ tawˆ tehꞈ-a. Naw maꞈ neh kʼaˇ mˇ-euˬ loꞈ-ehˇ naw maꞈ-ahˇ ngaˇ kʼehˬ nehˬ kʼaˆ nehˬ-awˇ, naw maꞈ neh aˬ cawˬ-ahˇ yaˇ kʼaˬ daˇ-euˬ loꞈ-ehˇ, naw maꞈ-ahˇ ngaˇ yaˇ kʼaˬ daˇ poˆ ma. Heu-aˬ, ngaˇ Sahˬpaˬ Miˬyehˇ pyeuꞈ-eu gaˇ kawˆ, naw maꞈ-ahˇ bi siˬ bi mawˇ-eu tiˬ jeˬ ma.”

Yeˬsaˬgeˬlaˇ 7:4

Nawˬ-ahˇ ngaˇ maˬ taˬ nehˬ. Gʼawˬ shaˬ kʼawꞈ maˬ gaˬ nehˬ. Ngaˇ Sahˬpaˬ Miˬyehˇ pyeuꞈ-eu gaˇ kawˆ nawˬ-ahˇ siˬ leˇ ni, nawˬ neh mˇ-euˬ nui daˆ daˆ laˇ paˬ-ehˇ gʼeh-eu jeˬ aˇ poeˬ, nawˬ-ahˇ ngaˇ kʼehˬ nehˬ kʼaˆ nehˬ ma.”

Yeˬsaˬgeˬlaˇ 9:10

Kʼoeˇ miˇ neh, aˬ yawꞈ maꞈ-ahˇ ngaˇ gʼawˬ shaˬ maˬ gaˬ nehˬ. Aˬ yawꞈ maꞈ neh aˬ cawˬ-ahˇ jahˇ nehˬ taˬ-euˬ jaˆ-eu loꞈ-ehˇ, aˬ yawꞈ maꞈ-ahˇ ngaˇ jahˇ nehˬ ma.”

Hawˇseˬ 12:3

Aˬ yawꞈ maꞈ-euˬ aˬ poeˬ Yaˬkoˆ, uˬ maˆ laꞈ kʼoeˇ uˇ luꞈ ngeh neh, Iˇsawˇ-euˬ kuiˇ nuiꞈ-ahˇ tsuˆ-awˇ, aˬ yawꞈ paˇ huiˬ loˆ laˇ ngeh jawˇ, Miˬyehˇ nehˬ-ehˇ paˇ dawꞈ-euˬ meh.

Aˬmoˆ 8:2

“Aˬmoˆ-oˇ, nawˇ aˬ jeˬ mawˇ teˬ” lehˇ, Sahˬpaˬ Miˬyehˇ ngaˬ-ahˇ naˇ haˬ-eu miˇ neh, “Aˇ siˬ kʼa sa tiˬ sa mawˇ-euˬ ma” lehˇ ngaˇ ehˇ kʼoꞈ nehˬ-eu ma. Sahˬpaˬ Miˬyehˇ ngaˬ-ahˇ ehˇ-eu, “Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ gʼaˇ duˬ aˇ saˬ saˬ-eu aˇ yamˬ keuˆ le luꞈ meh. Ngaˇ nui ma maˬ paˇ ni aˬ yawꞈ maꞈ-ahˇ kʼehˬ nehˬ kʼaˆ nehˬ ma.