Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yeˬsaˬgeˬlaˇ 5:2 - Akha

2 Nawˬ-euˬ uˬ duˬ tsehˇ kahˇ smˬ bymˇ saˆ paˆ-awˬ. Meuˬ-ahˇ loꞈ jawˬ-euˬ aˇ yamˬ jiˇ ngeh, tiˬ bymˇ keuˬ dzeh-awˬ. Tiˬ bymˇ-aˬ, meuˬ-euˬ laꞈ nyiˇ nawˇ cah ngeh, mi cehˇ neh byehˆ byehˆ-ehˇ cah-awˬ. Tiˬ bymˇ-aˬ, jaˬ lehˇ laꞈ kʼoeˇ byaˆ gʼeh-awˬ. Kʼoeˇ-euˬ mehˬ nah ngaˬ-euˬ mi cehˇ neh ngaˇ caw teh gʼeh ma.

အခန်းကိုကြည့်ပါ။ ကော်ပီ




Yeˬsaˬgeˬlaˇ 5:2
19 ပူးပေါင်းရင်းမြစ်များ  

Kʼaˇ shuiꞈ deh ga paw neh oe-euˬ jaˬ lehˇ lehˇ ma, gʼo yoeˬ baw byoˆ gʼeh-eu loꞈ-ehˇ, Sahˬpaˬ Miˬyehˇ naw maꞈ-ahˇ byaˆ dzeh nehˬ tehꞈ-a.


Aˬ geu paw ya iˇ byoˆ nmˇ lehˇ, aˬ yawꞈ maꞈ nawˬ-ahˇ naˇ haˬ ngeh, tiˬ paˆ na deuˬ naˇ-awˇ shiˇ gaˇ maˬ ehˇ, tiˬ paˆ na deuˬ guiˇ deuˆ-awˇ ya shiˇ gaˇ maˬ ehˇ, tiˬ paˆ na deuˬ hawˬ mehꞈ ya dzahˬ sehꞈ gaˇ maˬ ehˇ, tiˬ paˆ na deuˬ aˬ cawˬ bi paꞈ gʼeh gaˇ maˬ ehˇ, ya daˬ meh lehˇ ngaˬ neh ehˇ taˬ-euˬ dawˬ, aˬ yawꞈ maꞈ-ahˇ nawˇ ehˇ nehˬ-awˬ.


Aˬ yawꞈ maꞈ hawˇ-eu aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ tiˬ gʼaˬ-iˬ maˬ dzeˇ-ehˇ pyeuꞈ-iˇ ngeh keuˆ ni, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ, aˬ yawꞈ maꞈ kʼoeˇ taˆ ngaˇ bi keuˆ le ma.”


“Meuˬ heu meuˬ laꞈ kʼoeˇ kʼaˇ jawˇ yaꞈ-eu tsawˇ haˬ deuˬ, guiˇ deuˆ-eu laꞈ kʼoeˇ, maˬ ngeuˇ naˇ mehꞈ-eu shuꞈ-eu laꞈ kʼoeˇ, maˬ ngeuˇ naˇ naˇ-eu gawˇ-eu laꞈ kʼoeˇ ya shiˇ jiˇ tehꞈ-a. Ehˇ kʼawꞈ, laꞈ nyiˇ doˆ-iˇ-awˇ, Baˬbuˇloˬ tsawˇ haˬ deuˬ jawˇ gaˇ uˇ leˇ-eu tsawˇ haˬ deuˬ-aˬ, yaw li uˬ duˬ yawˬ ha-euˬ uˬ kʼawˇ ya buˬ-iˇ tehꞈ-a” lehˇ, Sahˬpaˬ Miˬyehˇ ehˇ-eu gaˇ kawˆ, miˇ kʼahˬ zaˬ deuˬ-ahˇ ngaˇ ehˇ nehˬ-euˬ aˬ yawꞈ maꞈ ya gaˬ-euˬ meh.


Zeˬdaˬkiˇ Yuˇdaˆ sahˬ paˬ geuꞈ-euˬ gʼoeˬ kʼoꞈ tiˬ kʼoꞈ ba la tseˇ siˬ tiˬ siˬ-ahˇ, Baˬbuˇloˬ sahˬ paˬ Neˬbuˬkaˬneˬzaˬ gʼaˬ, aˬ yawꞈ-euˬ guiˇ maꞈ dawˬ tawˆ luꞈ sheuˬ-awˇ, Yeˬluˇsaˬlehˬ meuˬ-ahˇ guiˇ deuˆ le-euˬ meh.


Zeˬdaˬkiˇ sahˬ paˬ geuꞈ-euˬ tseˇ tiꞈ kʼoꞈ tiˬ kʼoꞈ ba la oeˬ siˬ tiˬ siˬ gʼoeˬ nah-ahˇ, meuˬ meuˬ lahˇ byaˆ le-euˬ meh.


Teu baˬ da neh Iˇsaˬleˬlaˆ-euˬ Miˬyehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ gaˇ naˇ haˬ sheˇ. Ngaˇ heu loꞈ-ehˇ jahˇ ma. Ngaˬ-euˬ tsawˇ haˬ deuˬ-ahˇ kʼaˬ jehꞈ ni gʼeh-eu aˇ bawˇ bi teuꞈ-awˇ, dzaˇ doꞈ bi dawˇ ma.


Aˬ yawꞈ maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh maˬ gaˬ haw maˬ mawˇ haw-euˬ tsawˇ jeuˬ deuˬ-euˬ yaw kaˬ-ahˇ aˬ yawꞈ maꞈ-ahˇ ngaˇ teh byaˆ-awˇ, guiˇ maꞈ deuˬ pyehˬ gʼeh leꞈ-eu laꞈ kʼoeˇ, geuꞈ-eu jeˬ maˬ ahˇ gaˇ keuˆ ni aˬ yawꞈ maꞈ-ahˇ bi laˆ cawˆ ma.”


Aˬ yawꞈ-euˬ saˇ naˇ-ahˇ gaˇ mˇ-eu yaw huiˬ yaw mahˇ deuˬ, aˬ yawꞈ-ahˇ nui noeˬ nui duˇ biꞈ-eu deuˬ hawˇ-eu, aˬ yawꞈ-ahˇ loꞈ piˇ-eu deuˬ-ahˇ tiˬ gʼaˬ tiˬ paw ngaˇ teh byaˆ nehˬ jiˇ-awˇ, aˬ cawˬ aˬ yawꞈ maꞈ-ahˇ sehꞈ-eu lehˇ poˆ tehꞈ-a.


Nya dui kʼaˬ dui dui-eu aˬ yawꞈ-euˬ yehˇ deuˬ guiˇ deuˆ gaˇ bi sehꞈ jiˇ-awˇ, maˬ bi sehꞈ ni dzeuˇ-iˇ-euˬ yehˇ deuˬ tiˬ paw tiˬ gʼaˬ-ehˇ cehˆ byaˆ jiˇ tehꞈ-a. Kʼoeˇ ngeh jawˇ, Sahˬpaˬ Miˬyehˇ pyeuꞈ-eu ngaˬ neh ngehˬ-euˬ dawˬ naw maꞈ-ahˇ siˬ duˬ laˇ tehꞈ-a.”


Kʼoeˇ loꞈ-ehˇ jahˇ nehˬ ngeh jawˇ, Yeˬluˇsaˬlehˬ meuˬ-ahˇ jawˇ-eu deuˬ, aˬ ma aˬ da deuˬ zaˬ deuˬ-euˬ shaˬ jiˇ ya dzaˬ gaˇ keuˆ-awˇ, zaˬ deuˬ aˬ ma aˬ da-euˬ shaˬ jiˇ ya dzaˬ gaˇ keuˆ tehꞈ-a. Nawˬ-ahˇ ngaˇ kʼehˬ-awˇ, yawˬ paw na luꞈ byaˆ dzeh gʼeh ngeh, yaw dehꞈ-ehˇ aˬ suˇ gʼaˬ dzeuˇ-iˇ nya nmˇ.


Nawˬ-euˬ tsawˇ haˬ smˬ bymˇ tiˬ bymˇ-aˬ, naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ baˬ da neh meuˬ laꞈ kʼoeˇ ya shiˇ tehꞈ-a. Smˬ bymˇ tiˬ bymˇ-aˬ, meuˬ-euˬ laꞈ nyiˇ mi cehˇ neh bi sehꞈ tehꞈ-a. Dzeˇ-eu smˬ bymˇ tiˬ bymˬ-ahˇ jaˬ lehˇ laꞈ kʼoeˇ byaˆ dzeh-awˇ, ngaˬ-euˬ mi cehˇ neh caw teh ma.


Uˬ duˬ tsehˇ kahˇ ui cuiˆ yuˇ doˆ yaꞈ-awˇ, nawˬ-euˬ pehˇ kʼahˬ pehˇ dahˬ-ahˇ nyehꞈ toeˆ taˬ-awˬ.


Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.


Aˬ yawꞈ maꞈ-ahˇ muiˇ-eu deuˬ neh aˬ yawꞈ maꞈ-ahˇ bi nyehꞈ byoˆ gʼeh kʼawꞈ, aˬ yawꞈ maꞈ-ahˇ sehꞈ-awˬ lehˇ ngaˇ dawˬ biꞈ ma. Aˬ yawꞈ maꞈ-ahˇ ngehˬ gʼeh-eu maˬ ngeuˇ-ehˇ, laˆ cawˆ nehˬ-eu gʼaˇ duˬ nymˬ-mˇ poˆ jawˇ ngaˇ noeˬ tsehˆ taˬ-euˬ ma.”


Sahˬpaˬ Miˬyehˇ ehˇ-eu, “Miˇ kʼahˬ heu kʼahˬ kʼahˬ lah kʼoeˇ taˆ, smˬ bymˇ nyiˬ bymˇ shiˇ byoˆ jiˇ-awˇ, smˬ bymˇ tiˬ bymˇ dehꞈ yaꞈ tehꞈ-a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ