Yeˬsaˬgeˬlaˇ 48:22 - Akha

²² Kʼoeˇ miˇ neh, Leˬbiˇ tsawˇ haˬ deuˬ-euˬ myawˬ gahˬ hawˇ-eu meuˬ kʼoeˇ meuˬ-euˬ myawˬ gahˬ deuˬ-aˬ, dzoeˬ dzaˬ-eu sahˬpaˬ zaˬ yo-euˬ miˇ tsaˬ gʼahˇ ceh jaˆ-eu meh. Dzoeˬ dzaˬ-eu sahˬpaˬ zaˬ yo-euˬ miˇ tsaˬ kʼoeˇ-aˬ, Yuˇdaˆ tsawˇ jeuˬ-euˬ miˇ tsaˬ hawˇ-eu Beˬyaˬmiˬ tsawˇ jeuˬ-euˬ miˇ tsaˬ yaw kaˬ-ahˇ jaˆ-eu meh.

Yeˬsaˬgeˬlaˇ 48:22 ပူးပေါင်းရင်းမြစ်များ

Yeˬsaˬgeˬlaˇ 48:21

Muiˬ-eu shawˇ-eu miˇ tsaˬ kʼoeˇ tsahˇ-euˬ kʼoeˇ dzeˇ heu dzeˇ dzehˬ laˇ-euˬ miˇ tsaˬ hawˇ-eu, meuˬ kʼoeˇ meuˬ laꞈ kʼoeˇ jaˆ-eu myawˬ gahˬ deuˬ-aˬ, dzoeˬ dzaˬ-eu sahˬpaˬ zaˬ yo-euˬ mˇ myawˬ meh. Koꞈ heˇ nyiˬ yaˇ ngaˬ tseˇ lmˇ byah-eu miˇ tsaˬ kʼoeˇ tsahˇ-ahˇ neh, nahˇ ma doˆ kʼehˬ paw jaˆ-eu miˇ kaˬ-ahˇ keuˆ ni maˬ ehˇ, nahˇ ma ga kʼehˬ paw Gʼahˇ ceh-euˬ iˬ ma laˆ shaˆ-ahˇ keuˆ ni maˬ ehˇ, dzoeˬ dzaˬ-eu sahˬpaˬ zaˬ yo-euˬ miˇ tsaˬ meh. Uˬ duˬ tahˬ nymˇ nymˇ ma tsoˆ taˬ-euˬ muiˬ-eu shawˇ-eu miˇ tsaˬ kʼoeˇ tsahˇ-aˬ, aˬ yawꞈ-euˬ miˇ tsaˬ gʼahˇ ceh jaˆ-eu meh.

Yeˬsaˬgeˬlaˇ 48:23

Muiˬ-eu shawˇ-eu miˇ tsaˬ kʼoeˇ tsahˇ-euˬ laꞈ oˆ paw nahˇ ma doˆ kʼehˬ ga kʼehˬ-ehˇ miˇ kaˬ taꞈ taꞈ-ehˇ jaˆ ka leꞈ-euˬ, Iˇsaˬleˬlaˆ tsawˇ jeuˬ nui deuˬ-ahˇ oꞈ-eu miˇ tsaˬ deuˬ-aˬ, heu loꞈ-ehˇ meh. Miˇ tsaˬ yaw beh tsahˇ-aˬ, Beˬyaˬmiˬ tsawˇ jeuˬ-euˬ miˇ tsaˬ meh.

Bawˇtsahˬ 35:2

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Iˇsaˬleˬlaˆ tsawˇ haˬ deuˬ neh za-euˬ miˇ kʼahˬ laꞈ kʼoeˇ, meuˬ tiˬ paˆ na deuˬ hawˇ-eu meuˬ-euˬ tahˬ gʼoꞈ tahˬ jawˇ jaˆ-eu jeˬ zaˬ gaˆ kʼahˬ deuˬ Leˬbiˇ tsawˇ ha deuˬ-ahˇ ya biꞈ meh.