Yeˬsaˬgeˬlaˇ 47:3 - Akha

³ Tsawˇ haˬ kʼoeˇ gʼaˬ daˇ dza yuˇ-awˇ, lawˇ gawˆ caw caw-ehˇ nahˇ ma doˆ kʼehˬ paw nyiˬ yaˇ ngaˬ tseˇ lmˇ dehˬ ka gʼeh-awˇ, ngaˬ-ahˇ lawˇ gawˆ bi tsehˆ laꞈ ngeh, aˬ kuiˇ kuiˇ nuiꞈ-ahˇ keuˆ ni naꞈ laˇ-eu meh.

Yeˬsaˬgeˬlaˇ 47:3 ပူးပေါင်းရင်းမြစ်များ

Yeˬsaˬgeˬlaˇ 40:3

Aˬ yawꞈ ngaˬ-ahˇ kʼoeˇ gaˇ paˇ sheuˬ peh gʼeh-awˇ, guiˬ shuiˇ loꞈ-ehˇ guiˇ nyiˬ ni gʼeh-eu tsawˇ haˬ tiˬ gʼaˬ-ahˇ ya mawˇ-euˬ ma. Tsawˇ haˬ kʼoeˇ gʼaˬ, shawˇ jehˆ ni gʼeh-eu saˬ paˇ neh jahˇ taˬ-eu daˇ dza aˇ caˆ tiˬ caˆ hawˇ-eu, daˇ dza daˇ kawˬ tiˬ kawˬ yuˇ-awˇ, meuˬ lahˇ kʼehˬ dawˬ peh yawꞈ luꞈ-eu meh.

Yeˬsaˬgeˬlaˇ 47:2

Kʼoeˇ naˇ, lahˇ kʼehˬ laꞈ taˆ paw kʼehˬ-ahˇ neh, Uˬ duˬ tahˬ nymˇ nymˇ ma-euˬ lahˇ laꞈ nyiˇ, tsawˇ haˬ kʼoeˇ gʼaˬ ngaˬ-ahˇ sheuˬ doˆ gʼeh-awˇ, nahˇ ma doˆ kʼehˬ paw pyawˬ-ahˇ jaˆ-eu lahˇ kʼehˬ-ahˇ sheuˬ jawˬ keuˆ laꞈ-euˬ meh. Lahˇ kʼehˬ kʼoeˇ kehˬ-euˬ laꞈ oˆ paw pyawˬ-ahˇ neh, lawˇ gawˆ gawˆ zaˬ tiˬ gawˆ yoeˇ doˆ le-euˬ meh.

Yeˬsaˬgeˬlaˇ 47:4

Kʼoeˇ naˇ, nyiˬ yaˇ ngaˬ tseˇ lmˇ paˇ dza ka gʼeh-awˇ, tiˬ poˆ paˇ uˇ-iˇ haw ngeh aˬ kuiˇ pawˬ tsuiꞈ-ahˇ keuˆ ni naꞈ laˇ-eu meh. Nyiˬ yaˇ ngaˬ tseˇ lmˇ paˇ dza ka gʼeh ngeh, joꞈ-ahˇ keuˆ ni naꞈ laˇ-eu meh.

Zaˬkaˬliˇ 2:1

Yaw sahˇ laꞈ kʼoeˇ ya siˬ ya mawˇ-euˬ jeˬ laꞈ kʼoeˇ, daˇ dza aˇ caˆ yuˇ luꞈ-eu tsawˇ haˬ tiˬ gʼaˬ ngaˇ paˇ ya mawˇ-euˬ ma.

Zaˬkaˬliˇ 2:5

Sahˬpaˬ Miˬyehˇ-euˬ mawˇ do miˬ dzaˬ kaˇ pyawˇ loꞈ-ehˇ meuˬ-ahˇ haw piˇ-eu uˬ taꞈ, aˬ yawꞈ-euˬ yaw shehꞈ kʼahˬ sehˇ dawˬ tawˆ luꞈ pi-awˇ kʼoeˇ gaˇ jawˇ ma lehˇ, Sahˬpaˬ Miˬyehˇ saˇ jaˇ dzaˬ taˬ-euˬ meh lehˇ ehˇ nehˬ-awˬ.”

Luˇkaꞈ 24:49

Ngaˬ Da neh ngaˬ-ahˇ biꞈ taˬ-euˬ saˇ jaˇ dawˬ, naw maꞈ-ahˇ ngaˇ paˇ biꞈ-eu ma. Ehˇ kʼawꞈ, mˬ taˆ-euˬ baoˬ naw maꞈ kʼoeˇ taˆ maˬ keuˆ le kʼoeˇ keuˆ ni, meuˬ laꞈ kʼoeˇ naw maꞈ ya dawˬ tawˬ meh.”

Gʼaˬkʼehˇ 2:33

Aˬ yawꞈ-euˬ Aˬda pyeuꞈ-eu Miˬyehˇ-euˬ aˇ maˇ paw aˬ yawꞈ-ahˇ ciˬ huiˬ ciˬ mahˇ keuˆ nehˬ-awˇ, Miˬyehˇ neh saˇ jaˇ dzaˬ taˬ-euˬ jaˆ-eu loꞈ-ehˇ, Yaw sahˇ Miˬyehˇ za-euˬ meh. Nymˬ-mˇ naw maꞈ ya gaˬ ya mawˇ luꞈ-eu heu-aˬ, a yawꞈ neh Yaw sahˇ Miˬyehˇ shehˆ daˆ nehˬ laꞈ-euˬ jeˬ pyeuꞈ-eu meh.

Gʼaˬkʼehˇ 2:4

Aˬ yawꞈ maꞈ dawˬ tawˆ luꞈ-ahˇ Muiˬ-eu shawˇ-eu Yaw sahˇ Miˬyehˇ byah laˇ-awˇ, Yaw sahˇ Miˬyehˇ neh bi ngehˬ bi tmˇ-euˬ loꞈ-ehˇ, dawˬ gʼawˬ mya jeˬ ngehˬ-euˬ meh.

Panmaeq 11:1

Kʼoeˇ naˇ, daˇ dza-ahˇ duˇ-eu daˇ kawˬ tiˬ kawˬ ngaˬ-ahˇ biꞈ laꞈ-awˇ, heu loꞈ-ehˇ ehˇ nehˬ laꞈ-euˬ meh. “Miˬyehˇ-euˬ uˬ duˬ tahˬ nymˇ nymˇ ma hawˇ-eu lawˇ duˬ-ahˇ dza haw-iˇ-awˇ, uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ luꞈ-eu tsawˇ haˬ deuˬ-ahˇ gui haw-awˬ.

Panmaeq 21:15

Ngaˬ-ahˇ dawˬ ngehˬ cawˬ-euˬ mˬ taˆ gʼaˬ kʼehˇ kʼoeˇ gʼaˬ-aˬ, meuˬ-ahˇ maˬ ehˇ, lahˇ kʼehˬ deuˬ-ahˇ maˬ ehˇ, meuˬ meuˬ lahˇ-ahˇ maˬ ehˇ, dza haw-eu shuiˇ daˇ dza ahˇ-eu meh.