Yeˬsaˬgeˬlaˇ 40:6 - Akha

⁶ Kʼoeˇ naˇ, nahˇ ma doˆ kʼehˬ paw pyawˬ-ahˇ jaˆ-eu lahˇ kʼehˬ-ahˇ aˬ yawꞈ iˇ-euˬ meh. Aˬ yawꞈ dawˬ dzm-ahˇ daˆ leˇ-awˇ, lahˇ kʼehˬ uˬ gʼmˬ-ahˇ jawˇ-awˇ dza haw ngeh, lahˇ kʼehˬ yaw goˇ tiˬ lmˇ nui paˆ byah-eu meh.

Yeˬsaˬgeˬlaˇ 40:6 ပူးပေါင်းရင်းမြစ်များ

1 Sahˬpaˬ 6:8

Kaˇ pyawˇ laꞈ nyiˇ jawˬ jawˬ-ehˇ tsoˆ tawꞈ taˬ-euˬ aˇ lawˆ deuˬ-euˬ laꞈ oˆ oˆ saˬ tiˆ-ahˇ uˇ leˇ-eu gʼoˆ kʼehˬ-aˬ, Uˬ duˬ tahˬ nymˇ nymˇ ma-euˬ laꞈ oˆ paw pyawˬ-ahˇ dahˇ-awˇ, nyiˬ tiˆ tiˬ tiˆ hawˇ-eu laꞈ taˆ taˆ saˬ tiˆ-ahˇ uˇ leˇ-eu gʼaˇ duˬ, dawˬ dzm tsoꞈ taˬ-euˬ meh.

1 Laˬsaˬbaˬ 9:18

Aˇ nah aˇ yamˬ kʼoeˇ yamˬ laꞈ kʼoeˇ, nahˇ ma doˆ kʼehˬ paw jaˆ-eu sahˬ paˬ-euˬ lahˇ kʼehˬ-ahˇ aˬ yawꞈ maꞈ-euˬ aˇ jeuˬ aˇ ca deuˬ loꞈ luꞈ-eu meh. Yaw beh-aˬ, Leˬbiˇ tsawˇ haˬ-euˬ sehˬ gʼawˆ-ahˇ le-eu lahˇ kʼehˬ-ahˇ aˬ yawꞈ maꞈ loꞈ-euˬ meh.

1 Laˬsaˬbaˬ 9:24

Laꞈ taˆ pyawˬ, laꞈ oˆ pyawˬ, nahˇ ma doˆ kʼehˬ paw pyawˬ, nahˇ ma ga kʼehˬ paw pyawˬ, heu oeˬ pyawˬ luꞈ, tiˬ pyawˬ-ahˇ lahˇ kʼehˬ tiˬ kʼehˬ dahˇ-awˇ, lahˇ kʼehˬ aˬ yawꞈ kʼehˬ yawꞈ-ahˇ loꞈ luꞈ gaˇ haw-eu pyaˆ-eu aˬ yuiꞈ geuꞈ-euˬ tiˬ gʼaˬ jawˇ-eu meh.

Neˬhaˬmiˇ 3:29

Iˇmeˬlaˇ-euˬ aˬ li Zaˬdoˆ-aˬ, aˬ yawꞈ-euˬ nymˇ mehˬ shi jaˆ-eu kʼoeˇ deuˆ gawˬ-awˇ, Nahˇ ma doˆ kʼehˬ paw-euˬ gʼoˆ kehˬ-ahˇ loꞈ-eu gʼaˬ pyeuꞈ-eu Sheˬkaˬniˇ-euˬ aˬ li Sheˬmaˇyaˬ gʼaˬ tiˬ deuˆ paˇ gawˬ tsaꞈ gʼeh-euˬ meh.

Jaceuq 84:10

Nawˬ-euˬ Uˬ duˬ tahˬ nymˇ nymˇ ma laꞈ kʼoeˇ tiˬ nah jawˇ ciꞈ-euˬ-aˬ, nui gaˇ tiˬ heˇ nah jawˇ-euˬ naˆ maˬ tseˇ poeˬ nya. Haiˬ-eu tsawˇ haˬ deuˬ-euˬ nymˇ laꞈ kʼoeˇ jawˇ-eu naˆ maˬ tseˇ, Miˬyehˇ-euˬ nymˇ gʼoˆ kʼehˬ-ahˇ ya yawꞈ gaˇ ngaˇ nui kʼahˇ shiˇ dzehˬ ma.

Yeˬlaˬmiˇ 19:2

oeˬ lahˬ tehˆ duˬ lahˇ kʼehˬ-ahˇ neh, Hiˬnoˬ deh kʼawꞈ-ahˇ iˇ doˆ gʼeh-awˬ” lehˇ ehˇ-eu meh. Kʼoeˇ gaˇ, aˬ yawꞈ neh bi ngehˬ-euˬ dawˬ deuˬ ngaˇ ya ngehˬ-eu meh.

Yeˬsaˬgeˬlaˇ 10:18

Kʼoeˇ naˇ, Sahˬpaˬ Miˬyehˇ-euˬ yaw shehꞈ kʼahˬ sehˇ Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ neh luˆ laˇ-awˇ, Jeˬluˇbeˬ kʼoeˇ deuˬ-euˬ kʼoeˇ taˆ naˬ leˇ-euˬ meh.

Yeˬsaˬgeˬlaˇ 11:1

Miˬyehˇ-euˬ yaw sahˇ ngaˬ-ahˇ ciˬ diˇ-awˇ, Uˬ duˬ tahˬ nymˇ nymˇ ma-euˬ nahˇ ma doˆ kʼehˬ paw jaˆ-eu lahˇ kʼehˬ-ahˇ sheuˬ gʼeh nehˬ laꞈ-euˬ meh. Lahˇ kʼehˬ dawˬ peh, miˇ kʼahˬ zaˬ kʼoeˇ taˆ aˬ yuiꞈ aˬ tsu geuꞈ luꞈ-eu nyiˬ gʼaˬ pyeuꞈ-eu, Aˬzuˆ-euˬ aˬ li Yaˬzaˬniˇ hawˇ-eu Baˬnaˇyaˬ-euˬ aˬ li Peˬlaˬtiˇ aˬ nyaꞈ ahˇ leˇ-ehˇ, tsawˇ haˬ nyiˬ tseˇ ngaˬ gʼaˬ jawˇ luꞈ gaˇ ngaˇ mawˇ-euˬ ma.

Yeˬsaˬgeˬlaˇ 40:20

Kʼoeˇ naˇ, laꞈ taˆ paw pyawˬ-ahˇ neh Uˬ duˬ tahˬ nymˇ nymˇ ma-euˬ pu kaˬ-ahˇ uˇ leˇ-eu lahˇ kʼehˬ kʼoeˇ kʼehˬ-ahˇ, tsawˇ haˬ kʼoeˇ gʼaˬ dza haw-euˬ meh.

Yeˬsaˬgeˬlaˇ 40:22

Kuˆ lawˆ lawˆ ma maˬ ehˇ, laˇ gʼoˆ zaˬ deuˬ maˬ ehˇ, daoˇ aˇ bawˇ aˇ baˇ taꞈ boꞈ taˬ-euˬ maˬ ehˇ, dawˬ tawˆ luꞈ nahˇ ma doˆ kʼehˬ paw pyawˬ-ahˇ jaˆ-eu lahˇ kʼehˬ-ahˇ jahˇ taˬ-euˬ gaˇ duˇ-eu meh. Heu tsahˇ-ahˇ, lahˇ kʼehˬ-ahˇ le uˇ-eu dawˬ dzm shiꞈ tehꞈ jaˆ-awˇ, gaˇ ma iˇ dzaˬ saˬ-euˬ gaˇ, kuˆ lawˆ lawˆ ma kʼoeˇ lawˆ pu kaˬ paw pyawˇ-ehˇ jaˆ-eu meh.

Yeˬsaˬgeˬlaˇ 40:24

Kʼoeˇ naˇ, tsawˇ haˬ kʼoeˇ gʼaˬ ngaˬ-ahˇ laꞈ oˆ paw pyawˬ-ahˇ sheuˬ gʼeh nehˬ laꞈ-awˇ, lahˇ kʼehˬ tiˬ kʼehˬ jaˆ gaˇ paˇ ya mawˇ-euˬ ma. Lahˇ kʼehˬ kʼoeˇ kʼehˬ-ahˇ aˬ yawꞈ daˇ dza dehˬ haw ngeh, yawˬ jeˬ na luꞈ lahˇ kʼehˬ nui deuˬ kʼaˇ byah-eu naˆ ni byah-eu meh.

Yeˬsaˬgeˬlaˇ 40:26

Gaˇ ma kʼoeˇ kahˇ-ahˇ daˆ keuˆ leˇ-eu dawˬ dzm shiꞈ tehꞈ jaˆ-awˇ, aˬ cawˬ taꞈ-ehˇ huiˬ dzehˬ-eu kuˆ lawˆ kʼoeˇ lawˆ-aˬ, gaˇ ma iˇ dzaˬ saˬ-iˇ-euˬ gaˇ jaˆ-awˇ, Uˬ duˬ tahˬ nymˇ nymˇ ma-euˬ pu kaˬ mehˬ shi nyiˬ paˆ-ehˇ jaˆ-eu meh. Gaˇ ma paw pyawˇ-eu kaˇ pyawˇ deuˬ-euˬ laꞈ kʼoeˇ paw, daoˇ aˇ bawˬ aˇ baˇ taꞈ boꞈ taˬ-euˬ meh.

Yeˬsaˬgeˬlaˇ 40:5

Ngaˬ neh ya mawˇ-euˬ-aˬ, Uˬ duˬ tahˬ nymˇ nymˇ ma pyeuꞈ-awˇ, jawˬ jawˬ-ehˇ lahˇ gawˬ taˬ-euˬ meh. Tsawˇ haˬ kʼoeˇ gʼaˬ, koꞈ caˆ byah-eu daˇ dza yuˇ-awˇ, lahˇ kʼoeˇ lahˇ-ahˇ dza haw-euˬ meh. Daˇ dza kʼoeˇ hmˬ-euˬ tiˬ caˆ-aˬ, tiˬ caˆ uˬ taꞈ laꞈ zaˬ tiˬ daˬ byah-eu meh. Daˇ dza kʼoeˇ neh dza ngeh, lahˇ kʼoeˇ-aˬ, tiˬ lmˇ nui paˆ goˇ-awˇ, yaw tuˇ paw kʼawꞈ tiˬ lmˇ nui paˆ byah-eu meh.

Yeˬsaˬgeˬlaˇ 40:7

Kʼoeˇ-euˬ nui paw gaˇ ma tiˬ kahˇ dahˇ doˆ-awˇ, gaˇ ma kʼoeˇ paˆ ma paˆ-ehˇ, tiˬ paw-euˬ loꞈ-eu kuˆ lawˆ smˬ lawˆ jaˆ-eu meh. Kuˆ lawˆ kʼoeˇ deuˬ oeˬ coeˇ oeˬ bawˬ-ehˇ gʼeh-awˇ, kaˇ pyawˇ tiˬ pyawˬ-euˬ tiˬ lmˇ nui paˆ byah-eu meh. Kuˆ lawˆ tiˬ lawˆ tiˇ lawˆ yaw kaˬ jaˆ-eu kaˇ pyawˇ kʼoeˇ tiˬ lmˇ uˬ taꞈ tiˬ caˆ tuˇ-eu meh. Loꞈ-eu kuˆ lawˆ kʼoeˇ deuˬ-euˬ kʼoeˇ paw dzeˇ, Uˬ duˬ tahˬ nymˇ nymˇ ma mehˬ shi jaˆ-eu kuˆ lawˆ lawˆ ma-ahˇ keuˆ ni, tiˬ lmˇ nui paˆ mahˇ-eu gaˇ ma tiˬ kahˇ bi dahˇ-euˬ meh.

Yeˬsaˬgeˬlaˇ 41:16

kʼoeˇ smˬ lawˆ luꞈ-ahˇ, dawˬ dah teˇ byaꞈ kʼawˬ-awˇ, laˇ gʼoˆ zaˬ-ahˇ keuˆ ni teˇ byaꞈ taw taˬ-euˬ meh. Laˇ gʼoˆ zaˬ kʼoeˇ deuˬ piˬ tehˬ-awˇ bi jaˆ nya-eu meh.

Yeˬsaˬgeˬlaˇ 42:15

Tsawˇ haˬ kʼoeˇ gʼaˬ Uˬ duˬ tahˬ nymˇ nymˇ ma laꞈ kʼoeˇ daˇ dza dehˬ gʼaˬ ngeh, nahˇ ma doˆ kʼehˬ paw pyawˬ-ahˇ jaˆ-eu lahˇ kʼehˬ-ahˇ neh aˬ yawꞈ ngaˬ-ahˇ sheuˬ doˆ gʼeh-awˇ, lahˇ laꞈ nyiˇ paw daˇ dza paˇ dehˬ-euˬ meh.

Yeˬsaˬgeˬlaˇ 43:1

Tsawˇ haˬ kʼoeˇ gʼaˬ ngaˬ-ahˇ nahˇ ma doˆ kʼehˬ paw pyawˬ-ahˇ jaˆ-eu lahˇ kʼehˬ-ahˇ sheuˬ gʼeh nehˬ laꞈ-euˬ meh.

Yeˬsaˬgeˬlaˇ 43:17

Gʼahˇ ceh tiˆ-aˬ, smˬ lmˇ nui paˆ oeˬ bawˬ byah-awˇ, mehˬ dzaˬ caw caw-ehˇ tiˬ toˇ byah-eu daˇ bahˇ tsoꞈ-eu meh. Lawˇ duˬ-euˬ nuiˇ daˬ yaw tuˇ tiˬ caˆ byah-eu meh. Lawˇ duˬ-ahˇ daˆ leˇ-eu dawˬ dzm nahˇ ma doˆ kʼehˬ paw dzeˇ pyawˬ-ahˇ tsoꞈ taˬ-euˬ meh.

Yeˬsaˬgeˬlaˇ 43:8

Ngaˬ-euˬ Uˬ duˬ tahˬ nymˇ nymˇ ma gʼoˆ kʼehˬ dahˇ-eu gaˇ dzeˇ, aˬ yawꞈ maꞈ-euˬ sahˬ paˬ deuˬ-euˬ hawˇ nymˇ gʼoˆ kʼehˬ bi dahˇ-awˇ, gʼahˇ ceh aˇ kaˬ-ahˇ lahˇ tiˬ lahˇ kaˇ-eu tehꞈ meh. Aˬ yawꞈ maꞈ nui daˆ daˆ laˇ paˬ-ehˇ gʼeh-eu jeˬ mˇ-awˇ, ngaˬ-euˬ tsawˇ myahˇ laˆ cawˆ-euˬ miˇ neh, ngaˇ nui ma pehˇ-awˇ aˬ yawꞈ maꞈ-ahˇ ngaˇ laˆ cawˆ nehˬ-euˬ ma.

Yeˬsaˬgeˬlaˇ 44:1

Kʼoeˇ naˇ, Uˬ duˬ tahˬ nymˇ nymˇ ma-euˬ nahˇ ma doˆ kʼehˬ paw pyawˬ-ahˇ jaˆ-eu laꞈ nyiˇ lahˇ kʼehˬ-ahˇ, tsawˇ haˬ kʼoeˇ gʼaˬ ngaˬ-ahˇ sheuˬ gʼeh nehˬ laꞈ-euˬ meh. Lahˇ kʼehˬ kʼoeˇ kʼehˬ piˬ tehˬ taˬ-awˇ jaˆ-eu meh.

Yeˬsaˬgeˬlaˇ 46:12

“Dzoeˬ dzaˬ-eu sahˬ paˬ zaˬ yo gʼaˬ, Sahˬpaˬ Miˬyehˇ-ahˇ nui ma keuˆ-awˇ lawˇ nehˬ mawꞈ ngeh, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ lawˇ-eu maˬ kaˬ, cawˬ cawˬ taꞈ-eu lawˇ-eu jeˬ lawˇ-eu maˬ kaˬ, nahˇ ma doˆ kʼehˬ paw neh laꞈ kʼoeˇ pu kaˬ-ahˇ uˇ leˇ-eu lahˇ kʼehˬ kʼoeˇ kʼehˬ ya pah nehˬ meh. Jawˇ nah-ahˇ kʼaˇ lawˇ-eu loꞈ-ehˇ aˬ yawꞈ ya lawˇ-awˇ, aˬ yawꞈ gʼoꞈ doˆ le gʼaˬ ngeh, lahˇ kʼehˬ paˇ ya piˬ tehˬ taˬ-eu meh.

Yeˬsaˬgeˬlaˇ 47:1

Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ, tsawˇ haˬ kʼoeˇ gʼaˬ ngaˬ-ahˇ paˇ sheuˬ kʼoꞈ gʼeh-euˬ meh. Gʼoˆ kʼehˬ-euˬ laꞈ oˆ neh iˇ cuꞈ yoeˇ doˆ le-awˇ, Uˬ duˬ tahˬ nymˇ nymˇ ma mehˬ shiˬ ciˬ pyawˇ taˬ-euˬ nahˇ ma doˆ kʼehˬ paw yoeˇ ka gʼeh-euˬ meh. Uˬ duˬ tahˬ nymˇ nymˇ ma-euˬ laꞈ oˆ pyawˬ-ahˇ, lawˇ duˬ-euˬ laꞈ oˆ paw paˆ-ehˇ yoeˇ ka leꞈ-euˬ meh.

Yeˬsaˬgeˬlaˇ 8:16

Kʼoeˇ naˇ, Uˬ duˬ tahˬ nymˇ nymˇ ma-euˬ laꞈ kʼoeˇ lahˇ-ahˇ aˬ yawꞈ ngaˬ-ahˇ paˇ sheuˬ ahˇ gʼeh nehˬ laꞈ-euˬ meh. Muiˬ-eu shawˇ-eu jawˇ duˬ-ahˇ uˇ leˇ-eu gʼoˆ kʼehˬ dawˬ peh, lawˇ duˬ hawˇ-eu gaˇ ma yaw kaˬ-ahˇ, tsawˇ haˬ nyiˬ tseˇ ngaˬ gʼaˬ jawˇ luꞈ gaˇ ya mawˇ-euˬ ma. Muiˬ-eu shawˇ-eu jawˇ duˬ-ahˇ aˬ yawꞈ maꞈ naˇ kʼah pyawˇ-awˇ, nahˇ ma doˆ kʼehˬ paw mehˬ shi pyawˇ-awˇ awˆ byaˆ-eu laꞈ kʼoeˇ, nahˇ ma doˆ laˇ gaˇ uˬ duˬ tahˬ luꞈ-eu meh.