Yeˬsaˬgeˬlaˇ 40:3 - Akha

³ Aˬ yawꞈ ngaˬ-ahˇ kʼoeˇ gaˇ paˇ sheuˬ peh gʼeh-awˇ, guiˬ shuiˇ loꞈ-ehˇ guiˇ nyiˬ ni gʼeh-eu tsawˇ haˬ tiˬ gʼaˬ-ahˇ ya mawˇ-euˬ ma. Tsawˇ haˬ kʼoeˇ gʼaˬ, shawˇ jehˆ ni gʼeh-eu saˬ paˇ neh jahˇ taˬ-eu daˇ dza aˇ caˆ tiˬ caˆ hawˇ-eu, daˇ dza daˇ kawˬ tiˬ kawˬ yuˇ-awˇ, meuˬ lahˇ kʼehˬ dawˬ peh yawꞈ luꞈ-eu meh.

Yeˬsaˬgeˬlaˇ 40:3 ပူးပေါင်းရင်းမြစ်များ

Iˇsaˬyaˇ 28:17

Yaw tsaˬ yaw dawˇ jeˬ-ahˇ biˇ tsehˆ-ehˇ gawˬ tehˬ-awˇ, yaw sui yaw dawˇ jeˬ-ahˇ tsawˬ tuˇ-ehˇ gawˬ daˆ ma. Naw maꞈ-euˬ jaˬ myawꞈ mehˇ shuiˇ-ahˇ uˬ yehˇ aˇ siˬ deh cawˆ-awˇ, naw maꞈ cehˆ zaꞈ duˬ-ahˇ iˇ jeuˬ dehˬ dzaˬ tehꞈ-a.”

Iˇsaˬyaˇ 8:20

Aˬ yawꞈ maꞈ-ahˇ naw maꞈ heu loꞈ-ehˇ ehˇ kʼoꞈ nehˬ-awˬ. “Sahˬpaˬ Miˬyehˇ mehˬ nehˬ tsoˆ nehˬ laꞈ-eu jeˬ-ahˇ naˇ haˬ geuꞈ-awˬ. Nyiˇ paˬ shaˆ ma deuˬ ehˇ gaˇ taˬ naˇ haˬ. Aˬ yawꞈ maꞈ neh ehˇ-euˬ jeˬ naw maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.”

Yeˬsaˬgeˬlaˇ 1:27

Tsawˇ haˬ-ahˇ duˇ-eu kʼoeˇ gʼaˬ miˬ dzaˬ gʼahˇ ceh guiˬ shuiˇ loꞈ-ehˇ guiˇ nyiˬ ni jaˆ-awˇ, dawˬ tawˆ luꞈ kʼoeˇ taˆ yaw shehꞈ bya-eu meh.

Yeˬsaˬgeˬlaˇ 1:7

Aˬ kuiˇ dawˇ coe ni tsoꞈ-awˇ, mawˇ neˇ loꞈ-ehˇ kuiˇ sehˬ tsoꞈ-eu meh. Aˬ yawꞈ maꞈ jeˬ ba taˬ-euˬ guiˬ shuiˇ loꞈ-ehˇ yaw shehꞈ bya-eu meh.

Yeˬsaˬgeˬlaˇ 41:1

Kʼoeˇ naˇ, muiˬ-eu shawˇ-eu jawˇ duˬ pyeuꞈ-eu gʼahˇ ceh lawˆ-ahˇ, tsawˇ haˬ kʼoeˇ gʼaˬ ngaˬ-ahˇ sheuˬ uˇ gʼeh nehˬ laꞈ-euˬ meh. Aˇ lawˆ kʼoeˇ lawˆ-ahˇ uˇ leˇ-eu gaˇ ma-ahˇ tsawˇ haˬ kʼoeˇ gʼaˬ dza haw ngeh, yaw mahˇ paw tiˬ lmˇ nui paˆ byah-eu meh.

Yeˬsaˬgeˬlaˇ 42:16

Aˬ yawꞈ daˇ dza yuˇ-awˇ, nahˇ ma doˆ kʼehˬ paw pyawˬ-ahˇ dehˬ haw ngeh, tiˬ yaˇ nyiˬ tseˇ ngaˬ lmˇ byah-eu meh.

Yeˬsaˬgeˬlaˇ 43:6

Tsawˇ haˬ kʼoeˇ gʼaˬ ngaˬ-euˬ dawˬ peh yawꞈ luꞈ-awˇ, Uˬ duˬ tahˬ nymˇ nymˇ ma laꞈ kʼoeˇ paw neh, Sahˬpaˬ Miˬyehˇ ngaˬ-ahˇ dawˬ ngehˬ-eu ngaˇ gaˬ-euˬ ma.

Yeˬsaˬgeˬlaˇ 47:3

Tsawˇ haˬ kʼoeˇ gʼaˬ daˇ dza yuˇ-awˇ, lawˇ gawˆ caw caw-ehˇ nahˇ ma doˆ kʼehˬ paw nyiˬ yaˇ ngaˬ tseˇ lmˇ dehˬ ka gʼeh-awˇ, ngaˬ-ahˇ lawˇ gawˆ bi tsehˆ laꞈ ngeh, aˬ kuiˇ kuiˇ nuiꞈ-ahˇ keuˆ ni naꞈ laˇ-eu meh.

Yeˬsaˬgeˬlaˇ 8:2

Ngaˇ gʼawˇ leuˇ haw ngeh, tsawˇ haˬ-ahˇ duˇ-eu tiˬ jeˬ mawˇ-euˬ ma. Joꞈ-ahˇ neh laꞈ oˆ tsehˆ miˬ dzaˬ-ahˇ duˇ leˇ-awˇ, joꞈ-ahˇ neh laꞈ taˆ tsehˆ guiˇ nyiˬ ni gʼeh-eu guiˬ shuiˇ-ahˇ duˇ-eu meh.

Panmaeq 1:15

Aˬ yawꞈ-euˬ aˬ kuiˇ-aˬ, jeˬ ba taˬ-euˬ guiˬ shuiˇ loꞈ-ehˇ guiˇ nyiˬ ni gʼeh-awˇ, aˬ yawꞈ-euˬ teˇ saˇ-aˬ, iˇ cuꞈ tsawˬ ga ga-eu teˇ saˇ-ahˇ duˇ-eu meh.

Panmaeq 11:1

Kʼoeˇ naˇ, daˇ dza-ahˇ duˇ-eu daˇ kawˬ tiˬ kawˬ ngaˬ-ahˇ biꞈ laꞈ-awˇ, heu loꞈ-ehˇ ehˇ nehˬ laꞈ-euˬ meh. “Miˬyehˇ-euˬ uˬ duˬ tahˬ nymˇ nymˇ ma hawˇ-eu lawˇ duˬ-ahˇ dza haw-iˇ-awˇ, uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ luꞈ-eu tsawˇ haˬ deuˬ-ahˇ gui haw-awˬ.

Panmaeq 21:15

Ngaˬ-ahˇ dawˬ ngehˬ cawˬ-euˬ mˬ taˆ gʼaˬ kʼehˇ kʼoeˇ gʼaˬ-aˬ, meuˬ-ahˇ maˬ ehˇ, lahˇ kʼehˬ deuˬ-ahˇ maˬ ehˇ, meuˬ meuˬ lahˇ-ahˇ maˬ ehˇ, dza haw-eu shuiˇ daˇ dza ahˇ-eu meh.