Yeˬsaˬgeˬlaˇ 40:12 - Akha

¹² Loꞈ-eu kuˆ lawˆ aˬ yawꞈ lawˆ yawꞈ mehˬ shi yaw goˇ paw tiˬ caˆ byah-awˇ yaw tuˇ paw kʼawꞈ tiˬ caˆ byah-eu kaˇ pyawˇ yaw awˆ taw taˬ-euˬ meh. Kuˆ lawˆ kʼoeˇ deuˬ tiˬ kawˆ hui ni ahˇ-awˇ, tiˬ lmˇ nui paˆ oeˬ bawˬ byah-eu meh.

Yeˬsaˬgeˬlaˇ 40:12 ပူးပေါင်းရင်းမြစ်များ

Yeˬsaˬgeˬlaˇ 40:7

Kʼoeˇ-euˬ nui paw gaˇ ma tiˬ kahˇ dahˇ doˆ-awˇ, gaˇ ma kʼoeˇ paˆ ma paˆ-ehˇ, tiˬ paw-euˬ loꞈ-eu kuˆ lawˆ smˬ lawˆ jaˆ-eu meh. Kuˆ lawˆ kʼoeˇ deuˬ oeˬ coeˇ oeˬ bawˬ-ehˇ gʼeh-awˇ, kaˇ pyawˇ tiˬ pyawˬ-euˬ tiˬ lmˇ nui paˆ byah-eu meh. Kuˆ lawˆ tiˬ lawˆ tiˇ lawˆ yaw kaˬ jaˆ-eu kaˇ pyawˇ kʼoeˇ tiˬ lmˇ uˬ taꞈ tiˬ caˆ tuˇ-eu meh. Loꞈ-eu kuˆ lawˆ kʼoeˇ deuˬ-euˬ kʼoeˇ paw dzeˇ, Uˬ duˬ tahˬ nymˇ nymˇ ma mehˬ shi jaˆ-eu kuˆ lawˆ lawˆ ma-ahˇ keuˆ ni, tiˬ lmˇ nui paˆ mahˇ-eu gaˇ ma tiˬ kahˇ bi dahˇ-euˬ meh.

Yeˬsaˬgeˬlaˇ 40:11

Kʼoeˇ naˇ, tsawˇ haˬ kʼoeˇ gʼaˬ lahˇ kʼehˬ-ahˇ dahˇ-eu gaˇ ma-euˬ yaw jeˇ paˇ dza haw-euˬ meh. Gaˇ ma kʼoeˇ smˬ lmˇ uˬ taꞈ tiˬ caˆ jeˇ-awˇ, lahˇ kʼehˬ laˇ gʼoˆ kʼoeˇ nyiˬ lmˇ nui paˆ jeˇ-eu meh.

Yeˬsaˬgeˬlaˇ 40:13

Gaˇ ma heu paw paˆ jaˆ-eu kuˆ lawˆ kaˇ pyawˇ naˇ kʼah neh, gaˇ ma nyiˬ tsehˆ-ehˇ dehˬ gʼeh-awˇ, gaˇ ma kʼoeˇ paw paˆ jaˆ-eu kuˆ lawˆ kaˇ pyawˇ naˇ kʼah keuˆ ni dehˬ haw ngeh, koꞈ lmˇ uˬ taꞈ tiˬ caˆ byah-eu meh.

Yeˬsaˬgeˬlaˇ 40:16

Kuˆ lawˆ kʼoeˇ deuˬ dawˬ tawˆ luꞈ-euˬ naˇ kʼah paw pyawˬ kaˇ pyawˇ-ahˇ laˇ gʼoˆ zaˬ dahˇ-awˇ, kuˆ lawˆ tiˬ lawˆ tiˇ lawˆ yaw kaˬ-ahˇ jaˆ-eu kaˇ pyawˇ-ahˇ kʼawꞈ, laˇ gʼoˆ zaˬ dahˇ-eu meh. Gaˇ ma-ahˇ ciˬ daˬ-awˇ jaˆ-eu kaˇ pyawˇ laꞈ kʼoeˇ pyawˬ-ahˇ, daoˇ aˇ bawˇ aˇ baˇ taꞈ boꞈ taˬ-euˬ meh.

Yeˬsaˬgeˬlaˇ 40:29

Kʼoeˇ gaˇ jaˆ-eu loꞈ-eu kuˆ lawˆ deuˬ maˬ ehˇ, kuˆ lawˆ lawˆ ma kʼoeˇ lawˆ maˬ ehˇ, laꞈ kʼoeˇ kaˇ pyawˇ deuˬ maˬ ehˇ, lahˇ kʼehˬ nui deuˬ-ahˇ kʼaˇ jaˆ-eu deuˬ nehˬ-ehˇ tiˬ kawˆ mahˇ ni ahˇ-awˇ, tiˬ kawˆ hui ni ahˇ-eu meh. Lahˇ kʼehˬ gaˇ ma kʼoeˇ tsahˇ-ahˇ jaˆ-eu kuˆ lawˆ deuˬ-ahˇ kʼawꞈ, laˇ gʼoˆ zaˬ jahˇ ahˇ taˬ-euˬ meh. Lahˇ kʼehˬ gaˇ ma kʼoeˇ tiˬ li, yaw mahˇ paw tseˇ nyiꞈ lmˇ nui paˆ byah-awˇ, yaw jeˇ paw kʼoꞈ lmˇ uˬ taꞈ tiˬ caˆ byah-eu meh.

Yeˬsaˬgeˬlaˇ 40:38

Laꞈ taˆ paw pyawˬ-ahˇ jaˆ-eu laꞈ kʼoeˇ lahˇ kʼehˬ gaˇ ma-ahˇ tawꞈ-ehˇ, laꞈ nyiˇ pu kaˬ paw-ehˇ mehˬ shi pyawˇ-awˇ tsoˆ doˆ taˬ-euˬ aˇ lawˆ tiˬ lawˆ jaˆ-eu meh. Aˇ lawˆ kʼoeˇ lawˆ pu kaˬ mehˬ shi jaˆ-eu kuˆ lawˆ lawˆ ma-ahˇ laˇ gʼoˆ dahˇ tawꞈ-awˇ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu lehˇ sehꞈ-euˬ jeˬ zaˬ deuˬ-ahˇ aˇ lawˆ kʼoeˇ lawˆ laꞈ kʼoeˇ tsiˬ shawˇ-eu meh.