Yeˬsaˬgeˬlaˇ 4:2 - Akha

² Kʼoeˇ naˇ, meuˬ-ahˇ loꞈ jawˬ-awˇ, guiˇ deuˆ ngeh kʼaˇ jahˇ-eu loꞈ-ehˇ, tsaˬ byaˆ kʼoeˇ-euˬ tiˬ jawˬ, kuˬ kaˬ duˬ-eu, miˇ tsaˬ ciˬ goˇ-eu, sehˬ gʼawˆ gʼawˆ-eu hawˇ-eu meuˬ lahˇ tuˆ byaˆ-eu keu ka deuˬ baꞈ taˬ-awˇ jaˆ-eu, heu loꞈ-ehˇ gʼeh-eu yawˬ jeˬ na luꞈ-euˬ aˇ baˇ jahˇ kuꞈ taˬ-awˬ.

Yeˬsaˬgeˬlaˇ 4:2 ပူးပေါင်းရင်းမြစ်များ

2 Saˬmeuˬlaˆ 20:15

Sheˬba kʼoeˇ gaˇ jawˇ-eu gaˇ kawˆ Yoˇbaˬ-euˬ tsawˇ haˬ deuˬ ya gaˬ-euˬ miˇ neh, aˬ yawꞈ maꞈ iˇ-awˇ, meuˬ kʼoeˇ meuˬ-ahˇ jawˬ lahˇ-euˬ meh. Meuˬ meuˬ lahˇ laꞈ nyiˇ tiˆ-euˬ gaˇ dzeˇ aˬ yawꞈ maꞈ miˇ tsaˬ ciˬ goˇ daˆ leꞈ-awˇ, meuˬ meuˬ lahˇ kʼoeˇ bi coˬ-iˇ-eu gʼaˇ duˬ, dawˬ dah paw duˬ kʼeuꞈ kʼeuꞈ-euˬ meh.

Iˇsaˬyaˇ 22:7

Miˇ tsaˬ miˇ muiˬ muiˬ-eu Yuˇdaˆ miˇ kʼahˬ deh kʼawꞈ deuˬ-ahˇ, mahˬ laˆ lawˬ byah jiˇ-awˇ, Yeˬluˇsaˬlehˬ meuˬ lahˇ mehˬ shi, mahˬ dziˬ-eu yehˇ deuˬ yawꞈ luꞈ meh.

Yeˬlaˬmiˇ 32:24

“Yeˬluˇsaˬlehˬ meuˬ-ahˇ deuˆ gʼaˬ-eu gʼaˇ duˬ Baˬbuˇloˬ tsawˇ haˬ deuˬ meuˬ jawˬ jawˬ-ehˇ miˇ tsaˬ ciˬ goˇ-awˇ guiˇ deuˆ luꞈ meh. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ baˬ da neh, meuˬ heu meuˬ aˬ yawꞈ maꞈ-euˬ laꞈ-ahˇ ya ahˇ leˇ-eu yaw duˬ baw-eu meh. Nawˬ neh kʼaˇ ehˇ taˬ-euˬ jeˬ keuˆ le taˬ-euˬ gaˇ nawˇ mawˇ luꞈ meh.

Yeˬlaˬmiˇ 33:4

Yeˬluˇsaˬlehˬ meuˬ laꞈ kʼoeˇ jaˆ-eu meuˬ deuˬ hawˇ-eu sahˬ paˬ-euˬ hawˇ nymˇ ya coˬ pyaˆ jiˇ tehꞈ-a. Meuˬ-euˬ laꞈ nyiˇ doˆ-iˇ-awˇ, Baˬbuˇloˬ tsawˇ haˬ deuˬ neh guiˇ deuˆ-eu gʼaˇ duˬ miˇ tsaˬ ciˬ goˇ taˬ-euˬ gaˇ deuˆ-iˇ kʼawꞈ, maˬ deuˆ deuˬ nya-a. Kʼoeˇ loꞈ-ehˇ jahˇ-eu baˬ da neh, ngaˇ nui ma pehˇ-awˇ sehꞈ-eu lehˇ gʼeh-eu tsawˇ haˬ deuˬ meuˬ laꞈ kʼoeˇ shiˇ byah taˬ tehꞈ-a. Meuˬ laꞈ kʼoeˇ jawˇ-eu tsawˇ haˬ deuˬ neh mˇ-euˬ yaw haiˬ jeˬ baˬ da neh, meuˬ heu meuˬ-ahˇ ngaˇ byehˇ dzeh-eu ma.

Yeˬlaˬmiˇ 52:4

Kʼoeˇ miˇ neh, Zeˬdaˬkiˇ sahˬ paˬ geuꞈ-eu gʼoeˬ kʼoꞈ tiˬ kʼoꞈ, ba la tseˇ siˬ tiˬ siˬ, tseˇ nah tiˬ nah-ahˇ, Neˬbuˬkaˬneˬzaˬ guiˇ maꞈ dawˬ tawˆ luꞈ sheuˬ-awˇ, Yeˬluˇsaˬlehˬ meuˬ-ahˇ guiˇ deuˆ le-euˬ meh. Meuˬ-euˬ laꞈ nyiˇ paw aˬ yawꞈ maꞈ sehˬ gʼawˆ gʼawˆ-awˇ jawˇ-awˇ, meuˬ-euˬ tiˬ jawˬ guiˇ deuˆ-eu lahˇ ciˬ-euˬ meh.

Yeˬlaˬmiˇ 6:6

Baoˬ huiˬ-eu Sahˬpaˬ Miˬyehˇ-aˬ, Sahˬ paˬ kʼoeˇ deuˬ-ahˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ deuˆ-eu gʼaˇ duˬ, aˇ bawˇ tuˇ-awˇ jeh guiˇ guiˇ-awˬ. Kʼehˬ-eu kʼaˆ-eu jeˬ byah luꞈ-eu miˇ neh. meuˬ heu meuˬ-ahˇ ngaˇ kʼehˬ nehˬ ma.

Yeˬsaˬgeˬlaˇ 21:22

Nymˬ-mˇ poˆ jawˇ, aˬ yawꞈ-euˬ aˇ maˇ laꞈ-ahˇ, Yeˬluˇsaˬlehˬ meuˬ-ahˇ iˇ-awˬ lehˇ kʼehˇ-eu kaˆ myaˬ tuˆ tehˬ taˬ-euˬ meh. Kaˆ myaˬ kʼoeˇ aˬ yawꞈ-ahˇ heu loꞈ-ehˇ ehˇ-eu meh. Meuˬ meuˬ lahˇ tahˬ pyaˆ-eu dmˬ ma jahˇ tsoꞈ-awˇ, guiˇ deuˆ-eu dawˬ guˇ-awˇ, meuˬ lahˇ tahˬ pyaˆ-eu dmˬ ma kʼoeˇ meuˬ lahˇ-ahˇ ciˬ tsehꞈ-awˇ, miˇ tsaˬ ciˬ goˇ-awˇ, duˬ kʼahˬ kʼahˬ-awˬ lehˇ ehˇ-eu meh.

Yeˬsaˬgeˬlaˇ 21:27

Yaw cawˆ tehꞈ meh. Yaw cawˆ tehꞈ meh. Meuˬ heu meuˬ-ahˇ ngaˇ laˆ cawˆ ma. Ehˇ kʼawꞈ, meuˬ heu meuˬ-ahˇ bi laˆ cawˆ-eu lehˇ ngaˬ neh tseˇ doˆ-euˬ gʼaˬ maˬ oe keuˆ kʼoeˇ keuˆ ni, kʼoeˇ loꞈ-ehˇ maˬ jahˇ te siˬ. Kʼoeˇ gʼaˬ-ahˇ meuˬ heu meuˬ biꞈ tsehˆ nehˬ ma.

Yeˬsaˬgeˬlaˇ 5:2

Nawˬ-euˬ uˬ duˬ tsehˇ kahˇ smˬ bymˇ saˆ paˆ-awˬ. Meuˬ-ahˇ loꞈ jawˬ-euˬ aˇ yamˬ jiˇ ngeh, tiˬ bymˇ keuˬ dzeh-awˬ. Tiˬ bymˇ-aˬ, meuˬ-euˬ laꞈ nyiˇ nawˇ cah ngeh, mi cehˇ neh byehˆ byehˆ-ehˇ cah-awˬ. Tiˬ bymˇ-aˬ, jaˬ lehˇ laꞈ kʼoeˇ byaˆ gʼeh-awˬ. Kʼoeˇ-euˬ mehˬ nah ngaˬ-euˬ mi cehˇ neh ngaˇ caw teh gʼeh ma.

Daˬyeˬlaˇ 11:15

Suˇliˆ sahˬ paˬ-aˬ, ziꞈ dah ni gawˬ lahˇ taˬ-euˬ meuˬ tiˬ meuˬ-ahˇ loꞈ jawˬ-awˇ, deuˆ gʼaˬ tehꞈ-a. Iˇjiˇtuˆ yehˇ deuˬ guiˇ maˬ paˇ deuˆ ni byehˇ tehꞈ-a. Nya dui dui-eu yehˇ deuˬ kʼawꞈ, guiˇ deuˆ-eu gʼaˇ duˬ, gʼaˬ maˬ ahˇ-ehˇ pyeuꞈ-iˇ tehꞈ-a.