Yeˬsaˬgeˬlaˇ 39:2 - Akha

² Aˬ yawꞈ-ahˇ ngaˇ tsahˇ pyawˇ-awˇ, kʼoeˇ taˆ paw sheuˬ daˆ leꞈ-awˇ, Iˇsaˬleˬlaˆ gawˬ jawˬ deuˬ-ahˇ sheuˬ keuˆ gʼeh ma.

Yeˬsaˬgeˬlaˇ 39:2 ပူးပေါင်းရင်းမြစ်များ

Jaceuq 40:14

Ngaˬ-euˬuˬkʼawˇpoˆ-eu kʼoeˇdeuˬ, daˬya ga-awˇ zahˬleˇluꞈ-uˇ. Ngaˇshaˬgaˇnui kʼahˇshiˇ-eu deuˬ, ya shaꞈdawˇ-awˇzeuˆpyawˇluꞈ-uˇ.

Jaceuq 68:2

Uˬ kʼoeˬ-ahˇ jaˬ lehˇ baw byoˆ-eu loꞈ-ehˇ, aˬ yawꞈ maꞈ-ahˇ aˬ yawꞈ teh byoˆ-eu meh. Miˬ dzaˬ mehˬ shi byaˬ shahˬ guiˇ-iˇ-eu loꞈ-ehˇ, Miˬyehˇ-euˬ mehˬ shi haiˬ-eu tsawˇ haˬ deuˬ cawˆ-iˇ-eu meh.

Iˇsaˬyaˇ 37:29

Nawˇ ngaˬ-ahˇ guiˇ deuˆ le-euˬ gaˇ kawˆ hawˇ-eu, nawˇ nui ma huiˬ luꞈ mahˇ luꞈ-eu gaˇ kawˆ deuˬ ngaˇ ya gaˬ gʼaˬ jiˇ-euˬ ma. Nawˬ-euˬ naˇ mehˇ-ahˇ ngaˇ shmˇ kuˆ seuˬ diˬ ceuˬ-awˇ, nawˬ-euˬ kʼaˬ meh-ahˇ shmˇ daˇ ceh taꞈ tsoˆ-awˇ, nawˬ neh oe-euˬ gaˇ ma kahˇ li nawˬ-ahˇ ngaˇ tsahˇ kʼoꞈ gʼeh ma.”

Yeˬsaˬgeˬlaˇ 32:30

“Kʼoeˇ taˆ miˇ kʼahˬ paw jawˇ-eu sahˬ paˬ zaˬ yo deuˬ dawˬ tawˆ luꞈ kʼoeˇ gaˇ ga-awˇ, Siˇdoˬ tsawˇ haˬ deuˬ kʼawꞈ kʼoeˇ gaˇ ga-eu meh. Yaw beh aˬ yawꞈ maꞈ-euˬ baoˬ-ahˇ aˬ cawˬ guˆ dui dui-euˬ meh. Ehˇ kʼawꞈ, nymˬ-mˇ myaˆ pyawˬ naˇ mehˇ maˬ jaˆ ni, guiˇ deuˆ gaˇ bi sehꞈ-euˬ deuˬ nehˬ-ehˇ tiˬ kawˆ loꞈ-ehˇ, baˆ kʼoˆ mehˬ dzaˬ maˬ yehˬ ni shiˇ-eu miˇ kʼahˬ-ahˇ ga keuˆ taˬ-euˬ meh. Shiˇ-eu miˇ kʼahˬ-ahˇ iˇ-eu deuˬ-ahˇ oꞈ-eu shaꞈ dawˇ-eu jeˬ, aˬ yawꞈ maꞈ kʼoeˇ taˆ keuˆ le-euˬ meh.

Yeˬsaˬgeˬlaˇ 38:15

Kʼoeˇ taˆ kʼahˬ-ahˇ gaˇ mahˇ kaˬ-eu nawˬ-euˬ jawˇ duˬ-ahˇ neh nawˇ luˆ le-awˇ, miˇ kʼahˬ gʼawˬ mya kʼahˬ-ahˇ neh oe-euˬ yawˬ gʼaˬ na luꞈ mahˬ dziˬ luꞈ-eu yehˇ deuˬ deh uiˬ-eu laꞈ kʼoeˇ, huiˬ dui myaˬ dui dui-eu guiˇ maꞈ sheuˬ-awˇ guiˇ deuˆ-eu lehˇ nawˇ oe tehꞈ-a.

Yeˬsaˬgeˬlaˇ 39:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “ Tsawˇ haˬ zaˬ-oˇ, Meˬshehˆ miˇ kʼahˬ hawˇ-eu Tuˇbaˬlaˇ miˇ kʼahˬ laꞈ kʼoeˇ, sahˬpaˬ dawˬ tawˆ kʼoeˇ taˆ huiˬ dzehˬ-eu sahˬpaˬ pyeuꞈ-eu Gawˇgaˆ-ahˇ deuˬ leˇ ni dawˬ ngehˬ-awˇ, ngaˇ aˬ yawꞈ-ahˇ muiˇ-eu meh lehˇ ehˇ nehˬ-awˬ.

Yeˬsaˬgeˬlaˇ 39:3

Aˬ yawꞈ-euˬ aˇ caˇ laꞈ-ahˇ tuˆ tehˬ luꞈ-eu kaˆ ngaˇ deh dzeh-awˇ, aˇ maˇ laꞈ-ahˇ tuˆ tehꞈ taˬ-euˬ kaˆ myaˬ deuˬ ngaˇ tehˆ dzeh jiˇ ma.

Daˬyeˬlaˇ 11:40

“Suˇliˆ sahˬ paˬ-euˬ aˇ yamˬ jiˇ le-eu dawˬ peh peh laˇ ngeh, Iˇjiˇtuˆ sahˬ paˬ aˬ yawꞈ-ahˇ guiˇ deuˆ laˇ tehꞈ-a. Suˇliˆ sahˬ paˬ gʼeh gʼaˬ kʼaˇ jaˆ-eu yuˇ doˆ-awˇ, mahˬ laˆ lawˬ deuˬ, mahˬ deuˬ, saˇ baoˬ deuˬ zmˬ-awˇ guiˇ deuˆ tehꞈ-a. Iˇ jeuˬ jeuˬ-eu loꞈ-ehˇ, miˇ kʼahˬ gʼawˬ mya kʼahˬ-ahˇ aˬ yawꞈ guiˇ deuˆ uˇ gʼeh tehꞈ-a.