Ehˇ kʼawꞈ, Aˬmoˬ tsawˇ jeuˬ-euˬ meuˬ meuˬ ma pyeuꞈ-eu Laˬbah meuˬ-ahˇ jawˇ-eu tsawˇ haˬ deuˬ guiˇ deuˆ le-eu teˇ saˇ ya gaˬ-awˇ, meuˬ cawˆ-iˇ-awˇ pu deuˬ miˬ dzaˬ bi keuˬ dzeh jiˇ ngeh keuˆ ni, aˬ yawꞈ maꞈ kʼoeˇ taˆ bi keuˆ le-eu lehˇ ngaˬ neh lehˬ hmˬ taˬ-euˬ aˇ yamˬ keuˆ le-eu dawˬ peh peh laˇ-euˬ meh. Kʼoeˇ ngeh jawˇ, Iˇsaˬleˬlaˆ tsawˇ haˬ deuˬ aˬ cawˬ-euˬ laꞈ-ahˇ ahˇ leˇ-euˬ yawˬ ha-euˬ miˇ kʼahˬ paˇ za kʼoꞈ tehꞈ-a.
Yeˬsaˬgeˬlaˇ 26:6 - Akha6 Meuˬ laꞈ kʼoeˇ jawˇ-eu tsawˇ haˬ deuˬ-ahˇ mi cehˇ neh aˬ yawꞈ maꞈ sehꞈ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ Duˇlu meuˬ ya siˬ duˬ tehꞈ-a.” အခန်းကိုကြည့်ပါ။ |
Yeˬsaˬgeˬlaˇ 26:6
10 ပူးပေါင်းရင်းမြစ်များ
Yeˬluˇsaˬlehˬ meuˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬ yawꞈ nyaꞈ-ahˇ ngaˇ paˇ bi dehꞈ dzaˬ laˇ ma. Sawˇdoˬ meuˬ hawˇ-eu aˬ yawꞈ-euˬ aˬ buˇ pyeuꞈ-eu pu deuˬ maˬ ehˇ, Saˬmaˬliˆ meuˬ hawˇ-eu aˬ yawꞈ-euˬ aˬ buˇ pyeuꞈ-eu pu deuˬ maˬ ehˇ, bi baw bi za le ma. Nawˬ-ahˇ kʼawꞈ ngaˇ bi baw bi za le ma.
Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ Eˬdoˬ miˇ kʼahˬ-ahˇ laꞈ poˆ poˆ kʼoꞈ nehˬ-awˇ, ngaˇ nui ma pehˇ-eu jeˬ Eˬdoˬ miˇ kʼahˬ-ahˇ siˬ leˇ ngeh keuˆ ni jahˇ nehˬ tehꞈ-a. Ngaˇ laꞈ poˆ poˆ kʼoꞈ nehˬ-euˬ jeˬ aˬ joˆ-ehˇ gʼeh-eu nya lehˇ, aˬ yawꞈ maꞈ-ahˇ siˬ duˬ leˇ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.
Naw maꞈ kʼoeˇ loꞈ-ehˇ jahˇ-euˬ miˇ neh, naw maꞈ-ahˇ aˬ cawˬ tsawˇ jeuˬ-euˬ aˬ laꞈ laꞈ kʼoeˇ a nehˬ-awˇ, tahˇ joe bi joe-awˇ, myawˬ gahˬ bi yuˇ geuꞈ jiˇ ma. Tsawˇ jeuˬ byoˆ le-awˇ, miˇ kʼahˬ byoˆ-iˇ ngeh keuˆ ni, naw maꞈ-ahˇ ngaˇ laˆ cawˆ nehˬ ma. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu naw maꞈ ya siˬ duˬ tehꞈ-a.”
ကြော်ငြာတွေ