1 Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.
Meuˬ meuˬ lah-ehˇ luˬ-iˇ seˇ-iˇ luꞈ-awˇ, gaˇ ma doe ni kʼehˬ-eu kʼaˆ-eu jeˬ hawˇ-eu nawˬ dzaˬ kʼaˆ dzaˬ-eu jeˬ byah luꞈ meh.
Tsawˇ jeuˬ bi huiˬ bi mahˇ laˇ-eu zaˬ siˬ tsawˇ gahˇ pyeuꞈ-awˇ, tsawˇ jeuˬ byoˆ le ni mˇ-eu gʼaˬ iˬ baˇ meh.
Yaw beh saˇ jaˇ ziꞈ-eu meuˬ, meh maˬ laˇ-ahˇ dehꞈ duˇ taˬ-euˬ meh. Yaw beh yaw tsaˬ yaw dawˇ jeˬ byah-awˇ, yaw muiˬ yaw shawˇ jeˬ jaˆ-euˬ kʼawꞈ, nymˬ-mˇ aˬ cawˬ-ahˇ sehꞈ-eu tsawˇ haˬ tehꞈ meh.
Naw maꞈ maˇ kʼehˬ maˇ naˇ gaˇ kawˆ taˬ toˇ. Taˬ leˇ nya-eu gaˇ ma maˬ paˇ dahˇ meh. Naw maꞈ iˬ baˇ myaˬ dui dui-awˇ, lehˬ-eu ca-eu aˇ dzehˬ dzeuˇ-eu miˇ neh, naw maꞈ-ahˇ ngaˇ heu loꞈ-ehˇ kʼehˬ-eu ma.
Miˬ dzaˬ neh laˆ cawˆ nehˬ gaˇ naw maꞈ ya daˬ tehꞈ-a. Naw maꞈ yawˬ ha-euˬ miˇ kʼahˬ laꞈ kʼoeˇ shiˬ ya yoeˇ-awˇ, tsawˇ haˬ tiˬ gʼaˬ-iˬ naw maꞈ-ahˇ maˬ noeˬ mawˇ ni ngehˇ byoˆ jiˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”
“Tsawˇ haˬ zaˬ-oˇ, tsawˇ haˬ-ahˇ sehꞈ-eu deuˬ tiˬ byah ni jawˇ-eu meuˬ-ahˇ yaˇ kʼaˬ daˇ-eu gʼaˇ duˬ nawˇ lehˬ hmˬ taˬ maˬ loˇ. Meuˬ kʼoeˇ neh kʼaˇ mˇ-euˬ jawꞈ dui dui-eu jeˬ meuˬ kʼoeˇ meuˬ-ahˇ ehˇ duˬ nehˬ jiˇ-awˬ.
Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.
