Yeˬsaˬgeˬlaˇ 2:9 - Akha

⁹ Ngaˇ jawˇ gaˇ aˬ laꞈ cawˬ ja leꞈ-eu ya mawˇ-awˇ, aˬ laꞈ kʼoeˇ laꞈ-ahˇ sahˬ boꞈ paˇ yoˆ tiˬ yoˆ tuˆ tehˬ taˬ-euˬ meh.

Yeˬsaˬgeˬlaˇ 2:9 ပူးပေါင်းရင်းမြစ်များ

Yeˬlaˬmiˇ 1:9

Kʼoeˇ naˇ, Sahˬpaˬ Miˬyehˇ aˬ laꞈ cawˬ ja-awˇ, ngaˬ-euˬ mehˬ luˬ-ahˇ toeˬ-awˇ, heu loꞈ-ehˇ ehˇ-eu meh. “Naˇ haˬ-awˬ. Nawˇ ya ngehˬ-eu dawˬ nawˬ-ahˇ ngaˇ biꞈ-eu ma.

Yeˬlaˬmiˇ 36:2

“Shaˬ kʼoˆ paˇ yoˆ tiˬ yoˆ yuˇ-awˇ, Iˇsaˬleˬlaˆ miˇ kʼahˬ, Yuˇdaˆ miˇ kʼahˬ hawˇ-eu, miˇ kʼahˬ nui deuˬ dawˬ tawˆ luꞈ gaˇ kawˆ, ngaˬ neh nawˬ-ahˇ kʼaˇ ehˇ nehˬ-euˬ jeˬ boꞈ ahˇ taˬ-awˬ. Yawˇshiˆ sahˬ paˬ geuꞈ ngeh neh dahˬ beh-awˇ, iˬ nah keuˆ ni ngaˬ neh kʼaˇ ehˇ taˬ-euˬ jeˬ dawˬ tawˆ luꞈ boꞈ ahˇ taˬ-awˬ.

Yeˬlaˬmiˇ 36:4

Kʼoeˇ naˇ, Neˬliˇyaˆ-euˬ aˬ li Baˬluˆ-ahˇ ngaˇ kuˇ-awˇ, Sahˬpaˬ Miˬyehˇ neh ngaˬ-ahˇ kʼaˇ ehˇ nehˬ laꞈ-euˬ jeˬ dawˬ tawˆ luꞈ gui ka ka nehˬ-awˇ, shaˬ kʼoˆ paˇ yoˆ laꞈ kʼoeˇ bi boꞈ ahˇ jiˇ-euˬ ma.

Yeˬsaˬgeˬlaˇ 3:1

Miˬyehˇ ehˇ-eu, “Tsawˇ haˬ zaˬ-oˇ, sahˬ boꞈ paˇ yoˆ heu yoˆ dzaˬ-awˬ. Kʼoeˇ naˇ, Iˇsaˬleˬlaˆ tsawˇ haˬ deuˬ jawˇ gaˇ dawˬ ngehˬ ngehˬ-iˇ-awˬ.”

Yeˬsaˬgeˬlaˇ 8:3

Aˬ laꞈ-ahˇ duˇ leˇ-eu jeˬ aˬ yawꞈ cawˬ doˆ leꞈ-awˇ, ngaˬ-euˬ uˬ duˬ tsehˇ kahˇ-ahˇ tsuˆ tehˬ-euˬ meh. Yaw sahˇ laꞈ kʼoeˇ kʼoeˇ loꞈ-ehˇ mawˇ laˇ-eu laꞈ kʼoeˇ Miˬyehˇ-euˬ yaw sahˇ ngaˬ-ahˇ yaw goˇ-ahˇ ciˬ diˇ-awˇ, Yeˬluˇsaˬlehˬ meuˬ-ahˇ sheuˬ gʼeh nehˬ laꞈ-euˬ meh. Miˬyehˇ-ahˇ nui ma bi pehˇ-euˬ tahˬ pahˬ aˬ ma mawˇ kawˇ jaˆ-eu tsahˇ pyeuꞈ-eu, Uˬ duˬ tahˬ nymˇ nymˇ ma-euˬ laꞈ taˆ pyawˬ lahˇ kʼehˬ laˇ gʼoˆ laꞈ kʼoeˇ gʼoˆ-ahˇ, ngaˬ-ahˇ sheuˬ gʼeh nehˬ laꞈ-euˬ meh.

Daˬyeˬlaˇ 10:10

Kʼoeˇ naˇ, aˬ laꞈ tiˬ laꞈ ngaˬ-ahˇ ciˬ tuˇ le-awˇ, ngaˬ-euˬ aˬ laꞈ hawˇ-eu aˬ kuiˇ pawˬ tsuiꞈ yaw dzuˬ dzuˬ-euˬ ma.

Daˬyeˬlaˇ 5:5

Ja pyuˬ ni, tsawˇ haˬ-euˬ aˬ laꞈ tiˬ laꞈ doˆ le-awˇ, sahˬ paˬ hawˇ nymˇ-euˬ kaˇ pyawˇ-ahˇ, tsiˇ kʼmˬ yaw shehꞈ bya dzehˬ-awˇ mawˇ duˬ laˇ dzehˬ gaˇ, sahˬ boꞈ boꞈ le-euˬ meh. Aˬ laꞈ kʼoeˇ laꞈ kʼoeˇ loꞈ-ehˇ sahˬ boꞈ boꞈ luꞈ gaˇ sahˬ paˬ mawˇ-euˬ meh.

Zaˬkaˬliˇ 5:1

Ngaˇ tiˬ paw paˇ haw gʼeh ngeh, zaw luꞈ-eu sahˬ boꞈ paˇ yoˆ tiˬ yoˆ mawˇ-euˬ ma.

Zaˬkaˬliˇ 5:3

Kʼoeˇ naˇ, aˬ yawꞈ heu loꞈ-ehˇ ehˇ-eu meh. “Miˇ tsaˬ tahˬ kʼawˇ doe ni yaˬ kʼehˇ yaˬ taˬ-euˬ dawˬ deuˬ, sahˬ boꞈ paˇ yoˆ kʼoeˇ yoˆ laꞈ kʼoeˇ boꞈ ahˇ taˬ-euˬ meh. Smˇ kʼoeˬ yawˬ gʼaˬ na luꞈ paˬ tseuˆ tseuˆ dzeh gaˇ ya daˬ-eu gaˇ kawˆ tiˬ paw paˆ boꞈ taˬ-awˇ, jaˬ myawꞈ myawꞈ-awˇ kamˬ-eu tsawˇ haˬ yawˬ gʼaˬ na luꞈ kʼawꞈ, paˬ tseuˆ tseuˆ dzeh gaˇ ya daˬ-eu gaˇ kawˆ tiˬ paw paˆ boꞈ taˬ-euˬ meh.

HeˬByehˇ 10:7

Kʼoeˇ naˇ, ngaˇ heu dawˬ ngehˬ-euˬ ma. ‘Zahˇ dawˬ kʼoꞈ dawˬ sahˬ boꞈ laꞈ kʼoeˇ, ngaˬ-euˬ gaˇ kawˆ ehˇ-euˬ loꞈ-ehˇ, nawˬ-euˬ nui kʼahˇ mˇ byah-eu lehˇ, Miˬyehˇ-oˇ ngaˇ oe taˬ-euˬ ma.”’