Yeˬsaˬgeˬlaˇ 2:7 - Akha

⁷ Aˬ yawꞈ maꞈ naˇ haˬ-eu maˬ kaˬ, maˬ naˇ haˬ-eu maˬ kaˬ, ngaˬ neh bi ngehˬ-euˬ dawˬ nawˇ ya ngehˬ meh. Aˬ yawꞈ maꞈ ngaˬ-ahˇ puiˬ-eu tsawˇ haˬ pyeuꞈ luꞈ gaˇ taˬ ngehˇ.

Yeˬsaˬgeˬlaˇ 2:7 ပူးပေါင်းရင်းမြစ်များ

Doˆ-iˇ 6:29

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Ngaˇ-aˬ, Sahˬpaˬ Miˬyehˇ pyeuꞈ-eu ma. Ngaˬ neh nawˬ-ahˇ kʼaˇ ehˇ nehˬ-euˬ jeˬ dawˬ tawˆ luꞈ, Iˇjiˇtuˆ sahˬ paˬ-ahˇ ehˇ nehˬ iˇ-awˬ.”

Yeˬlaˬmiˇ 1:17

Yeˬlaˬmiˇ-oˇ, lehˬ hmˬ-awˬ. Ngaˬ neh kʼaˇ bi ehˇ-euˬ yawˬ jeˬ na luꞈ, aˬ yawꞈ maꞈ-ahˇ ehˇ nehˬ-iˇ-awˬ. Aˬ yawꞈ maꞈ-ahˇ taˬ guˆ. Aˬ yawꞈ maꞈ-ahˇ nawˇ guˆ naˇ, aˬ yawꞈ maꞈ-euˬ mehˬ shi kʼoeˇ naˆ maˬ tseˇ nawˬ-ahˇ ngaˇ paˇ laˆ guˆ nehˬ ma.

Yeˬlaˬmiˇ 1:7

Ehˇ kʼawꞈ, Sahˬpaˬ Miˬyehˇ ngaˬ-ahˇ ehˇ-eu, “Aˇ kʼoꞈ maˬ zeh nya siˬ lehˇ maˬ ehˇ ni, ngaˬ neh bi iˇ-euˬ tsawˇ haˬ deuˬ jawˇ gaˇ iˇ-awˇ, ngaˬ neh bi ngehˬ bi tmˇ-euˬ jeˬ, aˬ yawꞈ maꞈ-ahˇ ehˇ nehˬ-iˇ-awˬ.

Yeˬlaˬmiˇ 17:20

Sahˬ paˬ deuˬ-ahˇ maˬ ehˇ, Yuˇdaˆ miˇ kʼahˬ zaˬ dawˬ tawˆ luꞈ-ahˇ maˬ ehˇ, Yeˬluˇsaˬlehˬ meuˬ-ahˇ kʼaˇ jawˇ-eu tsawˇ haˬ deuˬ-ahˇ maˬ ehˇ, lahˇ kʼehˬ kʼoeˇ deuˬ-ahˇ kʼaˇ uˇ laˇ-eu tsawˇ haˬ deuˬ-ahˇ maˬ ehˇ, ngaˬ neh ehˇ-euˬ dawˬ-ahˇ naˇ haˬ-awˬ lehˇ ehˇ nehˬ-awˬ.

Yeˬlaˬmiˇ 23:28

Yuꞈ maˆ maˆ-awˇ Miˬyehˇ gʼaˇ duˬ ngehˬ dah-eu deuˬ-aˬ, yuꞈ maˆ gaˇ kawˆ ja luꞈ-uˇ. Ehˇ kʼawꞈ, ngaˬ-euˬ dawˬ za taˬ-eu Miˬyehˇ gʼaˇ duˬ ngehˬ dah-eu deuˬ-aˬ, saˇ jaˇ ziꞈ-eu laꞈ kʼoeˇ ngaˬ-euˬ gʼaˇ duˬ ngehˬ dah luꞈ-uˇ. Gʼo yoeˬ-aˬ, cehˇ cehˇ nmˇ-ahˇ ciˬ cehˆ haw naˇ, aˬ jeˬ gaˇ dahˇ paˇ tsoeˬ nmˇ.

Yeˬlaˬmiˇ 26:2

Sahˬpaˬ Miˬyehˇ ngaˬ-ahˇ ehˇ-eu, “Uˬ duˬ tahˬ nymˇ nymˇ ma-euˬ pu ka yawꞈ-awˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ neh laˇ-awˇ, kʼoeˇ gaˇ uˬ duˬ kʼaˇ tahˬ laˇ-euˬ tsawˇ haˬ dawˬ tawˆ luꞈ-ahˇ, ngaˬ neh nawˬ-ahˇ biꞈ taˬ-euˬ dawˬ deuˬ tiˬ dawˬ-iˬ maˬ dzeˇ ni dzawˇ mehˬ nehˬ-awˬ.

Yeˬlaˬmiˇ 34:6

Dawˬ heu deuˬ, Yeˬluˇsaˬlehˬ meuˬ-ahˇ Zeˬdaˬkiˇ jawˇ gaˇ ngaˇ dzawˇ nehˬ leˇ-euˬ ma.

Yeˬlaˬmiˇ 36:14

Kʼoeˇ naˇ, yaw huiˬ yaw mahˇ kʼoeˇ deuˬ Yeˬhuˇdi-ahˇ Baˬluˆ jawˇ gaˇ pyehˬ gʼeh-awˇ, aˬ yawꞈ gui mehˬ luꞈ-eu sahˬ boꞈ paˇ yoˆ kʼoeˇ yuˇ laꞈ-awˬ lehˇ bi ehˇ gaˬ-iˇ-euˬ meh. (Yeˬhuˇdi-euˬ aˬ da-aˬ, Neˬdaˬniˇ meh. Neˬdaˬniˇ-euˬ aˬ da-aˬ, Sheˬleˬmiˇ meh. Sheˬleˬmiˇ-euˬ aˬ da-aˬ, Kuˇshi meh.) Kʼoeˇ naˇ, Baˬluˆ sahˬ boꞈ paˇ yoˆ kʼoeˇ yuˇ-awˇ, aˬ yawꞈ maꞈ jawˇ gaˇ laˇ-euˬ meh.

Yeˬlaˬmiˇ 42:21

Ehˇ kʼawꞈ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ kʼehˇ-awˇ, naw maꞈ-ahˇ bi ehˇ gaˬ le-euˬ yawˬ jeˬ na luꞈ-ahˇ nymˬ-mˇ naw maꞈ maˬ naˇ haˬ geuꞈ-a.

Yeˬlaˬmiˇ 44:20

Kʼoeˇ naˇ, ngaˬ-ahˇ kʼoeˇ loꞈ-ehˇ ehˇ laˇ-eu kʼaˬ dzeˇ zaˬ hawˇ-eu zaˬ miˬ zaˬ kʼoeˇ deuˬ dawˬ tawˆ luꞈ-ahˇ, ngaˇ heu loꞈ-ehˇ ehˇ nehˬ-eu ma.

Yeˬlaˬmiˇ 6:28

Guiˬ shuiˇ hawˇ-eu shmˇ byaˆ gʼahˇ-eu loꞈ-ehˇ, aˬ yawꞈ maꞈ nui ma gʼahˇ-awˇ ngaˬ-ahˇ puiˬ-euˬ meh. Aˬ yawꞈ maꞈ yaw lehˬ mˇ doe- awˇ maˬ muiˬ-eu jeˬ ja byah-eu meh.

Yeˬlaˬmiˇ 7:27

“Kʼoeˇ miˇ neh Yeˬlaˬmiˇ-oˇ, dawˬ heu deuˬ dawˬ tawˆ luꞈ ngaˬ-euˬ tsawˇ haˬ deuˬ-ahˇ nawˇ ehˇ nehˬ kʼawꞈ, nawˬ-euˬ ehˇ dawˬ-ahˇ aˬ yawꞈ maꞈ maˬ naˇ haˬ-aˇ. Aˬ yawꞈ maꞈ-ahˇ nawˇ kuˇ kʼawꞈ, nawˬ-ahˇ oˬ maˬ toˬ nehˬ laꞈ-aˇ.

Yeˬsaˬgeˬlaˇ 11:25

Sahˬpaˬ Miˬyehˇ neh ngaˬ-ahˇ kʼaˇ mehˬ nehˬ laꞈ-euˬ jeˬ, Baˬbuˇloˬ miˇ kʼahˬ-ahˇ bi nyehꞈ ka gʼeh-awˇ jawˇ luꞈ-eu deuˬ-ahˇ ngaˇ dzawˇ nehˬ-euˬ ma.

Yeˬsaˬgeˬlaˇ 12:2

“Tsawˇ haˬ zaˬ-oˇ, nawˇ-aˬ ngaˬ-ahˇ puiˬ-eu tsawˇ haˬ deuˬ nehˬ-ehˇ jawˇ luꞈ-eu meh. Aˬ yawꞈ maꞈ myaˆ nuiˆ tsoꞈ kʼawꞈ maˬ mawˇ nya-ehˇ, naˬ bawˇ tsoꞈ kʼawꞈ maˬ gaˬ nya-a. Aˬ jeˬ miˇ neh ehˇ naˇ, aˬ yawꞈ maꞈ ngaˬ-ahˇ puiˬ-euˬ meh.

Yeˬsaˬgeˬlaˇ 2:5

Ngaˬ-ahˇ puiˬ luꞈ-eu tsawˇ haˬ kʼoeˇ deuˬ nawˬ-euˬ dawˬ-ahˇ naˇ haˬ-eu maˬ kaˬ, maˬ naˇ haˬ-euˬ maˬ kaˬ, Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ maꞈ jawˇ gaˇ oe-euˬ nga lehˇ, aˬ yawꞈ maꞈ siˬ nya tehꞈ-a.

Yeˬsaˬgeˬlaˇ 20:27

“Tsawˇ haˬ zaˬ-oˇ, nymˬ-mˇ poˆ jawˇ-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Aˬ yawꞈ maꞈ-euˬ aˬ da deuˬ ngaˬ-ahˇ saˇ jaˇ puiˬ-euˬ laꞈ kʼoeˇ, yehˬ bawˬ sehˇ lu-ehˇ gʼeh nehˬ laꞈ-euˬ heu loꞈ-ehˇ jaˆ-a siˬ.

Yeˬsaˬgeˬlaˇ 3:10

Miˬyehˇ heu loꞈ-ehˇ paˇ ehˇ-eu meh. “Tsawˇ haˬ zaˬ-oˇ, ngaˬ neh kʼaˇ ehˇ-euˬ jeˬ-ahˇ yaw muiˬ paˬ-ehˇ naˇ haˬ duˬ-awˇ juiˇ uiˬ taˬ-awˬ.

Yeˬsaˬgeˬlaˇ 3:17

“Tsawˇ haˬ zaˬ-oˇ, ngaˇ nawˬ-ahˇ Iˇsaˬleˬlaˆ tsawˇ jeuˬ-ahˇ haw-eu gʼaˬ bi geuꞈ ma. Aˬ yawꞈ maꞈ nui ma paˇ laˇ ni ngaˬ neh mehˬ-euˬ dawˬ deuˬ aˬ yawꞈ maꞈ-ahˇ nawˇ ya biꞈ meh.

Yeˬsaˬgeˬlaˇ 3:4

Kʼoeˇ naˇ, Miˬyehˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ jawˇ gaˇ iˇ-awˇ, ngaˬ neh kʼaˇ bi ehˇ-euˬ jeˬ ehˇ nehˬ-iˇ-awˬ. Dawˬ maˬ gʼoˆ shaw laˇ-eu tsawˇ jeuˬ jawˇ gaˇ nawˬ-ahˇ ngaˇ pyehˬ gʼeh-eu maˬ ngeuˇ. Iˇsaˬleˬlaˆ tsawˇ haˬ deuˬ jawˇ gaˇ pyehˬ gʼeh-eu ma.

Yeˬsaˬgeˬlaˇ 33:7

“Tsawˇ haˬ zaˬ-oˇ, nymˬ-mˇ ngaˇ nawˬ-ahˇ Iˇsaˬleˬlaˆ miˇ kʼahˬ-ahˇ loꞈ piˇ-eu gʼaˬ bi geuꞈ-eu ma. Ngaˬ-euˬ kʼaˬ meh-ahˇ kʼaˇ doˆ le-euˬ dawˬ deuˬ, aˬ yawꞈ maꞈ-ahˇ nawˇ ya dzawˇ gaˬ nehˬ meh.

Yeˬsaˬgeˬlaˇ 40:4

Aˬ yawꞈ ngaˬ-ahˇ ehˇ-eu, “Tsawˇ haˬ zaˬ-oˇ, haw taˬ-awˬ. Naˬ bawˇ yaw muiˬ paˬ-ehˇ ciˬ kʼmˇ-awˇ, ngaˇ nawˬ-ahˇ kʼaˇ mehˬ nehˬ laꞈ-eu jeˬ-ahˇ yaw muiˬ paˬ-ehˇ haw duˬ taˬ-awˬ. Aˬ jeˬ miˇ neh ehˇ naˇ, heu loꞈ-ehˇ bi haw taˬ-eu gʼaˇ duˬ nawˬ-ahˇ heu gaˇ sheuˬ laꞈ-euˬ meh. Nawˬ neh kʼaˇ ya mawˇ-euˬ yawˬ jeˬ na luꞈ Iˇsaˬleˬlaˆ tsawˇ haˬ deuˬ-ahˇ nawˇ ya dzawˇ nehˬ-iˇ meh.”

Aˬmoˆ 3:13

Baoˬ huiˬ dui dui-eu Sahˬpaˬ Miˬyehˇ ehˇ-eu, “Dawˬ heu deuˬ-ahˇ naˇ haˬ-awˇ, Yaˬkoˆ-euˬ zaˬ deuˬ uˆ deuˬ-ahˇ tsaꞈ nehˬ-iˇ-awˬ.

Yawˇnaˆ 3:2

“Huiˬ dui dui-eu Niˇnaˬbeˬ meuˬ kʼoeˇ meuˬ-ahˇ iˇ-awˇ, ngaˬ neh nawˬ-ahˇ bi ehˇ-euˬ dawˬ deuˬ tsawˇ haˬ kʼoeˇ deuˬ-ahˇ ehˇ nehˬ-iˇ-awˬ.”

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”