Yeˬsaˬgeˬlaˇ 2:1 - Akha

¹ Aˬ yawꞈ ngaˬ-ahˇ, “Tsawˇ haˬ zaˬ-oˇ, tuˇ-awˬ, Ngaˇ nawˬ-ahˇ dawˬ ngehˬ cawˬ mawꞈ nya” lehˇ ehˇ-eu meh.

Yeˬsaˬgeˬlaˇ 2:1 ပူးပေါင်းရင်းမြစ်များ

Jaceuq 8:4

tsawˇhaˬzaˬ-ahˇnawˇnoeˬpaˬ-ehˇ, tsawˇhaˬzaˬ aˬjeˬ-a. Teˬ-eu tsawˇhaˬloˆni gʼeh gaˇ, nawˇkʼahˇkʼoꞈnehˬ-eu meh.

Yeˬsaˬgeˬlaˇ 1:28

Yaw shehꞈ kʼoeˇ laꞈ kʼoeˇ, aˇ deˇ leˇ kʼah loꞈ-ehˇ gʼeh-eu yaw shehꞈ gʼawˬ mya jeˬ ahˇ-eu meh. Kʼoeˇ-aˬ, Sahˬpaˬ Miˬyehˇ jawˇ-eu gaˇ kawˆ bi siˬ-eu naˇ guiˇ guiˇ laˇ-eu yaw shehꞈ pyeuꞈ-eu meh. Kʼoeˇ gaˇ ya mawˇ ngeh, ngaˇ moꞈ tsahˬ-ehˇ ga-iˇ-awˇ, dawˬ ngehˬ-eu teˇ saˇ ya gaˬ-euˬ ma.

Yeˬsaˬgeˬlaˇ 12:3

“Tsawˇ haˬ zaˬ-oˇ, aˬ cawˬ miˇ kʼahˬ-ahˇ cehˆ-euˬ tsawˇ haˬ loꞈ-ehˇ, myawˬ kuˬ shaˇ dawˆ-awˇ, uˬ ciꞈ maˬ zahˇ le mi naˆ-ehˇ doˆ-iˇ-awˬ. Nawˇ pawˇ-iˇ-eu yawˬ gʼaˬ na luꞈ-ahˇ bi mawˇ-awˬ. Ngaˬ-ahˇ puiˬ-eu tsawˇ haˬ kʼoeˇ deuˬ mawˇ luꞈ-uˇ.

Yeˬsaˬgeˬlaˇ 13:2

“Tsawˇ haˬ zaˬ-oˇ, yawˬ ha neh kʼaˇ noeˬ doˆ-euˬ jeˬ Iˇsaˬleˬlaˆ tsawˇ haˬ deuˬ-ahˇ ngehˬ dah nehˬ-eu Miˬyehˇ gʼaˇ duˬ ngehˬ dah-eu kʼoeˇ deuˬ-ahˇ, nawˇ tiˬ poˆ paˇ ngehˬ dah nehˬ-awˬ. Sahˬpaˬ Miˬyehˇ ehˇ gaˇ naˇ haˬ-awˬ lehˇ, aˬ yawꞈ maꞈ-ahˇ ehˇ nehˬ-awˬ”

Yeˬsaˬgeˬlaˇ 14:13

“Tsawˇ haˬ zaˬ-oˇ, miˇ kʼahˬ tiˬ kʼahˬ iˬ baˇ mˇ-awˇ ngaˬ-ahˇ saˇ jaˇ maˬ ziꞈ naˇ, ngaˬ-euˬ aˬ laꞈ cawˬ ja-awˇ, aˬ yawꞈ maꞈ dzaˬ dzaˬ dawˇ dawˇ sha ahˇ-eu gaˇ ma ngaˇ laˆ tsoeˬ nehˬ ma. Mehꞈ-eu shuꞈ-eu jeˬ bi keuˆ le-awˇ, tsawˇ haˬ maˬ ehˇ, jeˬ zaˬ maˬ ehˇ, bi shiˇ ma.

Yeˬsaˬgeˬlaˇ 14:3

“Tsawˇ haˬ zaˬ-oˇ, tsawˇ haˬ heu deuˬ tahˬ pahˬ aˬ ma mawˇ kawˇ deuˬ-ahˇ nui ma gʼawˇ mawˇ a nehˬ taˬ-awˇ, tahˬ pahˬ aˬ ma mawˇ kawˇ neh iˬ baˇ gaˇ ma-ahˇ bi sheuˬ gʼeh-euˬ meh. Aˬ yawꞈ maꞈ-ahˇ ngaˇ dawˬ ngehˬ cawˬ nahˇ tehꞈ-a lehˇ aˬ yawꞈ maꞈ noeˬ-eu ngaˇ.

Yeˬsaˬgeˬlaˇ 15:2

“Tsawˇ haˬ zaˬ-oˇ, aˬ gaꞈ baw duˆ tiˬ duˆ, aˇ bawˇ tiˬ bawˇ-ahˇ aˬ joˆ-ehˇ shaˇ cehˆ nya nmˇ. Aˬ gaꞈ ciˇ ni ni zaˬ tiˬ ni-aˬ, aˇ bawˇ sahˬ kʼaˆ-ahˇ dehꞈ-eu aˇ bawˇ tiˬ bawˇ-ahˇ ciˬ cehˆ haw naˇ, aˬ jeˬ gaˇ dahˇ tsoeˬ nmˇ.

Yeˬsaˬgeˬlaˇ 16:2

“Tsawˇ haˬ zaˬ-oˇ, Yeˬluˇsaˬlehˬ meuˬ-ahˇ aˬ yawꞈ neh mˇ-euˬ jawꞈ dui dui-eu iˬ baˇ deuˬ toeˬ mehˬ nehˬ-awˬ.

Yeˬsaˬgeˬlaˇ 17:2

“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-ahˇ yaw jeˬ ma jeˬ gaˇ kawˆ tiˬ hmˬ ja mehˬ nehˬ-awˬ.

Yeˬsaˬgeˬlaˇ 2:3

“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ jawˇ gaˇ nawˬ-ahˇ ngaˇ pyehˬ gʼeh-eu lehˇ gʼeh-eu ma. Aˬ yawꞈ maꞈ ngaˬ-ahˇ puiˬ-awˇ byehˇ dzeh yaꞈ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ loꞈ-ehˇ iˬ nah keuˆ ni puiˬ luꞈ-eu meh.

Yeˬsaˬgeˬlaˇ 2:6

“Ehˇ kʼawꞈ, tsawˇ haˬ zaˬ-oˇ, aˬ yawꞈ maꞈ-ahˇ maˬ ehˇ, aˬ yawꞈ maꞈ-euˬ dawˬ-ahˇ maˬ ehˇ, nawˇ maˬ ya guˆ-a. Aˬ yawꞈ maꞈ nawˬ-ahˇ yaˬ kʼehˇ yaˬ yaˬ-ehˇ ja bu ja doeˇ tehꞈ-a. Nawˇ-aˬ, boeˬ kaˬ laˬ ma yaw kaˬ-ahˇ yaw dehꞈ ya dehꞈ gaˇ duˇ tehꞈ-a. Ehˇ kʼawꞈ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ maˬ kaˬ, aˬ yawꞈ maꞈ-euˬ dawˬ-ahˇ maˬ kaˬ, nawˇ taˬ guˆ.

Yeˬsaˬgeˬlaˇ 2:8

“Tsawˇ haˬ zaˬ-oˇ, ngaˇ ehˇ gaˇ naˇ haˬ sheˇ. Aˬ yawꞈ maꞈ loꞈ-ehˇ ngaˬ-ahˇ taˬ puiˬ. Nawˬ-euˬ kʼaˬ meh mˇ nga-awˇ, ngaˬ neh kʼaˇ bi dzaˬ-euˬ jeˬ dzaˬ-awˬ.”

Yeˬsaˬgeˬlaˇ 20:3

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, tsawˇ haˬ teu deuˬ-ahˇ ehˇ nehˬ-awˬ. Naw maꞈ ngaˇ nui ma tsaˬ-eu jeˬ gaˇ kawˆ naˇ haˬ laˇ-eu maˬ ngeuˇ loˇ. Ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, naw maꞈ ngaˬ-ahˇ tiˬ jeˬ-iˬ maˬ bi naˇ haˬ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬsaˬgeˬlaˇ 3:1

Miˬyehˇ ehˇ-eu, “Tsawˇ haˬ zaˬ-oˇ, sahˬ boꞈ paˇ yoˆ heu yoˆ dzaˬ-awˬ. Kʼoeˇ naˇ, Iˇsaˬleˬlaˆ tsawˇ haˬ deuˬ jawˇ gaˇ dawˬ ngehˬ ngehˬ-iˇ-awˬ.”

Yeˬsaˬgeˬlaˇ 3:10

Miˬyehˇ heu loꞈ-ehˇ paˇ ehˇ-eu meh. “Tsawˇ haˬ zaˬ-oˇ, ngaˬ neh kʼaˇ ehˇ-euˬ jeˬ-ahˇ yaw muiˬ paˬ-ehˇ naˇ haˬ duˬ-awˇ juiˇ uiˬ taˬ-awˬ.

Yeˬsaˬgeˬlaˇ 3:17

“Tsawˇ haˬ zaˬ-oˇ, ngaˇ nawˬ-ahˇ Iˇsaˬleˬlaˆ tsawˇ jeuˬ-ahˇ haw-eu gʼaˬ bi geuꞈ ma. Aˬ yawꞈ maꞈ nui ma paˇ laˇ ni ngaˬ neh mehˬ-euˬ dawˬ deuˬ aˬ yawꞈ maꞈ-ahˇ nawˇ ya biꞈ meh.

Yeˬsaˬgeˬlaˇ 3:4

Kʼoeˇ naˇ, Miˬyehˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ jawˇ gaˇ iˇ-awˇ, ngaˬ neh kʼaˇ bi ehˇ-euˬ jeˬ ehˇ nehˬ-iˇ-awˬ. Dawˬ maˬ gʼoˆ shaw laˇ-eu tsawˇ jeuˬ jawˇ gaˇ nawˬ-ahˇ ngaˇ pyehˬ gʼeh-eu maˬ ngeuˇ. Iˇsaˬleˬlaˆ tsawˇ haˬ deuˬ jawˇ gaˇ pyehˬ gʼeh-eu ma.

Yeˬsaˬgeˬlaˇ 37:3

“Tsawˇ haˬ zaˬ-oˇ, shaˬ yoeˬ heu deuˬ paˇ dehꞈ poˆ laˇ nya tehꞈ-a loˇ” lehˇ, aˬ yawꞈ ngaˬ-ahˇ naˇ haˬ ngeh, “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, gaˇ kawˆ heu nawˇ maˬ ngeuˇ naˇ aˬ suˇ gʼaˬ siˬ nya nmˇ” lehˇ, ngaˇ ehˇ kʼoꞈ nehˬ-euˬ ma.

Yeˬsaˬgeˬlaˇ 4:1

Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, nawˬ-euˬ mehˬ shi tsaˬ byaˆ tiˬ siˬ gʼoˆ taˬ-awˇ, Yeˬluˇsaˬlehˬ meuˬ-euˬ aˇ baˇ kawˆ boꞈ-awˬ.

Yeˬsaˬgeˬlaˇ 40:4

Aˬ yawꞈ ngaˬ-ahˇ ehˇ-eu, “Tsawˇ haˬ zaˬ-oˇ, haw taˬ-awˬ. Naˬ bawˇ yaw muiˬ paˬ-ehˇ ciˬ kʼmˇ-awˇ, ngaˇ nawˬ-ahˇ kʼaˇ mehˬ nehˬ laꞈ-eu jeˬ-ahˇ yaw muiˬ paˬ-ehˇ haw duˬ taˬ-awˬ. Aˬ jeˬ miˇ neh ehˇ naˇ, heu loꞈ-ehˇ bi haw taˬ-eu gʼaˇ duˬ nawˬ-ahˇ heu gaˇ sheuˬ laꞈ-euˬ meh. Nawˬ neh kʼaˇ ya mawˇ-euˬ yawˬ jeˬ na luꞈ Iˇsaˬleˬlaˆ tsawˇ haˬ deuˬ-ahˇ nawˇ ya dzawˇ nehˬ-iˇ meh.”

Yeˬsaˬgeˬlaˇ 43:18

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, ngaˇ ehˇ gaˇ naˇ haˬ-awˬ. Lawˇ duˬ tsoˆ gʼaˬ ngeh, miˬ dzaˬ dzah puiˆ-awˇ lawˇ-eu jeˬ kʼoeˇ-euˬ kʼoeˇ taˆ lawˇ-awˇ, lawˇ-eu jeˬ zaˬ-euˬ shiˬ kʼoeˇ gaˇ byaˆ shehˬ-eu laꞈ kʼoeˇ, lawˇ duˬ kʼoeˇ ngaˬ-ahˇ a nehˬ-eu zahˇ nawˇ ya jahˇ meh.

Yeˬsaˬgeˬlaˇ 5:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, mi cehˇ yaw taˆ tiˬ kahˇ yuˇ-awˇ, nawˬ-euˬ mehˬ mahˬ hawˇ-eu nawˬ-euˬ uˬ duˬ tsehˇ kahˇ jehˆ dzeh-awˬ.

Yeˬsaˬgeˬlaˇ 7:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, Iˇsaˬleˬlaˆ miˇ kʼahˬ-ahˇ heu loꞈ-ehˇ ehˇ nehˬ-eu lehˇ gʼeh-eu ma. Heu-aˬ, miˇ kʼahˬ heu kʼahˬ kʼahˬ lah ni gʼaˇ duˬ aˇ saˬ saˬ-eu aˇ nah aˇ yamˬ meh.

Daˬyeˬlaˇ 10:11

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ, “Daˬyeˬlaˇ-oˇ, Miˬyehˇ nawˬ-ahˇ gaˬ-eu meh. Tuˇ-awˇ, ngaˇ ehˇ gaˇ yaw muiˬ paˬ-ehˇ naˇ haˬ sheˇ. Nymˬ-mˇ ngaˇ nawˇ jawˇ gaˇ oe-eu lehˇ oe-euˬ ma” lehˇ ehˇ laˇ ngeh, ngaˇ yaw dzuˬ dzuˬ dzuˬ-ehˇ gawˬ yawꞈ yawꞈ-euˬ ma.

Daˬyeˬlaˇ 10:19

“Miˬyehˇ nawˬ-ahˇ gaˬ-eu meh. Kʼoeˇ miˇ neh, nawˇ tiˬ jeˬ-ahˇ-iˬ noeˬ shaˬ-awˇ taˬ guˆ” lehˇ aˬ yawꞈ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ ngeh, ngaˇ gʼaˬ paˇ ahˇ dzehˬ laˇ-awˇ, heu loꞈ-ehˇ ehˇ-euˬ ma. “Yaw huiˬ yaw mahˇ gʼaˬ-oˇ, nawˇ ngaˬ-ahˇ dzawˇ nehˬ paˬ-ehˇ gʼeh-eu jeˬ dzawˇ nehˬ laꞈ-awˬ. Nawˬ neh ngaˬ-ahˇ gʼaˬ bi ahˇ dzehˬ laˇ-euˬ miˇ-a.”

Daˬyeˬlaˇ 8:17

Gaˬbeˬlaˇ oe-awˇ ngaˬ-euˬ dawˬ peh yawꞈ le ngeh, ngaˇ guˆ dui dui-iˇ-awˇ, miˇ tsa coˬ dzeh-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ zaˬ-oˇ, nawˬ neh yaw sahˇ laꞈ kʼoeˇ ya siˬ ya mawˇ-euˬ dawˬ tsuiꞈ siˬ nya-awˬ. Kʼoeˇ-aˬ, miˇ tsaˬ heu aˇ saˬ saˬ-eu gaˇ kawˆ-ahˇ taꞈ leˇ-eu meh.”

Maꞈtehˬ 17:7

Yeˬsuˇ aˬ yawꞈ maꞈ-ahˇ toeˬ ciˆ le-awˇ, “Tuˇ-awˬ. Taˬ guˆ” lehˇ ehˇ nehˬ-euˬ meh.

Yoˇhaˬ 3:13

Mˬ kʼoeˇ taˆ neh zaꞈ ka le-euˬ gʼaˬ pyeuꞈ-eu Tsawˇ haˬ-euˬ Zaˬmaˇ maˬ ngeuˇ naˇ, tsawˇ haˬ tiˬ gʼaˬ-iˬ mˬ kʼoeˇ taˆ maˬ le keuˆ haw-aˬ.”

Yoˇhaˬ 3:16

Miˬyehˇ miˇ tsaˬ zaˬ-ahˇ gaˬ dui dui-eu miˇ neh, aˬ yawꞈ-euˬ Zaˬmaˇ tiˬ gʼaˬ tehꞈ kʼawꞈ biꞈ nehˬ leꞈ-euˬ meh. Zaˬmaˇ-ahˇ kʼaˇ jah-eu tsawˇ haˬ maˬ ya cawˆ-iˇ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za-eu meh.

Gʼaˬkʼehˇ 26:16

Tuˇ-awˇ gawˬ yawꞈ yawꞈ-awˬ. Nawˬ-ahˇ ngaˬ-euˬ gaˇ bi mˇ-eu lehˇ, nawˬ-euˬ mehˬ shi ngaˇ doˆ le-euˬ ma. Iˬ nah ngaˬ-ahˇ nawˇ ya mawˇ-euˬ gaˇ kawˆ heu hawˇ-eu, mehˬ hu paw ngaˬ neh nawˬ-ahˇ bi mawˇ-euˬ gaˇ kawˆ deuˬ, aˬ cawˬ-ahˇ nawˇ ya dzawˇ mehˬ nehˬ meh.

Gʼaˬkʼehˇ 9:6

Teˇ saˇ kʼoeˇ saˇ aˬ yawꞈ-ahˇ ehˇ-eu, “Ngaˇ-aˬ, nawˇ kʼehˬ luꞈ-eu Yeˬsuˇ ma. Tuˇ-awˇ meuˬ-ahˇ le uˇ-awˬ. Nawˇ aˬ joˆ-ehˇ ya jahˇ-eu gaˇ kawˆ kʼoeˇ gaˇ ehˇ nehˬ laꞈ tehꞈ-a.”